成間鋪得兩位老友記一腳踢，老闆仲開玩笑，向我睇餐牌個時話炆牛腩同牛舌賣晒，你想食一係坐多陣，而家炆緊，今晚有得食，放心啦個餐係全日供應。雖然整體味道尚可，就普普通通既街坊飯堂咁，但就感覺多左份小店既人情味。
希望下次仲可以繼續食到。…查看更多
我早到攞左位後，侍應遞餐牌時提醒午餐去到2點半，我拿拿淋影左張餐牌再ws比朋友。落單個時亦都有問經理，因朋友未到，可否食物後上, 經理話無問題，佢亦都擔心早上食物影響品質
。由於唔食辣，原本想食海南雞，結果賣晒
於是試下個軟殼蟹，我朋友就揀左有機黑米。（佢話上次食過，好好味喎）侍應先上餐前小食，由於對泰國菜唔係好熟，所以除左認得舊菠蘿，其他食物唔知係咩尼（知道另一樣係葉
）。菠蘿上面個饀咸咸地，配埋舊菠蘿，酸酸甜甜，幾惹味。另一份朋友教連埋塊葉一齊食，食落幾清新。我地都加錢轉左椰子雞湯同冬蔭公，椰子雞湯一上枱就聞到香味，碗湯味道好濃，鐘意食雞既應該會好鐘意。
朋友個冬蔭公都好足料，隻蝦都幾大隻。雖然飲完個濃湯，但再食個炒飯都唔會搶左味。軟殼蟹夠晒脆，好香口，不過怕辣既小心，因為上面淋左少少酸辣汁。飯係粒粒分明，唔會黏埋一舊舊（經理無講錯,真係即煮架）。同朋友用軟殼蟹等價交換舊排骨。排骨好大塊，而且好冧好juice，都唔洗用刀切都已經可以骨肉分離，再加上乾蒜，又香又惹味。餐飲揀左Thai Ice Tea（朋友揀左西瓜汁）,岩岩點完，就聽到吧枱部榨汁機，睇尼係即榨真西瓜汁。至於我個杯奶茶，真係好飲過出面好多台式奶茶
。因為減肥既關係，出街飲野都會走甜，今次因為之前食物每樣都好正，所以都想試下個泰奶茶原味如何。杯野好飲到呢，一來唔會甜到飲糖水咁，茶味岩岩好，另外佢當中夾左一個味道(淡淡地，但唔知咩尼）變得好好飲。綜合尼講，雖然對打工仔尼説，餐飯係偏貴少少（有幸有人請）。但真心值依個價，唔會中大伏。服務又好，食物品質又唔錯，真係好有貴賓級酒店式享受
。希望下次再有機會，可以試到佢既海南雞同下午茶（我見有個雀籠點心，好打耳）補上一張，窗邊海景相。…查看更多
地方雖然無銅鑼灣咁大，但都坐得寛落，朋友知岩岩開驚人多想打去訂位，但無得訂提早去攞位。比佢等到張對住廚房既圓枱，坐得舒服之餘又可以睇下廚師整咩。侍應好好笑容，會幫我地倒茶。:)不影響人之下，只影低自己個set——滑蛋豬扒飯定食。麵豉湯味道足，唔會過咸，加左海帶同腐皮。配菜同其他分店一樣，易入口又開胃，夏天岩晒(雖然個日落住大雨)。主菜滑蛋豬扒，相信女仕見到會好開心，因為佢有別於其他鋪頭，唔係切到一條條，而係切成一粒粒。每粒大概咬2-3啖就食完，唔可以一啖咬晒，原因係因為佢個豬扒都幾厚，外面係脆卜卜，但裏面唔會「乾爭爭」。成個set食完，都唔會特別口渴，但味道一流。環視四周，相比中環放飯時間，人比較少，而且都有唔少日本人。我朋友第一次食，佢都話好好食，而且擔心宜家岩岩開業無咩人知，到時多人知道又咁好食，驚到時無位。不過等餐時間比平時放LUNCH個D餐廳會耐少少，如果LUNCH TIME時間比較短，就真係自己就返時間啦。
另外可能初開業，唔似銅鑼灣分店有好抵食既特價午餐，打工仔唯有勒緊褲頭
…查看更多
一入門口就已經有侍應哥哥問幾位，鋪頭都幾多人，好彩都搭枱坐到卡位，可以舒舒服服咁坐。餐廳都幾乾淨,雖然坐近門口收銀位，但冷氣都好夠。坐低後，有位姐姐比個餐牌，話今日（星期六）可以叫外賣餐。不過睇左一輪，見到有推介餐，就決定叫「瑞士汁雞脾腸仔飯」再加特飲「雜果冰」。太熱啦，寧願加錢叫特飲走湯。等左一陣，主菜上場，姐姐仲幫我拉櫃桶攞餐具，仲叫我慢慢食。
難得地會送三條菜，比起雪藏雜豆，我寧願係配菜心或芥蘭。腸仔外皮脆脆地，汁都算唔錯，不過雞脾就偏咸左少少，有待改進。一到個雜果冰，真係童真返晒尼，令我諗起細個老豆帶我去冰室叫紅豆冰都會送把紙遮仔。雜果冰唔會甜到好似糖水咁，有菠蘿，小椰果，蜜桃，消暑一流。店內環境乾淨又光猛，可能飯市時間，店內都幾多人。除左有電視，餐廳都會播下d流行曲。可能姐姐侍應較多（收銀都係女），嗌「歡迎光臨幾多位」都唔會太過豪氣大聲，來得溫婉親切。整體而言，雞脾偏咸:(，但味道都唔差。雜果冰賣相呃like一流，味唔會太甜。環境唔錯
，唔會快快收你野，好似趕你走咁。侍應唔會惡惡死死，都有笑容:)。尼緊書展希望間鋪仲向度可以繼續幫襯
。…查看更多
，做好晒野放工見肚餓，見好耐無嘆茶，就試下依間新鋪。間鋪之前放lunch收過傳單，初初覺得老蘭同點心好似唔知點咁，個刻無即時去試食，既然今日happy Friday, 就去下醫肚啦入到去都幾光猛，侍應見到我入尼即時招呼我，由於諗住留肚返屋企食，所以只係叫左最鐘意既燒賣。侍應都好nice, 仲幫我倒茶。可能向蘭桂坊，時間尚早，店內得我一個客。點心係即叫既蒸，向我等緊既期間，開始有外籍客入尼，再加上出面播住d歐美pop, 個一下以為返左美國既中菜館。主角燒賣到尼到，真係好amazing 
好耐無見燒賣有咁多子，咬落去真係驚跌晒出尼
燒賣唔會好多肥膏，蝦又好鮮甜，好好味。真心值得推介，下次放lunch, 再試下個盅飯。熱烈期待:)…查看更多
如果深水埗食糖水, 我諗好多人都會去個十字路口個兩間(我都唔例外), 朋友向橫街泊好車, 發現左依間「新野」, 於是就試下。店內環境同氣氛唔錯:), 感覺好似走左樓上cafe+漫畫屋咁, 店內燈光都幾warm, 而且坐位有一排排漫畫坐低之後, 侍應就遞左個用木板做封面既餐牌, 其實都係依家食甜品都會有既大路野: 梳乎里, 心太軟, 腸粉涼粉, 傳統既芝麻糊西米露都有。我同朋友都係朱古力控, 我就叫左個朱古力芭菲, 朋友就叫左朱古力冰露。等緊個時, 除左影下相, 仲可以睇下漫畫。等下等下, 原本無咩人既餐廳, 都開始有不同既客人進場, 有年輕人, 亦有一家大細。等左一陣, 朱古力芭菲登場~~其實芭菲唔係食過好多次, 所以內裏應該有咩同一定要有咩都無咩研究。至少依次經驗, 我覺得無中伏既感覺。雪糕唔會一尼到已經要趕住食, 但又唔會硬到成舊磚咁, 用匙羹點插極都插唔入。布甸粒口感OK, 軟軟錦錦。Cream唔會食到一半已經覺得膩, 而且感覺有D質感, 我個人幾鐘意。
最後仲有D麥片脆脆, 感覺好滿足。朋友個冰露就無偷食啦(因為我個杯仲大過佢個杯), 佢食完後都覺得唔差. 下次有機會既, 我地都會再尼試下。…查看更多
以下送上食評。個羅宋湯好足料，味道適中。朋友點既係忌廉湯，佢地都話個湯好香、味度好濃！至於個餐包，攞上手嗰陣已發現原來已上牛油，好有心機！影相撕開個時發覺：餐包烘到外皮脆卜卜，內裏軟棉棉，不過對減緊肥既我就未免有D可惜，所以牛油包最後俾其他朋友食哂。(無錯, 我係柔輪完個餐包先比我朋友食
香焗田螺 $68薯蓉有好香既牛油味，好細滑, 仲加左D煎過既煙肉碎，係稍為咸咗少少，可接受。田螺入口口感一流，無砂！呢個價錢我敢講係我食過最好食的！香煎德國鹹牛脷 $68過往食過既鐵板燒牛舌一般都係薄切，今次試既厚切牛舌算係另一種嘗試。果然無揀錯！入口好爽。我個人口味既話，如果稍為加多點海鹽吊味就100分了！美國一級 Prime 肉眼$268主菜係我點既係美國一級 Prime 肉眼，聽餐廳侍應介紹佢地既銀雪魚係招牌菜，但我對魚就一般般，最後都係叫佢加錢俾一小塊我試下。魚係好食的，比起以前係鐵板燒食過既銀雪魚有少少唔同。特別口感方面，以前食過既銀雪魚感覺入口即散，無今次食既咁有咬口。餐廳伙記同我地講原來外面好多餐廳既銀雪魚因為成本原因，都係以油魚代替。所以今次我至試過真正既銀雪魚，值得一讚！至於塊牛扒，我叫既係五成熟，上枱切開入口時唔會話已熟多兩成，估計廚房既時間控制做得好好，而且唔係鐵板。肉汁鎖係塊扒入面，入口非常juicy！牛肉既肉香，恰到好處！至於薯條也是鮮炸，好有薯香！至於朋友們食既另外三個set，因為食既唔係我，我就唔為佢地代筆了。就賣相已很不錯，而佢地總體都覺得好好食！朋友仔選餐：英式羊仔雜扒，包餐湯，餐飲。$168安格斯西冷，包餐湯，餐飲。$188晚餐Set 黑椒牛扒意粉，包餐湯，餐飲。$88埋單總價: 大約$800人均兩百牛屋，真心推薦！
…查看更多
。鐘意依度環境，地方闊落，大家唔會坐得逼，可以坐得舒舒服服。服務員又好好，有禮貌之餘又會教你點烤，亦會提議食法（例如食五花腩配白飯）。前菜食完可以再添，有我最鐘意既笳子，青瓜又爽又脆。人唔多，今次都係例牌叫左厚切五花腩，仲有M5牛，炸醬面，虎蝦，蠔，有個熟食既大腸（唔記得叫咩名）。五花腩依然都咁有分量，M5好有驚喜，睇落唔係好肥，但有入唔即化既感覺，真係好野尼喎！虎蝦好大隻，三隻已經霸晒成個爐。燒蠔前女侍應有教燒幾耐，仲放個Timer比你計時。熟食方面，炸醬面夠晒味，唔會水汪汪，而且上面有個脆卜卜既「UFO 」，又有蛋皮同芝士，撈埋一齊食真係好正。大腸食左幾舊，因為我唔食得辣，但真係好好味，所以都食左幾舊。價錢由於做主角，唔洗比不過大家話價錢唔係特別貴，都ok。（唔知係客氣定事實）…查看更多
