mmyd's Profile

返工OT做到傻，一收工即刻要食返餐豐富啲嘅慰勞吓自己，見佢新開嘅而且裝修四四正正，好啦唔使再搵啦就試吓佢啦。本身都仲諗緊食咩好，但見佢廚房出面貼左張介紹紫菜嘅剪報，好似好吸引。又好鬼肚餓，咩都想試，一於叫個紫菜八寶米😌紫菜，豬肉丸，魚蛋，墨魚丸，墨魚鬚，牛肉丸，魚皮餃，魚扎，肉扎湯底：鮮甜，唔油👍🏻咁多個餸入面我最鐘意👇🏻墨魚鬚-因爲唔係度度都有得食，而且好爽一啲都唔硬👍🏻魚蛋-彈牙，有鮮味牛丸-有肉汁肉扎同魚扎都唔錯，好彈牙同有口感，但唔識分個打邊個😂$18/一碟菜，喺灣仔黎講都算抵，而且啲菜幾靚仔😌值得一提，佢有部CCTV對住出面街邊，方便要泊車嘅朋友仔👍🏻…Read More

行行下街見到，醒起好耐無食過，即管試返碗回味下，點知中伏了。兩個人入去本身就淨係想試吓個雙皮奶姐，點知佢話每人都要消費，否則要比$15服務費，OK，咁叫豬扒包試吓。燉奶：唔會太甜，但奶味唔夠，而且冇之前咁滑。豬扒包：個包應該有岩岩烘過，微暖而且略脆。塊豬扒都唔會好乾，而且唔會好硬，但好似無咩腌過咁，無味嘅😑服務：好一般。味道：好一般。咁樣$77，值唔值得就自己諗下啦。建議如果真係想試，買個外賣就算喇。…Read More

買野買到咁上下，又係時間食晚飯，唔太餓又想食得清淡啲，所以都係依間好啲。越南牛肉河粉係首選，見佢有一款係每日限定嘅即管睇下仲有冇得食啦😁好好彩，仲有得食。個湯好正，好鮮唔羶，牛肉好嫩，👍🏻👍🏻同之前去越南食個啲好似。不過可惜芽葉唔夠多，唔係就一流啦。另外都叫左個燒牛肉撈檬，牛肉唔會鞋同乾，而且個醬甜甜地都唔錯，當然啲檬粉口感都唔錯啦👍🏻芥蘭苗就一般般，個人覺得較老較硬，但味道👌🏻炸蓮藕好正，唔會太油，蓮藕好爽，但入面啲魚肉又好彈，口感好特別，值得一試👍🏻👍🏻…Read More

難得有日大家都得閒，一於拉埋先生同老爺奶奶飲茶。諗過幾間，但一係就坐得逼一係就啲野唔好食，都係依間好啲，坐得舒舒可以慢慢傾計，而且野食ok都唔貴。其實之前對呢間嘅印象麻麻地，因為有次做節食晚飯，佢得套餐ABCD，想散叫都唔得，但中午飲茶黎計依間又的確唔差既。原粒蝦大大隻，夠爽，而且入面豬肉肥瘦適中。夠酥，叉燒餡都算多👌🏻中規中矩👌🏻本身對薄罉無咩期望，所以都無特別影佢，但咬左下發現，好得👍🏻夠薄身，軟得黎唔會削，而且餡多，有菜圃蝦米粟米蔥，有咬口得黎啲味又夾到👍🏻👍🏻…Read More

嘻嘻🤭上網睇佢地又有新搞作，身份證號碼加生日有「1」「9」就有Discount，岩岩好朋友計過可以有7折，而且逢星期二有著數，即刻openrice訂位先。點知～原來openrice訂位一樣有7折😂唔使對身分證。星期二會有$199/8隻唔同地區生蠔，當中包括Gillardeau，仲跟埋一杯紅/白酒添，雖然佢加一係用原價計，即係$240/8隻，但都好抵呀😍一樣佢地會放到靚一靚，講我地知由邊隻開始食，邊度最清，邊隻開始濃味，邊隻係咩國家，口感味道會係點。一路聽已經一路流梗口水，到食落口個下，發覺同佢講嘅一樣，🤤🤤🤤好正。佢地啲蠔好新鮮，啲味好突出而且我鍾意佢起晒啲肉出黎，食起上黎方便好多。另外都叫左10蚊蠔，今次係法國嘅，細細隻，少少海水咸味，蠔味都好夠，我鍾意👍🏻👍🏻今次試埋個Ham with melon，但用黎傾計送酒都唔錯。依個我每次都會叫，鍾意佢夠香夠脆，個個朋友食完都話正👍🏻👍🏻👍🏻平時次次都會食扒，今次試下豬手。啲皮的確好脆，夠香口，肉質唔會炸到好乾，雖然我自己比較鐘意食軟淋淋嘅豬皮多啲，但朋友食野飲酒的話，依個都係唔錯嘅選擇👍🏻另外值得提下佢個醬：蜜糖芥末子醬，好似有少少花香味，食落甜甜地，令啲豬肉食落無咁膩，加分👍🏻最後飲多左兩杯，又叫多左兩樣送酒。😅雞翼外面炸到乾脆，入面都仲有肉汁，而且少少辣，好味。魷魚圈都唔錯，炸粉唔厚，而且唔會炸完好多油，拎上手都算乾身👌🏻整體：服務👍🏻食物👍🏻價格👍🏻…Read More

同腦公揼完骨，見有啲餓，出面又落梗雨涼涼地，梗係打邊爐最好。依間我第二次黎，第一次同朋友食覺得唔錯，今次反而就麻麻地。本身叫左個芫茜皮蛋，但姐姐推薦沙嗲湯底，咁就鴛鴦啦。坦白講：佢嘅沙嗲湯底係的確出色嘅👍🏻打邊爐點可以無牛呢，我個人鍾意手切牛，鍾意佢有口感，但佢依家切到連住晒，而且佢有口感，但無牛味👎🏻炸魚皮：佢嘅魚皮唔係出面常見個啲，比較厚身，多骨，而且好硬，一啲都唔脆🙄特別嘅係，佢有大光麵，比一般公仔麵爽口👌🏻整體黎講：都係一般野，唔差嘅，行過可以會再食，但唔會特登入九龍城搵佢。…Read More

無原因情況下，日本野係任何時候都會鐘意食嘅😁一坐低發現唔見晒啲平板，咁點落單呢？原來依家用電話落單，真係大鄉里😂用電話落單又真係未試過，所以落得特別興奮🥰好靚呀隻碟❤️當然件壽司都唔差啦。成日都無貨嘅三文魚頭湯，今日飲到啦，開心😃因為先生之前買電器送左好多coupon,今餐只係$9.9😂😂😂😂另外，因為電話落單太方便太快手，有啲野無睇清楚件數，而且可以兩個人兩部電話分別落，所以好易落多左😅…Read More

話說，個日工作上好唔開心又遲左收工，見依間新開無耐又仲未收，即管黎試下先。心情唔好，梗係特別想飲酒，揀完酒佢地仲叫我地揀杯，好期待呀👏🏻一人揀左一隻藍色杯，好靚😍揀酒過程佢會問鐘意凍定熱，咩口感之類。我鐘意熱嘅，同少少辛口，所以佢地介紹左支酒俾我（但支酒我唔記得左影🤦🏻‍♀️）佢地仲同我講50度最好飲，果然唔錯👍🏻心思思叫左個刺身盛，職員推介「蜜柑鯛」，講到又用蜜柑去養，特別鮮甜又剩咁，咁試下囉。右下碟仔上面幾片就係「蜜柑鯛」$88一入口，嘩，真係有明顯蜜柑香，而且口感較實，正，值得試。其他刺身都好正：海膽好鮮好甜，又大大片👍🏻👍🏻👍🏻吞拿魚入口即溶👍🏻👍🏻👍🏻赤貝好爽好甜👍🏻👍🏻平時都係蠔友，所以即管又試下。一般般，唔係我鐘意個啲重口味野，但都唔差。反而個牛舌又真係估佢唔到，蘿蔔又夠入味，牛舌又冧，送酒一流👍🏻雞肉略為鞋口，同個汁唔係好夾。環境唔錯服務唔錯氣氛唔錯食物大致上都唔錯整體：幾好，食完餐飯心情都好左。我地會再黎👍🏻👍🏻…Read More

一家大細都好鐘意去BBQ，新年都唔放過😂今次係第一次黎小欖，上網睇話有得玩彈床所以我地先黎架乍，但點知原來要分開收費，咁算啦。入面都好多野食揀，當中我幾樣覺得特別好食：燒賣（😂😂好鍾意燒燒賣）芥辣叉燒粒（正👍🏻我地不停翻啅）燒汁金沙骨咖啡豬頸肉（見仁見智啦，我鐘意咖啡就覺得佢幾特別，唔鐘意就會覺得佢苦同古怪）土匪雞翼咖哩魷魚翼（又係翻啅之選，好爽好入味）蒜香雞翼麻辣雞翼山賊牛仔粒柚子雞扒（好清新,酸酸甜甜無咁油膩）另外，雖然無得玩彈床，但其實旁邊就有個沙灘，可以自出自入，當然佢地職員會係客人出去前，吸個印仔以作識別啦。我地大人同小朋友都玩得好開心🥳！而且門口就有旺角小巴，好方便👍🏻$200都唔使，由下午2點玩到夜晚10點，玩到攰就食，食到飽又去玩，重點係出面沙灘景好靚，影相一流👍🏻…Read More

今日出旺角行街，行到攰想搵個地方坐下食餐快飯，所以揀咗入嚟食。泰式海南雞 配雞油飯齋睇外表都真係覺得佢唔錯，但我略嫌雞肉太乾，而且斬得唔好，一舊連住一舊咁。而且所講嘅雞油飯唔夠香又好似唔夠油咁，衰啲講句自己煮都好過佢。但佢用嘅雞醬就唔錯，幾好味。泰式豬手飯幾鍾意佢嘅豬手煮得夠軟，夠入味，豬手啲皮食落去好有口感，而且又冇乜羶味唔錯。…Read More

話說果晚掃街，行過聞到啲雞扒好香咁，就算明知熱氣，都即管滿足一下自己啦。行過去唔駛等，一早已經炸定晒出嚟，可能攤凍左嘅關係，咬落冇想像中嘅咁脆而且粉漿有啲過厚，同埋我好想知佢點做到入邊咁多空氣呢🙄🙄🙄🙄🙄同埋，佢好大舊骨，有一半都係骨啊。整體：好一般，好失望。…Read More

嗰日行MOKO行到夜左，想搵嘢食先發現啲餐廳都已經過咗last order，點解啲餐廳都收得咁早㗎😔😔咁唯有沿路行落去睇下有啲咩嘢食啦，點知，見到有鬼巴士😂😂😂咁今晚掃街啦買左份細雜錦白柏葉夠爽，豬面肉有咬口👍🏻👍🏻好鍾意佢個醬汁，羅漢果醬汁，甜甜地唔會太咸，好特別😋😋另外，佢可以自訂比例，即係如果有啲咩特別唔鍾意食可以同佢地講，咁佢哋就會唔落嗰啲，而相對，其他嘢就會俾多啲😍…Read More

之前食過一次佢啲晚餐，講真，麻麻地。但係一直都會幫襯佢嘅蛋糕，鍾意佢外表簡單，唔需要太多誇張裝飾，而且唔會太甜，用嘅生果都幾新鮮。香蕉撻係我必叫嘅，鍾意佢上面cream夠滑，香蕉夠足料，撻底夠實夠厚身，食完個人好滿足，而且食完香蕉🍌個人心情都會好啲😁😁…Read More

嗰日中午老公帶我過嚟食飯，佢話我知人地係重開嘅，以前好好食，今次想試吓有冇keep返以前嘅水準。蔥油餅我本身以為佢嘅蔥油餅會係扁身好似薄餅嗰啲，咁樣嘅我未試過。外面鬆化而且唔算厚皮，入面好多蔥好足料喎。小籠包佢個皮好薄，好多湯汁😁啲肉餡肥瘦適中，好好味。蟮糊擔擔面係一個我冇食過嘅餸😂啲蟮好惹味，肉質夠淋，芽菜夠爽，唔會話煮到出水👍🏻擔擔面就面身偏軟，湯汁夠濃但唔夠香，應該係因為唔夠花生最後叫多咗碗飯配蟮糊食😋😋 整體唔錯但稍為覺得飯唔夠油餐廳入邊坐得都幾舒服，從此深水埗食飯又多個選擇嚕😚😚…Read More

今年新年長輩們都唔喺香港，得我同老公兩個過新年，我哋決定簡單啲睇戲食飯就算啦😂買咗11點鐘等梗睇戲，見有啲時間周圍行吓睇吓食乜好，行行吓見到佢個招牌就諗起佢個黑糖包😋去到門口冇人排隊，見啲職員行嚟行去諗住等佢哋帶位啦，點知等左成幾分鐘都冇人理我地，之後發現門口有部機可能要拎飛先有人理我哋掛🙄一入去佢已經同我地講所有優惠今日都暫停，可能因為新年關係掛。叫完嘢食冇幾耐，已經有個包上咗台，好香呀😋😋😋佢哋個黑糖麥包果然出色，幾時食都唔會厭。跟餐附送嘅沙律都唔錯，都幾新鮮爽甜。燒羊扒，我個人就覺得唔算羶，而且嗅落都算香。咬落有肉汁，幾嫩唔乾👍🏻底下既飯都好好味👍🏻👍🏻但略嫌羊扒肥膏太多。始終都算係開年飯，好想飲酒🍷但係又驚飲多咗一陣睇戲會好眼瞓，所以叫兩杯飲吓先算啦頂級紐約牛扒（7成熟）哇，我等左佢好耐啦🍴牛味好香，一上枱已經流口水🤤外面乾身，入面仲帶少少粉，介乎5-7成左右，唔錯。附送嘅炸南瓜，估唔到佢都幾特別，甜甜地外硬內滑👍🏻坐坐下叫埋個寬麵，其實一坐低已經好想食，但又怕佢哋會一次過上晒所有野食，到時會唔知食邊樣先，又唔鐘意啲味道撈埋一齊，又唔鐘意喺枱上面放得耐會乾會硬。蝦係爽嘅，芝士白汁味唔會太膩，寬麵本身都軟硬適中👍🏻整體都幾滿意，當然會再去啦☺️…Read More