wubingbing的个人专页

Brunch • 2人Weekend day off 想揾個地方可以食野同溫書，黎到較偏遠嘅呢間cafe，未入去已經可以睇到室內又chill 又寛偌嘅環境Cafe分為兩層，上層俾office 客人用，下層就坐滿一邊用餐一邊工作嘅客人。由於cafe 空間感大，所以就算坐滿都唔會擠逼。Eggs your way ($90)-scrambled eggs, pancakes, bacon, hash brown, beech mushroom 自選all day breakfast，賣相靚，不過味道略嫌遜色。蛋同蘑菇味道唔錯，不過pancakes唔夠鬆化，薯餅個脆皮較硬，而煙肉撈埋蘑菇好多油。Pork chop cutlet ($85)吉列豬扒個脆皮比較硬，無咬落去鬆化嘅感覺，個飯偏硬，但撈埋温泉蛋食味道不過不失。相比之下，飲品味道較好。Pink lemonade ($45)Dusk till dawn ($45)總括嚟講，係一個適合讀書工作嘅好地方，如果對食物要求唔太高都可以黎試下。…查看更多

下午茶·2人懷著好奇黎到K11 Musea呢間充滿松露嘅小cafe, 淨係睇環境已經覺得絕對值得黎打卡。話明松露cafe, 所有嘅食品飲品都係松露口味嘅，例如Truffle ice cream 松露雪之戀、Truffle Egg Bacon Mille-Feullie 松露流心蛋香燻肉千層酥，同埋多款嘅松露飲品。我就揀咗本店嘅signature drink, Truffle Crema Rooibos Tea。 Truffle Crema Rooibos Tea ($60) 松露素奶蓋南非國寶茶飲品配上即磨新鮮松露，加上碎杏仁同濃沃嘅奶蓋，最後有清香嘅茶底，好好飲，十分推薦！總括嚟講，我一定會再黎試埋其他野食野飲:)。…查看更多

晚餐 · 2人呢間日式餐廳第一次黎無得walk in，食唔到，所以第二次一早book 定位，但只係淨番6點...餐廳位於碼頭旁邊，所以環境幾清靜，吹住海風，偶而會聽到船經過嘅聲音～餐廳嘅主食以串燒為主，不過一定要試下個關東煮，好清甜嘅湯，材料都好豐富。關東煮 ($148)必試大啡菇 ($34）墨魚腸 ($42)日本豚五花 ($52)流心鵪鶉蛋 ($38)個名聽落特別D，但個味道好一般。芝士年糕 ($58)黑松露枝豆 ($48)比較起黎，我覺得鹽味枝豆好食D。松葉蟹肉鍋燒烏冬 ($128)好清貼嘅湯底，蟹肉嘅份量都好足夠，推薦~總括嚟講，呢間餐廳環境舒服、服務態度良好、食物質素高，係一間值得一去再去嘅餐廳。…查看更多

午餐 • 2人無得去日本嘅關係，所以最近成日試唔同嘅日本餐廳，希望可以尋找到日本嘅味道。呢間cafe環境幾好，木色白色嘅簡約風格，入到去已經有悠閒嘅感覺。食物嘅種類唔算多，但定食嘅配搭選擇唔少，所以都唔錯，不過飲品唔包，野飲要另外嗌。定食 ($78)明太子鮭魚飯團+鹽飯團+關東煮+芝麻茄子+鹽味枝豆份量唔多，幾適合細食嘅人，不過整體味道一般。茄子個汁有d酸，枝豆唔係好覺有鹽，但關東煮嘅味道唔錯。定食 （$78）明太子鮭魚飯團+鹽飯團+關東煮+溏心蛋+骨附腸香橙黑朱古力 ($58)有橙味嘅朱古力，但無香濃嘅味道，感覺似係普通嘅朱古力飲品。鮮奶抹茶 （$48)好淡嘅抺茶味，有啲似沖粉嘅味道總括嚟講，餐廳嘅環境幾好，服務唔錯，可惜食物一般，飲品仲有好大嘅改善空間，試一次就夠了。…查看更多

晚餐· 2人第一次喺香港食到咁有誠意嘅oksmase不論食物、環境、服務都無可挑剔，非常值得黎，超級推薦！日式嘅格局，可以見到日本師傅準備料理，比較搶眼嘅係喺天花板嘅蟹。一開頭會俾你睇吓今日嘅新鮮食材，當然有大大隻蟹。Omakase ($1650 per person)蟹宴總共有8道菜，另加甜點～每一道菜都好精美，各種食物嘅配搭好夾，而侍應亦都會好細心為你講解每道菜式嘅食材同食法。前菜刺身燒物揚物一品料理食事 漬物汁物甜點慶祝生日嘅甜點，見到果刻真係好surprise ，無諗過會整得咁靚~~~ 而且唔單止靚，仲•非常•好味總括嚟緊，係好高水準嘅餐廳，尤其推薦想慶祝生日嘅人，一定會令你有個好愉快嘅生日…查看更多

午餐 · 2人聽講天后有間由日本人主理嘅壽司店，非常想念日本野食嘅我梗係要黎試下啦～壽司店環境比較細，似係專做外賣嘅店，店內只有四個位可以俾客人企喺度進食。雖然只係小店，但呢度嘅食品種類唔算少，尤其有唔同組合嘅壽司set、刺身丼，好岩想一次試多啲款式嘅人 (例如:我)~特上壽司 ($298)揀呢盒壽司最大嘅原因係因為拖羅同海膽~真心好食! 絕對有日本壽司嘅感覺~雖然拖羅唔夠肥美，但仍然好好食，而海膽亦都好新鮮。總括嚟講，係一間好有日本味道嘅壽司店～十分推薦！…查看更多

午餐 • 2人俾呢間餐廳吸引嘅係佢粉紅色嘅設計，一睇就知係打卡嘅好地方，平日兩三點時間唔算多人，咁就試下啦~~黑松露忌廉汁野菌意粉 ($118)忌廉汁嘅調味岩岩好，每一啖都有濃濃嘅黑松露味，十分推薦嘅意粉！英式早餐 （$138）豐富嘅all day breakfast，有我最鍾意食嘅薯餅，一樣好味丫～草莓乳酪沙冰 （$56）咁pink嘅環境，決定襯番杯pink 嘅飲品，飲落好冰涼～芒果乳酪沙冰 ($56)滿足嘅芒果味，鍾意芒果嘅人一定要試下喇~總括嚟講，環境靚、食物質素高、服務態度好，係可以一試再試嘅餐廳～…查看更多

午餐 • 2人好耐無去過大埔，難得放假就去遠啲啦～～呢間cafe 雖然都開咗好耐，不過今次都係第一次試，環境幾好，服務態度都唔錯好肚餓嘅關係，好快就叫咗野食喇～餐廳裏面唔算多人，所以野食都黎得好快。軟殼蟹黑松露忌廉義大利麵 （$98)意大利麵嘅味道係ok嘅，不過軟殼蟹帶有少少苦味，同埋淋身咗啲，所以整體上一般。香辣蒜香帶子義大利麵 ($85)呢個相對上味道好啲，同埋有大大粒嘅帶子，份量好足夠。黃金右翼 ($72)雞翼係炸完沾上蛋黃醬，但唔知點解有種奇怪嘅香味，一向鍾意食蛋黃嘅我都覺得怪怪哋，優點係個皮炸得好脆～熱朱古力 ($36)Waitress 話可以揀圖畫係熊仔定minions, 結果我果隻係個頭有角嘅minions ~不過都幾得意丫~總括嚟講，我比較欣賞佢哋嘅服務態度，而野食嘅質素就有待改善喇～…查看更多

下午茶 • 2人無得去旅行都想感受下異國風情嘅我哋，黎到呢間充滿摩洛哥風格嘅cafe，絶對係打卡影相嘅好地方~藍色門面幾搶眼，離遠已經見到~入面嘅環境幾靚嘅，大部分嘅座位都喺樓上，我哋坐咗喺樓上嘅窗邊位。Egg benedict with Parma ham ($138)幾特別嘅味道，尤其係個醬汁，酸酸甜甜咁，加埋poached egg嘅蛋汁，好惹味~Gourdough - Pulled pork, scrambled egg ($118)好有中東菜嘅味道，不過我本身唔係特別鍾意呢種味，加上炒蛋嘅黑椒味都較重，所以呢個gourdough唔係太岩我，但我幾欣賞佢嘅賣相。Hot dark chocolate ($55)濃厚嘅朱古力，雖然唔係太感覺到黑朱古力嘅味道，但都係唔錯嘅Large Rose caffe latte ($53)味道ok，但略嫌比較凍，如果熱啲會好好多。總括嚟講，係一間好值得去影相打卡嘅摩洛哥cafe，而且食物同飲品都睇得出好有心機整，所以絕對可以試下丫~~…查看更多

午餐·2人好少去觀塘，今次專程黎呢間新開嘅日本餐廳試吓個壽喜燒。不過星期日好多人，等位都等咗幾耐，可以喺附近行下街先~充滿日式嘅門面，裏面嘅座位唔多，但環境十分舒服，而且服務態度非常好壽喜燒有4款肉可以揀，好可惜當日澳洲M9和牛已經賣晒，最後我哋揀咗日本A4和牛同埋美國產牛肉。壽喜燒鍋定食配白飯日本A4和牛 ($168)美國產牛肉 ($108)好欣賞個餐有前菜同甜品，而且前菜味道好好，一啲都唔求其。壽喜燒方面，牛嘅味道略嫌淡咗啲，加上我本身比較鍾意厚切，所以牛有改善嘅空間。總括嚟講，環境好、服務質素高、價錢合理、食物味道唔錯，絕對係值得再去嘅餐廳。…查看更多

下午茶· 2人又到聖誕~ 今年嘅聖誕節唔能夠大肆慶祝，但都可以簡單食個 X’mas tea 慶祝下。第一次黎呢間位於IFC 嘅餐廳，最初俾我嘅感覺係神秘，因為入口嘅走廊好長~~~終於到喇~ 餐廳嘅環境都幾寬敞，主要色調為金色、綠色同白色。我哋就坐咗喺窗旁嘅位置，可以眺望維多利亞港。Afternoon tea set ($628 for 2 persons)充滿聖誕氣息嘅Tea set ~~ 比較推薦嘅係鴨肝醬金寶配多士，有創意之餘亦都好惹味。下層嘅鹹點，例如龍蝦沙律酥餅、野菌松露多士、法式蟹餅都一樣好好味。不過相比之下，上層嘅甜點就比較遜色，味道偏淡同普通。總括嚟講，係可以好relax咁嘆下午茶嘅好地方，可以一試丫~…查看更多

下午茶 • 2人週末周圍都好多人，揾間新開嘅cafe應該少啲人嘅~ 黎到呢間以木色為主調嘅cafe，環境唔錯，不過坐得唔係太舒服，可能因為主要係細枱，如果淨係飲杯野都ok，但食野就略嫌張枱唔夠大。食物方面，種類唔多，最特別係有供應寵物嘅burger，而我哋呢，主要就係egg drop。鰻魚Egg Drop （$85）厚厚嘅鰻魚+嫩滑嘅炒蛋，好滿足嘅味道，而且份量多，食一個已經好飽。牛肉egg drop ($78) 牛肉一樣好食，同樣juicy多汁份量多Matcha latte ($50)最欣賞佢唔係過分濃嘅抹茶味，可以飲到淡香嘅抹茶之餘，亦可以有純滑牛奶嘅味道。總括嚟講，食物同飲品嘅質素唔錯，不過喺呢區略嫌價錢偏高，而且環境比較一般，有時間都可以試下～…查看更多

午餐· 2人隱蔽嘅cafe通常都有驚喜，呢間都唔例外～cafe 主要以木色為主，配以簡約嘅日式裝修，仲有個小包廂，雖然細細間但感覺好舒服。忌廉鴨胸洋蔥扁意粉 （$45)鴨胸好好味，而且份量唔少，如果個意粉creamy d 會更加好食，但呢個價錢有呢個質素真係唔錯蘆筍蟹肉意粉 呢個真係不得了，無論個汁同蟹肉都配合得恰到好處，而且啖啖都食到蟹肉，有好juicy嘅感覺*強力推薦!*抹茶鮮奶 ($36) 比起食物，飲品遜色少少，但味道都係唔錯架。特濃朱古力 （$28)唔太有特濃嘅感覺，比較似淡淡嘅朱古力奶，但都係好飲嘅。總括嚟講，係一間性價比高嘅cafe，非常推薦…查看更多

下午茶 • 2人星期六放工諗住悠閑咁過一日，去K11 Musea行下，點知咁多人...惟有去食個tea 啦。呢間餐廳感覺比較吸引女生，裝飾都以粉系為主。餐廳嘅食品飲品款式唔算多，如果係想食飽飽嘅就唔係太推薦了。前菜有個小沙律，味道ok。Roast Chicken and Mushroom Pasta with Soy Sauce + tea ($158) 最鍾意個pasta 嘅調味，味道唔會特別淡或者特別濃，而且配料蘑菇烤雞都好香，十分推薦嘅PastaDarjeeling 一般嘅茶香，清清哋，配蛋糕唔錯。Afternoon Tea Set - 3 kinds of sweet ($168)- strawberry shortcake- strawberry scone shortcake- orange earl grey shortcake兩款strawberry cake 同樣好食，鬆軟香甜，不過orange earl grey 就有D苦澀味，味道麻麻哋。總括嚟講，呢間餐廳嘅食物味道唔錯，不過價錢偏高，而且服務態度唔好，所以試過一次就算了。…查看更多

晚餐 · 2人平時呢間餐廳好多人，樓下係酒吧嘅格局，樓上係茶餐廳feel。今日早咗黎食飯，難得好少人，可以悠閑咁食個晚飯。餐廳嘅食物選擇唔算好多，但有唔少幾特別嘅菜式，不過如果以份量嚟講，價錢相對比較貴。金蝦脫殼 （$148)混合蛋黃、黑松露嘅蝦，好好味，特別係個醬汁，十分推介老友鬼鬼 （$128）魷魚+油炸鬼，味道無咩特別，如果脆口啲會更好。與李蟹逅 （$198)蟹肉+龍蝦汁嘅麵，味道鮮甜，可惜份量好少，不過仍然值得一試自己柚 （$78)傻豹 ($68)總括嚟講，食物質素唔錯，略嫌份量較少同價錢稍貴，唔係太適合一大班人嚟食，比較岩細食嘅人。…查看更多