man1110's Profile

呢間本身就係無心插柳之遇出咗糧梗係去食吓好嘢因為唔想來來去去都係銅鑼灣旺角所以今次鎖定喺西營盤搵咗一間素食嘅 但咁啱冇開見呢間裝修幾有英倫風味 又無乜人😂😂靜靜地食個飯 飲少少酒relax下本身無太大期望因為我係openrice重度使用者亦好少唔睇食評咁去一間餐廳😂但今次確實係有驚喜😋😋😋今餐叫左幾樣野 包括有湯 沙律 意粉 小食 仲有啤酒同甜品 真係夠曬豐富帶定頭盔 🪖今餐人客確實唔多 加埋我地有兩枱 如果有機會full house再試 會再出食評😂1. SMCV beer 1pint $58首先黎到既係一杯冰凍既啤酒 因為比較鐘意有果香花香既啤酒 叫侍應推介一下（最後先知佢係老闆加廚師🧑‍🍳）介紹左一隻係生力呢隻牌子但係係德國黎既白啤 順口果香十足帶甜 好適合女仔飲 有時呢啲例如1664 個d有陣爛既水果味🫢呢隻無 因為唔係大路既牌子 個下覺得呢間係有taste既餐廳 2.烤雞蘋果沙律$148沙律好似係最普通無乜野好講既菜式 但我覺得一個沙律除左菜要新鮮 醬汁 擺盤 等等細節就係睇得出佢有冇用心呢個沙律我覺得係好好食烤雞調味唔算好重但表面煎得好香醬汁似自家調製 甜甜地 主要係比少少味d菜加上蘋果同車厘茄 簡單食到菜清爽 雞肉既嫩 醬汁食到最後係岩岩好 唔會仲有好多係碟底👍3.墨西哥粟米片$128飲酒好多時都會叫呢類小食芝士足 肉醬足 粟米片新鮮 加上有辣椒 係好惹味 好適合用黎送酒 4.南瓜湯 soup of the day湯係我另一半飲 我只淡嚐左一啖😂所以我比唔到食後感 味道正常但唔算好濃郁既南瓜湯 我比較鐘意creamy d 但兩塊蒜蓉餐包仔係熱同脆 呢個係加分5.黑松露帶子扁意粉$254 （包括湯同甜品）以我無記錯 如果單叫好似$18x 開頭都覺得一碟意粉差唔多成兩舊對我黎講係貴 但食過我覺得好值得 因為真係好好味😋 松露味道好香 加上有海量既大啡菇同一d雜菌 意粉口感正常 帶子火侯岩岩好 內裡仲係好嫩 會回味既味道6.甜品 布朗尼唔屬於厚實超甜既布朗尼 絕對係light版表面係脆 內裡軟心 味道正常 對我黎講唔算好驚艷但足夠為一餐作結腌尖總結：好似開盲盒既飲食 無期望有時可能仲有驚喜 由細節可以見到老闆既用心 全餐連加一$647 食物質素超出預期 老闆兼任廚師既好處對出品更加上心 不過眼見店員唔多 老闆好似一腳踢咁 所以出餐真係要等耐少少如果趕時間就唔好揀呢間餐廳 我用餐當日無限時 如果想chill下 慢慢食慢慢吹水既應該都幾鐘意 我絕對有機會帶朋友再黎暢聚既餐廳👍🏻…Read More

雖然位於出名多中產既堅尼地城呢個地段 但價錢一d都唔貴 可惜既係無堂食但如果有堂食又未必可以做到呢個價錢呢間我係非常鐘意既一間泰菜 平·靚·正 三個字講曬通常有三樣我會叫既野食1.燒牛肉飯 7成左右熟 講真60蚊都無得要求佢有好靚肉質 好濃牛味 但就係以佢咁平既價錢 火侯燒得好好 肉質唔算太鞋 泰國野既靈魂辣汁 為牛肉點左睛 份量亦十分充足 飯似係泰國米係比較乾身好推👍🏻👍🏻2.酸辣鳳爪我唔係好食得辣 可以同店家講少啲辣不過我都覺得好辣😂😂😂不過酸甜剛好係屬於惹味 鳳爪配料有紫洋蔥等等 味道就多少少層次 份量充足 3 印度薄餅串燒套餐印度薄餅係超市可以買到個隻 但串燒入味 火侯剛好 有配沙爹汁 不過我個人就麻麻地 因為對我黎講太甜 覺得唔太襯d串燒 腌尖總結：咁既價錢 有呢個質素 我覺得無任何可以挑剔唯一挑剔係無堂食 區外人想試就可能要去海旁 不過對住個海可能更有泰國風味😂😂😂外賣店包裝都好緊要 呢間算做得好好熱食用保溫盒 串燒用錫紙袋 凍食用紙盒 呢個外賣包裝既規格真係好好個人願意經常光顧👍🏻👍🏻👍🏻原因：一間外賣店 無論包裝 食物 價錢 都係個人覺得水準以上 同埋見到細節用心 試過有一次揀唔到要乜野汁 店員好慷慨兩款都比左我地 😂😂私心覺得好好…Read More

有次唔覺意經過間舖頭好似幾有氣氛 而價錢又唔太離地就想試下 但個日full booking 就無幸試下 心有不甘😂😂😂就特登book定不過唔係想像中咁難book Booking好順利 講真都有少少期待老實話佢係鐵板燒 我覺得就同我想像中有d出入 Open kitchen 係見到廚師整野食 有鐵板燒既油煙 但就得兩個扒爐煎野比你食坐bar枱油煙都幾勁 不過氣氛係一流 👍🏻我地筆直有限 所以叫既野都唔多當晚點左幾樣野：1.凍蕃茄：一坐低會問你要唔要 可以選擇唔要但味道唔錯 酸甜開胃2.煎明太子：煎到有d燶 我係bar枱成日都想提 個廚師d野就黎燶😂😂 一個人兩個扒爐係有d吃力）3.豬肉御好燒：好普通同薄 同行友人覺得好淡 我第一啖都覺得好淡 不過佢有另上既生薑同紫菜 重口味既可以加少少吊下味 我就幾鐘意 因為真係食到豬肉既香味 但覺得呢啲大板燒係食醬既人會好失望4.炒雜菜：我最滿意呢樣 真係有鐵板燒既鑊氣 食材都好新鮮同甜 調味剛剛好👍🏻👍🏻5.海膽熔岩魚餅：呢個好把鬼 兩粒黑色既魚蛋中間有pat黃色醬 好油 $58可以揀其他野😂6.朱古力炸彈：兩小粒朱古力流心吉列大福 一般腌尖總結：似居酒屋比你飲下啤 食下小食 如果作為晚餐份量就太少今晚叫左餐牌上算平價既食物 水準正常 但無特別 因為餐廳有海鮮 牛既選擇 不過今次無揀所以無感想 （目測厚牛舌係幾靚😋）消費 8折後$420左右 加兩支汽水 個人就唔會回頭 🙅🏻🙅🏻原因：明白一分錢一分貨 如果想食鐵板燒我都係會去番有鐵板燒格局既餐廳 …Read More

睇到食評好多好評 就黎試下 小試牛刀諗住試下個午餐去到有個男人見到我1個人都唔太想招呼可能店舖係多人枱多 入到已經講定無$99個午餐 一場黎到都試下 叫左個$138既牛餐 牛肉算比平時既放題店係有多少少肉味 不過餐就得幾片好薄 配料方面可能午餐1:00左右黎太早 同埋店舖得1個廚房2個樓面 得3個人做唔切 有啲食材未融得切雪 都係痴埋一舊舊 種類係正常 不過都係現成丸腸類多海鮮都有幾款但大部份都唔係新鮮野 似係急凍野 當然$138午餐我確實唔應該太高要求 飲品唔知係咪自家製 但全部都係有糖既飲品同埋有啲好奇怪味道既爆珠係底 我飲左三隻味都無個正常 最正常得紅可樂😂😂再者甜品既刨冰係得冰同埋無糖味既椰漿 開頭意為未放配料出黎細問下原來得椰漿同埋冰仲話佢地唔係著重甜品 最後食左$152 60分鐘既放題 總結：牛：係比平時既放題好少少 🤏配料：整齊 所謂廣告話食回本既海鮮都係急凍貨多 不過$152係容易回本😂除時食腸都回到本醬料：整齊 飲品：自家製但無無糖飲品甜品：可以話係無 廣告話既牛仔型清湯 甜品區既刨冰配料都無值唔值自己判斷覺得無相無真相 ？😂其實唔滿意既餐廳我真係無心情影相 …Read More