qtyang的个人专页

已經好耐都冇寫過食評了今次為咗慶祝結婚周年特別選了黑樺牛。因為之前睇到其他人食評嘅相片中和牛已經流晒口水所以早早就Book定位嚟食。剛入座時有啲冇人理嘅感覺，連墊枱紙、碗筷都未擺:(可能因為同時間有一班人等入座吧～但唔係應該之前就已經要預早擺好嗎？後尾感覺好返啲，因為有位四眼哥哥都幾風趣，仲主動幫我老公斟咗一次沙冰點餐係用QR Code落單的，總括亦沒有漏單情況，但其中有一round叫咗幾款牛肉，落咗單好耐都冇嚟。當我諗住已經漏單了，點知隔咗一般時間佢又送嚟係牛肉等得耐少少，其他食物order完之後都好快就送到。食物質素都好好～A5黑樺和牛直頭冇得頂一入口啲油份爆發香嫩軟滑～～令人回味！2小時不斷咁食最後同老公食到超滿足離座。我哋嘅結婚周年記念+2022除夕夜晚亦餐完美收場…查看更多

住附近嘅我~早排經過見有新店開張…攞咗張外賣紙返屋企睇睇~今日終於一到試試下午茶餐…點了豬扒包~本來想飲冰鎮奶茶的…可惜現在變了樽仔奶茶~有一點失望~但扭開樽蓋一飲之下覺得蠻不錯!奶味香濃…略嫌茶味淡了點…多坐一會…豬扒包上枱了！賣相不錯，豬扒份量夠…覆蓋著整個包~包包香脆…豬扒煎至表面金黃~可口!印象不錯!有機會會再來吃晚餐小菜^_^…查看更多

今日其實已經係第二次去呢度食dinner...第一次係今年母親節o個晚~上次叫套餐+半隻蒜香雞...今次叫o左1個菜...1個燒味拼盤+半隻蒜香雞+2個白飯3個人o岩o岩好食到飽飽~埋單差唔多$200整體o黎講唔錯...但係隻雞冇第一次咁嫩...個拼盤都幾好...d叉燒幾靚,燒肉皮都好脆~蒜蓉炒菜心就一般~…查看更多

:)第一次去食~2個人坐大卡位...d位真係超闊...闊過一張雙人床...幾舒服~~同男朋友兩個人點o左:1.山東燒雞同我想像之中ge好唔同...我本來諗住你脆皮ge...點知佢應該係燒完之後再用汁煮...所以個皮一d都唔脆...而且佢幫你拆晒骨...但係都ok ge~2.菜肉餃拉麵d菜肉餃好食...而且拉麵都幾彈牙o下3.小籠包皮薄多汁...正~4.鍋貼裡面都係好多肉汁~正~~服務都唔錯...…查看更多

因為男朋友搬o左去附近住...所以先會發現呢間富臨~都去個食幾次lu~飲茶,晚飯同火鍋都試過...任食火鍋好正...d料一d都唔差...尤其是係墨魚丸~環境都唔錯...而且唔太多人...幾次上去都唔駛等位咁濟:)又抵又好食…查看更多

最近o係度食過2次dinner...頭一次同bf去食,佢叫o左個羊扒,而我就叫o左個T骨扒...我覺得bf點ge羊扒好味d~~可能因為比較少食羊扒o卦,我ge T骨扒都唔錯...個set dinner仲有小食,我o地要o左雞翼(3隻)同埋豬肋骨(2件)...另外有餐飲,餐包,餐湯,埋單$123我覺得抵過扒王...另一次係聖誕夜晚,選擇變得少o左...而且價錢差唔多係平日ge 2倍...跟餐ge龍蝦湯好咸,聖誕特飲係士多啤梨汁,幾特別...呢次試o左羊架同豬肋骨...個豬肋骨雖然睇落好大件,但係唔抵食...因為大部份都係骨o黎...其他都ok la...埋單$210,算la!聖誕搵笨餐ar ma...哈~…查看更多

食過幾次,小籠包一般,差左冇咩肉汁...宮廷餃幾特別,不過又係冇肉汁.拉麵幾好,夠"煙韧"...可免費轉蕃茄豬骨湯底...好味~~而且價錢合理,抵食...如果住坑口,想平平o地食餐上海菜...都係一個唔錯ge選擇~…查看更多

有一晚見呢間o野新開~去試o下...<br />不過食完之後好後悔,首先環境都唔錯ge,燈光暗暗地幾有情調.不過服務就真係幾有問題,首先我個人好唔鍾意佢呢d"懶"自助ge形式,要客人去收銀處落單,之後佢將食物送過o黎...搞到不停有人o係度走o黎走去。最搞笑就係店員連"紅白"都唔知咩o黎要問返我轉頭=.=<br /><br />講講食物質素方面,我食o左個熱合桃糊...雖然幾香合桃味,但係好甜>~<而我bf就食"紅白",豆腐花係凍ge但係紅豆沙竟然係熱...呢個配搭都幾創新...我諗應該唔會幫襯第二次>.<…查看更多

價錢真係抵到爛~普通糖水(芝麻糊,合桃糊,花生糊etc)一碗都係十蚊左右~~加埋湯圓都只係廿蚊有找...比起滿記平好多!!<br />價錢平,但係質素亦比滿記高~~所以住將軍澳ge我都寧願出長沙灣而唔入西貢食糖水~^^\"<br />最好味ge就係松記ge湯圓,口味多而且又好味~~我最鍾意就係綠茶奶皇湯圓/奶皇湯圓~~~其他都唔錯~~第一次去可以叫個五寶湯圓~~<br />不過我覺得環境都幾迫o下...而且有時又有顧客食煙...o係咁ge環境之下都幾難頂~希望松記全面禁煙la~…查看更多