hea.vy的个人专页

星期日下昼1點半去到餐廳，唔洗等位。呢間餐廳最吸引嘅地方係個裝修好有特色，而且都好乾淨。同埋佢哋送好多嘢，每個客人會送一塊曲奇餅、前菜同湯。雖然唔係特別好味，但勝在有heart，好欣賞。堅香脆生煎肉餅飯 $88飯如其名，真係堅香脆！三塊肉餅又厚又大塊，兩邊煎香，但裡面仲係好多肉汁，好出色。最正嘅係除咗甜豉油之外，佢仲放咗啲薑蓉伴碟，撈飯一流。推介！滑蛋蝦仁叉燒飯 $88個蛋真係炒得非常之滑，而且真係有好多塊叉燒同蝦仁。叉燒都半肥瘦，質素不錯，但蝦仁唔爽口嘅，麻麻哋，同埋略嫌多豉油咗少少。不過碟飯好大碟，食到好飽。配菜曲奇…查看更多

星期五下昼3點去到餐廳，當然唔洗等位，但估唔到都幾多人。呢間餐廳最吸引嘅地方係可以坐出面，個景好靚好舒。同埋3-6pm happy hour，啤酒同紅白酒都幾抵飲，同朋友喺嗰度傾咗3粒鐘，推介！經典牛扒配薯條 $298250g草飼肉眼扒，我揀咗五成熟，出到嚟熟咗少少。雖然都好香肉味，但略嫌有少少韌。普普通通，所以有少少失望。薯條就外脆內軟，非常之好味！招牌肉丸意粉 $188意粉蕃茄味好濃，意粉嘅麵條軟硬適中，好味嘅。有三粒好大嘅肉丸，肉丸係由鹽漬豬油膏，同埋草飼牛肉製成，好味！Tiramisu 有啲甜，完全冇酒味。朋友用積分redeem嘅，所以唔洗錢。Long Black $32Flat White $38Coopers Draught $35 (Happy Hour)Vilafonte Series M (glass) $58 (Happy Hour)…查看更多

星期日12點去到，完全唔洗等位，簡直係完全冇人。因為餐廳喺黃金海岸酒店入面，環境好好，非常舒適。食物質素都唔錯，好滿意。招牌海南雞飯 $168雞肉非常序滑，雞皮同雞肉中間有一層薄薄透明啫喱，好好味！油飯好香，但個湯有少少鹹，美中不足。棷香咖喱牛腩 $130個咖喱真係非常之「棷」味。我揀咗最少辣，結果真係完全唔辣。如果食得少少辣嘅朋友，建議揀普通或以上嘅辣度。牛肉肉質稱唔上好淋，但都唔韌，整體嚟講不過不失。…查看更多

星期日12點左右去到，唔洗等位。食物質素同服務都正常水平，不過不失。豪華海鮮丼茶漬飯 $168丼飯嘅材料包括：三文魚、藍鰭吞拿魚、甘蝦、帶子、魚子。魚生都新鮮嘅，不過啲飯有啲硬，又食唔出平時日本米有嘅香味。茶漬飯可以揀鰹魚昆布湯或者香濃蝦湯，我揀咗蝦湯，都幾鮮甜。茶漬飯有兩種食法：1）將wasabi同醬油點刺身同飯一齊食。2）將少量飯同刺身放入細碗裏面，加入湯，按自己喜好加入wasabi食。牛肉壽喜燒定食 $128壽喜燒裡面有冬菇、豆腐、洋蔥，唯一牛肉有好少少太熟，但味道都唔錯，都唔會好韌。定食包埋溫泉蛋，係出色嘅。而個麵豉湯就略嫌太鹹，但整體嚟講都算合格。…查看更多

星期六2:30點左右去到，當然唔洗等位，不過可惜冇咗set lunch，唯有散叫。全餐最令我印象深刻嘅，係佢餐前送嘅麵包，真係好好味，其他就冇乜特別。新鮮特級水牛芝士簿餅配羅勒蕃茄醬 $200呢度嘅賣點係薄餅經過36小時天然新鮮酵母發酵，所以啲皮特別香脆、鬆軟，都的確唔錯嘅。水牛芝士都好好味，但我略嫌個羅勒蕃茄醬有啲太酸。燴和牛面脥配蕃紅花意大利飯 $240和牛面粒又腍又入味，好好味。意大利飯就正正常，不過不失，都一試無妨。麵包呢幾件餐前麵包真係好好味！送上嚟嗰陣仲係熱嘅，香麥味，仲要外脆內軟！…查看更多

閒日1點左右去到，餐廳都算full，好彩唔洗等位就入到。平時嚟工業城都係食茶餐廳為主，估唔到有間咁decent嘅餐廳，都幾舒服。叫咗set lunch $138，包沙律、湯、主菜同餐飲。芝士香煎鱸魚配薯菜鱸魚皮上面沾咗芝士粉再煎到好香口、啱啱上嗰又陣有少少脆，而啲魚肉又keep住好滑。好有驚喜！配菜有薯仔、蕃茄仔同西蘭花。沙律、餐湯沙律同餐湯都係誠意之作，沙律嘅醬汁味道清新，幾開胃，而且仲有好多雞肉。而餐湯味道都唔錯。…查看更多

星期六下昼兩點去到，都要等10個人左右先入到去，不過好彩人流去得好快，只係等咗15-20分鐘就入得。呢間店嘅餐牌只有三款拉麵，我試咗其中兩款。麵條軟硬適中，配菜有炸到好脆嘅牛蒂絲、洋蔥、蔥花，夾埋啲麵一齊食口感好好。雞肉同叉燒都嫩滑，係出色嘅。不過最重點都係個湯底，兩款都好正！海鮮。雞拉麵 $138個湯底好濃，因為加入咗蝦乾、魚乾嚟煮，所以海鮮味好重，好味，但就略嫌鹹咗少少。雞白湯拉麵 $138不愧為招牌菜，湯底好濃厚，又唔油膩，仲有啲似忌廉湯，真係好好味。餐廳仲特登用泡沫咖啡打泡法打出一層薄薄嘅泡，令到口感更加滑。絕對值得encore！棵木煙熏糖芯蛋 $15雞蛋都做到流心效果，而且真係有煙熏味，唔錯。座銀炸雞 $48個炸雞外脆內軟，雞肉好嫩滑，上菜時仲熱辣辣，不過略嫌油咗少少。…查看更多

平日夜晚七點去食，完全唔使等位。所有食物都上得好快，建議逐啲逐啲嗌。啲餸一次過送晒上嚟，食唔切搞到攤凍曬。黃袍北京填鴨（半隻） $250鴨肉都香，有啲肥肉而不膩，配菜有京蔥、青瓜之餘，仲有山渣條，夾埋一齊食都幾開胃。而且勝在可以叫半隻，兩個人食啱啱好。四喜烤麩 $68呢餐入面最滿意嘅一道菜，烤麩好入味口感好有彈性，甜中帶鹹味道好好。香露醉雞 $90雞真係好滑，但可惜唔夠入味，完全食唔出酒味。醉雞嚟講，係唔合格嘅。陳醋肴肉 $88水晶部份用陳醋製成，唔單止賣相吸引，襯埋啲肉仲好香。南翔小籠包 $60皮薄，小籠包裏面好多汁，送上嚟嗰陣熱辣辣，唔錯。…查看更多

朋友生日，一行5人去食嘢。因為朋友有elite membership，main menu半價仲送兩杯飲，仲有個main course同小食送。啲嘢食好大份，味道都算係咁，大家食到勁飽，埋單都唔洗$1200，真係好抵！特級肉眼扒 叫咗7成熟，牛嘅肉味濃郁，咬落去仲有肉汁！就連配菜薯蓉都好出色，薯蓉有奶油味，入面仲有一粒粒嘅小薯粒，好出色。精選和牛超級漢堡 個漢堡份量十足，好大份。個包外脆內軟，和牛叫咗七成熟，但係略嫌熟咗少少。裡面有生菜、蕃茄、芝士、紫洋蔥等等，食落唔會覺得好漏。拼盤對對碰 可以喺滋味雞翼、香脆雞柳、炸洋蔥圈、炸蝦、炸芝士條、焗薯皮、炸魷魚入面任揀四款食物。我哋揀咗雞翼、炸洋蔥圈、焗薯皮同炸魷魚，味道正正常常，冇驚喜。新奧爾良海鮮飯 個義大利燉飯好好味，而且仲有淡淡嘅松露香味。啲蝦勁爽口，好正。條魚就冇乜特別。經典燒排骨（蜜糖燒烤汁）對個燒排骨有少少失望，啲肉有啲嚡同乾，同埋蜜糖汁有少少太甜。珍寶蟹肉餅 非常一般，冇乜蟹味，唔試都冇乜損失。Ruby Refresher同Strawberry Lemonade Ruby Tuesday嘅特色飲品都係好味嘅，而且好靚，用嚟打咭啱曬！…查看更多

Boxing Day下昼去咗黃金海岸，12點左右唔洗排隊，但食食吓開始多人。餐廳細細哋，但坐得好舒服，唔會覺得迫，仲可以揀坐室外。侍應有同我哋推介唔同嘅食物，態度殷勤。滑蛋蒲燒鰻魚煲仔飯 $178鰻魚好好味，但略嫌個飯淡咗少少，建議飯同鰻魚一齊食。有少量飯焦，不錯。雞蛋稱唔上係滑蛋，但味道好香一人前串燒盛 $118有秋葵、大啡菇、菠蘿、波棒豬、牛粒同雞中翼。有炭燒味，菠蘿、波棒豬同雞中翼都好好味，但牛有少少韌。仲可以加$15配日本珍珠飯，適合不同飯量人士需求雞皮餃子 $72超級好味！咬落去勁多汁，又熱辣辣，正。仲配備沙律醬同鯖魚汁，點唔點都好味薔薇檸檬紅茶 $25 （配餐）玫瑰同檸檬味平衡得啱啱好，飲完仲可以添熱水飲多杯…查看更多

平安夜book咗枱，可用餐2.5小時，完全有足夠時間食，唔洗趕頭趕命。我哋揀咗坐室內，場內佈置咗啲聖誕裝飾，都幾舒服，最驚喜嘅係佢哋每枱人送一張即影即有，好貼心。生蠔 Gillardeau no.1 $88/隻生蠔鮮甜，好味，不過$88/隻有啲貴澳洲草飼羊架 $348 羊架勁好味，叫咗七成熟，啲肉好嫩又完全唔羶！食完已經想再encore牛肝菌意大利飯配法國鴨肝及鴨胸 $248個牛肝菌意大利飯味道好好，個飯creamy又唔會太漏，同埋裡面有菇，令到個口感好好。鴨肝ok，但鴨胸就好一般。如果可以淨叫牛肝菌意大利飯就perfect烤原隻法國春雞 $248正正常常，冇乜驚喜。我只吃了雞脾位，啲肉都幾滑嘅，不過朋友話其他位啲肉係嚡嘅，評價一般蘋果金寶 $88都幾好味，甜甜哋有啲玉桂味，不過送到上嚟嗰陣，個雪糕已經溶咗少少，好似放咗好耐咁… 紐西蘭Sauvignon Blanc 2020 $608…查看更多

星期日下昼1:30左右去到, 可以唔洗排隊直入餐廳. 入到去都坐得好舒服. 食物同員工服務質素都幾好, 不過餐飯就略嫌貴咗少少超特盛海鮮丼 $498有鮑魚, 海膽, 三文魚子, 牡丹蝦, 深海池魚, 吞拿魚腩, 赤身, 真鯛, 三文魚, 飛魚子同甜蛋. 海鮮全部都好新鮮, 不過啲飯就略嫌硬咗少少同埋冇乜醋味. 份量方面, 兩個女仔食都勉強ok, 但絕對唔會稱之為飽大蝦天婦羅 $48 (追加小食)好味, 隻蝦好爽口, 上到嚟仲係熱辣辣嘅, 滿意炸年糕伴紅豆蓉及豆腐雪糕 $58炸咗嘅年糕加雪糕都幾特別, 紅豆蓉同豆腐雪糕就當然好夾啦. 整體嚟講呢個甜品都ok, 不過又唔可以話好有驚喜…查看更多