Funfunlok26的个人专页

平日聚會偶爾都會選擇吃日本料理， 因為朋友中大部份人都喜歡吃刺身壽司, 又有熟食可選擇，還可以點上支清酒，小酌一番!!今次我哋就揀左位於尖東南洋中心嘅“沃川自家料理” ，呢間店面雖然細，但食物的種類及質素卻可以帶俾我驚喜，壽司，刺身，串燒，飯面，掦物，清酒等一應俱全，日式小屋，榻榻米，處處顯心思。我地book定左間VIP房難得聚會咁高興要飲返杯   縞鰺池魚，非常新鲜！拖羅，油脂豐富，入口即融，食後滿口魚油甘香，鮮甜味濃。活造小龍蝦，啖啖肉，表面炸得微脆，食落肉質爽口彈牙，非常香口 ！壽司拼盤，由廚師發板的時令壽司，有吞拿魚，海膽，三文魚籽等十分豐富，全部都很新鮮，新鮮的魚生搭配調味好的飯團，一口一個滿足！其中吞拿魚，肥美甘香，肉質柔嫩鮮美。還有海膽壽司, 令人回味無窮。 清酒煮蜆，酒味不會太濃，淡淡的酒香，令蜆肉更加鮮甜。  串燒也很出色，如燒雞翼，十分香口，皮脆肉嫩。鹽燒牛舌切得好厚身但肉質細嫩，食過返尋味  天婦羅也是必點的，舞茸，外層酥脆，內裡仍保留豐腴多汁與菇的香氣；沖繩涼瓜，香濃甘甜，粉漿脆薄，水準不俗；粟米天婦羅，粟米，蒸熟后再炸，粉漿薄，入口香脆，玉米極清甜，多汁。 …查看更多

今日黎到馬鞍山辦事～Luch time 去醫肚～平時趕時間就經常幫襯D大集團的快餐～難得今日可以慢慢嘆～經過呢間“喜多郎”日本餐廳就入去試下～等左一陣就有位啦環境都晤錯，坐得幾舒適～餐牌上的午市套餐有好多選擇和風野菜沙律清新爽口黑醋汁香濃日式炸雞，炸雞係好多人都鐘意嘅食物，我都唔例外～炸雞外脆內軟，炸漿薄，雞肉好入味意想不到的美味味噌肉醬拌稻庭烏冬上面有D芽茱、青瓜配合香口而不油膩的肉醬而烏冬富有彈性，口感十足味道恰到好處餐廳喺服務、質素方面都唔錯，下次會再黎！…查看更多

今日來到銅鑼灣辦事順便約左個朋友再順便食埋野先返去～經過謝斐道我地就揀左喜來稀肉～“喜來稀肉”為韓國著名燒烤店～呢間我還是第一次黎而且有一段時間冇韓燒了見朋友對其大讚更令人有一種對美食的期待～“一頭牛”套餐吸引左我地～何為一頭牛～當然是以牛為主～當中包括喜來烤肉、牛五花、特級牛頸、牛肋骨肉、烤調味牛排骨～愛食牛者，點可以錯過～跟餐有兩罐飲品～牛肋骨肉5片厚切而且雪花分布均勻輕輕一烤已經香氣四溢食落軟腍牛味濃郁～紅白相間的牛五花切得很薄，一烤即熟～鮮嫩的口感更充滿油香最喜歡用生菜包住食烤調味牛排骨用特製醬汁腌製肉質軟腍多汁唔醮醬汁都夠味～而特級牛頸食落有咬口～肉質軟滑又不失油脂牛香味濃郁同樣好味喜來烤肉薄薄的牛肉微微烤後鮮嫩多汁牛味濃郁～食物質數高份量過得去價格又相宜抵食的一餐～…查看更多

在香港有許多千篇一律的韓燒餐厅，但在北角有一所室内設計具有古建筑風格的韓式餐厅~“5ense 感” ！ 就有著與眾不同的地方。現今青少年著重私隱所以餐廳設有兩間房間，可以讓三五知己擁有私人空間地食飯。餐廳與眾不同的地方就是它有著在其他較少見的菜色，其中有兩樣對我來說是較為特别的，就是“生牛肉刺身以及醬油蟹”。生牛肉配搭清甜雪梨，儘管只是咬一口便能爆發出一陣陣刺激味雷的清新感，怕食生野的朋友可以先小口牛肉搭配大口雪梨。此外醬油蟹我也認為挺特别的，我本人很喜歡食蟹但生的蟹我還真的沒有試過，所以就大膽試一試，結果出乎意外地好食！原來醬油蟹是用生猛的藍花蟹，洗淨後放入秘製的醬瓶內醃上幾日，再放入冰箱冷藏，然後再空運來港，難怪鮮味異常，令人一試難忘😆！我地仲叫左“炭燒牛肋骨”“招牌海鮮煎蔥餅”“韓式炒粉絲”，廚房水準唔錯，店員服務亦一流，下次會再黎！韓式牛肉刺身醬油蟹炭燒牛肋骨招牌海鮮煎蔥餅韓式炒粉絲…查看更多

今年蒸氣鍋大熱，席前現蒸現吃，以海鮮最人氣，龍蝦飽魚扇貝蟶子大蜆，原汁原味😁！上星期友人介紹我到大角咀棕樹街嘅“焱鍋堂”，一嚐著名嘅九層海鮮塔😆。book位先知，幾多層係視乎人數而訂，係由間餐廳決定。不過人少一樣可以食，中意試新野嘅我當然唔會錯過啦！先來一碟前菜“椒鹽金菇”，炸得非常酥脆的金菇，令人食到停唔到口👍👍跟著就係蝦同花甲，蝦嘅份量都幾多，清蒸花甲就鮮甜、多肉再來就到魚、生蠔同鮑魚，清蒸最能保留到食材的原汁原味，清蒸魚就真係鮮味異常；而清蒸鮑魚也不負眾望，既能保留鮑魚的鮮甜，又能感受到彈牙口感，生蠔得兩隻，唔夠分螃蟹清甜鮮美，清蒸係最好的食法👍呢間餐廳服務幾好，價錢亦合理，會再去同推介俾朋友！！…查看更多

近年人人都係韓燒嘅發燒友，不過一餐韓燒放題閒閒地人均都要兩三百蚊。想食得盡興D，更加唔止呢個價錢😰。呢間韓式任燒放題卻拯救了萬千韓迷，多款汽水任飲已經無憂，還有近二三十款豬牛羊雞無限任燒，勁爽😃多款海鲜任君選，且每括每人奉送一隻大扇貝同海蝦;另有多款熟食和甜品自助任選，夠晒全面，晚市最平$138/位就有交易，真係兩小時笑住喪燒勁擦😁熟食炒得幾好食，但每樣只好試少少，留肚食燒烤😊花甲炒得香濃惹味日本進口的下吸式無煙烤爐，烤起上黎完全唔覺有油煙，令燒物更滋味仲有好多卷物、甜品、水果都係不容錯過的😊另一大重點就係餐廳嘅燒肉同海鲜，都係直接從外國入口，所以質量同價錢先有保證！！從食物質素，價錢兩方面確實係無懈可擊，絕對係韓燒放題嘅不二之選，值得推介😉…查看更多

日日返工放工都經過深水埗桂林街，見到新開左間韓國餐廳“5enses感”，喺門口見到D裝修都幾別緻，由於係試業期間，所以決定搵幾個朋友一齊去試下:)前菜小吃醃製牛肋骨 爐邊加泡菜味及原味兩種蛋漿燒完嘅牛肋骨好入味好香招牌五味豬腩肉韓式醬油蟹炆牛肋骨栗子煲，南瓜墊底，牛肋骨炆得好林，但又可以保留到肉汁的原味海鮮辣味年糕五種味道嘅豬腩肉味道幾特別，如果加埋D生菜包住一齊食，會仲正😊；而醬油蟹好鮮味，味道啱啱好又唔會太咸！餐廳整體 食物水準都唔錯，下次會再黎幫襯！…查看更多

中午lunch時候，到處都人山人海，尤以南豐中心為甚，所以我同幾個同事就行遠少少去到來福邨覓食，見到有間叫“韓正屋”，一睇就知道係食韓菜，就入去一試！我地係門口等左一陣就有位，環境都唔錯，挺舒適！睇餐牌有好多午市套餐，我地就點左幾份互相share試下！！雜錦牛肉拌飯，牛肉份量好多，加埋D前菜一齊上，健康又美味迷你部隊火鍋 人參雞湯配飯首先有“雜錦牛肉拌飯”，牛肉份量好多，爽滑而不靱；再黎架係餐廳啱啱推出架“迷您部隊鍋配飯”，酸辣湯底再加上餐肉，腸仔同韓式年糕，辣味適中完全適合香港人口味；最後黎係“人參雞湯配飯”，人參味好濃，雞肉亦好鲜美，餐廳配上淮鹽，可以將雞肉提鮮，裡面有糯米及紅棗，好正:)！！午餐仲送埋野飲！總括來說，價錢相當合理，味道唔錯，確實係荃灣上班族午飯嘅好去處，不過由於始終係午飯時候，等候上菜時間耐咗少少,但可以接受！！…查看更多

“Running Man”瘋魔中港台嘅韓國遊戲節目，相信香港人無人不曉，包括我在内。前兩曰同個同事收工後經過彌敦道726大厦，發現一間名為“Running 燒”嘅韓燒餐廳，在好奇心驅使下，决定上去一試！電梯門打開，發覺內裡裝潢確實與“RM"有D相似，地方雖不大，卻佈置得挺舒適，經侍應介紹點左個招牌菜“芝士排骨鍋”中間放滿了芝士，鍋邊加上蛋漿，再將腸仔，芝士加熱，排骨本來係整熟左架，就咁食都好好味，沾上芝士卻是另一番風味，令人一試難忘！鍋邊蛋色澤金黄，賣相吸引，食落卻普通！“噴火炸雞”以為會好鬼辣，原來唔會，連我哩個平時唔食辣架都可以接受到，仲食完一件又一件，啱晒香港人D口味:)食完哩D，就轉塊板燒海鮮，肥牛等，哩間餐廳D燒物種類都幾多下呢一餐真係感覺非常滿足，且價錢相當大眾化，確實值得推介…查看更多

放假過黎觀塘接老公收工，順便去海濱長廊拍下拖，見肚餓去搵野食，行入呢間叫“理想點”個餐廳~個名幾過引！晚飯時間靜應應得三幾丁人，同午市時好似打仗咁個場面真係好大差别，呢區D晚市都幾難做！睇下食乜先，電視度介紹餐廳的點心都好精緻，但夜晚黑肚餓想有D米落肚，就鳳爪排骨飯啦，配菜添，再加D點心，簡簡單單，横掂晚飯日日一齊食，反而因工作關係好少同老公一齊飲茶食點心！鳳爪排骨飯 配菜（$48）山竹牛肉球（$18）鲜蝦帶子腸（$28）魚腐高湯浸時蔬（$32）D湯咸到苦，魚腐亦無乜味茶果子芋蓉煎堆（$18）賣相吸引，食落仲好味，個皮卜卜脆，加埋入面流沙架芋蓉，唔會太甜，啱晒中意食香口嘅我地:)…查看更多