miss gemini的个人专页

陳某放假，去Elements睇小王子展覽，順便去食多次夏麵館。上一次食已經大約係一年前，感覺良好，今次反而遜色左，去到坐低，冷氣非常凍，同侍應講轉位後仍然好凍，但冇辨法，照食，因為太凍，冇影到相，食左：小籠包：好多肉汁，擺放得好所以唔會一夾就穿，一向好鍾意食小籠包，覺得夏麵館既小籠包好好食，推介。蔥油肉絲麵：本身一心黎想食荵油拌麵，上之食完之後一直念念不忘，點知佢話D蝦未準備好，叫我轉蔥油肉絲麵，本身諗住都應該差唔多，只係冇左蝦姐，都OK啊應該，點知係湯麵黎，佢一開始又唔講明，有少少失望，呢個都好食，但比唔上荵油拌麵果陣油香。棒棒雞：想食雞絲粉皮，佢又話呢個就係，又係上到黎先知係落左辣油，係幾惹味既，但陳某覺得辣味蓋過左花生香味，食到差唔多見底果陣覺得太濃太辣，根本就唔係雞絲粉皮果回事。酸辣海蜤：我冇食，陳某食左兩啖就醒起上次又係order左呢個，但味道太古怪所以冇食，今次又中左招。蒜泥白肉：感覺唔到蒜泥味道，D汁味道OK,但冇蒜味，淨食白肉，冇乜意思。豆漿：都係果句，冇味......好比飲緊清水一樣。樣樣食物都係介乎合格同唔合格之間（除左小籠包），入口係冇問題，但就係差果少少就變得唔夠味，會再試多次，希望下次會改善，否則未必會專程為佢某幾樣食物佢而黎。…查看更多

同學Gathering, 10幾個人想坐得耐D舒服D, 所以揀左呢間Quando Cafe, 早一日Book定位, 負責人都幾Nice, 留左最大果張枱俾我地, 但可惜唔太夠位坐, 有D迫。Dinner Set選擇唔多, 眼見有三款, 可能人太多(見到全場都Full哂),Order完之後玩左一輪先慢慢有飲品上黎, 飲品味道唔差, 好過一般Cafe果D顏色水, 食物方面就還可以, 長通粉,意粉等都正常味道, 小食記得有炸薯條,雞翼, 芝士腸之類大路野, 整體其實OK 但真係上菜上得慢左少少, 個個放工都餓到冇聲出, 好彩佢都幾多Card Game玩, 類似老闆又幾Nice得閒會埋黎搭兩句咀, 值得一讚係我地成班冇乜人識玩某隻Game時,其中一個Waitress好細心咁教我地玩, 環境幾好食物唔差價錢又OK,所以會再黎呀!…查看更多

朋友相約出黎食個late dinner, 太熱關係大家都冇意欲周街搵好野食, 只好o係朗坊搵個地方食得舒服, 因為英德大戰, 全個商場都迫滿人, 揀無可揀之下食左Euro GoGo。Order左 芝士煙肉焗薯皮, 芝士白汁意粉, 蜜糖雞翼, Iced Cream Chocolate:薯皮: 基本上有芝士有煙肉, 好少機會會出事, 呢個夠熱夠大個, 睇落得三件好似好少但其實食唔哂。意粉: 失敗之作, 汁太杰, 冇味, 意粉唔要求Al Dente啦但至少唔好太淋好似浸左幾日水咁, 呢個可以唔食。雞翼: 雖然出名但第一次食, 入口ok, 香甜但好Dry, 食得出雞翼雪到硬哂冇哂味, 全靠蜜糖味同埋焗得香脆,過得去啦忌廉朱古力: 期望佢會好甜, 但入口有D淡, Cream好多, 夠滑但好漏, 如果甜度可以沖得O岩番既話應該會好好多。 雖然食物麻麻地, 但果晚坐既位置可以睇到大電視, 入波果陣全個商場大叫同地震都幾好氣氛, 最後坐到10點左右佢就開始收鋪, 唔知佢咁早收搞到要快快手手食完, 轉地方再傾計飲野。…查看更多

生日去澳門避世幾日，天氣好好之餘仲好舒服咁又食又玩過左幾日，唔捨得番香港。上一次黎澳門想食坤記但冇開，我未食過坤記，但同行陳某自細已經食開坤記，佢讚呢度好正宗而且充滿童年回憶，佢話好食既野多數都真係好好食，今次有開喇終於:)　食左燒雞，燒豬柳同炸馬介休球：燒雞：上碟時賣相普通，從未食過既我都冇咩反應，見到Ｄ雞好似冇咩色水好淡咁，但一食就知原來好驚喜，有幾舊薯仔伴碟，薯仔好淋而且夠味，但重點係雞肉，好滑好有雞味，食開冰鮮雞既一食就知新鮮雞真係唔洗點整花巧野都已經可以好好食，雞下面既汁先正，唔係味精果隻好味，係雞肉精華果隻好味，今晚單係呢碟雞已經值回票價。燒豬柳：其實我一向都麻麻地鍾意食豬柳，但呢個好食在佢有少少酒味，同埋滑，一Ｄ都唔鞋口!炸馬介休球：呢個做得好外脆內軟，唔會太咸，充滿馬介休香味，食到尾聲已經飽到上心口，飯後飲埋熱情果汽水同前葡啤，今餐好完美。食飯時見到好多一家大細，叔伯兄弟傾住計食飯，可能香港人斯文慣就覺得好嘈好雜又覺得人地serve得唔夠有禮貌，但其實坤記本身就係一間平民餐室，但咁既價錢食到咁正宗既葡菜，仲可以感受下澳門人悠閒生活，算係咁啦:)…查看更多

落左幾日雨, 天陰陰咁個人都冇心機陳某話需要去抖下新鮮空氣, 所以一齊去左寶蓮寺行下。因為落毛毛雨既關係, 天氣好涼, 吹埋黎陣陣都係好清爽既涼風, 舒服到唔識講, 行到餓餓地, 本身打算黎食呢度既齋, 但睇完MENU又覺得會食唔哂, 所以就去買D小食試下。小食部O係齋堂隔離, 環境好好, 食物放O係玻璃櫃display,見到有好多款糕點, 樣樣個樣都好似好好食咁, 心大心細之下叫左以下幾樣: 炒米粉: 估唔到會咁好食, 叫左2碟黎食, 仲打包左番屋企, 好夠味又爽口, 椰菜同米粉比例O岩O岩好。紅棗糕: 幾爽甜, 不過實左少少, 但都算係好食。西米糕: 呢種糕係我兒時最愛, 近年都好少食到, 呢度整得唔好食, 唔夠爽, 唔夠甜, 中間既豆沙餡有陣怪味, 可能曾經食過太好食既西米糕, 所以好難搵得番O岩心水既....奶皇糯米磁: 難食, 中間D奶皇同泥膠冇咩分別, 食左幾啖就投降春卷: 普通, 冇特別~~ "HAM"水角: 都係冇特別, 唔難食 雜甜酸齋: 好大碟, 我其實都係第一次食, 平時未食過而且冇咩興趣..所以我都唔知算唔算好食, 但五香果隻係幾好味 豆腐花: 我覺得幾正, 雖則豆味係冇乜, 但糖水有淡淡既薑味, 豆腐花好滑, 平時我要落黃糖先食到, 但今日靜係糖水已經覺得好好味, 不過因為叫得太多野食喇, 所以食到後段放棄左。日日出街吸埋太多廢氣, 又唔夠訓, 但今日上一上呢度抖下氣覺得個人精神左, 真係得閒要再黎過先得! :)…查看更多

晨早去睇The Final Destination 3D版, 超刺激難得睇完仲有心情特登走去廣華街飲茶, 上次黎到佢冇開門, 所以成日都念念不忘, 今日有開喇, 不過一去到見到條隊, 已經知有排等。等左大約55MINS, 有D燥底, 加上D亞姐冇咩禮貌,心諗 下次唔會再黎!!! 點知D點心真係幾好食, 所以都係收番頭先果句, 哈哈。黃沙豬潤腸: 好好食, 出面好似唔係度度食到豬潤腸, 腸粉好滑,豬潤都係好滑,好耐冇食過D咁好既腸粉 蝦餃: 我覺得D蝦幾爽口, 個皮睇落好似好薄好通透, 但入口又覺得有D過厚 燸米雞: 俾左點心紙之後好快就黎, 好大隻....2個人要食哂有D難度 (但最後都係食哂!), 入面有豬肉片同雞塊, 好濃味, 熱辣辣, 好食。 叉燒包: 最後先黎, 原來係一次過齊ORDER先整, 好熱好辣手, 上面層穌皮係幾得意, 餡都唔錯, 抵佢咁出名既。棉花雞: 我平時唔食棉花雞的, 加上都唔係間間酒樓有得食, 今次一食覺得舊雞真係好滑, 魚肚非常入味, 咬落去好JUICY, 讚。香蒜菠菜餃: 驚喜地好食, 推介。 蒜粒好香, 同菠菜原來係咁夾, 好清甜 諗番去都想食。茶就有普洱/ 壽眉, D茶冇咩味.....俾D水溝到好稀, 仲要用咖啡壺裝,好搞笑, 食到咁飽冇杯好茶飲下都幾辛苦, 不過點心好食, 就算排成個鍾頭都抵既, 但下次真係要涼番少少天氣先會黎...企馬路邊一個鍾真係幾辛苦架, 帶埋小朋友/老人家既真係要諗諗先去。…查看更多

食完飯, 行番屋企之際陳某帶左我黎公和買豆腐花食, 聽就聽得多食就真係第一次, 買左豆腐花同雙拼番屋企食,豆腐花好滑!!!!!!!!食開cheapcheap百福豆腐花既我即時愛上左公和,不過得一包黃糖唔太夠...我鍾意食多黃糖..雙拼我只係食左一啖,唔太知咩味, 但公和真係幾正:)…查看更多

落堂等再上堂, 成班同學行去黃埔搵飯食, 唔知邊個又話想食burger, 又懶得再行番去時新, 唯有食burger king。唔想食咁多肉, esp係牛肉, 咁熱天時食burger其實都係一件辛苦事....結果買左fish burger食, 相都懶得影...塊魚係脆過麥記, 薯條都係, 但硬係覺得熱到出汗既日子, 唔應該食D咁熱氣既野落肚, 結果成餐都係杯可樂最得我歡心:) 同學話個BBQ sauce陣味好怪, 同之前好似有D唔同, 唔知係唔係講一講之後心理作用,我都覺得好似酸味重左。…查看更多

本身打算落左堂去添好運食點心, 又熱又焗行到去, 佢竟然休息一天, 人又餓, 又熱, 諗都唔諗番轉頭食通達。陳某次次經過都話呢間好好食, 估唔到會係咁無心插柳情況下食到, 叫左腸粉,碗仔翅, 辣魚蛋, 燒賣, 生菜魚肉, 豆漿腸粉好滑好好味, 豉油居功不少, 碗仔翅足料, 粉絲肉絲成碗都係, 味道夠濃, 碗野唔會太杰/稀, 好食, 魚蛋真係10個正, 我唔食得辣都係咁食,仲叫左2碟黎食, 其實唔係真係好辣, 但D汁真係好惹味好香口, 燒賣點左腸粉果D汁食又係好食, 魚肉係一粒粒CUBE咁, 足料到食唔哂, 生菜都好多, O岩哂我呢D鍾意食菜既人,豆漿普通啦, 唔好過甜我已經覺得OK, 雖然間鋪唔太靚, 但坐落覺得幾舒服, 冷氣又夠, 最緊要係D野好食, 絕對值得食多幾次。…查看更多

同陳某去Element行, 行過ThreeSixty, 入去入下貨, 行過Bread Zone, 買左幾個麻糬波波, 分別朱古力味同芝士煙肉味, 味道有少少失望, 好硬, (Taste既出品好食好多)..我鍾意軟身同埋有彈性多D不過鍾意煙肉既朋友不妨一試, 因為肉味好濃。之後行過見到美心月餅既Counter, 冰皮D味好齊, 買左特濃朱古力石板街同榴槤味, ($40/2packs), 食左石板街, 好足料, 但食唔到好重朱古力味, Nuts就好多, Choco lovers可能會失望但用作飯後甜品反而仲好, 因為冇咁滯。講番Three Sixty先, 我覺得都幾好行, 靜係去食佢Food Count既甜品都應該幾開心,因為好多款好吸引:)。…查看更多

行過又一城行完哂Taste之後經過奇華, 順便睇下有咩零食買俾陳某食下, tum下佢開心買左佢一向鍾意食既哈密蘇($6), 佢話唔太甜, 味道又特別, 另外仲見貪得意買左 南乳小鳳餅($16), 可惜唔係太好食, 下次想試埋個XO味先, 其實仲想買月餅食架, 不過心知根本買左就唔會想食, 所以都係放棄lu…查看更多

落左堂後, 本身約左天蠍朋友Poly附近見一面,但實在太掛住佢, 所以忍唔住上山搵佢, 之後陪佢食佢最愛食既和民,(次次佢都要食和民) 豬扒鍋每次都冇走雞, 我最鍾意食D洋蔥, 索左D汁好香甜, 但D豬扒好鞋...又唔脆, 不過朋友好鍾意落蛋果下, 所以次次話唔食話唔食最後都係會叫左黎食, 個拉麵我已經唔記得左個名, 靜係記得好salty, 但湯底唔太掂, 配料唔係太吸引, 食左幾啖就冇食, 仲有個縵魚炒飯, 但唔記得左影相, 幾好食, 可以一試架絕對, 最後黎到甜品既一part, 其實唔知點解次次同呢個朋友食完飯都要整番個甜食先可以走, 今次就順手食埋和民既新甜品, 笑來美餅(唔知有冇記錯), 叫左Green Tea Powder, (好似仲有芝麻味同花生味)好得意, 透明好軟林林, 食落有好微既甜味, 好食就未至於 但好過癮再叫多個紅豆雪糕, 就完成左一餐開心既飯喇。:)…查看更多

人在又一城, 陳某要食人蓼雞做dinner, 等緊果陣見時間仲早, 驚陳某肚仔餓, 就去隔離noodle place買D小食俾佢做下午茶, 買左仍鍾意食既麻香海"節", 賣相係ok的, 但睇下個底用左好多菜同青瓜墊底...本身兜野都份量唔多, 墊一墊之下真係得番幾條好唔老實呀味道仲要係零味道......... 真係唔俾喊喊樣都對唔住自己。…查看更多

病足個幾月 見大家都好番得七七八八就好想食Buffet, 上openrice睇左一輪, 加上有coupon,就去試下紅煙窗。早一日Book左, 7點到, 見到人唔太多, 幾清靜, 我地坐既位都幾近Buffet枱,行出行入都算方便食物方面 種類冇想像中咁多, 最大派頭果幾種例如燒霜降牛肉, 只係肥牛加上類似Terriyaki汁燒熟而已, 完全唔驚喜, 都唔知點解要改個咁勁既名呢..anyway都係幾好味既, D汁。雪場蟹腳, OK既..鵝肝醬溫泉蛋, 食唔到佢上面既鵝肝醬生蠔, 鮮就鮮, 但唔甜 魚生時厚時薄…沙律我expect佢有多幾款, 冇薯仔沙律之下食左雜果, 都唔錯辣酒花螺幾好食, 不過好辣海鮮天婦羅一早炸好的, 不過咬落唔太油, 可以一食有個焗帶子, 好食, 底下有焗薯蓉, 但真係要搶, 兩秒之間已經影都冇埋。仲有幾種熱盤, 但冇咩特色, 甜品更加係令人失望, 蛋糕賣相唔得, 味道係街邊麵包鋪賣埋蛋糕果D質素, 朱古力噴泉只得棉花糖同蜜瓜粒, 大家可以試下自己吉生果去點黎食, 好味好多,湯水就值得一讚, 有個類似豆漿既湯, 有紅棗等既藥材, 我覺得好好飲, 好香甜, (但陳某就覺得麻麻), 另外仲有一中一西例湯。飲品方面, 我只飲熱啡, 可惜係唔熱的, 沙冰好似有2隻味,仲有lemon tea, green tea, 奶茶等。食完因為booking果陣有講所以有discount, 每人二百幾, 但下次已經唔會再考慮呢間, 因為食物質素同想像中有點距離, 出去拎左兩Round野食已經有少少” 之後唔知可以食咩….”既感覺, 主菜唔掂, 款式又太少, 就算俾你食再好既雪糕都冇用啦。…查看更多

放學後相約陳某去做D正經野, 之後大家都有少少餓就去左好耐冇食過既food court食Korea House。果陣大約4點幾, 有Tea Set, 只係$20, 極抵買左 雞肉串燒炒粉絲, 跟一杯熱柚子茶, 粉絲冇之前咁油, D sauce好好味, 唯獨係串燒冇燒過而且好鞋 柚子茶幾好飲, 唔太甜又唔會啖而無味另外一個香辣牛肉湯麵, 跟一個紫菜湯, 比之前好食左, 夠辣, 紫菜湯普通, 冇咩特別, food court既質素黎講已經算OK, 而且全部野埋單只係40蚊仲抵食過隔離既大x樂。…查看更多