薯蛋頭太太的个人专页

最近純素Burger店Veggi Monster 網上熱爆，食素嘅我緊係要跟貼潮流去試下啲Burger有幾爆六點嘅時候去到，買嘅時候無人，買完人開始越黎越多，唔少係外國人。我買左一號黑袍巨人$68，免費加送烏龍茶到我攞外賣啦，個恐龍紙袋好可愛（但後面Tagline打錯字）「黑袍巨人」果然名副其實，Size夠哂巨型，但漢堡賣相普通，餡料鋪排得唔好，導致我唔可以完整禁攞起個包黎影相同食食黑袍巨人食得出Veggi Monster有花心思去研究食材配搭同做法。漢堡「包」用竹炭做，口感比較乾身。漢堡「扒」用黑松露、黑豆同藜麥做，味道創新，有非常高嘅果腹感，但處理方法唔夠好，以致扒嘅外邊出現變硬嘅情況，感覺唔太新鮮。另外，漢堡餡料仲有素芝士同羽衣甘藍。整體黎講我覺得$68食依個外賣Burger有少少貴，不過下次我會再黎，試下其他平啲嘅口味。…查看更多

今日喺尖沙咀，終於親眼見到最近喺網上素食群組好Hit嘅素食美食車！果然好型！同一貫見到嘅素食Cafe文青形象好唔同，美食車反傳統用黑色做主色，再加上龍鳳火焰等Graphic，令架車有種火辣辣嘅街頭風味。我買左主打招牌菜「擦餐包」，同紅白藍莎利譚寶。擦餐包售價$28，就禁睇個包細細，估唔到裡面都幾多餡料。包屬軟身，裡面有素叉燒、素魚皮、生菜、羅勒等，口感有層次，味道適中唔太鹹唔太甜，街頭小食$28黎講我覺得唔錯，有飽肚嘅感覺。紅白藍$26，顏色鮮艷嘅漸層飲品，好適合打卡影相。我之前未飲過莎利譚寶，真係覺得有驚喜。本身以為杯飲品會甜耶耶，成杯糖水禁嘅，估唔到味道幾開胃醒神，行街時飲啱哂。我有Follow擦餐飽Facebook，知道佢地有僱用殘疾人士，真係非常有心，而且佢地仲係唯一一架賣素食嘅美食車，禁有愛心，真係要讚一讚依架外表邪惡、內裡溫柔嘅美食車。…查看更多

聖誕前，同同事去銅鑼灣既酒鍋食Christmas Lunch。5個人2個鍋：1個美人鍋+1個黑松露什菌鍋個鍋夠哂大，湯底菇味非常濃郁，食烏冬一流！野飲不過不失火鍋調味料有禁多罐😲蔬菜拼盤，什菌拼盤，食材非常新鮮，擺盤好有心思丸同餃既味道都唔錯餐廳有多種豆腐選擇，我地叫左碟蜂巢豆腐，份量十足南瓜丸造型非常可愛整體黎講，餐廳火鍋食材用心製作，色香味俱全，湯底款色多，味道一流餐廳有無敵大海景，邊食邊打邊撈真心正…查看更多

前排留意到中環海濱開左間純素雪糕店，免費派雪糕，非常想試。今日放假坐完摩天輪，終於同屋企人去左試。我買左個單球杯裝，冬日期間限定南瓜朱古力味。雪糕有分學生價、長者價，同埋普通價，好有心💚。學生長者單球$28，普通價$38。有杯裝桶裝。純素雪糕，Diary Free，雖然無左牛奶既香味，同滑身既口感，但Happy Cow既雪糕另有一番風味，食落唔會話好寡，食材既味道更加突出，南瓜Mix朱古力味，真係估佢唔到，食落覺得幾特別，唔會話南瓜或者朱古力味蓋過另一種食材既味道。買完坐埋一邊慢慢食，見到一路Keep住有人排隊👍…查看更多

無意間出錯站，一家人誤打誤撞去到大圍。估唔到依區都幾多野食，我地揀左一間係橫行既泰國菜餐廳。餐廳有兩層，我地坐底層，底層爆滿。我地叫左海南雞飯、雞翼撈檬、一碟菜，同埋好多人食既咖喱火山海鮮包。我食左雞翼撈檬既檬粉，檬粉唔錯，醬汁酸酸甜甜好開胃。食咖喱火山海鮮包好驚喜，份量十足，四個人Share黎食，包硬硬地，咖喱汁唔辣，甜甜地，傑傑地，有D似西湯既質感，配埋包食好好食，包裡面既菜同海鮮好入味，值得推介！…查看更多

放工同友人去食Bookmark 左一段時間既餐廳，之前見到網上介紹真係好吸引，我地都算做左功課，但去到最終都係一人叫一個Crepe，一鹹一甜開心Share，兩樣都試試。Le Vegetarien, 鹹點，裡面有spinach、mushroom、tomato 等，配埋cheese又唔會覺得heavy，微鹹，清清地。Crepe蛋皮都算做得薄，整體黎講都做得幾精緻。Crepe Francaise, 甜點，朋友點既，有小驚喜，食既時候有唔同口感同味道，我特別欣賞朱古力焦糖配Crepe，味道幾特別，有朱古力既香又帶甜，蘋果酸甜度適中，食落去幾開胃。餐廳整體值得推介，一件普通既Crepe平實得黎會令人覺得花左心思係食材同做法到，但兩個人食兩個Crepe 真係唔飽。餐廳服務唔錯…查看更多

名館下午茶有八折優惠，算係唔錯既選擇。依個原價$168既雀籠點心應該最多人點。第一層左邊係奶凍，味道不過不失，右邊係天鵝紫薯酥，賣相精緻，天鵝頭似乾身既麵包，天鵝身裡面一大舊紫薯，外面酥皮，一層層禁，做得幾有心思。第二層左邊紫紫黃黃既係奶皇包，整色整水既外表，食唔出有咩特別，裡面奶皇餡亦整得唔夠均勻，味道普通。右邊既係蝦餃，我無食到，所以唔寫評語啦。第三層左邊係乳鴿，右邊係薯條，我兩樣都無食，所以都唔寫食評。三個人食一個雀籠就緊係唔飽啦，我地又叫左一碗四川五菜擔擔麵。依碗麵其實我已經食過兩次，麵做得好滑好香口，如果加返D 配菜仲正D依個係蓮藕餅，實物望落好油，口感同味道一般。另外我地仲叫左個薑千層糕，我覺得味道尚算唔錯，紅棗同薑味道剛剛好。整體黎講，食物賣相比味道吸引，下午茶價錢可以接受，但正價茶錢既話，我覺得唔太抵食。…查看更多

放假我地又落鴨脷洲大街食飯，再一次幫襯泰國人開既泰國菜-泰象。我地三個人叫左大蝦柚子沙律、菠蘿海鮮炒飯，同埋大蝦炒金邊粉。大蝦柚子沙律食落夠哂開胃，柚子新鮮，蝦夠大隻，配埋特製既汁酸酸甜甜好易入口，做Starter一流！大蝦炒金邊粉色澤均勻，條條粉都入哂味，軟硬度剛剛好，加埋D配菜調味真係覺得Match 得好好食。菠蘿炒飯，依個黎親都叫，食過好多次，真係粒粒飯都炒得好香加埋肉鬆、腰果、提子等令到成個炒飯好香口，菠蘿夠哂Juicy，食完好想再食！…查看更多

朋友仔約食晚飯，預先訂左抬，上到去嚇一嚇，全場坐滿，門口仲有人等位，原來因為係初一特別多信眾食素🙏，好在我地訂左抬先有得食。對餐廳第一感覺唔係太好，因為太嘈，人太多，唔太聽到朋友講野。我地叫左三碟菜：一碟招牌蜜司骨、一碟芝士海鮮扁意粉、一碟野山珊瑚藻招牌蜜司骨，食落去有驚喜，唔同食開既素食咕嚕骨，又唔同以前食既咕嚕肉，皮同‘肉’口感唔同得黎又好夾，D‘肉’味道好特別，完全估唔到食緊菇，果然係招牌菜！芝士海鮮扁意粉，我覺得色香味都有，但同我想像中差唔多，所以無太大驚喜。野生珊瑚藻，賣相麻麻，我第一次食，覺得口感味道唔錯，可以一試。我同朋友坐到店員話我地知要收鋪，朋友今餐食好少，佢話好飽食唔落。我食量唔多，我地食剩都幾多野下。店員好虛心問好地係唔係野食唔好食，唔啱食，仲攞左幾個細盒幫我地Pack好D 野食，話唔好浪費，個刻真係真係覺得有D慚愧但又好溫暖。…查看更多

父親大人生日，落大街簡簡單單食餐飯。行過壽司駅，見到坐得都幾滿下，於是四個人入左去食。環境都幾迫下，店內有賣壽司，炸物，石頭鍋飯等。我地覺得天氣開始凍，所以食熱野，每人叫個石頭鍋飯。我叫左玉子鰻魚石頭鍋飯。個飯新鮮整，點完餐都等左一段時間先有得食。熱辣辣啊，新鮮整出黎咩都好食D，飯底起到飯焦，飯軟硬度剛剛好，鰻魚不過不失，整體我覺得好食過大集團出既石頭鍋飯，街坊小店黎講質素算非常好👍下次落大街會再幫襯。…查看更多

行街口渴，再唔係只有珍珠奶茶、Green Tea Latte、果汁啦！Check Check Cin 由香港註冊中醫梁尹倩創辦，我本來都有Follow佢係社交媒體分享既健康飲食小知識，到後來知道佢係銅鑼灣開鋪，近近地咪去幫襯下囉。品牌設計好Fresh好Young，同一貫老派涼茶鋪好唔同，粉紅粉藍既主色吸引年輕女客人，特別係注重健康，鍾意打卡既一群。個日我叫左熱粟米鬚梨茶，飲落去唔會話好甜，或好淡。野飲比我想像中大杯，我飲唔哂，所以攞走。個杯設計得幾岩我心。成個品牌設計整體真係唔錯，至少香港無類似既競爭對手，注重健康，又Buy 中醫個套既人應該會鍾意…查看更多

週末同友人去金鐘睇展覽，睇展覽前約左係Pacific Place 既 The Petit Cafe 食少少野。朋友知道我食素，推薦我去The Petit Cafe真係無介紹錯，平時係香港食Salad 真係好少會覺得好食。雖然我自己係食素但真心唔鍾意食好多沙律菜既Salad，依間Cafe 可以自己揀真心讚。Salad 入面既菇、紅菜頭好入味，Cafe明顯有花心思研究過個煮法。小盒個份量剛剛好，番茄湯幾好味。如果下次去開金鐘，我應該會再去幫襯。…查看更多

中環放工，近近地約朋友食飯，最後揀左平時叫過外賣App 幾次既Kasa。第一次去Kasa 餐廳，兩個人都叫左煎三文魚飯。係樓下叫完野食，我地上左樓上坐窗口位，望到樓下Open Kitchen，靜靜地又傾到計，食飯氣氛幾好。講返野食先，份量對女仔黎講真係剛剛好。三文魚煎得好香，口感好滑，配紅米飯真係感覺好Fresh，好快就食哂。黎食野個時，除左我地兩個，仲有其他兩個客人，人唔多，環境舒服，傾到計，讚！…查看更多