yyyjack666的个人专页

住咗依區幾十年我夠膽講句，依間淘大分店係全個區服務態度最差既茶記，由佢開張至今，樓面既質素一日比一日差。即使唔係多客，樓面嗰倆3個伙記樓即使冇乜野做永遠都係扮盲扮聾，扮睇唔到你，扮聽唔到你嗌。好幾次都係咁，試過有次入舖坐咗成十分鐘，即使當日唔係多客，又舉手又嗌但個個樓面都裝盲裝聾唔想做生意咁，最終忍唔企咗出嚟，個樓面呀叔仲鬧返轉頭‘你坐下先啦！’，趕客走咁。近水吧樓面個呀姨同樣係唔想做嘢，你嗌佢佢係唔會啋你，因為佢覺得樓面既野唔係佢做，佢只係企喺水吧旁同水吧吹下水扮做野（扮工)。已經唔係第一次而係由開張至今樓面既服務態度越做越差，好在唔係得佢一間茶記，附近仲有x舍、x奶冰室、xx泰、xx日常、龍x … 洗錢仲要受埋依d扑街氣，要食嘢寧可行遠啲好過。…查看更多

住左附近廿年以上，由佢開張已幫襯，過往返工前都會在此店食個早餐才返工。但近年依個厨房食物質素及樓面服務質素越來越差，早餐食個腸仔煎蛋多士加個麵，但腸仔，蛋及多士全部必定係凍，即係一早整熟左放係度擺到凍，有客叫就直接出菜但唔會再整熱，近年武漢肺仍嚴重，就咁放d已熟食物在廚房吸細菌，加上廚房佬好多都會在廚房吸煙，互相吹水口沫還飛，非常之唔衛生。依個情況唔係一日半日，而係 keep住每日都係。所以有時叫餐時必定要求腸仔要熱，但多士都一定係凍，冇預早要求腸仔要熱就一定係凍。有次叫餐前同樣要求要熱腸仔，講左幾次但寫餐阿姐冇任何回答，落單後約10-15炒即克飛碟腸蛋多士，摸下試温但全部都係凍，叫寫餐阿姐揾廚房整返熱，但阿姐態度非常差：你又知凍？你食過牙？我覆：依頭落單就跟手即克飛碟野來，摸過係凍喎。跟住阿姐攞住碟野大大聲同廚房講：腸仔要炸到燶呀，裡面要熱到滾呀！我聽到即克起身離開，冇食任何野，趕客走，以後永遠唔會幫襯！另外依家廚房剪蛋都好特別，煎蛋係比太陽蛋，但蛋白必定係生，要求倆面煎的話佢就同你講即係全熟（蛋黃熟到硬），即係一係蛋白係生，一係全熟蛋黃熟到硬，煎隻蛋咁簡單唔明點解依個廚房咁玩野？早餐30-35元唔係特別平，又唔係好好生意但態度好似唔休做，廚房唔掂，企堂阿姐服務態度好差，趕客走，我永遠唔會再幫襯！隔離仲有龍城及其他茶餐廳，淘大亦唔少食肆，寧可食貴d都吾再食你永發廚房！…查看更多