Ming Pui的个人专页

屯門尼間日式小店主打《鮮美與咖啡》的配搭，香濃鮮味嘅湯底配上香濃醇厚嘅咖啡真係好夾。飲一啖咖啡再飲一啖湯，唔單止提升咗嘅鮮甜味，仲會解膩。👍🏻佢地啲麵係自家製嘅(頂立麵)，口感煙韌爽口。再配上濃郁嘅蝦頭龍蝦魚介湯同桂花，大大提升咗整體嘅鮮味(桂花真係神來之筆)。👍🏻塊慢煮豚肉叉燒真係好厚切！好香好淋！整體來講，成碗麵真係落足料！強烈建議大家一定要配埋杯咖啡一齊食，真係會有另一番風味！而老闆對食材同咖啡有獨特嘅見解，亦都好有堅持，希望客人可以食到不一樣嘅美食！完全無諗過原來食麵可以配咖啡！店舖內仲有咖啡豆賣！有興趣嘅朋友可以叫老闆介紹下😆👍🏻…查看更多

唔少人會因為佢地杯Crazy Chocolate慕名而來🤣而我就想試下佢地個滑蛋牛角包🥐🥰睇個樣就知佢個蛋係有幾滑，食落口啖啖都係蛋，而且佢地配上芥末醬，味道上幾得意嘅但如果個醬汁冇咁甜就好啲。牛角包鬆軟酥脆，配上滑蛋簡直係一絕。另外，仲叫咗個肉鬆滑蛋牛角包。味道上更豐富，肉鬆嘅鹹香在配搭上滑蛋原來都幾夾。最後呢杯Crazy Chocolate相信好多人都為佢而黎。我自己就覺得非常一般，雖然面頭好多朱古力碎，但係並唔係想像中咁濃郁，味道上偏甜同埋淡。打卡方面就一流啦，但未到上有所改善。😅…查看更多

疫情嚴重令大家都唔能夠外出旅行，唯有係香港食啲其他國家嘅菜式。今日同朋友去左中環嘅sukiyaki 森，餐廳俾人整體感覺好細，但擺設都非常有日本餐廳嘅特色。我同朋友都係叫左Sukiyaki 牛set同加一份牛舌。另外，佢地仲有Omakase 同單點，但記得Omakase需要提前預約。前菜方面不錯，特別係粟米好清甜。食材方面，師傅會放係台上面，即場係你面前煮。就咁望落食材都好新鮮。唔好見佢份量唔多，但食完真心幾飽。另外，仲有一個蒸蛋，面頭有好多細細隻嘅蝦仔，食落好有口感，而且啲蛋好滑好香。牛嘅質素都不錯，幾高質。但脂肪分布就有啲唔係好平均，食落口牛味都重。雖然唔係入口即溶，但都好細嫩。牛舌嘅口感柔軟，可以一試。但本人偏向中意食爽口啲 師傅另外仲會煮一個滑蛋牛肉飯。食完啲牛已經8成飽，再加埋個飯真係不得了，蛋同牛肉都煮得剛好。好滿足~甜品方面就不過不失。整體黎講，成餐飯都好好服務，師傅會好有耐性講解食材同煮法，侍應都好貼心。👍🏻…查看更多

新開嘅Harbour-side Grill位於海港城中，餐廳對出就是維港，可以欣賞下維港嘅景色。難得平日放假，就去食個Lunch😋建議三人或以上需訂位，因為平日都好多人。幸好今天只係我自己去食，所以侍應都俾到位置我，仲要安排窗口位置俾我，太幸福了🥰餐廳環境好大，坐位亦唔少。但有一點唔太好，就係坐位之間嘅距離太窄，令到客人講野會感到有啲嘈雜。而且侍應拎住餐盤經過我都好驚佢撞到我。尼一點有所改善下，但整體餐廳嘅感覺都好舒服，簡潔嘅設計，而且坐望維港景色真係一絕。侍應嘅服務質素都不錯，服務周到。今次我叫左2 courses。前菜方面我揀左 Tuna tartare，主菜就揀左 Sirloin。而甜品方面，我揀左佢地好有名嘅Apple tarte tatin。留意返個tarte係service for two！份量好大，但我實在太想試啦，所以忍唔住叫左😂😋另外，仲有另一份Tasting Menu，係5 courses。首先，會上左兩款餐包。兩款都好軟熟，口感鬆軟，不過不失。但個外型值得一讚，有一種剛買返黎嘅感覺😂之後，尼個前菜真心唔錯！應該話係好好味~整體黎講，吞拿魚同牛油果好夾，配上底層嘅 Soy sauce & wasabi簡直係絕配，再加上面頭嘅 crispy shallots，口感更豐富。雖然，食材好簡單，但簡單嘅野整得好食係好難。主菜揀左Sirloin/MR，擺碟好簡單。面頭個舊係牛油，但味道一般。而肉質方面感覺一般，味道方面亦相當普通，牛味唔突出，肉汁亦唔多。只能講有點失望啊~最後嘅主角反烤蘋果撻！侍應會係你面前切開，再分為兩塊，另外會幫你加上酸奶油。整體黎講甜度適中，撻皮酥脆，蘋果亦好香軟，配上酸奶油食可以減低膩嘅感覺。非常不錯！不過建議大家真係兩個以上，因為份量都幾大😂整體黎講都不錯，下次會再試晚餐。👍🏻👍🏻👍🏻 …查看更多

一直想試嘅Five Guys，今日終於有機會品嘗。今日我黎到K11 Museum嘅分店，店內都幾多位置，而且裝修得好懷舊，好有美國舊式快餐店嘅模樣。佢地嘅餐牌選擇唔算好多，但配料方面就可以俾客人揀，醬汁亦都有三款。薯條方面亦有分為三種，仲要係我最中意嘅連皮粗薯。正啊！！！飲品種類正常，如果你叫氣水就可以任飲，但$35一位就偏貴左啲！我叫左個Cheese burger, Regular Fries。講左個Burger 先，我個人覺得好食過IFC個間，不論個包定係個牛都好好多。首先，個包係傳統嘅burger 麵包，個人覺得好過IFC個間，啲牛肉汁唔會令到個包過份濕。另外，配料方面我揀左onion, mushroom。醬汁我就揀左Hot sauce ，但一啲都唔辣😂但個味都幾夾，下次會試埋其他汁。薯條炸得剛剛好！勁好食！而且份量真係好多，兩個人食真係飽到上心口。Five Guys仲有個好出名嘅地方就係任食花生，但質素就基本野啦😂唔好太大期望。總括嚟講，會再黎試埋其他burger！最緊要係食佢地個薯條！…查看更多

Bakehouse嘅麵包有幾好食相信大家都知道。無諗到佢地嘅熟食都咁掂！佢地嘅Lunch set分為 2 courses & 3 courses。價錢方面也是中規中矩，而且佢地係No service charge！另外，如果想叫餐飲就需要加錢。頭盤方面我叫左 Daily Soup。一坐低侍應就會介紹今日個湯係乜，而今日嘅daily soup係mushroom soup。佢地個湯好得意，直接放啲麵包粒係湯入面。湯非常香濃，每一啖都飲到啲菇粒。但略嫌唔夠熱，如果熱返啲就perfect！Main course 方面我就叫左個Fried chicken sandwich 。份量比我想像中大，而且好貼心嘅係酸瓜會on side放係個碗仔到俾客人。講返個sandwich，我覺得更加似Burger😂中間嘅Fried chicken 好大件，炸返好脆好香！配上啲kale salad真係好夾！再加上少少辣令成個burger嘅層次更加提升左唔少。最後，我忍唔住叫多個plain scone當係甜品☺️。果然，熱辣辣食嘅scone真係好食十倍！非常推薦大家試下！仲有croissant 都一定要試啊！下次試埋佢地個Breakfast！…查看更多

Kikusan嘅擔擔麵已經列入我必食嘅名單，而且係我食過咁多間擔擔麵入面嘅Top 3‼️今日就帶左媽咪去試下，因為佢平時都中意食麵食。我同媽咪分別都叫左千層豬扒擔擔麵。個湯底好香好濃，花生味非常突出。麵條係屬於幼細，好似kiki麵個啲。配上濃厚嘅湯底無得輸！辣味方面係屬於黎得快走得快個隻，唔會辣到食唔到，而係令人會越嚟越想食。豬扒方面亦炸得好香脆，而且層次分明。食落口有少少乾，但肉質算係正常水準。另外，我地仲叫左碟素餃子。唔好睇落好細，其實份量都幾多下，每一隻餃子都包住滿滿嘅菜。好足料！…查看更多

聽聞全世界最好味嘅牛角包登陸香港，點都要試下 。相比起原味，本人對抹茶味更加有興趣(本人係一個抹茶控😜)抹茶味不過不失，反而整個包好酥脆，好香牛油味。而且份量十足，食完一個好滿足。下次會試埋其他味。建議大家可以中午1點左右去，味道方面嘅選擇會較多喔，仲可以撞到新鮮出爐。…查看更多

相信好多人都知道紐約嘅Tiffany Cafe。而今年10月14日係尖沙咀北京道1號商場開設全球第二間分店，另外當中的餐點同紐約大部分都唔同。Chicken Sandwich 份量非常大，足夠兩個人Share👍🏻而且係選用雞腿肉，所以食落口係啖啖肉。當中的菜亦選用左羽衣甘藍，食落去非常爽口。Onside 還有番薯條，十分特別，口感香脆可口。值得推薦！牛扒擺盤的方式十分特別，而且食落口非常有牛味。旁邊的蔬菜卷很清新，可以解滯。👍🏻整體來講，味道方面算是不錯，又可以打卡。食材也新鮮，外型亦十分精緻。CP不算高，但可以係四圍都是Tiffany 的cafe食野，也是值了。提提大家，暫時只接受係Chope訂位 or walk in 。無phone booking，大家要留意返啦。…查看更多

身為抹茶控嘅我當然要黎試下Matcha Latte💚首先，我認為價錢上真係有啲貴🤷🏻‍♀️$60一杯，本來都有啲期待，因為見佢啲咖啡好似唔錯。點知係我錯了，飲左第一啖，感覺係到飲梗牛奶，只有好少好少嘅抹茶味。甜度方面我係幾欣賞嘅，但抹茶濃度簡直係0🙄奶同茶嘅比例真係有需要再調教下。除左奶味我真係飲唔到其他味。你話我嚴格又好，我覺得Starbucks 仲好飲。有機會試下佢啲咖啡，希望無咁失望。如果你都係抹茶控，你建議你可以唔洗試了，無謂浪費金錢。😟…查看更多

今日放假，終於有時間去bakehouse試下佢地啲麵包。我本身除感係抹茶愛好者，亦都係麵包愛好者，哈哈。乜野包我都愛，最近我就愛上了牛角包☺️🥐因爲我好中意牛角包個種香濃嘅牛油香味，而且口感鬆軟又香脆。令人無法抗拒😈我知道bakehouse有賣牛角包，亦係佢地比較出名嘅款式。一直好想黎試下，到底有幾好食！我自己食過好多試麵包店嘅牛角包。每一間都有自己嘅風格，有啲會外皮整得好淋，令到成個包都無曬脆脆嘅口感。有啲就好似食梗空氣，中間好空心，食完一啲都唔滿足。而bakehouse尼個牛角包就無以上嘅缺點。食落去表皮好香脆，但唔會食到周圍都係皮碎，我怕食牛角包食到成身都係麵包碎。牛角包嘅裏面好鬆動，一啲都唔實同硬，而且係唔熱嘅情況下都可以令個包有反彈嘅效果，但係做得好好！價錢上係會貴過其他店，但我都覺得係值得嘅。Raspberry frangipane tart幾有驚喜。面頭足足有7粒新鮮嘅raspberry，係中間亦有raspberry jam👍🏻酸酸甜甜，令人越食越想食👍🏻tart嘅皮都好鬆脆。下次等我試埋佢地最有名氣嘅蛋撻先💁🏻‍♀️…查看更多

今日黎試下尼排幾有人氣嘅春水堂。聽聞係台灣都幾有名氣，所以黎同朋友食生日飯💁🏻‍♀️尼個鴨舌幾唔錯。味道濃郁，而且口感爽口又有咬口。令人越食越想食，份量適中，但價錢就貴左啲。推薦大家試下👍🏻滷水拼盤。味道還好，沒有太特別。可叫可不叫😂牛肉拌麵。味道濃郁而且帶少少辣，好惹味👍🏻👍🏻但份量少得可憐，如果份量多啲就好了。蕃茄牛肉麵。蕃茄味一般，但牛腩煮得幾淋。我中意佢地個麵質，好中意尼啲闊條麵，好有咬口。…查看更多

今日見有啲時間，又經過中環就去試下。當我一入到餐廳，門口嘅侍應見到一句welcome hello 都無，連尼啲基本禮貌都無但餐廳係位於中環。完全無諗過啲服務態度係咁差。。。當我落order嘅時候，我叫左三樣野。我唔明白到底係唔可以一個人食飯定點，足足有三人侍應問我係咪one person？！乜原來一個人唔可以叫一個主菜，薯條同一杯朱古力？乜好奇怪咩？成餐飯心情都好差。。。乜原來中環西餐廳啲服務都可以咁差。建議大家下次要兩個人或以上黎食野？…查看更多

去之前上網有睇過啲相，餐廳內嘅環境幾靚。而且係IFC 4樓，旁邊就係維多利亞港🌊成個感覺不錯。今日係星期日，我地無訂枱。點知去到侍應就帶我地去窗口位☺️So nice👍🏻望住維港食野真係特別開心啲🙈我覺得Lunch Set幾抵食，仲要係中環區，性價比幾高。👍🏻個包無乜特別，無話好好食，普普通通啦。前菜方面我同朋友都叫左牛肉他他💕生牛肉嘅口感好清爽，調味方面做得好出色。味道酸酸地，喊度亦適中，帶少少辣，好開胃。即使係生牛肉，但食唔出有血腥味。配上香脆嘅多士更加好食，喜歡尼個配搭👍🏻主菜方面我地分叫左豬肋骨同意粉。味道還好，不過不失。下次可以試下個Rib-eye🙈甜品方面，Brownie口感太硬，我覺得似朱古力多啲😕有啲失望。另外嘅焦糖布丁就幾好口感好滑，蛋味好重。我地仲叫左兩杯野飲，而得尼兩杯係可以唔要酒精的。兩杯都幾好飲，好清新而唔係得個樣。😂👍🏻整體尼講建議大家中午去食。…查看更多

今日試下尼間美人鍋。佢地係每人一個鍋，我覺得尼種用餐方法幾好，自己中意放咩食材都得。👍🏻而尼間店嘅醬汁種類有好多款，適合唔同人嘅口味。另外，飲品方面都非常解種類，亦有自家製嘅飲品，幾特別！湯底款式不算太多但具有特色。而我叫左個骨膠原湯底，十分鮮甜而且濃郁。侍應一開始會俾一碗蔬菜，款式非常多，可以見到有幾款係其他火鍋店唔係太常見。例如，蕃茄仔，青瓜，紅蘿蔔片等等。都是比較有特色的食材。滿滿的一碗蔬菜，視覺上睇落去真係好靚，唔鍾意食蔬菜嘅朋友見到咁色彩繽紛都會想試下。😆尼個係免治雞肉配粟米。味道還好，唔係太突然。不過香味係不錯，而肉品都新鮮。芝士魚餅，口感軟綿綿，就好似食棉花糖，入口即溶嘅感覺。如果外層魚餅可以Q彈啲會更好。尼個福袋，入面係年糕。口感十分煙韌，值得一試。外層腐皮吸收湯底嘅精華，食落口滿滿的幸福☺️年糕亦非常煙韌，我自己好中意！和牛肩肉。肉質非常鮮美，油脂分佈亦很平均！食落口好重牛味！推薦大家試下佢！而且厚度適中，唔好切得好薄，所以大家不妨試試！最後，佢地嘅甜品大部分係自家制，不過不失。賣相不錯，味道方面就還好。…查看更多