Lamszemei的个人专页

朋友聚會，友人曾經試過尖沙咀分店反映唔錯，試吓銅鑼灣呢間。環境企理乾淨。但整體不合格 。一行四個人，點咗個中秋節四人套餐，埋單差不多$3000 ，但無論服務、上枱還是食物質素都有很大進步空間。四個人坐晒低，都未坐亂張凳已經直接上咗三碟小食，好似啱啱坐低就趕我哋走咁…😥第一樣係碟雞，正常操作，味道OK第二碟係白雲耳，少少Wasabi味道，本身唔食Wasabi嘅都覺得可以接受，清爽叉燒算係三樣小食最好食，但係又未去令人回味嘅感覺，算合格每位有個湯，湯飲落OK但係應該有味精，因為飲完湯之後全晚不停飲水….🫨跟住開始上主菜，其實都要$750一位，感覺上主菜分開四小碟上比較好，就算唔係四小碟，應該上碟份量平均啲（當日係一片巨型唔算厚、一片正常大小厚切，有兩粒細粒嘅花膠，另外四粒冬菇大小明顯有大差距），同埋應該跟埋刀叉上枱，我哋幾個對住冬菇同埋花膠呆咗，要用匙羹將花膠切開share，冬菇要用筷子拮住嚟食🫣🫣🫣 分配嘅時候都有啲尷尬，唔知點分配嗰幾嚿唔平均嘅花膠😥同埋花膠仲有少少腥味 。跟住嚟另外一個主菜—魚。啲魚本身新鮮，但係唔夠味，四個都要落辣椒醬 。跟住嚟咗碟菜，都係唔太夠味，要點辣椒醬🫣最後尾出多個杏仁湯圓就完了。絕對不會再訪。🤧🤧🤧…查看更多

同朋友喺將軍澳站食lunch，呢間一定要book位， Walk in通常要等. 當日好好彩半小時前都仲book到位，所以好快安排入座，今次兩個人叫咗兩個lunch set同埋一個小食前菜嗌咗一個湯同埋一個蟹肉tata, 個taa都幾開胃，蟹肉都幾多跟住上咗個薯條，份量都唔少，冇呃秤，幾抵食跟住嚟兩個主菜，分別叫咗個牛肉同埋龍蝦意大利飯。上一次叫個貴啲嘅牛肉較易入口，今次目測都冇overcooked但係食落口就有啲嚡，如果意大利飯就正常操作，但係都係鍾意食白汁嘅意大利飯多啲～純粹個人口味反而個甜品有驚喜， $38嘅開心果cream brûlée 幾好食，有開心果味又唔係太甜或者太漏，不過都因為叫咗小食太飽，兩個share一份~…查看更多

間唔中都會去荔枝角行吓市集，同埋拎吓啲網購，通常都會揀呢間喺工廈嘅台灣餐廳食個brunch，首先價錢唔貴，而且食物唔錯，今次食嘅花枝丸同埋個慢烤雞腿芝士蛋多士都好好食，三文治入邊嘅蛋同埋芝士包晒出嚟，非常邪惡，今次仲點咗個唔甜嘅冬瓜茶好飲，之前都有試過佢哋啲甜品，主要食芋圓，都好好食，餐牌仲有好多嘢未試過，會繼續慢慢去試吓其他食物 。唯一可能可以改善吓係店員，唔可以話冇禮貌，但係去過咁多次好似都未見過佢哋對客人笑🤫…查看更多

朋友介紹，有日放工去咗呢間太子嘅隱世小店隱世係因為佢係一個好唔起眼嘅街入邊嘅一條巷仔入邊一間好細嘅舖，室內好似10個位左右，室外好似有一至兩張枱。當日去嘅時候有四台客，有啲食食吓都出咗去食，店員會同大家飲酒吹水，氣氛唔錯。空間係有啲迫，但係都有樣好，食物唔會一次過上晒，一路食一路上一路可以慢慢傾偈，所以啲食物新鮮熱辣更加好味。因為只係兩個人去，所以坐咗喺枱仔冇坐喺Bar枱 。我哋嚟到嘅時候叫咗個小食，同埋一個刺身拼盤。個小食係炸蝦仔，鮮味送走一流。刺身拼盤新鮮，佢哋都係揀時令海鮮，拼盤有白子有驚喜 。跟住再嚟咗個螢光墨魚，個墨魚如果就咁食會有少少鹹，但係送走就啱啱好跟住嚟咗一啲串燒，推介雞翼同埋一個店主介紹嘅雞肉，係特別位置，好爽脆好好食在下面啲串，連埋雞皮燒好好食，即刻加多一串仲有個串燒鰻魚都好肥美非常滿足的一個晚上 。註：唯一美中不足係本身點咗個梳打水，店員誤解咗係要有味嘅Cocktail，因為嗰杯太甜有少少影響咗整體感覺…查看更多

又到咗大閘蟹嘅季節，今年見到國金軒廣告好吸引，忍唔住同啲朋友訂位去試…食物質素一般，但服務質素退步了..我哋揀咗上面呢一個大閘蟹套餐，一開始先嚟個前菜…個小籠包完全冇蟹味…另外嗰件係雞來的，但係佢連埋雞皮，上面有啫喱，放入口嘅感覺係食緊一層好厚嘅雞皮，三個女仔食完之後都覺得口感下一站有啲怪..杏汁花膠湯碗湯嚟到去就已經上咗第一隻蟹，都未飲完碗湯，我哋又驚隻蟹凍都唔知食邊樣先..個問題係即係由個身體開始食起，刷完個殼佢已經上緊第二隻蟹🙄🙄🙄🙄🙄🙄當時碗湯都係未飲完…即係應該有六両以上，都OK，不過不失但係隻蟹又係未食完，仲係食緊第一隻蟹已經再上緊下一道菜，係個蘿蔔，一碟真係最失望，因為兩粒蘿蔔都有渣的…跟住又係好快就想買個雲吞麵，嗰時隻蟹都係仲係未食完…時間控制真係好差，感覺係一次過蒸晒啲蟹就分開上枱咁🙈🙈🙈食完兩隻蟹，同埋嗰碟蘿蔔之後，再食呢碟雲吞麵，已經發脹到食唔落口….已經變到好難食最後你買甜品，薑汁撞奶同埋紅棗糕，如果冇薑茶嘅話個薑汁撞奶唔夠辣，反而個紅棗糕有驚喜，全晚最好食聽人講尖沙咀嗰間好食啲，以前杏花邨都好食，睇吓有冇機會比較吓..…查看更多

去門口經過見到價錢唔貴就試吓晚餐最平$100唔使最後店員介紹吓揀咗個鐵板燒套餐如果鐵板燒嚟講唔算貴但係唔會有任何擺盤，質素一般個套餐都算多嘢食，一開始嚟過前菜跟住你嗰集咁刺身，本身睇張圖片有四款，佢嚟咗兩款問店員先知原來佢將其中兩款合併，所以total四件，其實我覺得應該俾返四件唔同，不過見一個人去食就由佢跟住嚟個廣島蠔同埋炒啲配菜…我本身以為係炒雞柳🙈跟住有個老虎大廈，佢有得加$50有8頭轉6頭，不過個人唔係好建議加大，我覺得比較好味嘅一樣…跟住就想美國牛柳檔本身叫五成熟，但係上台應該超過八成熟…仲有啲韌…質素真係非常一般嘅牛柳…跟住係想鵝肝，佢應該係搽咗啲蜜糖整嗰啲麵包，但係落重咗手所以好甜…不過個質地同埋整體都OK，唯獨係甜咗少少..跟住嚟換煙肉黃金炒…個人覺得啲洋蔥太生…碗飯冇乜特別….但係呢碗飯會令你飽肚嘅感覺😂本身有個炒菜，但係太飽，轉咗兩粒冬菇俾我，最後嚟咗個甜品，呢個有少少影響之前嗰幾道菜嘅感覺🙈應該唔會再有下次….…查看更多

之前係幾個月前喺呢間餐廳食過一次，印象一般，前排經過尖沙咀，突然諗起佢，俾多次機會 。今次叫咗個午餐，比張相吸引咗，所以嗌咗壽司🍣set。嚟到之後感覺到幾大分別，份量比較細，刺身同飯都比較細粒，所以另外點咗個小食 。刺身set唯一比上次好嘅係今次俾咗個窗邊位我，可以對住個維港食飯 。見份量唔多，嗌多個小食，但係呢個小食就真係搞唔掂，佢係吉列豬柳，但係入邊有一半以上係肥豬肉同根部位置，咬落去好油同埋咬唔開，平時遇到呢啲情況最多唔食某一部份，但係今次食咗兩條都係咁，最後都要同返經理講🙈No more encore…🙈…查看更多

一開始係比個刺身船吸引咗，諗住生日食飯影張卡都靚啲，點知原來四個人係冇隻船，亦都冇海膽，刺身只會上一轉（呢個可能之前冇睇清楚）。點解覺得少少中伏？可能我哋一心諗住打邊爐，坐低之後佢地已經自動幫我哋點左有啲飽肚嘅前菜、小食，仲有一整個雞煲（唔好食的）同埋個刺身拼盤，印象中兩個鐘頭食嘢，淨係食呢啲都冇咗一個鐘。前菜、小食、雞煲食完咁多嘢其實已經飽咗一大半，跟住佢就上左盤預設咗嘅海鮮同埋一啲打邊爐食品。啲海鮮算係同預計差不多，但係個珊瑚蚌食落個味道同口感怪怪地😅至於其他打邊爐食品就好普通，本身都冇乜太大期望，但係啲肥牛太過肥瘦分明就比較失望。…查看更多

朋友介紹嚟呢度食飯，雖然唔算特別平，但係好食，所以我哋都抱着期望去食，價錢同想像中差不多，但食物質素大家都滿意！我會再去😁😁😁好似係叫蜜瓜炸牛奶～唔算太甜幾好食！酸辣桂花魚，個湯底唔會太酸，少少酸少少辣，但係啲桂花魚真係好滑，你就咁蒸桂花魚仲要玩所以有驚喜！炸子雞，上枱嘅時候俾佢下一刻咁大碟，但係原來份量好適中，腰果好脆，啲雞都炒得好乾身同埋好夠味，值得一試！朋友好鍾意飲湯，叫咗個花膠響螺湯飲，都要二百幾蚊，一啲都唔平，但係足料好飲！想叫個菜，又唔知叫咩菜，最後咪揀咗竹笙豆腐，呢個好好食～就算食到好飽都清晒😁😁…查看更多

臨時上網搵咗呢間嚟食，鍵好似冇乜負評就去試吓，我哋得出嘅結論就係佢個名改得好貼切，Mamaday🙈🙈同埋當日可能比較滿座，所以都比較嘈，如果想傾偈嘅話就要大聲啲，多人嘅話會好啲。比較失望係個芝士火鍋，唔係好抵食，因為佢唔係太好食🙈個小食拼盤就正常發揮～個意粉就略嫌有啲過濃味，食唔曬～呢個真係成盤都麻麻地🙈🙈我啲蝦同西蘭花本身係烚熟咗，冇乜味，放入啲芝士度都係冇乜味。至於啲牛扒本身煮熟咗，再落去芝士火鍋其實有啲Overcooked所以覺得浪費咗🤔🤔🤔…查看更多

新張優惠好似有八五折，所以去試吓，但係去到嘅時候發現好多套餐都冇得選擇，而有啲套餐原來要早幾日訂，所以其實只有兩個套餐可以選擇，或者分開叫。因為只有兩個人去，叫套餐比較方便，所以叫咗兩個晚餐，買單每位$800左右，質素都算合格，但係服務質素就真係非常一般，啲食物一次過上枱都食唔切，串燒問佢哋係乜嘢又答唔到，應該唔會再幫襯…揀咗喺吧枱前面坐，點知十幾個位得四五個客，都冇人理我哋，而啲師傅上菜嘅次序都錯晒🙈生蠔🦪 okay，刺身普通，啲串燒喺前菜同埋刺身都未食完就上枱，跟住就嚟埋天婦羅，所以到食嘅時候已經唔係最好狀態🙈…查看更多

Random 喺OpenRice搵咗呢間係觀塘工廈嘅Cafe，見到都食評OK就去試吓。一開始叫咗個黑松露薯條，新鮮熱辣，好好味！主菜方面我哋叫咗一個牛肉同一個三文魚，個牛肉我哋覺得都係正常發揮，啲牛煮得好靚，生熟程度啱啱好。但係個三文魚好友驚喜，無論係三文魚定係啲飯或者係啲汁都好好食嗰幾粒三文魚子係神來之筆，畫龍點睛。隻色好靚最後再嚟多個法式西多士，又係好好好好味，本身上枱嘅時候都驚佢好飽，但係食落又OK，又唔會話太甜！有驚喜…查看更多

朋友介紹，佢話想來呢度試大閘蟹好耐。差唔多去到季尾，我哋終於就到時間又book到台試下。佢哋做緊優惠，買一送一，六百幾蚊一個人，留意番加一係用正價計算。另外可以加$50 要100ml嘅花雕。同埋加$208要多隻蟹。我哋轉$50都唔貴，所以叫咗一杯花試下。其實聽到個價錢都估到唔會係好高質素嗰啲，我對酒精比較敏感，如果唔夠純嗰啲我會好頭痛，而呢杯酒令我頭痛左三日。如果粒話梅我覺得有啲太甜。而其他小食還可以。一人一件餐前小食，蝦同埋魷魚OK，但係我覺得隻蛋唔夠入味，僅有嘅味道係來自上面的胡椒粉，有啲失望。跟住一人一碗次，呢個個味道可以，但係本身唔太支持食翅（雖然佢都唔多），但係我覺得可以用其他嘢代替。主角出場一人一隻五兩重嘅蟹，其實覺得有啲細隻，如果要價錢食多隻，即係要$208+10%，係非常之唔抵！所以我哋都係一人食一隻。打開着蟹，都爆膏，但係可能已經係季尾，所以我哋覺得啲蟹膏嘅味唔算話好濃郁。啖啖肉。我哋食緊蟹嘅時候佢突然之間拎啲碟蟹蓋上枱，跟住仲叫我哋要趁熱食。但係我哋四個人隻手拎住隻鞋望住佢都唔知可以比咩反應佢，同佢講之道，但係都要食埋手上面隻蟹先。所以我哋食呢一個蟹蓋嘅時候已經凍凍地，我覺得佢哋舖頭可以留意一下上台時間。跟住嚟咗個鮑魚同腳。我哋覺得個汁好鹹，食完嘅時候諗住個店員會收起，點知佢話留返啲汁嚟點之後個飯食會好正，但係好鹹我哋都冇點到。而我哋唔點啲汁嘅另外一個原因就係個飯本身炒得好乾身，一邊又有啲脆脆，呢個飯係全晚最有驚喜嘅一樣嘢。我哋仲試咗個蟹粉小籠包，好似係$108.4隻，只能說味道一般。不過不失。想提一提嘅係，食完飯去廁所差啲毆返晒成餐飯出嚟。衛生可以改善一下。…查看更多

早前經過朗豪坊做嘢，諗唔到食乜，喺條街周圍望嘅時候見到呢間舖頭，想去睇吓價錢，覺得都OK，再上嚟睇埋其他食評，見到都好多正評，就決定入去試吓。我當日揀嘅係90分鐘午市火鍋放題， B餐，叫咗美人鍋喎。通常食呢啲，第一次我都唔會揀最平，啲肉嘅質素應該會好一般，亦都唔會揀最貴，因為唔知佢質素如何。但係留意番，星期六日要加$10 ，職員帶緊我入座嘅時候先至講，本身係門口唔多覺。我當時係三點幾去，所以唔使等位就可以直接入座，加埋我諗都冇20個人。店員喺我坐低之後就簡單同我講解喺邊度拎食物嘢飲。呢度有蔬菜、各種嘅丸。都算多選擇。熟食區，有三樣炸嘢，我記得有查牛奶同查番薯之類嘅嘢，另外仲有格仔餅。:)呢度去台灣熟食區，賣相一般所以無試到。另外仲有飲品，想睇一點就係佢有自製台式飲品，我試咗一杯白桃茶，係冇乜味嘅，但係唔想音兩罐可樂所以都冇計。唔好太大期望。仲有雪糕，有Häagen-Dazs同movenpick。食物方面，正常發揮。啲牛肉未知於好高級但係入口可以，不過呢啲放題總係有一個通病：永遠第一兩碟都係最好，之後一碟比一碟薄切牛肉。但係我想講嘅係個西班牙豬肉有驚喜。我覺得好味嗰啲牛肉。但係我唔記得影啲牛肉嘅相不過有樣嘢我想講，個美人湯湯底可能佢落咗雞嘅關係好油，煮咗一陣就要片油。睇吓幾咁恐怖！呢個動作唔做唔得，真係食晒落肚！另外點解話呢間野服務唔好？啲店員十問九唔應！可能佢哋見小人所以當休息吓，有幾個成日黐埋傾偈！反而有個年紀大小小嘅阿姨比較落力幫我哋！但係最令人不滿嘅係，我食咗半個鐘之後，應該食咗兩轉，之後落嘅單基本上都係冇出！食90分鐘，其中一張單等咗20分鐘都冇人送野黎，因為我慢慢食緊其他嘢講時都唔覺，食完之後再落多張單佢都唔送過嚟，我就搵個阿姨幫手，咁啱先出到我20分鐘之後落嗰張單，但係另外一單佢係系統又話出咗。跟住我嘗試再落四五張單全部都冇嘢送來，都係要叫阿姨走過來幫手入廚房拎，佢仲好好咁同我講話有咩需要可以直接搵佢。講真，如果一班人去食可能真係會食三燥。得咁少人都咁樣漏單。仲要講緊每一碟其實係得兩小編薄切牛肉或者豬肉，一下就食晒！應該唔會再幫襯！…查看更多

呢間酒樓其實已經嚟過唔少次，食物方面保持到水準，如果正價有啲偏貴，但係撞啱有折扣時段就好抵食。而且酒樓環境舒適，座位闊落，不過大聲啲傾偈都幾認聲。其實除咗個女廁之外冇乜挑剔，今次去個廁所係不能接受到要去酒樓出邊個廁所，同部長反映嘅回覆係：正常呀，出邊個廁所清潔得密啲！我嗰下真係呆咗😂前菜～酸酸甜甜嘅法國魚～仲有差唔多每次都會叫嘅咕嚕肉～今次仲試咗個雞煲！呢個鮑魚基本上每次都會叫，開胃小食甜品～炸鮮奶…查看更多