buttermilka的个人专页

我平時都久唔久去黃大仙分店飲茶，生日飯，小朋友擺百日宴都係度擺，從來無諗過茶都未飲已經比人鬧到飽哂！上星期六去飲茶，坐低話開茶，個呀姐轉頭走左四個字都無開茶，唔緊要，見佢開緊第二三張檯先問下佢，佢一句：你開茶咁點？關我咩事！fine,搵第二個開！點知佢推住架車仔好晦氣：呀姐你tun前啦！我唔明，你後面有位過點解要人tun，就算係你識唔識講唔該？之後仲要企係沖茶房門口指住我地鬧同大大聲問：有無人要開茶呀！我實在忍唔住先鬧返佢！大佬，我嚟飲茶架，唔係受你氣呀！你唔想做你就唔好做唔好搵人出氣！最後如果位呀姐所講：唔好飲囉！係呀，唔會再嚟，就算呢區無茶飲都唔會再嚟，我飲唔到咁巴閉既茶，食唔到咁巴閉既飯！…查看更多

本身唔係去呢間，不過一行六人又星期六行過就試下啦！店面細，不過疑似老細好熱情，仲叫我地係店外坐住等，揀定要既煲都好快上檯！叫左個中辣既雞煲，講堅真係幾辣，雞ok，好濃味，但個汁太杰同太咸，要不停飲水！魚煲叫左小辣，味道ok，魚多骨，都幾大條同幾滑。其他散叫除左個牛肉行貨之外，芝士蝦丸雲吞都新鮮，以響鈴最出色，每樣份量都好足，亦都明白點解杯飲品咁大杯，實在太咸喇，不斷加湯都覺得咸！其實都可以一試，但建議九半後，半價會覺得更ok!記得佢地限時一小時四十五分鐘，其實都好足時間唔會食得好趕！…查看更多

同老公去土瓜灣拎野順道食lunch,行過就見到米芝蓮咖喱牛腩，老公話想試下就入去喇！佢點左個咖喱牛筋肚飯，咖喱幾濃，份量夠，牛肚薯仔都多。我點左清湯腩河，牛腩唔係稔哂既，湯底ok，蘿蔔甜，而且辣度同牛腩肥瘦都可選擇，呢個價錢都ok既，未至於驚為天人但比一般牛雜麵舖算不錯，米芝蓮呢，其實可以忘記佢。…查看更多

旅行返嚟約埋朋友飯聚，朋友提意outback因有小朋友又想飲beer,坐得舒服d。電話預約八點半，八點三到左明明見有吉檯都要等到八半先入得，可能係原則問題啦。六y個大人一個bb,叫左六樣野，首先免費黑糖麵包真係好好食，微暖加埋個忌廉真係好正！個炸洋蔥花真係好掂！但無四五個人真係唔好叫！烤雞胸凱撒沙律就一般啦，唔夠味。肉醬意都係一般，蝦肉白汁意就比想像好，好creamy,唔漏，汁適中，仲有少少胡椒吊味！蒸蟹腳都係一般，肉少，不過都食到少少鮮味。烤雞拼燒豬肋骨，烤雞一般汁料酸甜，豬肋骨味道好好，肉鬆軟，薯蓉亦不錯！最後無試到甜品就收手，因為已經好飽喇！事實上我個人覺得一般，無其他人講得咁好食，價錢以份量嚟講係ok既，主要係坐得舒服，啱一大班人傾偈，小朋友既設施都好，仲會另外比一杯膠杯水小朋友，算幾細心。人手好似唔太夠但有禮既。連倒啤酒位師傅都好得，朋友話佢fill guinness好正宗！點汽水既係可免費refill既，朋友點既古巴特飲都有encore!好笑是，見到其他檯兩個人既離開時都剩低一大碟薯條，朋友話次次去outback都有呢個景像！…查看更多

旅行返嚟約埋朋友飯聚，朋友提意outback因有小朋友又想飲beer,坐得舒服d。電話預約八點半，八點三到左明明見有吉檯都要等到八半先入得，可能係原則問題啦。六個大人一個bb,叫左六樣野，首先免費黑糖麵包真係好好食，微暖加埋個忌廉真係好正！個炸洋蔥花真係好掂！但無四五個人真係唔好叫！烤雞胸凱撒沙律就一般啦，唔夠味。肉醬意都係一般，蝦肉白汁意就比想像好，好creamy,唔漏，汁適中，仲有少少胡椒吊味！蒸蟹腳都係一般，肉少，不過都食到少少鮮味。烤雞拼燒豬肋骨，烤雞一般汁料酸甜，豬肋骨味道好好，肉鬆軟，薯蓉亦不錯！最後無試到甜品就收手，因為已經好飽喇！事實上我個人覺得一般，無其他人講得咁好食，價錢以份量嚟講係ok既，主要係坐得舒服，啱一大班人傾偈，小朋友既設施都好，仲會另外比一杯膠杯水小朋友，算幾細心。人手好似唔太夠但有禮既。連倒啤酒位師傅都好得，朋友話佢fill guinness好正宗！點汽水既係可免費refill既，朋友點既古巴特飲都有encore!好笑是，見到其他檯兩個人既離開時都剩低一大碟薯條，朋友話次次去outback都有呢個景像！…查看更多

星期六同老公閒逛tst,順道試試丸龜跟新宿店有沒有大分別。下午兩點附近食店都很多人，幸好我們都不用排隊。食物及店面形或跟日本店差別不大，仍是半自助形式先選烏冬，再自行選擇天婦羅，飯糰，飲品，醬料及水，選好以後再付款。我們點了豬骨烏冬，冷烏冬，飯糰，炸蝦，炸雞，炸魷魚及啤酒。烏冬是即做的，入門口就能看見，老公話豬骨湯ok，冷烏冬亦不錯，飯糰沒試，天婦羅就一般不太有驚喜，反而炸雞夠味亦夠滑。雖然還是跟日本店有出入，例如食物不夠熱，有客人的咖喱湯要翻叮，食物選擇較少，天婦羅也不太熱，人手不足等。但其他大致仍是可以的，好喜歡那種自助形式，店舖整潔細心，有水及醬料供應等，價錢合理又可亦大或小份量，而且跟日本一樣都是客人要自覺把吃完的碗筷放回回收位置，這個做法非常好，希望有更多食店可施行，尊重店員又可提高公民責任！…查看更多

其實之前食過個任食火窩好一般，但預左,我最想講係態度問題，我好聲好氣問一句，個未講得正廣東話既樓面呀嬸勁悔氣頂十句，就算有米芝蓮我唔會再幫襯，亦希望貴酒樓可以訓練下員工！…查看更多

朋友聚會，買左團購五大一細，點知。。。雖然明白團購都唔會有咩特別好野。。不過真的很差。。 十二點開始一入去：咁細既，又少野食，明明買果時好似好多野食。。麵包好凍同硬，三文魚同片皮鴨要排好耐每次限制拎，甜品多但唔好食，壽司唔好提，熱食大路野好一般，鐵板食物普通個普講，個師傅好似嬲左成村人咁，最好食應該係生果同排好死耐但好細杯既哈根大司雪糕。。另外巧多自由行好失禮。。餐廳人手好少，見到侍應好辛苦。。一句講哂：不可一不可再。。…查看更多

平安夜食buffet實在唔太抵，朋友提意食放題，其實好早前已聽過大喜屋好評如潮，所以一早訂定位去試試！是日一行七人九點半就係樓下排隊，雖然訂左位但都好有系統咁安排上去,十點正就開始點野食，刺身勁新鮮擺放很美觀，帶子，油甘，三文魚好厚身，食落鮮甜無雪味。鹽燒雞軟骨同靖魚咸味適中，而且燒得夠時間唔過火好香口，燒羊架老友勁讚，可惜我唔食羊無試。大蝦天婦羅脆口唔油膩，炸廣島蠔同樣脆而香軟，蠔味十足！黑椒牛柳粒亦不錯，牛柳有肉汁亦唔鞋口，汁煮牛舌出奇討好，唔蘇之餘又入味似足炆牛腩。反而焗蠔同壽司有保留，焗蠔汁料好味，但個人實不太愛饟入的餡料，口感太鬆散，而且吃不到蠔肉。壽司真的很遜色，飯太差無醋味，奇怪是壽司用上的海鮮跟刺身好大對比，是同一樣的材料嗎??甜品都係雀巢雪糕，無特別，怪在鄰桌有生果盤而點菜紙上沒有此項。大致上這餐放題好抵食，而且態度良好，安排上菜時間都好準時，當然溜單情況有但不嚴重。但如果坐位間有上空隙會較好，起碼要上洗手間會較方便。…查看更多

事次係facebook群組狗狗們開聖誕party，所以做左research就訂左狗餅物語喇，皆因地點係旺角夠哂方便，原本對cafe一向無特別厚望，所以都係至在搵個地方包場慶祝。一入門口公關巴斯就好熱情咁迎接喇，同狗狗們玩完一輪，食物就到喇，我地揀左$190既menu,有三個主菜同六款小食，兩杯特飲，特飲就正正常常啦，主菜有芝士肉醬意粉，煙鴨胸白汁長通粉同大蝦蒜香意粉，小食有蜜糖雞翼，薯角，雞軟骨，魚柳，芝士腸同大蝦沙律，份份都係到會形式上菜架，即場整熱辣辣，沙律同小食都好好味，反而係個芝士肉醬意粉好有驚喜，好食過pizza店果d多多聲，而且唔油膩，甜酸程度好平均，所以好快清哂！另外蜜糖雞翼相信亦都好好味，皆因我想拎時已被清哂喇...希望下次再試返啦！！…查看更多

冬天一到就點都要打邊邊啦，打得多又心思思想食雞煲早一個星期就約齊腳放工走去食，好彩係星期五等一陣就有位喇！！老板推介雞蟹煲，唔食得辣就揀微辣，一路等一路揀配料，無幾耐雞煲上枱，一開蓋就嘩一聲，原來有雞同蟹之外仲有大大隻青口，蟹羔好味，紫洋蔥都好甜！！個汁都較得好好，香麻甜辣有齊，所以好快比我地清哂，仲要再多個雞煲。食完雞煲就加水打邊邊，食物都係平時屋企打既差唔多啦，勝在價錢抵，而且好大碟，老板都好好傾添！！唯一就係舖面唔算大，坐位唔夠多，其他都好ok ar!!!會再嚟過！！！…查看更多