Yovi的个人专页

在銅記工作近兩年都冇發現這間隱世餐廳😱午餐性價比高，同事食咖喱豬扒同五花腩定食都唔使$100，另有刺身飯等選擇都是$100頭。今日試左燒厚切牛舌定食，燒得剛好8-9成熟，肉味勁濃，厚度剛好，份量比想像中多，前菜係少見的自製麵豉蒜頭同山藥泥，第一次食麵豉蒜頭竟然完全冇刺鼻/澀味，山藥泥磨得夠滑，配搭埋有豆腐同香菇湯料既麵豉湯，呢個午餐真係誠意滿分，用心之作。$150有找仲要無加一👍🏻以後會多多幫襯🤓…查看更多

颱風過後繼續炎熱既天氣今日放工特意去IKEA美食站試試新雪糕🍦好多人都冇留意cwb其實都有IKEA,位置就係皇室堡對面柏寧酒店地庫，落一層就係美食站了❤️每晚7-8點都聚集好多慳錢人士食熱狗當晚餐，呢間店企位都算多，買完可以企定定食埋先走，比k11迫又細既立食位舒服得多。講番杯雪糕先：⭐️泰式奶茶雪糕拼斑蘭味雞蛋仔⭐️💖斑蘭味雞蛋仔雖然係保溫箱拎出嚟，但外面仍然少少脆，味道偏甜，唔太食到斑蘭味但可接受🍦唔知係咪分店問題，雪糕比較多碎冰，口感係唔夠滑，食到尾仲有水係底🥲對上一次係同一ikea分店食芒果植物奶雪糕都有呢個問題，冰多自然會令雪糕味道淡左，撈埋雞蛋仔食直頭整濕左雞蛋仔🫠雪糕🍧入口非常凍，敏感牙齒🦷既朋友要細啖食先攪得掂🙈🙈結論係可以等下個主題食物再幫襯🌚…查看更多

早前上內地公幹想買盒香港手信俾內地同事，專登去小紅書睇下近期最熱賣香港手信係咩，竟然發現珍妮曲奇出左果仁脆片！今次買左夏威夷果仁朱古力脆片同松子仁咖啡脆片試試。⭐️夏威夷果仁朱古力脆片⭐️➡️每塊脆片都黏滿果仁，薄薄朱古力脆片唔算甜，焗過既夏威夷果仁香脆，一食就停唔到，一食就停唔到口🤣🤣🤣罐仔都裝得好滿的，但實在太好入口，大人細路都岩食👍🏻⭐️松子仁咖啡☕️脆片⭐️➡️松子仁本身細細粒，所以每片脆脆相對無甘多果仁，但咖啡味☕️超濃香！咖啡味濃度係連罐仔嘅膠紙都未撕開已經聞到，開罐時咖啡味係非常香，食落冇夏威夷果仁嗰款甘甜，鍾意飲咖啡嘅朋友仔一定鍾意溫馨提示：每款每人每日限買兩罐～另外呢間店只收現金，職員都冇咩服務提供，keep住有人排隊，揀好先埋去counter俾錢就唔會阻到後面了～…查看更多

午飯時間，人多正常，但員工姐姐加檯加到走廊坐滿，坐走廊既出入必定俾人撞到停低手，要求人調位係直接食緊時拎你碗飯走，俾錢多謝都冇聲，仲要50蚊碗飯愈來愈少。雙拼飯餸既份量同單拼一樣，飯較正常少，叉燒好食，瘦而不鞋，燒腩仔亦香脆但非常小粒，乳豬飯得塊皮，下面塊肉欠奉。除左叉燒飯外，觀其他食客應該燒鵝亦不錯。粥品味道正常，但40蚊一碗實在不值，雖然石門區冇其他粥店選擇。服務差，價錢貴，相同價位附近大量餐廳選擇，完全不會再幫襯。…查看更多