billy193的个人专页

🍽🍽☕☕🌭 🍔 🍟 🍕☕☕🍽🍽-如果大家有去過新蒲崗，我諗唔少人都會知道老字號專賣點心嘅「陳師傅點心專門店」。最近佢本店搬遷去到尖沙咀，以後再唔洗山長水遠入去試好嘢！適逢當日試業，又睇下搬咗舖又keep唔keep到水準啦！-🥢🥢薑蔥牛柏葉($35)又爽又彈非常入味，同舊式茶樓嘅口味有得比！-🥢🥢東北棗皇糕($27)茶樓比較少見嘅點心，層次分明而且帶紅棗嘅清甜，糕質彈牙，好食！-🥢🥢流沙奶黃煎堆仔($29)港式點心，又點少得炸點呢？煎堆真正流心，入口好香奶黃味，無得輸。-🥢🥢精製蝦餃皇($24)佢啲蒸點唔少都係兩粒兩粒咁計錢，啱晒兩個人撐枱腳。蝦餃皮做得好好唔會散開，入面落得料，24蚊兩隻出面點搵啊！？-🥢🥢魚子燒賣皇($24)「一盅兩件」嚟講燒賣都係必食之選，蝦同肉嘅比例啱啱好，味道唔錯。-🥢🥢山竹牛肉球($24)茶樓點心入面，「山竹牛肉球」都算係經典之一。牛肉球食落去好有牛肉味，而且嫩滑、爽口、彈牙，建議之選！-🥢🥢陳皮牛肉腸($30)對比其他點心，依個就比較失色少少。腸粉皮厚而且牛肉份量少，食落口無咩陳皮同埋牛肉味，似食齋腸多過牛肉腸，店家可以改善下。-🦁評價🦁食物 9/10環境 8/10服務 7.5/10性價比 8/10整體 8.5/10-🍽🍽☕☕🌭 🍔 🍟 🍕☕☕🍽🍽…查看更多

🍽🍽☕☕🌭 🍔 🍟 🍕☕☕🍽🍽-滿記甜品係香港都算出晒名，今次嚟總站試真啲佢到底係咪咁好食定係名過其實！本身舖頭唔算難搵，路邊大大個招牌都好易講到，可能係因為下午時間唔算太多人，好多位都可以揀。餐牌上面都唔少選擇，好多都比較大路，不過今次就揀咗兩樣，睇吓佢嘅水準去到邊。-🥢🥢楊枝甘露配小丸子比想像中酸而且無咩芒果味，小丸子不過不失，連最基本嘅甜品都做得麻麻哋，睇嚟水準差好遠。-🥢🥢麻糬仙草冰睇餐牌佢話係最新推出產品，一次過滿足晒我嘅口味，黑糖刨冰底配埋三色芋圓，仲有紅豆同滑捋捋嘅仙草凍，而最特別係有煙韌鮮奶麻糬，幾種材料夾埋有層次同埋口感，好食！-🦁評價🦁食物 7.5/10環境 8.5/10服務 7.5/10性價比 7/10整體 7.5/10-🍽🍽☕☕🌭 🍔 🍟 🍕☕☕🍽🍽…查看更多

🍽🍽☕☕🌭 🍔 🍟 🍕☕☕🍽🍽-港式刨冰嚟講，我肯定甜姨姨係香港第一！本身天后本店已經賣甜品賣到出晒名，銅鑼灣店一開張就已經好吸睛，無他嘅，所有刨冰又有創意又靚，啱晒打卡！本身餐牌都有唔少選擇，另外又會同其他品牌合作出限定口味，大時大節又會有，講誠意已經值100分，又點可以唔試。-🥢🥢白雪-睇個名完全估唔到係椰子味嘅刨冰。材料入面有齊椰奶、豆腐cream、抹茶啫喱等等。食落去好香椰子味，已經感覺好清新，唔會好腬，食多幾啖都唔會覺得好大負擔。而所有材料夾埋一齊都好舒服好夾，雖然佢唔係人氣之選，但我反而覺得係滄海遺珠。-如果有興趣嚟試嘅就早啲排隊啦，事關每晚都排晒長龍，起碼要等15分鐘㗎，證明佢係幾咁具人氣！-🦁評價🦁食物 9/10環境 7.5/10服務 8/10性價比 8/10整體 8/10-🍽🍽☕☕🌭 🍔 🍟 🍕☕☕🍽🍽…查看更多

🍽🍽☕☕🌭 🍔 🍟 🍕☕☕🍽🍽-係香港食burger，我諗每個人都好不期然地諗起Five Guys或者Shake Shack，但原來香港本土都有一等一嘅漢堡包舖頭。作為Bloomberg 2020年全球最佳漢堡唯一入榜的本地漢堡店，由醬汁、漢堡扒到麵包都是餐廳親自製作，望入去仲可以見到廚師嘅做法，果然睇齊晒其他過江龍店。佢嘅漢堡扒號稱特別混合多種牛肉部位製成，今次就嚟試試佢！-🥢🥢Honbo 1.5-本身大食所以揀咗有3塊2oz牛肉嘅Honbo 1.5。個包一上枱已經聞到好香，肉汁夾埋芝士個樣簡直未食已經流晒口水。包嘅質地軟熟挺身，唔似其他舖頭咁樣壓到扁晒。咬落去好香肉味而且好juicy，整體感覺好出色，果然係得獎嘅舖頭！-🥢🥢Cheese Burger-另外嗌多個Cheese Burger，對比Honbo 1.5佢就多咗青瓜同菜，一樣好好味，不過如果係食肉獸我諗叫番Honbo系列會好啲。-🥢🥢Cheese Fries-薯條加埋芝士簡直係無得彈！-🥢🥢Mike's Lemonade-嘢飲就嗌咗佢嘅招牌Lemonade，不過比較酸啲而且細杯，兩個人Share應該唔太夠。同埋佢預先整定係雪櫃，大熱天時冇冰底嘅話就會好快唔夠凍，𠲖一點可以改善下。-🦁評價🦁食物 9/10環境 9/10服務 9/10性價比 7/10整體 8.5/10-🍽🍽☕☕🌭 🍔 🍟 🍕☕☕🍽🍽…查看更多

🍽🍽☕️☕️🌭 🍔 🍟 🍕☕️☕️🍽🍽-如果講起芋圓，不得不提就係鮮芋仙！佢本身就係台灣嘅舖頭但近年嚟開到成行成市，每間店都要排一斷時間先入到去。鮮芋仙主打各式芋圓、仙草、雪花冰等台式甜品，好多都係純手藝製作；同台灣一樣，香港店一樣會有各款招牌芋圓、仙草、紅豆湯等選擇。作為芋圓迷當然要試下佢啦！-🥢🥢芋薯圓Q麻糬牛奶冰-一聽個名睇個樣就知佢材料豐富lol大大兜嘅甜品入面有芋薯圓、迷你小芋圓、Q彈麻糬同埋帶有淡淡冬瓜茶香的冬瓜凍，加埋入口即融的牛奶冰，多層口感果然無得彈。不過佢本身加落去嘅牛奶糖漿唔係好夠，食到後期剩已經無咩味，店家可以改善下，或者可以裝一杯俾顧客諗下幾時再落，如果唔係純食冰有啲難入口。雖然係咁，58蚊嚟講佢都算係好抵食，兩個人都未必食得晒，啱晒一大班人咁叫！-🦁評價🦁食物 8/10環境 ８/10服務 8/10性價比 8/10整體 8/10-🍽🍽☕️☕️🌭 🍔 🍟 🍕☕️☕️🍽🍽…查看更多

🍽🍽☕️☕️🌭 🍔 🍟 🍕☕️☕️🍽🍽-本身好鐘意食芋圓，咁啱經過見到係全手工造，抱住一試嘅心態入去。原來間舖係類似food court咁，坐低咗先落單。款式有7種，全部都有芋圓，亦有配仙草或者係白玉同埋唔同味道嘅奶凍等等。價錢嚟講中規中矩都係40幾蚊左右，最平嘅傳統古早味芋圓就只係36蚊，以銅鑼灣糖水舖嚟講價錢算合理。-🥢🥢桂花四弄-故名思義係有桂花味嘅奶凍配芋圓同埋仙草等材料，主打嘅芋圓食得出係手工做，有芋頭味同埋大大粒，比坊間出面嘅工廠做好。而奶凍同仙草食落透心涼，味道亦同芋圓好夾，賣相亦好睇，唔錯唔錯！-🥢🥢暖在心-材料都係大同小異，有芋圓同埋小丸子，不過份量真係細咗啲，賣相就係一碗薑水配芋圓咁，性價比有啲低。芋圓好食，但薑水比較濃，可能人手調製過，食得出好重薑味，飲落去仲會有少少辣嘅感覺，冬天嚟食就一流。-🦁評價 🦁食物 8/10環境 7.5/10服務 8/10性價比 8/10整體 8/10-🍽🍽☕️☕️🌭 🍔 🍟 🍕☕️☕️🍽🍽…查看更多

🍽☕️🍽☕️🍽☕️🍽🌭 🍔 🍟 🍕🍽☕️🍽☕️🍽☕️🍽-真‧章魚無雙係葵廣美食界可以話係無人不知，但今次嚟到旺中分店竟然有驚喜。去到發現間舖人龍最多，原來得一位職員落單同執嘢食，需要時間比較耐，但佢都算快手，等大約10-15分鐘左右已經有得拎。食物款式大約有10多款，例如有原味、芝士、黑松露等等，價錢視乎6粒同8粒不等，大約20幾到30幾蚊都有交易，加兩蚊仲可以雙拼，以掃街嘅價錢嚟講都算抵！-🥢🥢真‧明太子拼真‧蟹子章魚燒-今次嗌咗雙拼嘅明太子同埋蟹子，望落賣相都好吸引，聞落去都好有章魚燒味，好似去咗日本咁！另外食落去比葵廣嘅更有驚喜，面頭嘅醬恰到好處，唔會多到瀉晒出嚟掩蓋咗章魚燒本身嘅味道。另外佢哋嘅章魚燒係用咗原隻章魚去做，口感唔一樣，比傳統嘅更好食。值得推薦！-旺中最近好似裝修咗，加咗立食區方便客人，以後唔洗匿埋一角都可以食到掃街嘢。不過位置就唔算多，如果周末應該冇咩位，希望將來會有多啲類似咁嘅區域啦。-🦁評價 🦁食物 9/10環境 7.5/10服務 8/10性價比 8.5/10整體 8/10-🍽☕️🍽☕️🍽☕️🍽🌭 🍔 🍟 🍕🍽☕️🍽☕️🍽☕️🍽…查看更多