kam b的个人专页

今日同個馬來西亞西朋友去食飯，最後佢揀咗呢間好出名甲羅燒既居酒屋，因為佢從未食過，所以呢間餐廳揀岩左！鎮店之寶-甲羅燒 🦀生鵪鶉蛋在蟹殼中與蟹味噌纏綿，隨著炭火慢燒泛起焦香泡泡。入口嚐出味噌發酵的深邃，超好食😋壽司🎶▪️ 左口魚壽司：一入口油脂即刻爆出黎▪️雲丹卷：馬糞海膽多到溢出，紫菜脆度完美鎖住海洋的甜天婦羅 · 黃金羽衣 🌟帶子天婦羅切開瞬間，溏心質地讓人驚艷！蝦天婦羅彎成優美弧線，輕咬「咔嚓」聲中嚐到蝦腦的甘醇。最妙是秋葵天婦羅，橫切面變成星星狀，黏滑汁液被薄脆麵衣封印。串燒 · 炭火煉金術 🔥• 鰻魚：脂肪香在口中化霧• 牛舌：厚切1cm卻嫩如豆腐，中間粉紅質地，一啲都唔啱，燒得岩岩好• 骨付腸：腸衣爆破時肉汁濺射• 秋葵：簡單鹽燒反而最見功力，炭香勾勒出植物原味松葉蟹海膽釜飯 🍚開鍋儀式感滿分！蟹肉如松針層層鋪蓋，三種海膽堆成小山，最銷魂是釜飯底層的焦脆鍋巴——吸飽蟹黃與昆布高湯，形成脆中帶糯的絕妙食感。隨飯附贈的蟹湯竟用蟹殼熬製，鮮度直接提升三個維度！下次會再食😍🌟 回頭指數：★★★★★…查看更多

勁耐無黎食，難得公司training 係附近上堂，lunch行兩條街就到，可能點幾鐘先放lunch既關係，門口唔算多人排隊，前面大約有6-7個人，等左2-3分鐘就入得！入去完未坐低，已經知自己食咩，茶餐多士煎蛋叉燒意粉熱齋啡，十秒後上餐😂超快叉燒意粉，繼續保持水準，唔肥又唔瘦，係我鍾意嘅口感，個湯一啲都唔鹹唔覺得係味精！仍然保持以前嘅水準，超有港式風味其實餐廳d哥哥姐姐其實都幾有禮貌，勁nice, 雖然唔知點解啲人會話佢哋態度差，係咪我好彩？太飽！蛋白燉鮮奶，留返下次再食…查看更多

銅鑼灣都有幾間來自台灣既雞扒店，行緊去維園年宵行過見到好多人等緊，為食既我緊係唔放過！ 原來又一間來自台灣過江龍嘅炸雞店立足香港！今次就試左佢個無骨雞腿扒，等左大約30分鐘就有得食！未拎上手已經聞到香噴噴嘅味道，熱辣辣，仲配咗椒鹽粉同辣椒粉俾你自己加！仲好窩心俾咗手套你，唔會食到成手都係油🥰雞扒外皮脆卜卜，完全係新鮮即炸，一咬入口啲雞汁同雞油同時爆出嚟，但食落又唔會覺得油淋淋，雞扒好 juicy，食完會再想繼續食！因為食完嘢先去，冇機會試其他小食，但呢間一定會再去，見到人哋食甜不辣好似好好食咁大大份都係$24！！下次要再食！除咗雞扒小食，佢仲有炸雞餐！…查看更多

前排同朋友食飯，諗唔到食咩！周圍行吓，然後發現咗呢間做緊優惠，見到有片皮鴨，突然就好想食！而最近做緊優惠係片皮鴨加酸菜魚嘅套餐，所以最後決定食呢間！因為我哋兩個人，所以我哋叫咗雙人套餐，$338就有齊酸菜魚，半隻片皮鴨，仲有個椒鹽鴨架，真係好抵食！份量都算多。半隻片皮鴨片皮鴨好好食，d餅皮都算薄而鴨皮酥脆有少少脂肪，呢度嘅甜醬都幾好食，甜甜地加蔥絲同青瓜絲同少量砂糖，十分好味。仲有隻小鴨髀，一咬落去啲油爆曬出嚟！椒鹽鴨架雖然唔知食緊乜，但係會不停想食！姚姚酸菜魚特登加咗寬薯粉條，一上菜見到個盤好大，心諗點食得晒，份量超多，魚片味道鮮甜，冇腥味，湯底辣度可依自己喜好選擇！下面仲有個小蠟燭保持溫度！性價比高，所以會再去食！…查看更多

老細請食飯，從來未食過順德菜，不過對我黎講有d重口味左，有d菜色偏鹹，但整體黎講都滿意既，有機會會再去食！生拆魚雲羹不會太稠或太稀，岩岩好好，魚雲新鮮亦無腥味，係第一道菜翡翠海皇酥一舊都好大舊，食完都有d飽飽地，幾好食豉油王煎蝦碌D蝦超級大隻同有大大啖蝦膏，脆口得黎十分入味，係可以成隻連殼吃。蝦肉新鮮彈牙，醬汁甜甜地，會不停想食。平時懶得剝蝦，都可以試下脆皮釀鯪魚完全係考師傅功力既一道菜！入面係釀左蝦米嘅鯪魚肉，仲配左個辣椒豉油，不過都幾辣！可以試咗原味，先再點辣椒豉油，完全唔同感覺蓮藕餅本身超級鍾意食蓮藕餅，而呢個超級脆口，一定要趁熱食！入面有臘味，從來未食過呢個味道小炒王見到菜心心眼，本身自己都好鍾意食，入邊咩都有，仲加咗魷魚帶子大蝦炒埋一齊！係高級版嘅小炒王，甜甜地，會令人不停想食！炸子雞雞皮油光發光而且炸到很薄，有部分部位都有厚厚的脂肪。雞肉很嫩滑，不過好鹹，要不停飲水自家製魚腐浸菜心又係一個我鐘意既菜式，菜心超級淋，魚腐超好食！順德月婆炒飯食到最後都飽飽地，炒得夠乾身而且好有鑊氣。蛋白杏仁茶最後甜品有蛋白杏仁茶，不過本身唔食杏仁就冇試到，所以連相都冇影到總括嚟講都算滿意！只係有部份菜式偏鹹，比較重口味！同埋呢度嘅服務超級好！讚…查看更多

係旺角行街，但又想飲檸檬茶，見到有間新開做緊試業優惠指定飲品88折，仲有好可愛既鴨仔送，所以就去左排隊買！諗左好耐飲鴨屎香檸檬茶定招牌手打檸檬茶，最後都係揀咗鴨屎香檸檬茶。初初都唔知咩係鴨屎香，但飲完唔似茶餐廳飲到嘅檸檬茶味，茶味出回甘夠晒香濃，有一種特別嘅味道，香水檸檬。每杯都係新鮮製造，即叫即100%打出黎。消暑一流👍🏻最開心係呢有鴨仔同水泡送，真係好可愛！朋友早我一日買，就有太陽眼鏡鴨！ 職員好友善，係咁忙既情況下都換左隻黃色鴨比我🥹門口餐牌，款式都幾多…查看更多

上次食左旺角分店 今次試埋尖沙咀先岩岩係泰國番黎 太掛念泰國晚味道所以首選一定係呢到不過今次叫外賣番去食仲試埋佢個吐司 配咖喱汁咖喱汁鹹咗少少 不過不失個吐司唔夠脆 但可能外賣關係 建議堂食先叫蝦醬炒通菜個菜兩個人食岩岩好 唔算咸 好有獲氣當然仲有主角無骨海南雞叫左半隻雞 因為唔想食飯成隻雞都好滑 油脂分布平均不過有少少肥🤣半隻雞仲會配埋少少內臟有雞血，雞腎，仲有兩片青瓜建議配埋個汁食 因為全部都無調味架但整體都係好味…查看更多

香港好似越來越少乳酪雪糕食啦竟然比我發現原來仲有得食食完都唔覺得肥 仲感覺健康對於我唔鐘意食太甜既人黎講 佢既甜度岩岩好 仲要一層一層 中間有唔同既配料同口感食完會再想食多杯…查看更多

朋友去完日本番黎無幾耐又想食甲羅燒，為左滿足佢就帶左佢去呢間主打磯燒同日本料理既居酒屋，材料每日新鮮空運到港，仲有專人幫你燒😝蟹味噌甲羅燒 $68x2蟹蓋入面有蟹肉、蟹膏、蟹籽、鵪鶉蛋同蔥花，然後店員會將材料拌勻後就放上爐燒。松葉蟹膏非常濃郁，充滿蟹肉同蟹膏的咸鮮味，真係會想再叫多個黎食鮑魚同帆立貝 $78+$78全部都勁新鮮，上左水都會扭黎扭去食落勁鮮甜，店員燒得岩岩好雲丹蟹肉卷 $228每件壽司入面都有好多蟹肉，一放入口會先食到海膽既鮮味，一d都唔苦，然後就會蟹肉既味到就會慢慢出黎南瀛極上刺身丼 $398刺身超新鮮，有海膽，拖羅，牡丹蝦，油甘魚同三文魚，下面仲有勁多飯，兩個女仔都食唔晒d飯，下次試下叫小飯🤣鰻魚玉子燒 $108蛋超滑，不會太熟，每舊蛋入面都會有鰻魚，切得勁平均，鰻魚超彈，呢個真係每次都會叫南瀛水產尖沙咀金馬倫道5號太興廣場5樓…查看更多

今次叫左黑松露雞蛋仔，外脆內軟，佢整完之後會再用風扇吹30秒，但個人認為黑松露味唔夠，可以再多啲。另外佢仲有格仔餅，燒賣，糖水同唔既野飲賣。今次就只係試左雞蛋仔，食完超飽，記得要趁熱食…查看更多

係西環食完飯，慢慢行過黎呢間來自台灣的甜品鋪，farewell 飯緊係食好d🤣餐牌都幾多選擇，有甜品有野飲作為焙茶人來黎，一見到餐牌有焙茶，真係諗都唔洗諗，就揀佢啦，仲可以配埋綠茶，簡直是中晒我心意。呢到設有每人最低消費$45蚊，入座45分鐘，所以我地4個人叫左3樣野。抹茶焙茶奶蓋雪花盛盤（$98）一開始張d煉奶倒上個冰到，滿滿雪花冰上配上抹茶雪糕，雪糕味道頗濃，但個人覺得偏奶味，但都有微微回甘感覺🤣雪花冰軟綿綿，唔知點解可以做到拉絲效果，真係第一次食到咁特別，食到最底層仲有仙草。圓仔芒果甘露凍（$58）粒粒芒果肉，配上白珍珠、黑糯米，芋圓及仙草凍，超級足料，芋圓口感超彈牙，暫時覺得最好食，另外覺得佢似楊枝甘露，但可能用圓仔芒果關係，又係另一種風味，有少少偏甜芋泥嫩仙草盛盤（$56）整體不太甜，岩晒唔鐘意食好甜既朋友仔，但不算太特別，不過不失😝 芋泥口感軟，不太甜…查看更多

Lunch 突然好想食雞飯，咁岩就諗起附近有得食，不過今次就買外賣，外賣都好大份，對於我呢個女仔黎講係食唔晒，然後雞既份量都好多，所以真係好抵食門口都幾乾淨，入面都幾大…查看更多

今日行過樂道近海防道口，比呢間野吸引左入去，叫香港小熊，店面不大，但個餐牌勁吸引，有蛋糕有野飲仲有曲奇賣，全港得佢一間鋪，無其他分店今次就買左最出名既海苔肉鬆卷，蛋糕非常鬆化，入邊仲有一層醬料，一鹹一甜，十分夾。有一件裝或一盒4件裝可以買，最後買左一盒😝草莓小貝-$20另外仲買左一件裝既草莓小貝，第一次見粉紅色的肉鬆，真係好吸引，但個人覺得入面個醬比較甜，所以我覺得一般咖啡味古早蛋糕雖然平時好少飲咖啡，但唔個點解好鐘意食咖啡既製品，一入到鋪口就已經聞到香噴噴既咖啡味，原來係岩岩出爐，充滿咖啡味，下次伯再買今次就無試飲品啦，下次有機會先試，比大家主下先，重要讚店員好有禮貌🤗…查看更多

同朋友係附近做完瑜伽又唔想食d肥野，行過見到呢間野有人排隊，應該都唔差既，抱住個試食心態，而且自己又鐘意飲湯同食花膠，最後去左排隊。排左5分鐘就入就，排緊隊個陣就開始諗定食咩，都幾多選擇。三個女仔，每人揀左一個。叫左兩個人氣第一既花膠螺片雞煲 $68加$15仲可以有埋飯，菜同個秘製豉油。最後一個跟餐一個唔跟碗湯都幾大，仲要鐵煲上，黎到都係熱既，岩晒我呢d咁養生既人🤣菜同蠔油分開裝，呢個都幾好，同朋友share唔洗怕佢地唔食半隻雞係個湯入面，d雞好滑同好淋，仲好貼心比手套你用手食，花膠同響螺就得一舊，但呢個價錢算咁啦，飲晒成煲湯都已經飽左。另外仲叫左個龍蝦湯泡飯，呢到好似都出名龍蝦湯，但個人黎講不太特別，龍蝦味好小，好似濃度高既雞湯咁，d魚勁多骨，兩個揀，都係花膠雞最好，必推…查看更多

最近工作忙到街都少出左難得收早 更係唔放過食飯機會即刻叫埋個川菜fans一齊去🌶嫲嫲辣辣🌶去到門口已經有陣香噴噴既麻辣味未食已經流晒口水涼拌皮蛋🥚🌶食正餐前黎個小食先 同朋友都好鍾意食皮蛋估唔到係黃金皮蛋呀 係出面好小地方有得食香辣東風螺干鍋🌶勁大碗，入面最少有二十粒東風螺揀左麻辣小辣 入面仲有薯粉 超入味除咗東風螺 仲有其他海鮮選擇嫲嫲干鍋 🌶因為太多辣野 呢個鍋叫左孜然微辣最少要揀4個配菜我地揀左魷魚鬚/牛肉片/即炸土豆片同紅薯粉 一定一定要揀即炸土豆片 好似薯片 有種新既感覺 出面食唔到最後仲叫左個白飯🤣環境整潔美觀 適合同朋友家庭聚會📍 尖沙咀漆咸道南61-65號首都廣場地下…查看更多