tiffany0224的个人专页

我係外賣app叫尼間野外賣嘅真系無諗到難食到咁....首先係個冬蔭功，我叫嘅係雞肉冬蔭功湯金邊粉，雞肉雪藏味+鞋就算啦，但個冬蔭功湯都咁難飲我真系估唔到🙃其實你地系唔系唔識分鹽同糖啊？一飲落去，無辣味，無冬蔭功應該有嘅酸辣味，得一陣甜味，好難飲啊！其次就系個蒜蓉包...我第一次係泰國菜餐廳食到完全無焗過嘅蒜蓉包，你俾塊淋嘅，上面得牛油，無蒜蓉味嘅法包我就當系蒜蓉包？？我係D麵包鋪俾幾蚊雞買嘅蒜蓉法包都唔會系尼種質素啦！講埋個串燒，沙爹醬唔香，d肉好硬，牙口差少少，牙都同你扯出黎反正尼間咁嘅野唔會再幫襯，好難食，又唔系特別平…查看更多

第一次叫間咁垃圾嘅餐廳叫左個外賣，買左兩份餐具點知送到黎無俾任何餐具而且我地係partyroom，都無餐具可以用，我地食唔到野就打電話去鋪頭諗住叫佢配個騎手送過黎第一次打電話過去，係個講普通話嘅，我就話我聽唔明普通話，叫佢揾個識講廣東話嘅，結果cut我地線我地再再次重新打過去，有個阿姐就好惡咁話我地無買餐具，然後又再次cut我地線咁我地當然再打過去啦，無餐具食唔到野啊嘛，而且佢咁嘅態度，我地就好唔gur然後個阿姐就對住我地講粗口，話佢點x知我地點食野，又唔系佢包野食又話咩佢收左工，關佢x事（佢真系keep住咁樣講粗口）.......但系我打嘅係餐廳電話，你收左工可以唔聽唔洗又爆粗又瀨係我地無買餐具....當然最後又cut線啦另外講多幾句佢d野食啦，我地最後要落去買餐具，但我地自己來來回回買餐具加埋外賣員送過黎嘅時間，d野都凍凍地，凍都無所謂嘅，好食咪得，但野食都一樣好唔掂，我無試過咁難食哥粟米魚柳！我個frd都話個星洲炒米好難食...唔會再買尼間野食！難食+態度好差嘅餐廳…查看更多

夜晚八點半去到餐廳，岩岩到門口，一個肥肥地嘅女仔企係cashier位，見到我地就反白眼，但系有frd話上次黎過，野食唔錯，我地就照入去啦入到去我地落order嘅時候，個女人都keep住黑口黑面，然後我地叫嗮野食，叫野飲嘅時候，其中一個frd諗左一下（前後唔過五秒），個女人就反嗮白眼，又做出好嫌棄嘅表情，個下其實我地都覺得好莫名其妙，我地一直都好有禮貌，佢俾menu我地嘅時候，同落order嘅時候，我地都有講唔該，完全唔知點解個女人要黑面都咁然後到送餐啦，首先黎左碟炒飯，因為我地有兩個人叫左飯，所以朋友a就問個女人尼個係咩飯，個女人就態度好差咁講「咪你叫個個lor」，然後唉左聲就走...我地從係門口未入餐廳已經俾個女人反白眼，黑口黑面咁對待，最後係到我地到cashier埋單，尼個時候有個男人係度，態度幾好，應該係老細，直到尼個男人系度，個女人先無再黑口黑面最後只可以話野食普通，價錢又唔算平，但服務態度差到一個極點，請個個女人翻黎簡直係個錯誤…查看更多

十點左右想食餃子，就求其揾左間，結果無諗到咁難食叫左個鮮蝦餃子，系紅油熱拌，無食過咁嘅紅油，應該話根本唔系紅油，應該叫辣椒油，而且唔香都算啦，仲要無味，應該話得個油味...而個餃子本身都唔香，只可以話食得落口然後叫左個粟米雲吞，叫左廣式唔知咩湯，個湯正常味道，不過都系啦，雲吞無味，我懷疑系唔系d肉餡根本無調味過然後就系韭菜煎餃，一樣，肉餡無味，但最離譜嘅系，韭菜都無味，唔好想韭菜香啦，係一d其他味道都無！我男朋友唔食韭菜，佢好討厭韭菜個味，但尼個煎餃，佢完全食到，我問佢唔系唔食韭菜咩，佢答我「尼個韭菜黎架咩？」唯一好食嘅應該就系自助調味料區個度嘅菜鋪啦😂簡單黎講，垃圾！…查看更多

真系好想知道藍田尼間豪大大分店嘅管理人系唔系特別d，價錢比其他分店貴，但就難食d，垃圾d我好中意食豪大大嘅炸杏鮑菇，食過好多間分店，其他分店都系25蚊左右，但藍田尼間就賣32蚊，咁貴d就貴d啦，都算啦，結果買翻嚟，d杏鮑菇癡埋嗮一舊嘅！？？然後食落口，都無夠脆，出面個d麵糊系唔系未炸夠？唔脆口，仲有少少軟，完全唔咩料，仲要賣得比其他分店貴，，真心好唔好意思啊？？雖然貴唔多，但既然你要比其他分店賣得貴你就搞好d啦，最垃圾嘅豪大大分店！…查看更多

平安夜同男朋友嚟旺角食野，之前book左位有88折，埋單$370左右首先大贊佢個羊排，我系個唔中意食羊嘅人，出面好多地方嘅羊都好大陣羊騷味，原本唔諗住叫羊排，不過我男朋友好想食，就叫嚟試下，尼到嘅時候就覺得好香，就切左少少嚟食，點知就愛上了😂佢唔會好大陣羊騷味，反而好香，而且佢黑椒汁味道唔錯，羊排熟度都岩岩好然後就系軟殼蟹明太子意粉，味道好好，出面食嘅明太子意粉好多都好乾，尼間野嘅汁俾到好足，好好味，而且軟殼蟹都炸得岩岩好，好完美嘅組合不過一個人食會太膩，兩個人share就岩岩好最後就系炸薯條，味道都好好，不過希望可以多少少芝士，btw$42分量大，味道唔錯真系無咩好挑剔😂…查看更多

員工送錯餐，牛丼送錯左燒牛丼，第一次食唔知分別，望落都係差唔多，唔知係送錯嘅就食左，點之食左一半，有個員工走過嚟話送錯餐，話要加我錢，我個下真系呆左，你送錯嘅野要我負責？咁我都算啦，諗住我真系食左，咪俾咯然後另一樣好笑嘅嚟啦，我朋友個飯食左一半，然後想去個廁所，佢出去之後，有個員工過嚟問系唔系可以收個餐盤，我地同佢講話唔洗收住，點之過多一分鐘左右，另一個員工過左嚟，問都無問就收左個餐盤，我地叫佢都無理直接拎起餐盤就走，然後就直接帶左另一個客人入嚟坐左係我朋友個位到我地個下真系有d嬲，就叫個員工過嚟同佢反應，但系個員工聽完就走，無俾任何respond我地，嬲到我地再次搵另一個員工過嚟同佢講搵經理/店長出嚟最後個經理出嚟，之後同我地講話鋪頭新開，員工唔熟手，然後講翻聲唔好意思尼d，我地都唔想搞的太麻煩，見經理都出嚟道歉我地都算，都無要佢送多個餐/退錢尼d，但系真系想講堂食體驗係超級差！如果真系想食就外賣啦，味道係ok，但服務真系…查看更多

我好中意飲抹茶拿鐵 無論係starbucks定pacific我都好中意叫尼個飲，但第一次飲到咁難飲嘅抹茶拿鐵😅我唔系第一次系starbucks叫尼杯野，但係系第一次嚟鑽石山尼間叫，真系麻煩好好training冲野飲個個女仔......😅成杯野無抹茶味無奶味，得好淡，淡到水咁嘅味，坐左三個鐘，連三分一都無飲到，真系難飲到極緻，都幾勁最後真系飲唔落，叫人收左杯野佢，46蚊就咁打左水漂，講真有少少火滾…查看更多

本來想去食隔離嘅豆漿大王，結果兩點幾仲好多人排隊，就入左隔離尼間野，價錢係唔錯，性價比都OK ，係食得飽嘅分量正常，不過就系個飯無乜味😢😢我叫嘅係京蒽牛舌飯，牛舌的確幾多下😂感覺食極都仲有😂食到最後飯都食嗮仲有幾塊舌舌，不過牛舌係正常薄切牛舌，唔系西餐廳個d好厚嘅牛舌～不過就系無乜味，無牛味無鹽味個d，最後我自己落左鹽同七味粉就好好多，總結嚟講，分量的確係幾好嘅，但希望味道方面可以再提昇下！…查看更多

我地五個人琴日係太子站揾酒吧玩，行到尼間嘅時候已經對啲野食野飲有興趣，然後門口個個哥哥仔同我地講話有樓上位我地就上左去坐，環境係唔錯，啲歌都系我地中意聽嘅（廣東話歌）然後我地望清楚餐牌，發現啲價錢比起其他bar係平啲，係普通西餐廳價錢，主食嚟到嘅分量都OK，女仔食都可以到七八分飽，另外佢啲小食分量更加ok😂😂都真系幾大碟，我地五個人叫左三個小食，最後都無食嗮，特別係個焗薯條，真系好大碟😂而且佢地服務幾好，尼個都系我地下次會再嚟嘅原因之一…查看更多

上次同朋友慶祝生日想試試其他酒吧，揾到尼間好多like好似唔錯咁，就去試下。當時我地四個人，一入到去就俾花生我地，係直接放低乜都無講，而我地又唔食花生就無理到，由得碗花生放係枱面，結果埋單嘅時候發現佢收左四個花生錢，我唔記得係5蚊定10蚊一個啦，然後我地就問店d人點解無食都要收錢，佢地口upup咁，講左d廢話然後就走左，咁我同朋友心諗幾蚊雞唔好煩啦，無留心check其他野就埋左單結果我地行左一陣，睇翻張單發現佢錯左野，我地叫左兩杯blacklable，個服務員都同我地confirm左多一次問我地要兩杯定兩支blacklable，我地都有講多次係兩杯blacklable，注意係blacklable！結果我地單睇發現佢俾嘅係bluelable！blacklable係78蚊一杯，bluelable係180-190蚊左右一杯，因為我地飲嘅時候，佢加tonic加太多，我地都飲唔出酒味，根本都唔知原來佢俾嘅係另一個酒！真系搏我地懵，我地都衰，走之前無check清楚張單，但以後都唔會再去！根本黑心店鋪…查看更多

我今日2022-12-26係the one尼間野買左個橙汁益力多飲，因為我上次都買過尼間，不過上次係個男人，態度好好，今次係個女人，全程唔耐煩，我問佢可唔可以少冰，佢第一次唔理我，我問多次，佢直接態度好差咁同我講「18蚊」，完全無答過我問題，而且仲翻我白眼咁我都算啦，之後佢好快就搞掂左杯野飲，佢又係好無禮貌咁，係好大力咁放低杯野，又翻多次我白眼🙄點啊宜家我得罪你啊？然後我拎起杯野發現分量好少（比上次少）而且冰好明顯比上次double左🙄🙄請d咁嘅人翻嚟做野係唔想賺錢？？…查看更多

今日突然想食三文治，就嚟左尼間試下，見到d圖片都好吸引咁，我就叫左個炸雞鐵板三文治，嚟到的確個樣幾正，好吸引咁，但食落之後發現...完全唔熱，係涼左嘅三文治，而且炸雞完全無炸雞嘅感覺........炸雞好柴，個皮完全唔脆！三文治係凍嘅，個炸雞又唔脆，可想而知尼個三文治放左幾耐......另外泡菜好少，個三文治寫明有泡菜，但其實超少！都系紅蘿蔔絲...尼d叫泡菜？個包望落係有煎過個，不過食落就都系放左好耐嘅感覺，淋嗮...咩料啊...五十幾一個三文治就俾d咁嘅質素我？？以後絕對唔會再嚟！…查看更多

我之前都食過尼間兩三次，不過係舊鋪頭位置，今日就嚟新舖食啦，點知超失望我一行到鋪頭，個男服務員就完全西面，一句野都唔講，我都算啦，然後入到去，個時候鋪頭無乜人，得兩臺客人，我就好聲好氣問「我可摸以坐ca位」，個個男服務台又唔講野，就望住臺唔講野，我講多聲唔好意思問多佢一次，先好西面而且又係唔講野咁指一指張臺就走左.......然後我都算啦，到野食，我今次加左12蚊加杯青檸梳打，一送到嚟就系得兩細舊青檸係面頭，我一飲...完全就系梳打水，係無青檸味架！喂大佬，我唔介意自己bi青檸汁，但可唔可以將青檸放杯上面或者切片啊，宜家杯野又無味，舊青檸又難bi，想點啊...之前我都幾中意尼間，今次之後不了…查看更多

k11嘅鋪頭都好早關門，見到尼間店係隔離而且無乜人就入去試下啦我叫左個手撕雞飯，要50蚊，諗住分量應該同聚興樓差唔多，結果一上到嚟...我真系呆左！我係比較細食嘅女仔，好容易就飽，但尼個飯我食完之後都覺得好空虛，我知道五十幾蚊唔會有好好嘅質素，但都唔好俾啲咁嘅野我啦！我手都比較細，成個飯同我手差唔多大，而且見到都無乜食慾...餐廳衛生都唔得，食到一半嘅時候見到好大隻老鼠係外賣盒到爬😱😱另外有個唔知系唔系老闆娘嘅短頭髮女人一直係鋪頭呼呼喝喝，一直對住啲員工散發負能量，不停鬧人，我聽到都覺得唔舒服，野又難食又細碟，環境又唔衛生，鋪頭個種壓抑嘅感覺更加令我覺得辛苦，野都無食嗮就快快手走人，建議大家真系唔好嚟尼間:(:(…查看更多