為食殭屍的个人专页

有羊友推薦所以今晚專程出嚟廟街試依間，“羊名天下”今次我叫咗個 咖喱羊腩套餐，跟飯同湯，一份肉夾饃，一杯沙辣“棘”汁先講 咖喱羊腩，一上檯望落去 份量足嘅，食件羊先，羊肉腍嘅入味嘅，羊味加埋咖喱，配飯真係絕配，再飲套餐嘅羊骨湯，唔似外面送嗰啲例水，你係飲得到一陣好香嘅羊味，唔會因為係例湯就偷雞。第二樣 係肉夾饃 ，上檯熱辣辣個饃鬆脆嘅，係羊肉足嘅，味道不錯。第一次試。沙辣“棘”汁。酸酸甜甜，但係酸甜少，我ok嘅，不過估計唔係太多人受到。食物整體上 以羊肉掛帥下 算係不俗，味道亦對得起個價錢有餘。但係⋯⋯⋯⋯環境真係一個比較敗筆嘅地方地方昏暗，環境似細個跟爺爺返鄉下，街邊啲舖頭，不過張檯同塊地都無黐𥹉𥹉，已算不錯，冷氣不足，餐具櫃桶一拉開，有啲心情一沉⋯⋯嘅感覺，不過食物嘅味道補返數，真心踏入舖頭坐低果下比較需要有勇氣。戴返頭盔先，我覺得好唔好食≠你覺得好唔好食，好唔好食因人而異。…查看更多

見好多數碼媒體都講緊依間有舊式點心嘅酒樓，今日專程老遠由新界碌出去油麻地，就去為咗試下一間新開嘅酒家，襟江酒家。早一排試業見佢爆場爆得好犀利，今日專登7點等佢開門，我係第一檯，約8:30開始多人。講番食物先，今日唔係好好胃口只食咗八樣嘢，如下：豬肚燒賣豬肚夠腍，唔難咬開無異味 ，下層肉球係豬肉同蝦，調味適當。鵪鶉春蛋燒賣正常發揮，味道正常雞球大包佢有叉燒，蛋黃，雞肉粒，同埋雞包料，拎時個包面已爆，味道可以嘅，就大包黎講，六安居嘅大包勝一籌牛肉腸牛肉調味不錯，係個腸粉比較黏口，比較遜色雞絲粉卷粉皮比較厚身，餡料可以再豐富一啲蝦餃蝦肉同肉餡比例十分之好，不錯不錯腐皮夾襟江是中間切開，餡料比較大粒，可以望得見，調味比較偏向無咁濃，入口比較輕身，呢個版本都好好食灌湯餃是期待同現實的落差感比較強嘅一個，讚嘅係佢真係做灌湯嘅手功，味道嘅調味，湯汁嘅處理，都係水準！唯一敗筆，你居然擺蟹柳落去！！？？？呢個真心接受唔到，希望你哋睇到會改善整體而言，由用餐地方到服務，再到食物，整體感覺都好好，食物亦都不錯，今次只係是食咗八個點心，有好有不好，但店舖仲喺新應該會改善，期待下一次嘅飲茶會有更好嘅體驗戴返頭盔先，我覺得好唔好食≠你覺得好唔好食，好唔好食因人而異。…查看更多

今次再到荷葉試佢嘅晚餐，今次點咗 兩個煲，一個常餐同一個炸豆腐(忘記影相)，兩個煲分別係梅菜扣肉煲($85)，魚香茄子煲($72)，常餐係炸髀配”芝士”麵。兩個煲係套餐有飯有湯凍飲+$6先講梅菜扣肉 肥瘦比例係一半半，肉唔嚡唔乾，肥肉入口即溶，汁偏濃，撈飯一流，如果空口食就咸咗DD，梅菜同少少菜心仔墊底，吸晒味唔錯。魚香茄子 ，茄子切得比較大件，咸魚感覺上可以再多啲(👅我偏好濃味)。都係一個唔錯嘅撈飯選擇。常餐：叫咗炸雞脾配芝士麵 ，炸髀即炸一讚，芝士麵一般啦。整體來講晚餐唔錯，可以再encore戴返頭盔先，我覺得好唔好食≠你覺得好唔好食，好唔好食因人而異。…查看更多

今日有啲事做晏咗食嘢，去咗一條叫欣安嘅村屋村內商場嘅荷葉冰室，我同我老婆分別叫咗兩個下午茶 每份$49 凍飲+$3我哋分別叫咗一個蕃茄焗豬扒飯、一個炒鮮蝦銀針粉，鮮茄焗豬扒飯，份量足唔會因為下午茶嗰分量少，估計都有碗半飯，個焗茄汁唔會有死咸情況出現，但係個豬扒稍為遜色，唔係因為唔好食，係因為佢斬咗件，講味道唔錯。跟住炒鮮蝦銀針粉，料頭足，調味不錯，銀針粉唔會有太油膩嘅情況。整體嚟講兩個下午茶都係抵食好味，依間茶餐廳一定會再encore，下次試吓佢個晚餐戴返頭盔先，我覺得好唔好食≠你覺得好唔好食，好唔好食因人而異。…查看更多

👅先，之前我係食過依間，但係佢哋職員衛生方面嘅操守，同埋啲嘢嘢食偏鹹，俾個負評佢。今次再試多一次，其他唔講淨係講我自己，今次叫咗，牛腩撈粗凍齋啡走甜。我叫咗食物大概10分鐘上檯，嘢飲先上，所謂嘅齋啡例牌黑水一杯，淡而無味預咗。跟住牛腩撈粗，基本上起麵檔叫撈麵，點解要加多幾蚊？因為個麵底係會多啲，但係好可惜呢度個麵真心唔覺得多咗，好你話多少係個人主觀，咁個麵底鹼水味都未走清，一撩開個麵一浸鹼水味撲鼻而來，牛腩偏韌，跟撈麵嗰個湯，姑且叫做湯，連味水都不如⋯⋯依檔嘢我真心唔識欣賞，唔知點解佢可以開咁多分店，又咁多人去食⋯⋯戴返頭盔先，我覺得好唔好食≠你覺得好唔好食，好唔好食因人而異。…查看更多

今日繼續喺啟德搵食，聽聞依家沾麵唔錯，就同小朋友一齊黎試吓先～我點咗佢哋嘅招牌麵 周月沾麵(200g) (涼麵)～小朋友就叫 兒童餐，鹽味拉麵 配餃子先試少少個兒童餐，嘅鹽味拉麵，ok嘅，但餃子就普通過普通⋯⋯⋯到沾麵上檯，先試吓個湯先，望落去好似比較油潤，飲啖有豬香，再試個麵夾埋件肥肥地嘅肉，油香肉香，讚。食畢問店員加個雞湯，再一飲而盡～讚～總括嚟講，沾麵好食，個兒童餐就差DDDD會再去食多次嘅，希望keep到戴返頭盔先，我覺得好唔好食≠你覺得好唔好食，好唔好食因人而異。…查看更多

聽聞啟德體育園零售館，有好多食肆(好似大大少少大約60+間)，今次第一間就試N+ burger，佢係全自助點餐系統超方便，當然亦都有人手點餐。我叫咗一個經典漢堡套餐，要咗薯角，飲凍黑啡。 等咗一陣先拎到餐，先試薯角，外脆內軟配埋個甜芥末醬，好味👍🏻，到個漢堡，一大啖咬落去，肉味夠，塊菜真係脆架，洋蔥少少辣，蕃茄唔會軟淋淋，讚！個凍黑啡，正常發揮。依間漢堡，我家小朋友直接叫好！戴返頭盔先，我覺得好唔好食≠你覺得好唔好食，好唔好食因人而異。…查看更多

今日行街行到有啲餓～見到霸嗎拉麵出咗個期間限定嘅鴨。蔥拉麵，兩樣我都愛，加埋一齊梗要試啦，一於化身訓練員去捉蔥。鴨，呀唔係係鴨蔥！碗麵一上檯，一陣鴨味同重蔥味撲埋嚟，湯入口唔算油膩，係略為多咗，麵正常啦，鴨肉份量同廣告一樣9塊，入口比較實淨，$119 都係算抵食嘅。不過係屬於嘅，有新鮮感嘅，但唔會專登去試一類。戴返頭盔先，我覺得好唔好食≠你覺得好唔好食，好唔好食因人而異。Ps，我去嗰陣係四點幾，夾埋我都係得兩檯客我，唔知道是否咁嘅原因？鴨肉差DDD，比4星係個蔥味同鴨味夠香濃…查看更多

香格里拉我都係第一次食，咁啱佢係一個齋月嘅自助餐，有清真認證食物，我都係第一次接觸，感覺ok嘅比較有感覺嘅係有個燒羊嘅飯，唔錯，但羊肉比較小。芝士得三款，正常發揮。海鮮凍盤有 龍蝦，蟹腳，蝦，青口，小龍蝦等等大路貨色，品質中規中矩。凍肉盤，兩款牛都ok，牛舌都唔錯，雞肉可以唔食。恆常有嘅燒牛，一般，隔離有羊柳略嫌老，另外有一款件頭嘅燒牛要咬耐少少。佢仲有一個細煲仔嘅花膠掌，味道一般，冇乜大驚喜。燒味方面，有一個凍牛肉辣辣地ok嘅，隻雞可以省略，大墨魚唔錯。佢哋仲有燉湯，有一籠燒賣，有籠蒸海鮮，都好一般，魚有嘅起燒牛肉旁邊係鹽焗嘅，都係一般。甜品，可以直接忽略。真心以香格里拉嘅招牌，收600+(網上平台訂)依個質素同食品選擇，屬於中下游，成個場星期五一半人都無，上到去都心知不妙。下次有機會再食多次時，希望會好啲。戴返頭盔先，我覺得好唔好食≠你覺得好唔好食，好唔好食因人而異。…查看更多

今日有朋友約食自助餐，講真我未幫襯過Yamm，估計今次係最後一次食Yamm。因今日冇食壽司/刺生同本身自己唔食生蠔，所以是次分享沒有此兩項目，凍盤肉，一般般，小碟(相左上角)的吞拿魚本身正常，點知下面個芝麻醬多咗，反而只係成口芝麻味，右上角果個無記錯係蟹肉？撻，不過味偏淡，撻殼淋，兩樣可以略過。芝士，普通凍海鮮，冇乜味龍蝦鉗正常，長腳蟹肉散，麵包蟹同青口普通，(無影嘅)龍蝦(半隻)零零舍舍放到山仔咁又要職員拎⋯點知都係勁普通，基本上凍海鮮唔會翻單。熱葷～ 牛扒叫可取少少，羊架如圖所見，散，食落唔香，所謂嘅鮑魚花膠麵，勁似罐頭貨，天婦羅蝦，ok嘅夠熱，片皮鴨就⋯⋯算啦，紅酒炆牛，唔夠淋好硬，蒸比目魚ok嘅，雲吞算啦，個海南雞唔知點解佢要拖滾水⋯之後成碗都係水真係唔知佢攪乜，燉湯，可以嘅。甜品～中間青提撻 ok嘅，長條有蝴蝶果件綠茶慕絲，綠茶對我就重咗，如果愛綠茶嘅好岩口罩，其他都普通。基本上成餐都普普通通，7百中，起尖沙咀好多酒店自助餐好食嘅，戴返頭盔先，我覺得好唔好食≠你覺得好唔好食，好唔好食因人而異。…查看更多

今日行過見到少人排隊，又未試過佢，今日就同囡囡試吓先！我哋叫咗 卡邦尼意粉醬汁濃稠，味道厚，但意粉略軟，整體來講中間肉醬意粉醬料足，味道適中，意粉都係比較軟，吞拿魚貓耳朵成碟好可愛嘅粉紅色，吞拿魚處理得恰到好處，不會太過火，味道略嫌淡，醬汁估計係火龍果，視覺上幾靚，配搭比較新奇，可以一試原味pancake+雪糕Pancake鬆軟香滑，熱辣辣，配合忌廉及雪糕，一流享受，果然係招牌作品另外飲品係凍美式凍焦糖咖啡，兩杯嘢飲正常發揮，小朋友點嘅係蘋果汁，中規中矩。後記：整體上嚟講中規中矩，唔係特別好食，尤其是意粉類，pancake係比較好食，服務方面：一個短頭髮，戴眼鏡的侍應姐姐，有禮招呼周到，值得一讚。戴返頭盔先，我覺得好唔好食≠你覺得好唔好食，好唔好食因人而異。…查看更多

今日行過新港城，諗起有師兄/姐，提及有間新嘅排隊拉麵，咁今晚就試佢啦，店舖唔算大，排咗30分鐘左右。今日點咗海老濃湯叉燒拉麵個麵一上枱就聞到香噴噴嘅蝦油味，飲啖湯先～成口都係蝦味～麵方面軟硬適中(我口味)，叉燒，蛋，都正常招牌豚骨叉燒拉麵湯頭不屬於濃厚口味，屬於比較清爽，麵軟硬適中海老豚肉燒賣依個真係要試，佢用豬肉粒唔係免治(我細個食嘅廣式燒賣都係粒)，口感好好你會確確切切咬到豬肉同蝦肉，同你食一Pat漿包/免肉包出嚟嘅感覺完全唔同！👍🏻和風豬軟骨(90g)味道合當，醬汁比較濃稠味淋牛面肉(90g)入味，腍滑，味合適後話/補充：依間舖頭採用完全網上付款，及點餐，請留意。排隊等位位置與隔鄰的韓食店部份有重疊，排隊時留意。另，本身我點招牌豚骨叉燒拉麵出餐時比漏左筍，向店員表示之後以即刻補回，但感覺不是太好，因為筍是這麵基本有，除非客人剔除，出餐的員工亦應該注意，避免不必要的麻煩。戴返頭盔先，我覺得好唔好食≠你覺得好唔好食，好唔好食因人而異。…查看更多

今天一支公專程由新界出去，由老牌茶樓變身的六安居，味道keep 到 ，今日眼見”爆場”時間係08:30，睇我範圍枱嘅伙記服務好好，加水好快，又會同你講兩咀。好～講下今日食咗乜！先黎春卷～ 脆！唔油口，料足！第二樣～ 灌湯餃！皮薄，湯口味味道適中，熱辣辣咬開，香味四溢～讚！第三樣 ～ 雞球大包！真真正正嘅 大包除咗肉餡，有雞件有叉燒有春蛋！味道包羅萬有得黎又可以融會埋一齊，此等味道只應大包有！第四樣 ～ 雞札！依款對於我就係由細到大真正嘅雞札，唔係雞肉雞札唔係蟹柳雞札！味道真係有雞味有菇味，雞係雞件！讚！第五樣 ～ 牛雜 ～ 味道濃厚，料足，你依家有幾可喺外面酒樓嘅牛雜會有牛膀？仲要係兩塊！第六樣 ～ 熱辣辣嘅糯米包！～一淡咬落去，香香嘅糯米飯味就湧出來，凍凍地最啱食佢！飲茶梗係用茶盅啦～ 伙記加水超快手，我擺起個蓋十零秒就幫我加水～快手快腳～讚！今日趕時間，食唔到雞絲粉卷/淮山雞札/臘腸卷/等等，下次黎一定要食 後話，1-最開心食得番真。大包唔似果啲話自己幾懷舊幾乜乜嘅舖，比個大雞包你叫大包！有幾次真係火都黎～2-見樓上有啲師兄話，伙記冇禮貌又話坐位唔知坐邊，其實你見張枱零零舍舍果兩三坐位攝左張食物卡，雖然個位未開茶，你都估到有唔同啦 ，仲坐？…查看更多

附近開咗檔新嘅 牛腩粉麵 ，咁去試啦，叫咗一碗雲吞麵，一碗牛腩麵走青，一個潮州炸醬麵，+3杯凍飲，就咁樣依張單我同佢講咗六次，之後仲要漏飲品同漏一個麵，前後八次，但係啲麵一黎，本身走青嗰個麵，有蔥，咁好自然叫佢走番啦，起外面通常叫個麵位，會個両殼撇走佢，但佢個店員(阿姐黎，應該話得下事)將一碗本身走蔥嘅麵，近距離起個潲水桶上面撥走啲蔥佢，我望住佢，我話你唔好諗住比番我，佢夠膽死話會用滾湯燙一燙佢，我再堅持我唔會要，企起個出餐位隔離，個阿姐死死地氣叫出過碗，搞咗半個鐘頭個炸醬麵仲未炸到出嚟，我問個阿姐你啲炸醬喺潮州運緊落嚟？，我先知道佢冇幫我落單。咁我已經叫cut，諗住小朋友食完就就走，點知個炸醬麵可以光速2分鐘上枱，食物同飲品37分鐘先到齊。炸醬麵，唔知係唔係佢標榜潮州？，味道偏鹹。跟住個牛腩(本身坑腩，佢話冇貨)，肥多過肉。個雲吞麵 ，不值一提 ，我明白起牛腩麵檔，叫雲吞麵，根本係唔可以有期望。飲品 唔講，走甜嘅勁甜，正常嘅就冇甜，凍嘅變熱嘅。你新檔開頭亂，漏單，錯單，我包容ok嘅，但點解會容許個店員將一碗麵食，幾乎平水平喺個潲水筒到清走錯咗單嘅嘢？點解依間嘢仲開咁多分店？根本基本衛生都唔注意‼️，你唔好同我講外面好多餐廳都好污糟眼不見為乾淨，依啲咁嘅舊思想，呢啲根本係人嘅操守問題‼️咸到飛天嘅(潮州)炸醬麵 最埋嗰碗濁到唔知想點嘅湯！牛腩我唔識欣賞呢個紅色嘅就係個阿姐近距離幾乎水平咁撇走啲蔥嘅潲水筒(不是圖中人)後記通常劣我都唔寫，因為口味人人不同，要我用6百幾字黎寫劣，因為間舖衛生操手好大問題 戴返頭盔先，我覺得好唔好食≠你覺得好唔好食，好唔好食因人而異。…查看更多

今日走訪到青庭，嚐一嚐她們的午餐，店內的店員是正接受訓練的人士，是日午餐我叫咗 她們推介的酸菜魚配凍美式咖啡($58），落單時店員再三細心確認 凍飲是否走甜，及是否堂食。落單後 ，給了我一個企牌仔，我揀咗坐起可望到花園嘅位置，不一會，咖啡已到，咖啡味道不錯，配合花園景觀～好chill~好勒餐到～望落去份量中量，湯多了一點，飲啖湯先，酸味恰到好處，有微辣回上喉嚨，再試片魚先，魚肉沒有散開，厚度適中，肉質嫩口，綜合黎講，味道合格嘅，同坊間食到嘅差唔多，$58合理嘅，但依度消費多了一份支持及認同。後記：我不時都會到不同的社企用膳，其實她們是有能力的，不用多可能20次外出用膳有一次到社企，已經係好好嘅支持🙇🏻‍♂️戴返頭盔先，我覺得好唔好食≠你覺得好唔好食，好唔好食因人而異。…查看更多