我呢..真係好少寫食評，今次迫到我寫食評.. 話說依家6點後唔比堂食.. 諗住幫襯下小店..經過見到漢堡包賣相幾吸引.. 就決定幫襯..一入到去.. 完全無招呼.. 又無量體溫.. 埋到去收銀落單，收銀小姐語氣冷淡 好似聽緊你落單 但又好似心不在焉咁... 我叫左個牛魔王漢堡加大蘑菇（$14）加左$18轉餐 有汽水 同三文魚手指， 再叫左個滋味雞翼盤 $36... 落完單之後，佢問我 要咩包.. 我又重複多次.. 然後我問佢 大蘑菇係咪等於大啡菇... 佢唔答.. 轉向後問廚房 有無大蘑菇呀？ 點知廚房大聲話 唔煮啦 好麻煩. 個收銀小姐就話 賣哂... 我呆左.. 19:10 都叫做旺市.. 竟然怕麻煩唔煮...我都算. 轉頭收銀小姐又再問我 剩要一個包？ 我又再重覆一次.. 然後佢心不在焉咁又覆一次單... 我真係有少少炆.. 我問 仲要講幾多次？ 佢話覆多次怕錯. Ok 我真係覆多次.到我成功比到錢 等到外賣之後， 佢叫我號碼， 一野扔係枱面. 咩態度？ 無禮貌 收錢一句多謝都無. 依家仲要好似乞食咁. 我拎起外賣 望下有無執漏. 真係有. 我轉頭問佢 差罐可樂. 佢話：你都無落過單. 我火都黎，我話我覆左你4次有多 你仲話覆多次驚出錯. 你依家係比漏左. 佢話咁比返你. 唔好意思一句又無 比漏左第一個反應係賴客人？ 覆左4次單你都出錯， 有無心工作？講返食物先， 一打開個$36雞翼盤 見到+$18 既三文魚手指.. 簡直震驚 恕我不能接受， $36 得2隻炸過龍既雞鎚 3隻迷你炸雞翼.. 仲有$18 得2條幼到不行了既三文魚手指 仲要食落去咩味都無.. 似食緊炸粉..到佢個招牌漢堡.. 不過不失. 牛味唔夠香.. 有少少搞笑係..包以外係酸酸地既汁...個汁係另外淋係側邊... 要拎起個包 dip汁食... 主打漢堡不過不失.. 小食偏貴 性價比低， 再加上服務態度惡劣， 影響哂用餐心情， 唔會再有下一次！…查看更多
表示 由於父親節期間， 需要每人點一個餐。 我說我真的吃不了， 此時，女店員（或店主）一聲不吭地走回廚房， 那算什麼態度？ 
我環繞全場觀察，只有我們這枱人，若然你全場爆滿，我也覺得你的要求情有可原； 若然只得一枱客，還要是父親節當天，你用差勁態度強烈要求要多點一個餐，我真的不能理解！ 你下的 逐客令 令我們的父親節不能團聚！ 
