小豬碧碧的个人专页

同朋友開開心心食飯. 但卻遭到不禮貌對待. 感覺極差1.由朋友坐下問侍應要幾杯水開始. 佢反問我們 : 等佢放底外賣先. 好冇? 然後很大力放水在枱面2.到下單. 我們詢問菜單中問題. 也顯示得不耐煩. 我們先查詢拼盤有些什麼, 侍應簡單回答可選四款. 但我們沒看清楚. 叫錯了芝士煙肉薯條，她即問: 咁你個拼盤仲要唔要ga ?我用中文下單.「豬肋骨拼雞翼」 但她卻用英文反問係咪要「Ribs & Wings」?3. 自助沙律吧中沒有粟米. 要問好幾次先有人添加4. 最後結帳，朋友有會員卡.職員需要核對姓名. 但朋友卻遺漏了銀包在公司，(由於她在十一月頭惠顧同一分店時. 職員並沒有核對. 她以為沒有需要.) 但該職員態度非常惡劣. 聲稱佢地冇可能唔對 ! 仲話你冇拎証明都無辦法 ! 我們再查詢那可否再申請用openrice 100元做會員那個優惠. 佢回覆那不是我們給的offer.我明白未能提供姓名核對是我們的責任. 但侍應是用我們是吃霸王餐那種語氣來招待 ( 重申一次. 結帳那位侍應態度係非常惡劣) 同一說話. 用不同語氣表達. 客人感受差天共地我們即場有向分店店長投訴, 從店長口中得知，負責結帳態度極差的侍應居然還要是經理食物質數ok. 但如果係咁對客人. 食得咁委屈又唔開心. 我覺得冇人會去. 至少. 我以後都唔會再幫襯話說我11月幫襯同一分店. 係非常愉快的. 估不到事隔一月. 服務會差咁遠…查看更多

原本諗住去糖苑ge. 點知見佢貼咗張紙係門口 .話轉角位開咗間甜牙牙 (佢地同一集團)咁三個女人仔咪又諗住試下新野law環境都ok 舒服. 不過如果坐滿人應該會有少少迫. 而呢晚入到去有三四枱客.侍應亦很有禮貌. 係會食得開心. 會反轉頭再食第二次的店鋪坐底叫完野食. 侍應就放底三杯水. 個杯好細. 幾可愛. 但我亦覺得細心. 有時食完甜品. 個口甜耶耶都想飲啖水ga ma. very good ! 朋友叫咗一個綠茶紅豆木糠布甸.食落口. 綠茶味不算太重. 紅豆有點點甜. 可能蓋咗d 綠茶味. 但d 餅碎真係好幼細. 食落口都好滑呢. 我自己就叫咗個流心朱古力梳乎厘. 流心. 其實係俾d 朱古力漿你淋上去. 但味道都挻不錯的. 又夠熱. 我自己都覺得幾好味但朱古力味又唔算話好濃那種另一位朋友就叫咗蜜糖肉桂窩夫都幾大碟ga 喎 !! 仲有好多舊下. 不過食唔出有肉桂味. 都脆脆地. 而我攞咗黎點朱古力漿呢間鋪頭仲有一個九層的窩夫. 好似$160. 如果你一個人係45分鐘入面食哂. 就唔駛錢. 唔知有冇人挑戰呢. haha…查看更多

之前買咗張團購. 今晚得閒便過來試下.我叫咗心太軟. 老公叫咗個凍芝麻糊凍芝麻糊. 普通貨色. 唔太甜. 但又稀咗少少. 芝麻味一般. 我的心太軟. 都等咗十幾分鐘有多. 不過都明白. 要焗係需要時間.雪糕有幾款口味選擇. 正常味道一篤落去蛋糕. D 漿已經係咁流出黎. 試一啖......好大陣麵粉味. 而D 朱古力係冇咩朱古力味的.....蛋糕質地同我平時食開的唔同. 感覺不太好.旺角咁多甜品店. 我應該唔會再反黎食.另外很認同樓下一位食家講法. 有個女侍應的確係勁黑面. 由落單到埋單. 不過又唔係話態度好差ge. …查看更多

因為未夠七點已經去到. 所以唔洗等位.因為曾經食過同一類食店. 配菜全部都是蔬菜. 完全沒有其他選擇. 只是單純牛肉和蔬菜很悶....我在門口詢問的時候. 侍應話我可以睇下個自助BAR 先決定. 跟住見到都有好幾款丸. 就決定了我地叫咗泡菜辣湯底+ 豆乳湯底. 辣湯底比較惹味. 豆乳湯底是有點太清了. 所以我地D 蔬菜會放係豆乳湯呢邊. 可以清清地牛肉是$118 那款, 不過可能係最平LA. 唔太肥. 有D 鞋 .唔知貴一個價錢 $148 係咪會肥番D 呢 ?豬肉就沒什麼問題肉都係可以任叫的. 但我地兩個人食咗兩碟已經好飽啦配菜有很多選擇.丸類有墨魚丸. 獅子狗. 芝士腸. 兩款炸魚蛋菜我地就夾咗金菇.生菜.蘿蔔. 雞脾菇同粟米.仲有豆腐同油揚. 油揚索哂D 湯好好味佢連醬料都有好幾款俾你選擇的啊 !仲有烏冬同素麵. 個人覺得素麵比較好味. 因烏冬比較淋 (我唔係滾咗好耐)而係自助吧. 還有白飯及和牛炒飯提供. 而和牛炒飯都幾好味的. 平時用個電飯煲焗住的都馬馬地ga ma. 估唔到呢間又ok喎 !而套餐還包咗飲品同軟雪糕. 飲品係汽水機. 可惜沒有冰不夠凍. 仲要冇咩氣. 所以最後我都飲水先但有軟雪糕. 可以自己唧. 又可以加jam 和 粟米片等配料. 好好玩而且味道也不錯呢 ! 環境都坐得舒服. 90 分鐘亦夠時間食. 有機會會再來…查看更多

因為之前買咗團購. 好似48蚊當100蚊用. 餐廳格局似西餐廳. 我打去訂位時係廣東話侍應接聽的.去到門口呢. 發現呢位男侍應唔識聽中文. 要英文溝通. 跟住仲聽到佢同隔離枱用韓文落單. 仲有幾個女侍應都係識韓文. 我估佢地係韓國人卦 . 咁當中都有兩三位本地侍應不過佢地全部都好好禮貌的. 講番食物. 我地兩個人下單後不久. 先來了一碟前菜~ 四小碟咁款. 睇番張單. 係FREE GE有甜番薯. 青瓜.翠玉瓜. 仲有一舊好似天婦羅的物體. 跟住我地叫咗一客石頭飯侍應會係我地面前幫我地撈好的. 味道不錯. 但不會說是很熱的另一個係炸蝦壽司. 個味道和日式的都幾不同. 唔需要點豉油都夠味. 我幾鍾意跟住兩樣野都食哂. 等咗好耐. 仲欠一客炸雞. 因為上黎OPENRICE 睇過都好多人食MA. 原來佢送錯咗枱跟住有個韓國女侍應走咗過黎係咁同我地SAY SORRY個雞黎咗. 嚇了一跳. 好大碟. 但係一D 都唔好食. 仲要$16X . KFC 會好味過佢多多聲. 總之食第二D 野好過呢樣係絕對唔值.........埋單三樣野加埋37X . 少少貴LA. 但都可以接受ge…查看更多

可能早去到. 餐廳入面得一枱客人我買咗一張coupon . 48蚊當150蚊用老闆初初同我講. 話可以兩人用兩張. 咁我話我只係買咗一張. 咁叫野食. 我地選擇咗燒鵪鶉. 咖喱雞. 烤餅同黃飯.咁都認為兩個人夠食啦. 但老闆就不斷叫我地加野. 我英文不太好. 咁我地叫埋飲品啦. 但都仲係叫我地叫多樣野食噃. 我估係每人有最底消費卦(應每人一百蚊). 所以我地就再加多咗個餃子第一碟先來了印度黃飯. 如果撈咖喱食我都覺得冇咩. 但有幾啖我就咁食. 可能佢都比較重香料味. 我唔係好接受到咖喱雞. 不算太大碟. 而且唔辣. 正正常常. 沒什麼特別薄餅 . 好好味. 夠酥又唔會好油. 燒鵪鶉. 雖然個樣紅卜卜. 但其實一d 都唔辣ga. 同埋真係好細隻. 呢度已經有兩隻幾ga la. 所以冇咩肉食的. haha最後來的餃子. 好似小籠包. 都幾好味. 但唔似咩印度野. 反而係中間個汁先正. 酸酸地又辣辣地.點餃子好好味埋單25x. 扣咗coupon . 補一百. 對我黎講有少少唔抵啦. 因為團購冇寫明話要有每人消費. 我諗住150夠兩個先買一張但最後就同平時出街食飯差不多價錢不過都唔關佢事ge.都係團購網站冇寫清楚…查看更多

和老公食lunch .見呢間新開不久. 便入去試試. 少少多人. 但等10分鐘左右都可以了食物選擇不算太多. 但食物質數有驚喜我地兩個都點咗滑蛋豬扒飯. 再加咗一客炸雞炸雞個皮炸得好脆. 調味也挺不錯的. 加上檸檬汁. 好好味跟住滑蛋豬扒飯. 平時老公馬馬地日式的滑蛋汁. 但今次佢居然話好味. 豬扒又係炸得好脆.又唔油. 又唔會太老 very good. 而且份量都多多地. 又或者係太漏啦. 兩個都食唔哂 . 環境 : 整間鋪雖然不太大. 但都唔會放枱好密. 都坐得舒服. 可以再黎食多次.:)…查看更多

星期日和媽媽去下午一點. 門口好多人. 原來有部份人係叫外賣. 有d 人又以為要攞飛. 其實呢度係冇ga 要自己入去等位. 住咗元朗好多年. 還是第二次去吃. 鋪頭雖舊. 但乾淨. 侍應也是很友善的.不過等食就真係要一點耐性. 要等5-10分鐘先有和媽媽各叫了一碗水餃伊麵和雲吞伊麵. 因為伊麵要加五蚊. 所以細細碗就25蚊佢d 餃子好得意. 個皮有點似魚皮餃咁但係d 伊麵. 似乎煮得太淋了.......雖然唔油. 但係一d 口感都冇. 淋到唔駛咬阿媽醒咗一隻餃子俾我. 雲吞有五粒. 餃子就好似有四粒咁細碗麵. 我唔係好夠. 所以就叫多咗一個蝦子撈麵. ($38)點點失望的是蝦子不夠多. 但撈勻都好香. 麵的質地很好. 很爽. 又冇梘水味. 超讚. 我覺得比起我在澳門吃的. 其實更好…查看更多

第二次來吃. 因為朋友未吃過又很想試. 所以便再來雖然門口好多人. 但都係等咗30分鐘左右. 都算快啦 !我一坐下. 侍應便跟我說這兩天很好生意. 因為十一黃金週. 他們一天便做了七十萬的生意. 我地坐底大概8:45 pm 左右. 但好多野都冇lu我想食豆腐. 但說所有豆腐都賣哂. ......朋友想吃炸粉果. 開頭都下咗單. 但都食哂野都未黎. 最後追問.....原來都係賣哂啦 !!!好彩仲有得食出名的蝦多士. 不過一叫就要叫12隻......朋友話係旺角另一間. 不是老鋪. 可以半打咁叫的乳豬拼大腸乳豬好好味呀. 雖然不算太多. 生腸我不算太好. 所以沒什麼評價上面兩碟餸都不便宜. 每碟都要百幾蚊跟住叫咗一個粉絲雜菜煲還有一個咕嚕肉. 這個很好吃. 真的每粒也是脆脆的. 又不會太酸. 有驚喜最後等不成炸粉果. 咁唯有食埋個糖水就走人 (糖水是送的)第一啖是有點太甜. 但食食下都幾好味整體係全部野都好味. 但同係近火車站的那一間鳳城相比. 其實味道相差不算太多.但那間唔駛等位. 仲會坐得舒服d…查看更多

其實想食佢個打邊爐好耐ga la但成日都就唔啱. 冇去到. 呢日終於食到啦:)同老公叫了一人一鍋. 一個濃湯. 一個番茄湯. 再加多咗一個煙肉牛肉的份量不少呀. 我覺得比起其他快餐店. 佢牛肉係比較多ga至於配料方面 有兩粒丸. 一個褔袋. 蔬菜. 豆腐同烏冬. 濃湯好夠味. 番茄湯也不錯.原本我都想加配蟹柳. 但十蚊得四條好似好唔抵咁. 同埋打邊爐有時都會想點豉油ge. 但佢就只係得芝麻醬提供. 點哂想要加. 要3蚊ga總括黎講. 食得好滿足呀. 下次會去再食. 如果可以有埋餃子就好啦. haha…查看更多

已經是第四次來到這間cafe 了但今次才第一次和老公來老公入到去話覺得環境都幾舒服我們叫了兩客晚餐+一客小食豬肋骨 ~ 好大條呀. 差點吃不完. 肉好淋. 味道也挺不錯的芝士鵝肝雞扒軟殼蟹飯可能我唔like 鵝肝. 個汁味道我就一般. 但個軟殼蟹炸得好好味. 又夠脆. 又夠咸買相有少少差la. 但都ok ge我地另外加咗個芝士肉醬薯條. 我之前食過覺得好好味的. 今天的味道好似有點不同.但又唔係難食. 普普通通晚餐其實還包了餐湯. 飲品和一客小甜品. 甜品是朱古力奶凍. 因為個人不好奶類製品. 所以沒嘗試了他們的飲品有杯麥香紅茶都幾好味的. 清清地而由於今次有團購coupon 的關係. 兩個人埋單才160 完呢 ! 抵 !!! . 平時只係個豬仔骨都已經 $168 了…查看更多

因為團購的關係. 來到這一間行過都不留意的餐廳係地牢位置. 平時行過都冇留意. 今天沒有表演. 沒有音樂. 卻可以讓我們舒服地傾計.服務生由打電話book 枱到下單. 也是很有禮貌. 也會講解清楚優惠細則和推介食物. 環境是挺不錯的我地三個女仔叫咗四樣野和三杯飲品田園沙律. 味道都OK ge. 但份量似乎不太多.可能同想像有點出入吧意式薄餅 ~ 雖然個邊有dd 燶. 但食落去冇問題. 個餅好脆. 好好味. 我鍾意呢個 !! 香辣蜆肉意粉 ~ 都有少少辣. 不過有少少油. 而且意粉軟硬適中. 都好味豬仔骨 ~ 都幾大條. 但骨可能比較瘦. 有點鞋. 不過味道OK !而且d 薯皮都好正.另外三杯飲品係沙冰和焦糖朱古力. 三杯味道都不算太甜. 而我飲沙冰又不會算是超凍的. 值得一讚埋單四百幾. 因為團購關係. 每人埋單才只是76蚊. 真係抵到爛. 有機會都會再黎ge …查看更多

和老公周圍行. 見到呢間泰式野未食過. 價錢又不貴. 便入去試試店鋪不大. 不是舒服的類型. 但又不算太迫叫了泰式生蝦. 雖不是大隻. 但味道不錯. 又爽口. 汁料美味香滑咖哩牛腩包. (唔係好記得個名.....大概係咁)包包偏淋. 好易索得太多汁. 有dd 一pat pat咖哩都ok ge. 但不太香. 而且不辣足夠二人份量蝦餅 香口彈牙仲有杯椰汁冰. 係我地飲過咁多間最好味ga. 好似有少少椰青的感覺. 又唔太甜. 清清地…查看更多

團購. 78蚊一個二人套餐. 原價108有招牌巨碗米線 、小食、串燒 及 飲品 . 都相當抵食. 米線我地要咗酸辣(小辣) . 味道不錯. 又多餸. 份量又足. 兩個食得勁飽. 只係米線煮得淋咗D . 至於小食. 雖然有三款咁多. 但味道有待進步. 全部都太油LA. 串燒. 好明顯唔係燒而係炸. 冇香味. 而且好油. 榴槤盞. 表面係用芋頭整ga喎. 係幾得意. 不過榴槤香味欠奉. 食咗一舊已經冇食lu炸雞翼. 雖然話香辣. 但就冇咩辣味. 炸得幾脆. 不過炸份亦太厚. 總括黎講. 米線可以再試. 但小食大部份都要再做好d 先有得反轉頭.…查看更多

環境其實不錯. 都坐得好舒服. 只係後面有幾枱人太嘈........破壞哂.侍應不太足夠. 雖然餐廳不大. 但只得兩位樓面. 見她們都忙得踼哂腳. 但要讚一位阿姐很有禮. 常推介食物給客人另一位80後. 可能太多野做.有少少黑面. 成日問非所答.......叫咗兩個晚餐. 有前菜. 餐湯. 主菜和飲品其中一款前菜我地加咗60蚊轉香煎日本廣島蠔. 比較細隻. 但最重要係唔熱. 連暖都可以只係話微微暖........而且鋪在上面的配料也不太合襯另一客正常要番個蜜桃雞柳沙律. 如果多番D 醬會好味D. 好似就咁食生菜咁......主菜. 其中一客係紐西蘭肉眼扒. 但塊肉可以話完全冇味......唔知食緊D 咩咁. 真係自己煎都好過佢另一客係海鮮龍蝦汁意粉. 呢個反而一讚. 汁同意粉都幾好味. 入面有兩隻比較大少少的蝦. 味道也不錯不過. 總括黎講. 試一次就夠了. 不值得反轉頭…查看更多