大輝哥的个人专页

今晚介紹一間價位比較經濟的茶餐廳俾大家黑椒牛柳餐, 67蚊, 點了七成熟, 牛柳兩大塊, 份量好足夠, 不過味道就no good:(, 鐵板唔熱, 侍應將黑椒汁淋落牛柳度無聲, 心感不妙, 兩件牛柳雖然多, 但好似係丁熟左再放上個鐵板, 唔係煎的, 入面都無丁點兒血, 雖然有大量薯條, 但食左一半就已經停手, 餐湯的紅湯都係ma ma地, 總括係好大碟, 好多咁, 但唔好食, 本來係一個劣平, 但個茶餐就挽回一點分數牛油多士, 件多士好軟熟, 一試鍾情炒蛋, 幾好食, 夠滑蕃茄牛肉公仔麵, 其實唔算好好食, 不過又係夠多, 感覺幾抵另加一條腸, 一杯凍檸茶, 咁多樣都係35如果醫肚, 入黎食個茶餐都ok, 不過唔好太多要求…查看更多

一日之計在於晨, 早餐食得好, 心情都特別愉快 , 介紹呢間食早餐的俾大家一個all-day-breakfast , 八十多蚊, 以餐廳的裝修, 環境來說, 可以話係覺得好抵食, 服務又好好, 兩個男侍應態度好友善, 唯一係好少位, 廿個位坐滿就有排等, 好彩我唔使等好耐炒雞蛋, sausage, mushroom, 火腿, 都合格, 薯寶就一般超市買到的, 最值得一提係麵包, ceres 本身係好多人幫襯的麵包店, 麵包有一定的水準, 所以塊多士係個全日早餐的靈魂麵包好軟熟, 烘後成為多士都比一般多士較軟, 而且有一種小麥香味, 再加上一種甜味, 可愛!仲有過人之處係麵包皮好薄, 其實麵包皮係麵包最好食, 最香的一部份, 但因為通常麵包店都做得好厚, 所以變成好鞋的食物, 但我覺得食麵包連皮食其實仲好食, 所以ceres出品係值得鼓勵加一支有汽的礦泉水, 飽了…查看更多

食完泰國菜, 就去對面的harlan's cake 望望, 飾櫃入面的蛋糕件件都係好吸引, 好靚個人對栗子都有偏愛, 就買左一件reverie 食第一啖咬落, 栗子味不是很濃, 但質感較幼細, 口感較滑, 跟nuts 的味道協調得幾好, 不會搶去對方的風頭, 而朱古力的比重都合適, 整體感覺不俗雖然$43一件, 但物有所值晚餐, 跟飯後甜品一樣滿意, 滿足的一晚:)…查看更多

呢間拉麵店地址同openrice記錄的唔同, 但我check過名字係一模一樣, 所以應該係佢搬左去新地方同一般拉麵店一樣, 選擇唔多, 冷麵, 熱麵, 粗, 幼, 加雞蛋, 紫菜....  最特別係要幾多倍辣, 見有食家選200倍之後上磅, 店主在牆上掛上木牌作紀念, 幾特別:)我兩一碗冷, 一碗熱冷麵: 附上的芝麻醬好好食, 麵身好有彈性, 大量的蔥, 青瓜跟麵浸入醬汁, 地道的日本風味溫泉雞蛋好軟熟, 塊豚肉就乾左D熱呢碗有少少怪, 原先以為係湯麵, 但原來係淥好的粗麵再浸杰身的"湯", 味道就ma ma 地:( 麵同冷麵的麵不同, 比較硬, 口感ma ma:(掙扎了一會, 都會俾個like, 因為碗冷麵好好食, 但大家不要叫熱麵食…查看更多

在我心目中, 地道泰菜最低要求係夠辣, 其次就係香料的味道年初二睇完煙花, 之後上去the one食泰菜, 一間地道風味的泰菜冬蔭功味道有層次, 酸的青檸, 辣的指天椒, 咸的魚露, 師傅無手軟泰式通菜, 好辣, 街頭feel呢味效特別, 酸辣大蜆鍋, 推介菜色, D粉絲同椰菜索哂酸辣湯, 意外驚喜串燒可逐串嗌, 抵讚味道ok.. 沙day醬好味, 勁花生味, 香噴噴兩煲齊滾食完成頭汗, 但係好過癮…查看更多

在尖沙咀, 聖誕節的氣氛特別濃厚, 選購完聖誕禮物後, 便到元氣食個tea呢間於海防道的分店, 係我去食過元氣分店中比較服務好的一間, 而且壽司食材都好新鮮, $45的價錢, 有三文魚, 吞拿魚, 熟元貝以及兩件軍艦, 再加炸雞件及燉旦, 夠飽肚又好食, 難怪下午茶時段都多人 …查看更多

香港地夜茶的地方有很多, 但水準好參差不齊, 其中一間我去過的可以向大家介紹一吓地點位於九龍城近富豪酒店附近, 飲茶最基本的, 係要有一壺茶, 一邊斟一邊食點心, 有些點心店只提供一杯茶, 仲唔夠熱的, 係最反感的件事, 這個要點要符合我要求我才會去, 嘉豐就做得到 食物有水準的, 蒸飯雖然唔係即叫即蒸, 但好味, 飯粒分明, 軟硬度適, 甜豉油都好味, 雞扎脤卜卜, 調味方面做得不錯, 蝦餃都有水準, 皮不厚, 有完整的蝦肉老闆娘好好人, 態度誠懇, 小生意我一定支持 :)…查看更多

尋晚做節去左一間好特別的食店, 外表似一間cafe, 但埋去睇餐牌, 除了咖啡外, 仲有好多食的選擇, 似乎係一間食越南餐的cafe吧:)餐廳雖然好潮, 但價錢卻不算好貴, 一份牛柳粒紅飯不過是六十幾蚊, 回想午餐老麥唔飽都三十幾, 這份晚餐算得上超值了無論裝修, 餐具, 枱椅都超colorful, 老闆構思都好大膽, 感覺卻幾順眼, 牛柳粒雖不算上等貨, 但用牛油炒過後都幾香口, 紅飯熱辣辣的, 用茄汁炒過, 配搭得幾特別, 仲有沙律, 餐湯.. 唯一係人手不足, 回應比較慢但服務生都唔粗魯 …查看更多

老麥賣飯唔係新鮮的事, 曾經食過板燒雞飯覺得可以接受所以間中都會捧場新口味係咖喱豬扒飯, 個人特別喜歡日式咖喱, 當然對佢有點期望之不過食完之後就失望, 個咖喱汁太甜, 無辣味, 豬扒就更加唔脆, 所以去食, 可能只係因為張大富翁貼紙而已, 不過聽講已經比人中去大獎, 連唯一動機都無埋, 就更加唔使食by the way, 個餐要成三十蚊, 而份量都咁少, 不如去大xx 食好過啦…查看更多

約左朋友去小肥牛, 點知去錯左小肥羊, 個名類似, 撞板..終於搵到, 原來大家已經叫左野食, 仲黎左好多火鍋配料, 今次我地係用蕃茄薯仔湯底, 入面仲有椰菜, 豬骨, 煲到滾之後開始開懷大吃了, 先用安格斯牛脊做先鋒, 十蚊一碟幾抵, 但肉質只係麻麻, 反而自己原價叫肥牛就正好多, 脂肪均勻, 好味!火鍋配料仲包括芝心牛丸, 鵝腸, 鮑魚菇, 皇帝菜, 四寶丸, 烏冬, 材料新鮮 (原價的), 個湯底味道又好, 係一間質素幾好的火鍋店, 可以再黎!…查看更多

第一次食摩斯漢堡, 有驚喜個摩斯芝士漢堡蕃茄多汁, 幾新鮮, 漢堡扒夠juicy, 仲幾有牛肉味, 咬落蘇蘇地, 正!最好食係淋o係漢堡扒上面d 茄汁醬, 好開胃, 酸起上o黎胃納已經大開 仲有大量€洋蔥粒, 食完個口雖然好大口氣, 但係好o野味雖然要三十幾蚊一個, 但係好好食, 好值得食!…查看更多

今日下晝落時代發現之前網上見過的魚形燒餅店近在眼前於是買一件試, 意式風味有茄汁, 芝士腸, 薯仔, 洋蔥, 味道ok, 個魚餅唔係太脆, 不過都熱辣辣, 但係十幾蚊一件屬中上價錢, 未試過的同志們都值得去買黎試試:)…查看更多

午餐都唔行太遠, 喺龍城解決, 價錢又平, 食物都唔錯!記得上二樓, 唔好去一樓, 一樓要同人搭枱, 二樓自己坐哂, 價錢貴小小, 但係其實唔係貴好多! 龍城d义燒好鬼好味, 肥瘦適中, 又夠甜, 好似今日咁叫碟义燒咸蛋飯食, 滋味鯪魚餅都要試, 煎得幾香又好味, 點心可以叫個雙拚燒買同三色包, 雙拚燒買有魚容同牛肉燒買各兩粒, 三色包就一之食哂义燒包, 奶王包同雞包仔!兩個人埋單都係六兜幾野, 平得嚟食到飽!…查看更多

今晚跑馬, 有點奇怪, 因為通常都係星期三晚跑, 但今日係星期四...嚟食仲有另一個原因, 對面係投住站 所以有心水即刻可以走去買不過今晚大伙兒對食物質素都幾滿意, 叫o左咖哩蟹, 泰式炒粉, 炒咸魚芥蘭, 扎肉粉包, 越式春卷, 四個人食, 份量差唔多咖哩蟹幾正, 個汁有好重椰油味, 送飯一流 蟹肉結實, 都算鮮美! 泰式炒粉都幾乾身, 之前去過某間食成pet野, 金寶的就味道幾好! 芥蘭就多油一d... 扎肉粉包同春卷都唔錯, 兩者都用個越南魚露點嚟食, 個魚露做得好好味, 有檸檬味而唔係醋味, 開胃好多飯後甜品係..." 食白果"... 一場馬都中唔到, 而家d馬... 越嚟越古惑..:(…查看更多

走左去Bento Express買o左個迷你原味青瓜醬熱狗, 其實都真係唔係太迷你, 因為有成六吋長架!條腸幾好食, 好實, 肉味勁香, 嘩! 個酸醬真係認真野味, 好正! 蕃茄大大片仲幾新鮮, 十二蚊一個都覺得幾抵!仲有好多睇到都流哂口水的食物可以買, 好似個燒春雞, 見到都想食, 得閒都會嚟買吓野!…查看更多