以前係中環食過，記得當時味道係可以既，不過對比同類型餐廳既話佢價錢算係偏高。最近見佢係元朗屯門都開咗分店，今日經過v city呢間就入去試吓啦，我叫咗2碗雲吞河其中一碗係加底，落完單無幾耐就上啦，店員2碗一齊上既，當時佢一放低我望落去2碗野到心諗真係有分別咩？邊碗先係加底😂？，因為店員主動將2碗各分別放係我哋2人面前，所以我都無多問，估計佢係分好咗。咁就開始食啦，味道方面無特別，雲吞係我係香港見過最細粒，成粒雲吞就好似為咗hea你而面世既出品。仲有佢啲辣椒油唔知點解要問佢拎先有，唔知係咪因為佢本身舖頭有賣辣椒油覺得值錢所以要收埋，最後食完成碗嘢係唔夠飽咁離場，埋單102。👎總括嚟講開分店做啲咁嘅出品，根本係做壞自己牌頭，同樣價錢我相信呢啲區有更好既選擇，雖然係老字號但係性價比太低啦。…查看更多
Pizza 10"細批$58 咖哩雞薯仔飯$40哈哈哈哈哈哈哈哈哈 一句講晒 平靚正！
