William_Ray的个人专页

朋友知己週末共聚，提議找一間性價比高，能夠暢飲一番的川菜館。在附近工作的朋友首選推介這間位於北角和富中心附近的「好運大排檔」，作為聚點。餐廳格局走大眾化路線，價錢也大眾化，除了川菜，亦有粵菜可供選擇，完全滿足到部份不嗜辣的朋友。最後，我們點了辣子雞、酸菜魚、回鍋肉、甜酸五柳魚、乾煸四季豆、椒鹽炸鮮魷。正宗家鄉四川菜館要做到「清鮮醇濃、麻辣辛香」並不容易，這間川菜館卻做得到。特別出色及令人喜出望外的菜色，一定要選是辣子雞，雞肉外脆內嫩，不乾不柴，完全做得出「清鮮醇濃、麻辣辛香」的標準。不嗜辣的朋友也點了甜酸五柳魚，甜酸汁味道適中，魚肉鮮嫩，這個也很美味。另一個要推薦的是回鍋肉，一口回鍋肉，一口啤酒，用來佐酒絕對一流!吃飽了喝夠了，這個週未飯聚很滿足! 辣子雞：香辣惹味，雞肉外脆內嫩，不乾不柴酸菜魚：酸辣清香，魚肉嫩滑、份量很足回鍋肉：必食佐酒菜式甜酸五柳魚: 甜酸適中，魚肉鮮嫩乾煸四季豆:  鹹香爽脆椒鹽炸鮮魷: 酥香鮮脆…查看更多

朝早睇完YouTube(油管)介紹得好好，於是星期日下午4點，第一次去呢間餐廳試下。下午茶時間無咩人，一入去就俾個女侍應帶我坐角落位，個位後面仲要係放餐具，成日有侍應走來走去拎刀拎叉🙄 成間餐廳下午茶時段咁多位，唔使咁呀！？真心諗住無理由同YouTube 介紹會差咁遠，去到唔揀午飯/下午茶套餐，叫正價紐西蘭肉眼扒試下。1. 飲品叫凍檸茶走甜，嚟到又加咗糖，個女侍應好似發夢咁。2. 肉眼扒嚟到，醃到完全冇牛肉味，仲要一大浸梳打粉味，食塑膠撈黑椒汁咁款。我都已經唔係叫佢果D下午茶/午飯套餐, 正價都咁嘅質素。總結：呢間舖叫第尾牛扒都幾誠實，甚至乎可以形容係「謙虛」。第一次黎試，劣食！以後唔會再嚟，可一不可再！…查看更多

旺角區真係無咩好餐廳，順道經過呢區，上網見到呢間多正評，多人推介，係無睇負評內容之下，就中伏了。頭盤：生蠔盤 oyster platter只可以講，可一不可再，要食oyster快靚正，可以去Citysuxxx。頭盤：藍青口 blue mussels 番茄洋蔥粒湯白灼藍貝，食唔出自己食緊咩野，淡而無味。飲品：雜莓沙冰 Very berry 飲品無咩話好唔好飲，但係杯邊插幾條草真係好娘主菜：羊架 lamb rack叫Medium, 上檯似係rare。主菜：黑毛豬豬扒 iberico pork chop呢合係唯一叫正常既菜式。最後埋單$971, 知道去附近酒店食自助餐好過。呢間餐廳去一次就夠。其實如果要客人用餐後都仲肯浪費時間去寫負評，都算係另類成功。…查看更多

端午節假期，慕名光顧大埔區內最近新開的拉麵店。店名與幾年前大坑已結業的那間相近，不知道有沒有直接或間接的關係。不過也不最要，重要的還是食物的質素。點了一碗「鈴川」（達摩特上豚骨拉麵）」，呷了一口湯，骨湯味濃，但卻濃而不膩，絕對令人喜出望外。唯拉麵麵質可以有較大進步空間。另外點了芝麻雞翼，熱騰騰的上檯，香味撲鼻，入口感覺外脆肉嫩，調味調等很好，也不會太鹹。另外一讚是店內跟日本的拉麵店一樣，源源不絕提供凍水。有了這本凍水，絕對為這間拉麵店加了不少分。總括來說，這間拉麵在區內絕對值得推薦。…查看更多

店家推介的龍蝦喇沙，龍蝦啖啖肉，湯底香濃。好味指數爆燈。食完再飲杯冰凍消脂烏梅山楂茶，心滿意足的一餐Lunch!!! 第一次光顧，店員殷勤有禮，用心推介。下次有機會希望再試濃湯烏冬。…查看更多

夜晚OT完10點零鐘想食扒，見到呢間幾特別就去試下。叫左份普通Angus Rib Eye 250g 試下先, 食Medium, 一食無牛味，第二啖食落個心凍之餘仲有雪味。唉，早知係中環食大X樂！…查看更多

全間餐廳得一兩檯，唔使等位，貪座位舒服有冷氣。點知....方魚肉碎蠔仔粥：味道好咸，成窩水多果粥。鵝片： 都ok, 一般貨式。韮菜鵝紅：呢個超咸！鵝紅鞋口。清炒疏菜：明明清炒標價$48, 指明要清炒芥蘭，埋單侍應話要收方魚炒芥蘭價錢，好取巧又唔寫明。兩個人連加一晚餐要$307，但質素同服務極差。侍應無禮貌，決定無下次！（順提一下，門口貼的二人晚餐$168侍應竟然話係6點前先有，完全感覺非常取巧！）…查看更多

一場大雨過後中環氣溫驟降! 同事今晚建議食煲仔飯、打邊爐、醉雞鍋...多多意見最後還是選擇了一大班人熱熱鬧鬧圍住個爐「打邊爐」!!!!中環人打邊爐第一時間想起西環的「火井火鍋」。是晚雖然沒有大Sir請食飯，但依舊大魚大肉，無他，一大班人最緊要食得開開心心 今晚所選的火鍋湯底 及 配料如下﹕火井招牌鍋﹕ 很懷念的味道，每次必選，最後必定會飲返一碗湯~正!! 馳名醉雞鍋﹕ 足足有半隻雞係裡面，冬天打邊爐呢個湯底無得彈!! 招牌牛頸脊﹕ 每次黎食D牛肉味都咁濃郁，上一牒清一牒!! 食極都唔夠喉!! 脆肉脘魚﹕ 新鮮夠脆...牛脷柧﹕ 唔清楚係牛既咩位置，不過又幾好食wo!! 喜出望外!!雞子﹕ 同事最愛雞子，我就麻麻囉 鵝腸﹕ 肥美鵝腸~賣飛彿!!魚翅仔﹕ 打邊爐都要有翅，夠豪!! 但魚翅本身冇味，要靠湯底餵味(個人建議用醉雞鍋湯) 墨魚/ 蝦滑﹕ 火鍋必食，呢樣唔使教啦。爽甜田雞扣﹕ 好補呀，哈哈我鍾意! 鮮甜!生豪﹕ 肥美兩個字已經夠晒照!!!豬潤﹕ 呢個我麻麻，益晒同事，哈哈!冰豆腐﹕ 每次食呢個都覺得好感動，果種texture難以形容，我好鍾意 油麥菜、生菜﹕ 菜只係陪襯，我地成班係食肉獸!! 哈哈總結﹕ 兩個湯底都超正，岩晒我! 配料新鮮，價錢合理，伙計會主動推介靚配料，服務OK! 一定會再光顧!! …查看更多

放工最愛跟同事打邊爐，今次地點又係去西環。今次去左西環既「煲皇」。(1) 牛肉﹕打邊爐最緊要係，點了牛脊同牛腋，質素普通，有雪味，比較令人失望。(2) 珊瑚蚌﹕都係失望，唔夠新鮮。(3) 冰豆腐﹕呢個OK。(4) 炸魚皮﹕味道略咸，貨色一般。(5) 鬼馬油條﹕第1次食感覺幾特別，都OK。(6) 芝心丸﹕本身係芝士迷~不過真係好唔夾囉，難食!(7) 蔬菜籃﹕普通整體黎講，價錢唔算平，材料質素認真要改善。本身好想叫刺身，但係同事建議唔好搏。可能太忙關係，服務態度麻麻。相比上次去既同區另一間火鍋店，今次食得冇咁痛快，敗筆仍在牛肉質素的情意結上，短期內不會再試這一間。…查看更多

是晚在中環放工後與朋友知晚飯，朋友提議到石塘咀附近的火井吃火煱 是晚配料﹕招牌鍋﹕ 雞腳, 支竹, 豬皮, 多蕃茄, ( 蕃茄湯鮮甜~超正!! 不會太膩)招牌牛肉﹕ 牛肉味濃郁而有口感, 不太肥膩, 論品質價錢絕對超值 <<必吃之選 1>>冰豆腐﹕ 第一次在火煱吃這種配料，很特別。墨魚滑、蝦滑﹕ 肉質彈牙，味鮮!! <<必吃之選 2 >>魚翅仔、花膠﹕ 第一次在火煱吃這種配料，但係又真係唔錯喎。珊瑚蚌, 珍珠蚌﹕普通的火煱配料，但很鮮甜。魚皮餃 ﹕ 普通的火煱配料。冰鎮象拔蚌刺身 鮮甜!!! 花蝦刺身﹕ 不是火煱配料，類似泰式生蝦，好新鮮~正!!! <<必吃之選 3>>總括來說﹕這裡的海鮮材料都很新鮮，牛肉跟海鮮屬必吃之選。今晚很滿意!!…查看更多