daydaywin的个人专页

多得電視介紹，又剛巧經過，於是試試澳門過江龍美食。試了招牌葡式蓋仔豬扒飯。非常驚喜！豬扒外脆內軟，保留了肉汁，熱飯再配上蛋汁，確實掂！再點了豬頸肉蝦子撈麵配墨魚餅及豬扒包。豬頸肉肉質還可，聽聞蝦子麵得到米芝蓮推介，蝦子麵麵質及蝦子味道不錯，炸墨魚餅說不算十分鬆脆，但亦算合格。值得推介豬扒包，麵包熱辣辣，包外脆內軟，配上鬆脆豬扒，整個包配上豬扒口感非常好，豬扒肉味濃郁。侍應服務態度不錯。環境雖小，但尚算坐得舒適。性價比及味道都不錯，值得再試。…查看更多

朋友慶生日，選擇食蟹慶祝。有好幾個朋友都推介呢間酒樓海鮮一味幾食，一於試一試。由於好幾位朋友都推介食阿拉斯加皇帝蟹，幾番掙扎，應該點選那種烹調方式，最後選擇了避風塘式炒。果然一試難忘，非常惹味，蟹肉非常嫩滑，肉汁滿滿。另外點了叉燒，沒什驚喜。肉質及調味都不過不失。有點失望。由於人數少，點了兩道菜後已經食飽飽，所以另外只點了炒菜。服務不錯，尚算殷勤。環境稍為嘈吵，可能由於附近周圍大多是飲酒宴客。質素屬於同區中中等。…查看更多

想試呢間餐廳好耐，聽聞長期滿座，終於有幸一試。餐廳內氣氛不錯，令人想飲飽食醉嘅感覺強烈。先點咗Sangria，味道不錯，頗合我心意。Heirloom cherry tomato salad, avocado, tuna belly - tuna 超嫩滑，蕃茄及牛油果比例味道平衡。不錯吃！Beef marrow - 牛肉質感不錯，味道稍鹹。Foie Gras on toast - 絕對是招牌之作。香而不膩，encore咗兩次。Deboned suckling pig - 呢間乳豬外皮鬆脆，肉質嫩滑，亦非常入味。Jamon tortilla - 食西班牙菜點少得呢道Tapas。呢道菜出面食得多，但呢度嘅蛋餅確實香口，口感好之餘，再配上有質素的Ham，確實大推呢道菜。Lobster and octopus juice rice - 龍蝦海鮮飯，醬汁味道濃郁，送飯一流。整體水準確實不俗，可以再encore。…查看更多

多得阿姐請客，可以扯佢衫尾試下呢間餐廳。一行幾人浩浩蕩蕩去開飯。裝修企理，餐牌設計及顏色配搭都幾特別，價錢尚算合理。服務亦算不錯，侍應姐姐有禮及招呼周到，非常主動提供協助。值得一讚。炸千里香豆腐 - 亦即是炸臭豆腐。豆腐炸得非常脆，豆腐味濃。如果喜歡食臭豆腐的話，呢味一定會滿意。涼拌麻辣萵筍及土豆絲 - 清新涼拌菜非常適合中和及清一下炸臭豆腐帶來的味道。薺菜鮮魚羹/ 文思豆腐羹 - 餐牌有文思豆腐羹，當然要試試。要將一磚軟滑的豆腐切成幼絲就知道講求刀功精湛，刀功稍差都難以完成。豆腐不僅綿滑得入口即溶，湯羹鮮甜，的確算是齒頰留香。另外還點了薺菜鮮魚羹，暖和的魚羹清淡中啖啖魚鮮香，非常適合呢個天氣。韭黃炒鱔糊 - 中規中距。糯米炒膏蟹 - 絕對不能錯過。糯米軟硬適中，蟹及醬油味完全滲入糯米之中，非常惹味。去骨樟茶鴨半隻 - 外酥內嫩，肉質不錯，充滿淡淡樟木茶葉特殊香味味道。富貴烤雙舫 - 蜜汁火方的確不錯。主角金華火腿鹹香中搭配冰糖蜂蜜汁，甜甜地，非常可口。熱騰騰饅頭夾上一片蜜方、脆腐竹，這算同區中較為出色的火方。小籠包 - 皮薄，但肉餡仍有進步空間。桂花酒釀小丸子 - 少數會放入橘子，算是幾特別。蛋白杏仁茶 - 味道不甜偏淡，還好。…查看更多

不經不覺原來好多年都無寫食評，2025年訂立新目標重新寫下食評過下日辰。成日經過公司附近一間餐廳，望入去裝橫華麗，氣氛又唔錯，就算新開都放膽一試，好有共聚感受下佳節氣氛。論裝橫，香港都有為數不少嘅靚餐廳。呢間唔算最頂級靚，但聖誕樹配上玻璃畫天花，打咭一流，再配合音樂，整個氣氛好好，胃口都特別好。侍應送上熱騰騰嘅麵包同畫龍點睛嘅自家製蒜香牛油，忍唔住食咗２個麵包。食完兩個麵包，都飽咗一半，唯有謹慎點餐，偏向點選特別菜色。呢度服務真心唔錯，餐廳Ｍanager會因應我喜歡嘅食材同適合份量建議菜色，唔似一啲餐廳為sell而sell，又貴又唔好食。侍應首先端上頭盤red prawn crudo及chestnut soup，呢兩道菜真係有驚喜！香港好少地方會做chestnut soup，呢度做得出色，稀稠程度適中，雖然加入鵝肝但又唔會覺得太溜，鵝肝味道不會過搶。red prawn crudo，加入檸檬果皮同自家醬汁，超醒胃，味道特別，屬於香港少有能夠品嚐嘅味道。如果食得落，真係想encore多次。友人點咗tomato labne salad，蕃茄鮮甜，yogurt醬汁都幾refreshing。揀咗橙鯛魚柳做主菜。魚柳卷住蟹肉配柑橘Hollandaise醬汁。雖然味道鮮味濃郁但對我嚟講偏鹹，要飲多幾杯白酒中一中和。友人點咗Ｍ9和牛，和牛熟成度剛好。若然食材夠新鮮，基本上都錯唔到去邊，所以和牛都算係意料中味道。雖然都好飽，但都忍唔住點咗兩款甜品—開心果crème brulee及朱古力心太軟。開心果crème brulee真係無得輸，口感軟滑，勝在唔太甜而開心果味突出。朱古力心太軟配焦糖雪糕亦算交足貨無欺場，朱古力味好濃。如果可以改配雲呢拿雪糕應該會更好。總括而言，食物質素，服務水準，價錢都非常唔錯，算是灣仔區高質之選。…查看更多

食串燒氣氛, 味道固然緊要, 但同檯"飯腳"亦都好緊要, 從來食串燒都係要喪叫喪食先盡慶及大快朵頤唔想又長沉, 廢話少說, 直入正題 (滿分: 10分):露筍卷 - 都幾清新, 但我相信只要串燒舖肯比機燒, 應該都可以做到同一樣o既水準 (8分)燒票米 - 甜就不在話下, 加埋蒜蓉香草牛油, 簡直一絕 (10分)燒鰻魚(即燒鱔) - 極之脆o既表皮包住非常juicy o既肉質, 充滿淡淡鱔o既油脂味, 只此一家 (10分)牛肋骨 - 牛味甚濃但"鞋"口, 個人認為較為失色, 但熟o既程度已經好好, 可能係肉質本身唔係太適合做串燒 (7分)雞掌肉 - 口感似雞軟骨加鳳爪根, 非常好咬口亦唔係常見o既串燒種類, 送酒的話係十個"得", (10分)燒雞翼 - 亦係我覺得另一個比較失色o既一項, 雖然已經做到表皮脆但肉感及味道只係一般, 可以唔叫 (7分)牛舌 - 必食, 肉汁未咬落去已經滲出o黎, 肉感爽口但又偏軟身, 內裡仍然泛一點紅肉色, 有咬口之餘感覺亦"輕身" (10分)酒煮蜆 - 酒味算濃, 蜆size亦大隻, 食落比出面餐廳較爽亦唔老, 感覺亦非常鮮甜 (9分)大蝦 - 大隻又新鮮, 蝦羔亦相當不俗 (8分)雞軟骨 - 燒得非常脆但內裡並不乾身"鞋"口, 司傅算是上乘功力 (8分)雞皮 - 雞皮要燒得脆唔難, 入面要保持雞皮油脂味應該都唔算難, 最難係要將佢處理到誰也搶不了誰的風頭先難 (9.5分)蕃茄煙肉串 - 蕃茄內裡仲好juicy, 煙肉燒得冇over到, 唔錯 (8分)鵪鶉蛋 - 入口質感似燒脆左外層o既溫泉蛋, 真係燒得岩岩好, 唔多唔少 (8.5分)鵝肝雙蛋飯 - 建議最後上檯, 由於佢將所有材料攪拌好先上碟, 質地舔身但重鵝肝味, 慢慢試就會感覺到有大概2種層次o既味道, 先鵝肝後蛋味. 的確做得好 (10分)基本上, 呢間串燒店每一樣都有水準, 而且見到大司傅用心烹調o既樣, 食得出係有一間heart o既食店, 據聞司傅來自南蠻亭, 唔怪得水準都係無得輸喇 :-)值得一提, 服務員都非常nice nice, 大司傅更愛同食客把酒言歡...雖然價錢算偏貴, 但無論氣氛, 味道, 感覺都非常好, 更難得好友相聚暢, 當然無價…查看更多

去過呢間泰國食店好幾次,覺得味道不錯而且都算抵食,所以值得介紹.曾經些過幾樣o野食:海南雞飯-當然要會一會呢個係點題菜,係嫩,係滑,亦都無骨,但略嫌雞味淡一點;飯碟頭夠亦帶飯香味,幾好.泰式炒金邊粉-惹味,亦有足夠份量,都夠2個人食o架,乾濕程度亦控制得幾好,我都幾喜歡食呢個粉o架!冬蔭公湯河-講真我自己就真係唔太識欣賞冬蔭公湯,所以好難客觀比到意見,但朋友試過立即愛上,我亦試過,如果係追求鹹,酸,辣o既味道平衡,呢個又真係做得到.青咖喱羊肉-羊肉就可以不提也罷,個青咖喱反而都仲有可取之處,算幾香亦都試得出係有heart做o既咖喱,唔係好似出面咁,做到辣但冇o左咖喱o既深層意義.小食拚盤-記憶之中有最大路o既泰國小食,蝦餅,春卷,紮肉...之類o既o野食,都係中規中鉅,好好唔係,好差唔算,真係唔知食咩或者口痕想食o既時候先好叫喇.泰式濕炒-其實都係粉麵炒完之後係濕濕地上碟,完全冇分別o架同其他.整體o黎講可以一試,而且服務都幾好,係算有比heart服務你個種,老闆娘亦都會介紹同解釋佢o地o既o野食比你知,到時你就知道其實好多咩炒粉麵金邊粉其實係冇分別,只係麵質唔同...哈哈...即係話比你知佢o地識得巧立名目~…查看更多

當有時想搵好o野食o既時候,成日都會去o左不值一提o既食店,但往往無心插柳o既時候,永遠都會食到一間好好食o既食店...有晚無意中係天后附近見到呢間出名食喇沙o既地方,見佢地方少少但又好多等外賣,於時決心一試.由於太多人o既關係,所以都只有買走係維園野餐.老闊推介最受歡迎o既海鮮喇沙,但以經驗o黎講,海鮮呢類用料係有湯底o既食品中係唔會試得出真功夫,所以再加多o左個我愛食o既羊架喇沙.外賣o既成本都好足,為o左令個喇沙唔會走樣,齋麵一碗,喇沙湯底一碗,主料一碗,真係誠意十足,環保意識就...不過都可以體諒,的確如果所有o野都放哂入一個碗只會浪費好o既食物!!!打開一聞個喇沙湯底,真係精神為之一振,比得上係新加坡o既水準(諗起都已經好想再去多次新加坡食盡所有地道o野),試試湯底就真係知道唔係一般市面上o既喇沙湯底,味道濃郁帶香料o既醒神味,再夾雜椰香味,雖然只能係公園開餐,但都已經值回票價!再將所有材料混埋一齊,的確好好食,個人認為以濃味喇沙湯底配最易受味o既河粉就最恰當,真係味道剛剛好!當然麵底真係個人選擇喇~但仲有樣o野值得講,就係佢o地o既羊架,鬆化略有少少羊肉味,就算唔愛個種味o既人都會受得到,何況愛食羊o既我?!總括o黎講,呢間係暫時我試過咁多間喇沙中最好食,最得我心o既一間,所以我完全唔介意要買走食!!甚至為佢而野餐~我覺得比過幾條街打正旗號做喇沙o個間更清更甜,比係灣仔出名o個間咖喱喇沙o既o黎得更濃更香~另外一提,老闆好好人,傾得幾嘴,老闆話五月就會搬去附近更大o既地方,咁以後就可以安安落落食喇...…查看更多

係得grant hyatt生存o既餐廳有一定o既水準,呢間o既日本菜未必正中好多香港人食放題o既下懷,但我覺得水準佢地交足有餘,只係種類唔多.我覺得主打要食toro刺身,因為係出面要食toro刺身都要數百元,而家$450可以食多幾樣刺身其實以水準,質數黎講算係化算o架喇,刺身新鮮,有口感,toro刺身都juicy,好好食,其實刺身係要食佢o既鮮味,花巧o野欠奉,所以好睇入貨o既貨源,呢度可以做到新鮮!!!當然凡事都可以多面睇,如果以種類黎請,呢度係貴精不貴多個種,樣樣都有交到貨比你,係種類唔夠你睇~其實亦都未算係好少種類,前菜,冷麵,甜點都幾多款,唔差o既~ 其他如牛肉粒都幾好味,juicy得o黎又幾稔~日本o既甜點都都預左係比較甜,所以都冇咩要挑剔.整體o黎講,係okay,係要一試o既日本菜!…查看更多

有時一間餐廳唔止係要好食,仲有好多野係會影響到對佢地既評分~milano係我第一次真真正正食italian野食既rest.,而且個環境氣氛係幾好,所以我列入佢為我最愛既餐廳~點都好每年一定要朝聖一次,因為成日都會miss呢間野,雖然真係唔係經濟型消費~好多時都會叫佢既pasta,pizza,又或者set,當然set就真係唔flexible,因為我認為佢地出色在risotto,pasta,pizza,而唔係set~佢地set既水準可以話出面有好多餐廳會好過佢地~每次一定order佢地既risotto,因為真係覺得呢度係最好食既risotto,因為軟硬岩岩好,個汁稀杰程度適宜,份量令人滿足!!!又或者唔係個個都覺得,但佢地既食物正中我杯茶~佢既set就真係可以冇咩期望,因為係我expect之外既水準,不提也罷.推介: mushroom risotto,seafood angel hair, appertizer dishes, pizza…查看更多

而家既咖喱lunch buffet加左價喇,$108,但有送cupon,都可以既~都係第一次係pub 既地方食buffet,個feel都真係ok,因為都幾好hea~香港人對buffet既睇法就係一定要同個價錢成正比,一定要好多抵野食先可以回本,如果抱著呢個心態去食呢餐既話可能會覺得不外如是,但可以講我個人黎講覺得食物既水準係水準以上.坐係梳化位係幾好,可以hea下,都幾好feel,而且可以睇住nba食buffet係幾好~頭盤:三文魚,cold cut,cheeze,好多配料做自製salad,呢種都係buffet既指定動作,亦都有整好左既salad,都幾好食,都okay fresh~湯:有2個,一個係蕃茄湯+另一個唔記得左,但蕃茄湯係okay!!仲有麵包供應~主菜:好多唔同種類既咖喱,雞,魚,羊,豬,牛,什菜,豆,etc,都真係幾多choice,而且仲有source比你去調味;唔岩食都仲有白汁什菜意粉,薄餅,硬薄脆,印度飯,薯仔,炸魚,etc既選擇~整體既水準都幾好~可能始終係酒店裡面既pub,差極都一定要有個譜~我最buy既係印度飯,佢既質感好討好,形狀幼而細長,同咖喱真係一個好既配搭~~甜品:有coconut budding,bread pudding,生果,幾種既cake,但因為都食得幾飽,冇咩意慾再去食~呢度既環境係真係幾好,而且個日去食唔多人,得幾檯人客,所以都幾好hea,個餐係開心而滿足~可能只要環境,氣氛同心情都唔rush同可以好hea既話,食物既質素已經冇咁執著~連加一around$130一個,但又送coupon比你下次幫襯佢地成間酒店餐廳時用,都okay~…查看更多

五月中既時候試左第一次,個次都係唔係係尖沙咀食咩好,知道呢間野既海南雞都幾出名,所以去左試.同行既朋友平時對食既野要求唔算好講究,但就會成日話我對食要求太高;但平時做野咁辛苦,梗係要對自己好少少喇...入正題喇!!!第一次:個日叫左海南雞set,炒年糕,沙嗲,椰汁飯.海南雞set,可以話冇咩心理準備講究好唔好食,因為每個人要求既野唔同,所以其他人一早既評價唔多理.但個人黎講,呢度一定係最滑(even同以前既南亞,南來比較),雞味就冇咁"行",但咁既口感,反而有冇雞味都已經唔再咁講究!評分:得炒年糕,都幾好,起碼個味濃過蕉葉,都有幾多蛋,本身既質感較軟.評分k得沙嗲,我覺得好食過出面,本身既醃肉味都幾濃,但個沙嗲醬蕉業就比較冶味.評分:得椰汁飯:第一次食呢種飯既時候係o係蕉葉,個時覺得好impressive!!好得~食返呢度就比較冇咁熱,但比前者更有椰汁香.評分kay得平時都會介紹呢個同行朋友去食野,次次佢都幾冷淡對待,但今次一反常態,食完第2日佢就打黎話好掛住個海南雞飯,又真係誇張左少少~因為第二次同一大班同學去,成14個人,所以可以開懷係咁叫野食~第二次:海南雞,炒年糕,沙嗲,椰汁飯,咖喱牛&蟹,海鮮叻沙,蝦醬炒通菜,薄餅,肉骨茶,etc.(多到唔記得)海南雞,炒年糕,沙嗲,椰汁飯keep到水準;咖喱牛用黎伴個薄餅係good fit!個蟹都okay,我只係分得個蟹蓋,因為比人搶哂(但已經order左2碟);蝦醬炒通菜只可以比家常菜既水準分數;肉骨茶我之前未嘗過,今次可以一試,比我想像既好(意思係呢度菜本身既味道,而唔係呢間野既水準),由於第一次試,評分唔準確同唔公平,亦都唔識評係叫好定唔好;其他野已經唔記得叫左咩...問過未去過既同學評分,佢地話呢間野真係好好好好食?又唔算係,但的確係有水準,個雞一定係做招牌野,其他都幾好~的而且確,除左海南雞之外,其他野都係到水準,好平均,唔會有一樣野特別突出,如果你係追求每樣野都可以平均地到水準既, 呢間野係唔錯既選擇!…查看更多

成日都係個邊蒲頭,見有興緻上個月就同2個朋友去食一個lunch~不嬲都想試灣仔個間多過又一個間,因為可以扮下劉華,學友爸爸既江湖...但見又一呢間都幾咁,所以未食都已經加左印象分先~由於係上個月食既一餐lunch,exactly個名就真係唔記得喇,叫左3個set lunch,記得有個同普通餐廳差不多既湯,有個凱撒沙律+餐包(意大利餐廳必有架喇),一個pizza,一個三文魚angel hair同埋好似係ribs既野(唔exactly記得).首先,一間餐廳得唔得對我黎講唔係睇佢主打有幾咁"行"幾咁得,而係睇佢side dishes可唔可以,又或者係唔係average~餐湯都唔會expect有幾好架喇;個pizza都冇咩特別,當然係傳統既薄底,亦都係tomatoes sauce,但真係冇咩特別,如果想知道個味,去出面既樓上cafe有好多都做到呢個味道!可以一講佢個三文魚angel hair,平時我好喜歡食italian野,所以好喜歡研究佢地既野食,angel hair配白汁係好食,太杰會好乾身令到angel hair一舊舊,就好似冇洗頭既頭髮咁好難頂,如果個汁太稀亦令到angel hair好滑身,亦都令到個味好淡,angel hair本身唔係一樣味好重既食品,如果連個汁都好稀既話,碟粉都真係唔上得檯~而呢度既angel hair 都算煮得ok,時間控制得算可以,唔算太軟,亦唔係硬得好犀利.個汁偏向稍杰,但可以接受,但食得出cream落多左,唔係太香~但整體黎講係可以accept,因為soho區有好多都唔得,或者好多打正旗號係italian,但煮到...印象中個類似ribs既野都可以,係幾香口,但太油,整體係可以但應該可以更好,有少少over-cooked~服務係可以,因為italian 既餐廳好多都幾有意大利人既熱情好客,但有某幾間幾出名既就可能因為覺得自己好掂,所以冇咩放香港人在眼內,反而外國人就有唔同態度...整體可以一試,但唔使有太大期望~…查看更多

細個時時候已經食呢間野,個時都見過好多名人黎食過~對呢間野既印象最深係佢既菜飯,係出面既菜飯好少好似佢咁整,白菜加肉(應該係豬肉),真係幾好食,而且份量都ok抵,因為一個客飯包2碗菜飯,真係抵架喇~而佢既食物都可以,起碼對我黎講,佢既水準好過渣甸街裡面個幾間,膳糊好食,但可以再改進多少少唔好咁油;獅子頭好食,比出面既好食;百葉毛豆,醉雞,薰魚,素鵝都ok; 銀絲卷,豆沙窩餅,酸辣湯都幾好,但因為小籠包同水餃都幾耐冇食,所以唔可以以印象胡亂比分~整體黎講係ok至幾好既水準,係地點冇咁方便;服務就係典型老伙記既水準,都唔會有期望,最有印象就係一個蛋撻頭...2個字"搞笑"...…查看更多

今個月月中黎食過一次,本黎呢個都唔係我既first choice,但個日身在尖咀要揀中環既grappa's定係灣仔既milano,咁真係寧願近近地試下呢間未試過既餐廳~入到去都ok既,但飲飲食食咁耐,呢間係第一間令我覺得有怪怪感覺既italian餐廳,唔係裝修既問題,係個感覺好怪,同事既女友都有咁既感覺...叫左個starter,salad同mustroom risotto.2個女仔既份量都差不多,而且又有麵包都ok架夠架喇!先講starter,有italian指定動作巴拿馬火腿,仲有鵝肝,帶子同埋...已經冇印象既野(冇印象既我諗都可以不提,如果好食應該都唔會唔記得...),starter水準都係普通喇,酒店既環境差極心理上"算喇..",salad又係不提也罷,既然最平凡既材料都做唔得好,水準好極都有個譜~以為個risotto都可以不理既時候,個飯亦都幫佢挽左少少面子.我最喜歡食italian food,好多餐廳既risotto都已經食唔少,呢間既risotto係合格有餘,起碼比起soho裡面自覺做risotto做得不錯既餐廳做得好,saurce稀杰程度做到balance,入口算係creamy,飯粒都做到軟中帶硬,唔同出面好多令人失望既餐廳一pat野咁...整體個risotto我會比3.8-4分(5分總分),但都挽回唔到之前所失既分數!最衰就唔多人食,如果唔係可以試試佢個pizza,因為見到好多人都叫~~再講講service,整體都尚算可以,但我認為作為酒店既waiter唔應該對種族上有服務態度既分野,對住外國人一個面口,對住自己人就另一個面口....…查看更多