小豬蚊的个人专页

今日母親大人好想食鐵板燒，本身book左食另外一間，話消火檢查，所以臨時黎左食呢間。其實環境係真係好靚既，侍應的服務都非常殷勤，但有欠專業水準，好似第一日返工，乜都唔識，雖然會不停加水，但會收走師傅岩岩拿出來用來準備印牛肉既麵包🤣🤣🤣我又聽到後面個manager 話佢d醬汁擺錯左位置😉😉😉到了甜品時間，待應詢問需要雪糕定咖啡嘅時候，我問雪糕有什麼味道，他說只有紅豆。選定了雪糕後，遲遲未到，我詢問另外一位侍應，他反問我要什麼味道的雪糕🤷🏼‍♀️🤷🏼‍♀️🤷🏼‍♀️真奇怪，唔係只有一種味道？最後.....送來的竟然是柚子雪芭😅收錢方面，也出現問題。我離開了餐廳半小時，才打電話來說唔收某信用卡，但明明剛剛已經簽哂卡俾哂單我，仲叫我重新俾錢😨😰😥真係未試過.....好彩最後佢哋自己攪得掂，話唔洗我再去俾錢👎🏻食物方面，只是一般，絶對不會再光顧。選擇了A5和牛薄燒$1780(2位)，和牛得兩塊，並沒有入口即溶的感覺，入面的蒜片是淋的，也不香脆，基本上同美國牛無乜分別。呢個價錢其實只有鮑魚一隻，龍蝦半隻，和牛一塊，完全唔明白點解大家話好抵食。而大家話既secret 甜品，燒沙糖麵包，我果舊不幸地一d都唔脆，是硬的。加一後，$2000(2位)午餐，絶對沒有下次。只怪打手太多，大家自行判斷。…查看更多

意外地搜尋在火炭區嘅韓國餐廳，搵到呢間要早一落單付款/在網上團購的店此店強調無味精，自家製，小本經營，當然想要支持一下既。其實餐單入面既食物選擇其實不多，但我相信貴精不貴多，比較吸引既一定係Gimbap!!!!咁今次我就試左傳統韓國壽司同韓式辣炒魷魚壽司，小食:炒魷魚，辣炒黑豚肉飯。落單非常方便，whatapp溝通亦都非常流暢同順利。外賣自取有9折，壽司係無令人失望既，好味既。炒魷魚我都食得好開心，佐酒小食，一流。另外，飯都可以，但沒有太大驚喜。希望keep住好生意，加油💪🏻…查看更多

本身想食佢隔離嗰間餐廳嘅，不過星期六中午時分人真的太多， 12:45左右到達，職員告知所有枱都係剛剛坐低，提議下次可以用排隊攞位app拎定位先。其實呢間個喇沙係唔錯嘅。佢可以揀慘慘或者米線，係值得一試。不過其他嘢就唔算太有驚喜。呢個老鼠粉個味Okay, 但size 好細。另外，我哋仲叫咗個炒蘿蔔糕，呢個就真係唔好再嗌，或者希望佢哋會改善啦。個蘿蔔糕非常非常之硬同實淨， feel到完全冇蘿蔔嘅成份，剩係好似食緊一團粉。…查看更多

今日去食左個下午茶餐!!!!秋風起，飲個無味精湯，即刻暖粒粒返哂。個湯超正，我覺得湯餃好好味。煎餃就正常，overall 都係一間值得一試既餐廳。下次再試其他啦😋餃子…查看更多

諗住搵間打邊爐，求其入左一間，見佢有二人打邊爐餐。$218.....幾平下。係無期望既情況下，就係同預期差唔多既味道。不過不失，但絶對無驚喜，有得揀應該都唔會再食。揀左椰子雞火鍋為湯底，佢咁樣上係幾有誠意既，我以為會好濃郁，但係煲完聞到好似幾香咁啦，但飲落其實都係無乜味既。另外其他料就正常發揮，分量不算太多，但最後都會食飽左既，美國肥牛好一般，不過呢個價錢，就唔應該有太大既expectation。…查看更多

下午去大圍午餐，諗住搵個地方chill下打下卡，咖啡☕️是還可以的，但食物真係非常一般。尤其是我揀咗呢個帶子蟹肉意式薯丸薯丸超級淋，完全沒有口感 ...最嚴重係個醬汁完全冇味....就算我加左d pepper 同salt，成碟野都係無味，完全救唔到佢所以我建議食返正路野，如carbonara ，應該冇咁伏，或者飲杯咖啡就算。整體上，食物質素真的有待改善，雖然環境真的是非常不錯的，但我覺得食物質素完全未合格。…查看更多

終於天氣轉涼了，秋風起，當然要去打下邊爐😙偶然搜尋雞煲，然後真係搵到一間叫雞煲嘅打邊爐大排檔，咁當然要試一試啦。七點到，就開始有人龍排隊喇!!!好彩都有好多枱，等一陣就有位了。雞煲，個雞真係好好味。今次試左小辣，岩岩好至於加水打邊爐，個味就淡左少少，建議都係淨食雞煲，然後再食小菜，可能會好啲。配料方面都幾多選擇，仲可以揀半份係幾好既。可以叫多幾款食物。期待下次可以試吓其他小菜。應該都唔會令人失望。…查看更多

媽媽生日，主動提議食碗屋放題，記得前幾年食過，非常非常好食，不過今次食完已經大不如前。食物除了刺身選擇比較多之外，其他方面的食物真的不太多。而且食物質素也不算高，可能人手不足，每次需要服務員點餐都用了不少時間。父親大人第一輪叫的炒飯，催了三四次，最後一小時後才上台，這個價錢應該有更多更好的選擇，我覺得如果只想吃剌身的人，是還可以，但如果想食其他野，就完全絶對不推薦你哋去光顧，一定會失望而回。自己衡量…查看更多

餐廳非常有氣氛。下層一入嚟就見到一個bar....多數人都係飲下野上層就主要食埋正餐。兩層環境裝修氣氛都幾好，可以一試。今次試左個頭盤buffalo mozzarella 超愛芝士😍😍😍超正然後就有beef tartare...唔錯主菜就有魚整體上，食物都真的很不錯👍🏻平日既晚上時間絶對唔多人，完全可以慢慢享受到生活的態度，希望下次可以試下sunday brunch.聽聞佢哋有freeflow....幾吸引😍…查看更多

成日係中環諗十二點半先可以離開office, 到底可以食d乜而又唔係好洗排隊呢？俾我搵到原來呢間係雲咸街，要支持下既泰國菜館。💪🏻👍🏻💛今次試左佢個午餐，好唔錯wo......個冬陰公係好味既😋細細碗入面仲有兩隻爽既蝦。然後個主菜我揀左炒河同red curry beef咖哩，兩款都好食，無令我失望既，不過份量可能細左小小，大食既男仔可能未必夠。門面都幾chill幾正嫁😗😙希望佢哋keep住有生意，千祈要做落去呀！！！…查看更多

因為只係咁岩經過，又有時間，就入咗去飲杯野。晚上六點先會開樓上既bar, 我見6:05已經有人陸陸續續出現，果然係人氣店。上面既格局係咁樣既，枱唔多，要試真係要早啲去今次只係飲左杯，下面環境也很不錯。希望有機會食下飯。…查看更多

好正既佛跳牆😍😍😍見到都流晒口水....用料超級足，每人有一隻鮑魚成梳翅咁放落口重點係個湯，我自己都飲左三碗😋😋😋😋😋蝦都好好味😋😋😋😋蓮藕餅。正既😋😋😋😋蠔🦪，一定要食啦 😋😋😋😋😋 蛋白蒸魚，蛋白好甜好食但好少，d魚應該蒸得太熟，好鞋，唔好食😋😋八寶鴨同柚皮，我唔食既，唔知好唔好，但大部分友人都覺得一般P.S. 祝所有七月既巨蟹&獅子生日壽星生日快樂🎂𝕋𝕜𝕤 𝕗𝕠𝕣 𝕓𝕠𝕠𝕜𝕚𝕟𝕘...皇仁仔🤪…查看更多

我覺得食嘢除咗要食物質素高之外，都要配合埋環境，氣氛同服務既！今次好好彩，ad hoc 訂星期五晚既飯局，都俾我等到有張海景位既鐵板燒枱。呢次揀咗個set dinner, 都好唔錯，有海膽杯做前菜，主菜有魚，鮑魚，美國牛，樣樣都整幾好，不過因為第二輪入座既關係，我哋就真係需要食得比較趕，無得慢慢飲下酒，傾吓偈，品嘗食物同享受眼前嘅靚景。😩😛希望可以快啲回復正常，可以慢慢食慢慢歎下。咁先係人生嚟㗎嘛，係咪先?!!!…查看更多

沙嗲牛肉麵關注組!!!!果然冇介紹錯。之前舊店倒閉前既人山人海，令到大家都非常注意呢間沙嗲牛肉人氣店。今次突然間經過，雖然都要搵咗一陣間....唔知係咪仲係試業嘅關係，大門口係冇招牌嘅所以都諗咗一陣係咪呢一間特登影張相俾大家睇，見到就入去食啦講返個主菜先，個沙嗲汁係超級濃味嘅我覺得真係好唔錯，如果唔使排隊，真係值得黎試一試㗎。今次我就係平日嘅下午茶時間黎試，所以完全唔多人，希望你哋有機會食到啦👍🏻👍🏻👍🏻…查看更多

疫情期間，養和醫院管理監察都做得完善，而且比較嚴謹，盡量避免閒人進出，所以現在暫時只有員工，病人及家屬才可以在養和食堂進食。因為家人入院既緣故，先有機會入嚟食下嘢既然有呢個機會，雖然胃口不是太好，但都試一試啦，今次我就試左滑雞煲仔飯。價錢一d都唔平，但都唔錯既，個飯好有味，滑雞是嫩的，但是飯焦就真的比較令人失望了。不過值得一讚的就是服務就真的是非常非常好!!!而且望住外面個靚景食飯，心情都會馬上變得更加好…查看更多