pplee的个人专页

約朋友嚟呢度食個晚飯見見面, 我早到咗就叫杯飲品飲住等, 呢杯叫莫希托蝶豆花飲, 好Fresh好好飲, 消暑一流, 個樣仲好靚添 幾surprised!等朋友到咗之後就一齊揀咗幾個小食+一個烏冬: 蔥花牛舌 $58 幾好味, 牛舌肉質夠爽嫩彈牙, 加埋蔥花+蒜粒一齊炒 呢個配搭基本上已經無得輸蒜香味噌烤茄子 $48  鍾意呢個烤茄子嘅口感, 軟綿綿之餘又唔乾, 香味濃郁, 啱曬送飯食!鐵板蒜片干蔥大蝦 $88店員拎嚟嗰陣仲滾緊, 超級香, D蝦大大隻好厚肉+肉質爽彈, $88有咁多隻都幾抵食.雜錦天婦羅 (大蝦, 翠玉瓜, 南瓜, 茄子, 金菇) $98幾有水準, 炸衣薄脆輕盈, 亦冇多餘嘅油分, 仲突顯咗食材嘅鮮味.青咖哩雞肉炒烏冬 $82 烏冬食落口滑溜彈牙, 青咖哩汁味道溫和, 香而不太辣, 而且仲有陣椰香味, 相信是加咗我最愛嘅椰漿.P.S. 臨走見到其他食客D甜品好似幾吸引, 下次要留肚食埋甜品先得.....…查看更多

今天下午茶時間來漁樂吃了這個輕量香葉肉碎炒飯, 這個餐還配送一杯椰汁紅豆冰, $42 價錢合理. 炒飯用一個不大的石鍋盛載, 開始吃時以為份量不多, 始終餐牌也寫到明是輕量嘛, 怎料原來個石鍋是頗深的, 吃吃下發現份量一點也不輕量呀! 炒飯的質素是意料之外的, 整個飯熱騰騰炒得好香, 香葉味道突出又帶點微辣, 飯粒是用珍珠米的, 炒得粒粒分明, 但同時不會太油膩. 材料也挺足的, 內裡有許多菜粒, 蔥粒, 蒜片, 肉碎, 蛋絲, 等等, 口感真的不錯! 配送的椰汁紅豆冰也很好喝, 椰汁味香濃, 紅豆軟腍~一定會再來吃下午茶:)另外店員服務也是值得一讚, 例如下單時會特別提醒我這個炒飯是帶有一點點辣的~ 服務挺細心~…查看更多

昨日下午茶時間吃了這個凱施餅店買的芙蓉蛋糕, 近來的早餐或者下午茶有時都會買下這款蛋糕來吃, 食過原味同埋朱古力味, 黑芝麻味就係第一次吃, 黑芝麻味幾香, 亦食到蛋白既香, 又唔會覺得好甜! 特別鍾意呢種蛋糕好鬆軟嘅感覺, 咬落口軟眠眠好蓬鬆, 但又唔會好似食陣風咁, 食完都剛剛好飽肚! 而且亦都幾易入口, 因為個蛋糕一啲都唔會乾, 有點濕潤感, 蛋糕質感都幾滑, 唔會"鞋口", $7.5/個價錢都合理. 今日買既時候發現仲有綠茶味未試, 下次都會試埋!…查看更多

和朋友約3點鐘出到去, 好好彩等了約5分鐘後新鮮熱辣的半熟奶黃芝士撻就出爐了, 唔知係咪心理作用, 未咬開已經聞到有奶黃香味了.  一啖咬落去, 首先食到鬆脆的撻皮, 這裡的撻皮是曲奇餅皮的, 撻皮散發陣陣牛油香. 下一步就再食到滿滿的半熟芝士, 芝士質感好幼滑好輕柔, 有種綿綿的口感. 之後就嘗到放在下層的奶黃了! 奶黃餡的咸蛋黃味好香, 不會太甜, 食到有粒狀咸蛋黃碎, 奶黃餡仲呈流心狀, 好正呀! 把奶黃呢個元素加落半熟芝士撻, 個人覺得好配合怪不得人人都讚好!一個半熟奶黃芝士撻尺寸已經唔細, 一人吃一個已經有點飽飽地了, 晚飯食輕量就足夠…查看更多

一行四人叫了五款食物, 有尼泊爾餃子, 招牌四季薄餅, 芒果魚柳沙律, 特色奶油雞, 芝士餡餅.芒果魚柳沙律: 份量都幾多, 和Menu圖片好相符, 上面有幾塊大大塊的魚柳, 切片芒果,青瓜, 下面就有一大堆菜~芒果幾甜, 魚柳味道都幾好食, 魚柳應該有微微煎過, 吃落口感腍身, 又冇乜雪藏味. 菜很新鮮, 整體幾開胃.招牌四季薄餅: 呢款pizza相當好味!夠cheesy! 幾足料, 都幾大份~上面配料仲有五香雞肉, 菠菜, 蘑菇, 薯仔~每一塊上面仲有酸忌廉和甜酸醬, 夾埋一齊味道好好, 而且pizza薄薄地又脆~ 第一次食pizza上面有薯仔!特色奶油雞: 醬汁好開胃, 係有蕃茄味的奶油咖哩汁, 唔算好辣, 幾香幾惹味. 不過雞肉就比較少.芝士餡餅: 呢款一般般, 唔係好食到香濃芝士味.  勝在口感夠鬆軟.尼泊爾餃子: 無甚特別, 相比之下較普通, 感覺似食緊北京上海菜不過餃子皮不厚, 入面是雞肉和香草餡料, 味道都幾香. 中間點的醬汁也幾惹味.另外, 要讚一讚呢度既服務, 侍應哥哥(定係老闆?)好有禮貌態度親切, 又keep住幫我地收碟和斟水. 不過座位就確係有少少逼, 始終地方不大.…查看更多

今日在沙田處理完一些事情開始肚餓, 就搵個早餐食啦~ 去到連城廣場發覺咁早只有大快活，點心店同這間開咗~見佢有好多唔同配搭和選擇而且都係茶餐廳價錢就試下佢啦~ 成個餐$34，食到好飽，有兩塊厚多士，一件算幾大份的炒滑蛋，一兜五香肉丁意粉再跟一杯奶茶.兩塊厚多士幾鬆軟，是剛烘起的~ 上面抹了些牛油~ 幾香~感覺幾新鮮! 五香肉丁意粉都唔錯，意粉唔係茶餐廳粗身嗰款,  口感都幾好唔會淋patpat! 主角北海道牛乳炒蛋份量都足，夠熱，味道確係唔錯，炒得幾滑!! 熱奶茶就正常不過不失啦！有人serve又坐得算舒服, 下次食早餐都會再來食的.…查看更多

自從早個星期在美食博覽試食過呢間的芝士蛋糕之後...就對這款蛋糕念念不忘..今日又到門市買回家吃止止癮先. 原本只係諗住買五件原味半熟芝士蛋糕, 點知最後又買埋五件綠茶味試下... 回到家後都差不多係宵夜時間了...一盒五件, 圓圓地幾可愛, 底層係海綿蛋糕, 芝士蛋糕口感濕潤軟滑, 質感有D似食緊mousse, 有淡淡芝士香, 最好就係唔會太甜, 食完都唔會覺得膩...仲可以一件接一件咁食...抵讚! 而綠茶味半熟芝士蛋糕就係第一次食的, 呢個都幾驚喜, 口感其實同原味差不多, 但除了芝士香之外 仲多左陣綠茶香味, 綠茶味都算幾濃~ 唔錯呀!! 第一次綠茶加埋芝士味道一齊食, 原來又幾正喎! 兩盒各有各好食, 所以最後買曬兩盒回家都好快比人掃曬... …查看更多

之前在通菜街睇下晚飯食D乜, 見到呢間食焗薯的餐廳好似價錢合理, 就試一試啦! 兩人叫左個焗薯二人套餐, 首先有兩客餐湯連蒜蓉多士, 要左一紅一白, 餐湯不過不失, 蒜蓉多士凍左..同埋好硬跟住有小食: 脆香芝士條和香蒜脆雞翼, 好彩呢兩款小食都係熱辣辣的, 芝士條食落去脆脆地, 如果入面既餡的芝士味再香濃就好D. 香蒜脆雞翼幾夠味, 又香又脆, 呢個好食!都唔洗點醬了~再黎一客芝士焗西蘭花, 估唔到入面都幾多舊喎, 芝士佈滿表面, 但略為焗得唔夠時間, 所以又係唔夠香..之後就係主角焗薯了, 我地揀了酸忌廉焗薯 和 白汁煙三文魚沙律焗薯. 先講酸忌廉焗薯, 味道幾好味, 酸忌廉好滑~凍凍地既酸忌廉配合熱熱地既焗薯食, 好味呀~ 焗薯亦焗得幾好, 質地好食!! 而白汁煙三文魚沙律焗薯, 就同我想像中(或者佢份MENU)有少少出入了. 叫餐時以為係有D煙三文魚在焗薯上面的, 點知黎到發覺只係一堆醬, 同酸忌廉焗薯個樣差不多 只係顏色唔同幸好味道其實都唔錯, 只係食多幾啖後有少少鹹!加一後約兩百蚊, 以味道黎講都可以一試的! 但侍應的服務就認真麻麻.. 希望可以改善一下:(…查看更多

周日想食炸雞脾..去左大家樂食下午茶餐...好多人..人手又好似唔夠, 所以條人龍好似清極都清唔切咁, 等左好耐先有得食..一見到炸雞脾心知不妙+好失望, 點解咁燶㗎?! 諗住有時炸過火就算數啦...點知一食就知真係大獲...好鹹好鹹呀....塊皮鹹到苦...連雞肉都入晒鹹味. 而且好明顯細隻左好多..炸到乾晒咬落去乾爭爭...好彩個蘋果薯仔沙律都算OK....味道正常.. 至於杯汽水..比我既第一杯係無汽的..成杯糖水咁! 我懷疑佢係沖定晒享度, 所以一早已經走晒D汽..飲左一啖後頂唔順叫佢換過一杯比我..食完一次短期內唔會再黎食...感覺很差.…查看更多

今日出左旺角旦王買重慶酸辣粉食, 雖然好想食小辣 但喉嚨有少少唔舒服..所以只敢叫微辣食, 幸好微辣都有微辣的好味!配料份量足, 碗中有大量榨菜, 花生, 芫茜, 仲有D肉碎! 食既時候花生都仲係脆既! 薯粉口感煙韧有咬勁, 如果份量可以再多D就仲好 (因為食完一碗都有少少唔夠喉)..而最重要的一環:湯底煮得好香好濃郁, 淨係聞落去已經令人流口水...味道夠麻夠香, 我估應該有用多種材料製成的好好食!令人食既時候都一邊食薯粉一邊飲左好多啖湯..不過這些重口味的食物真是間唔中食一次就好了, 畢竟太濃味都唔太健康呢!!…查看更多

昨晚經過呢間泰國餐廳買外賣, 試下佢海南雞飯同炸蝦餅, 質素不錯! 海南雞飯:油飯夠香,好味. 海南雞賣相幾好,份量幾多, 件件無骨雞啖啖肉, 肉質幾滑!跟飯既醬汁味道香濃, 酸酸辣辣幾開胃.炸蝦餅:即叫即炸, 熱辣辣好正, 六十幾蚊得幾件貴左少少, 不過咬落彈牙, 唔錯.…查看更多

上星期來了觀塘聽講座, 聽朋友講附近有個FOOD COURT在工廠大廈, 見咁特別就去試下啦. 入到去感覺似一個大學飯堂. 在門口CASHIER 處已經可以統一買晒入面所有餐廳的食物, 好過一D FOOD COURT 如果要買幾款食物要行去幾間餐廳付款才買到. 最後揀左個韓國餐廳的"韓國粉絲(雞肉)拼泡菜炒飯", 買完之後坐低等左唔夠3分鐘就有得拎, 出奇地快..點知中伏了. 首先, 泡菜炒飯上面原來沒有煎蛋的, 因為看餐牌的時候見到泡菜炒飯張相是有隻蛋舖面的, 那我當是因為叫了雙拼所以沒有蛋了吧...一吃之下發覺泡菜炒飯一點也不熱, 極其量是微暖的..怪不得那麼快就有得食...原來根本係一早煮好晒..但無理由叮一叮熱都不做吧??而且泡菜味欠奉.. 不好吃 另一邊的韓國粉絲(雞肉)還好...不算得上熱, 但都比炒飯高溫.. 味道正常, 屬不過不失, 雞肉唔算淡貿貿不過有少少"鞋". 唯一可取之處係份量相當足夠, 食左一大半已經好飽.…查看更多