Sukiyu0318的个人专页

放假去咗屯門黃金海岸，玩到夜晚襯天氣仲涼涼哋想食雞煲，就去咗Grand Bistro 星小宴✨本身佢係一間酒樓，地方大，樓底高就基本啦，除此之外仲有outdoor位，如果嗰日唔係落雨一定會揀坐出面，望住海食就更爽，不過總體嚟講係坐得舒服嘅💯🥘佢有三款煲揀，我就揀咗「秘制香辣雞煲」，配料就揀咗手切安格斯牛肉，蟹柳，芝士腸同埋韭菜餃。⚠️主角上枱！復古乾燒煲入面嘅雞已經爆到香晒🤤一食落去雞肉滑嫩煲底又夠辣，如果鐘意食辣雞煲堅推薦！🔥🔥🔥配料方面，都係正常雞煲配料唔會失望😼，安格斯牛肉非常新鮮，值得一提係個薯粉勁煙韌口感一流，夾埋本身個辣湯底真係超正～😚最後仲有星小館自製嘅蕎麥茶🌾，斟出嚟未飲都已經好香麥味，食完辣嘢飲啖茶消消滯，飲唔夠喉仲可以買獨立包裝返屋企沖嚟飲😁總括係值得一試嘅，尤其如果撞啱好天氣冇落雨的話，喺星小館室外食雞煲係會用碳爐燒添㗎，風味更佳💁🏻‍♀️…查看更多

鹿兒島黑豚腩鍋 $198豬肉脂肪較多, 入口油脂四溢, 配上酸汁降低膩度👍🏻鍋入面仲有葛粉、菜、豆腐、菇菇𩶘魚稻庭烏冬 $108用𩶘魚熬煮的湯底奶白色, 味道非常濃郁鮮甜, 烏冬煮得略淋但剛好可以盡吸湯汁🤤露筍豚肉串 $32冬菇 $22燒物雖然炭香欠奉但火候拿捏得好好, 露筍豚肉串非常juicy😬 冬菇上灑上鰹魚碎令味道同口感提升左層次👍🏻松島魚餅 $88味道甜甜地幾得意👌🏻➡️非常貼心的服務, 會主動添茶，又細心留意火鍋爐的火力😊➡️可惜大廈人流太高, 𨋢不勝負荷, 走果時等左15分鐘先落到樓🙃…查看更多

📌Bookmark已久的日式居酒屋小店, 店內只有6個吧枱座位, 店內只有店主一人主理🥣點好菜後睇住店主係開放式廚房忙碌煮好每道菜👨🏻‍🍳 再親自遞上, 感覺非常親切🥰⛰️山葵醬油拌海葡萄 $38😋😋😋😋非常開胃的前菜, 海葡萄係口中逐粒爆開好爽, 配埋攻鼻又醒胃的醬汁, 酸酸地, 愈食愈有食慾🤤⛰️燒雞膝軟骨串 $16😋😋😋😋咬落有粒粒軟骨口感⛰️甲羅燒 $68😋😋可能蟹唔係好新鮮, 食落有少少苦🥲 而且缺少左蛋黃加持, 口感唔夠滑! 多士反而有驚喜, 用左加入左無花果乾的麵包🍞 食落有果香而且甜甜地有衝動問店主麵包邊度買😂⛰️和風高湯煮日本沙白蜆 $68😋😋😋😋好欣賞佢個鰹魚高湯底, 為成件事加左好多分!⛰️燒雞泡魚干 $88😋燒得過左火, 冇左煙韌口感, 變左好硬好硬, 要好多牙力先咬得開😖⛰️厚切叉燒黑蒜濃湯手打烏冬 $108😋😋😋😋湯底非常濃厚, 係甜甜的黑蒜味, 烏冬煙韌有咬口⛰️牛肋條關東煮手打烏冬 $118😋😋😋牛肋肉雖然入味但好硬好痴牙.. 蘿蔔甜得好假, 似用糖煮過.. 湯頭係味醂加日式鰹魚高湯煮成的味道, 清甜 ⛰️青森蘋果汁 $32😋😋😋😋😋隻杯好靚呀😍當日飲品買2送1…查看更多

今次二訪衝住伏特加意粉而黎, 但估唔到其他野咁令人失望..🦞酥皮龍蝦湯 $70😋😋酥皮個樣唔夠金黃, 食落唔夠脆😕湯唔夠濃稠亦無龍蝦味👎🏻 🦐忌廉龍蝦汁蘆筍扁意粉 $152😋😋😋蝦好新爽口, 龍蝦汁同個湯一樣龍蝦味極淡, 但咸度係有既🥓特濃茄蓉伏特加脆煙肉螺絲粉 $148😋😋😋😋😋保持了初訪時水準🥰專登揀左夠掛汁既螺絲粉, 啖啖都係濃濃茄香🍅食落唔會有酒味, 酒既作用係煮既過程提取茄醬同煙肉香味，味道酸辣醒胃🌶️➡️整體份量偏少, 晚餐黎講一個湯+一份意粉都唔係好飽… lunch應該就岩岩好… 男士可能要食2份😣…查看更多

Lunchtime 12點去排左半個鐘有位, 服務員態度好好👍🏻 我地7個人都盡量安排座位比我地🪑 令等待過程無咁煩躁😃🌽手工粟米湯 (+$12)😋😋😋😋清甜有微顆粒感而不帶渣, 唔係用粉溝出黎的人工味道🍤露荀濃蝦汁意大利飯 $108😋😋😋😋意大利飯煙韌而且吸滿蝦的鮮味, 上面有幾隻爽口去殼中型蝦, 味道非常好但份量真係好Café size👉🏻👈🏻🍰巴斯克芝士蛋糕 $48😋😋😋朋友點的, 試左一啖.. 乳酸味好重, 口感好流質… 無焦香味, 芝士味亦淡, 好一般😕➡️如果唔洗排隊又唔會有出面排隊人士的目光壓力, 當tea time輕食都可以既~…查看更多

灣仔近利東街有間樓上私房菜, 川菜款式多到你唔信👀四川涼麵😋😋😋😋😋咁多款最辣既一味, 麵條好爽口, 店員親自係面前撈醬, 又香又麻又辣, 係一款唔洗任何配菜都已經好好食既麵🍝蒜泥白肉😋😋😋😋😋絕對好食過譚仔, 超級夠濃!香麻泉水雞😋😋😋😋😋第一次食時完全驚艷到我呢個#麻控 的一道菜🤩 麻而不辣的雞肉嫩滑到一唔小心可能滑入喉嚨🫣見到表面d花椒應該都估到有幾麻啦, 不過食時都好輕易可以撥走花椒粒👌🏻水煮牛肉😋😋😋夠麻夠辣但牛肉唔算好嫩滑重慶辣子雞😋😋😋整體好入味, 炸得香脆而唔油膩~ 腰果比雞肉出色江津酸菜魚😋😋味道酸味重, 魚肉好散, 一夾就爛… 主要係食d粉絲同酸菜💰人頭收費$338 - 視乎人數可以選擇菜式的數量不同👆🏼例如4人可以選3款涼菜 + 5款熱菜🍲每人包括白飯一碗🍚 + 每枱炒菜一碟🥬全個餐牌有50款辣 + 18款唔辣, 多到眼花撩亂🤪愈多人食可以試到愈多菜式💓➡️份量好大, 每次黎都一定食唔晒雖然可以包走但其實都有d浪費🥺 建議定價可以低少少, 份量可以細返d🧐➡️餐廳只有熱茶同汽水提供, 如果可以有多d解渴飲品同解辣甜品就更好☺️…查看更多

中環原店座位好少成日要排隊，最近怡和大廈開左超型格food court，晚餐時間大把位揀，應該係全港坐得最舒服的food court & 拉麵店💯鯛清湯拉麵 $138😋😋😋😋個湯好清甜魚味🐟麵質清爽彈牙👄叉燒又滑又唔肥👅最正係有2塊魚皮，浸少少湯食，微脆口感配上湯頭甜味，每塊都分開好幾啖食，因為唔捨得食🤣比唔到5分係因為食完飲曬啲湯之後好口渴😂 但其實味道係值5分😊#感動出品❤️櫻花木煙熏溏心蛋 (+$15)😋😋😋😋😋溏心程度要拿揑到剛好呢個要求已經太low😆呢隻蛋🆙左我以後對溏心蛋的期望💟食入口有種濃郁得來不over的煙熏味，為平庸的蛋香增加左層次🥰…查看更多

2層高嘅純白Café🤍枱同枱之間隔得都幾開㊙️ 傾計好隨心, 坐得好舒服👩🏻💬 簡約風既裝修🐚無論係發下呆定打卡都非常OK.食物方面主打窩夫🧇鹹、甜選擇都有齊… 煙三文魚炒蛋牛角包🥐牛角包偏軟, 炒蛋好滑, 配埋炒蛋個好朋友三文魚, 完美的假日早餐!☀️份量唔會太多, 食完佢再食甜品就perfect池!😋😋暖笠笠紫薯夾心窩夫🧇🤩有驚喜!!! 窩夫入面夾左紫薯蓉🍠, 暖笠笠又醫肚~豆腐雪糕好香好香, 好濃郁既豆味🫘 而且軟滑得黎又唔會太甜超級推薦!🌟🌟🌟🌟🌟特濃抹茶latte🍵非常濃厚, 有微微顆粒感😙…查看更多

近期食過最值得推薦的餐廳非佢莫屬👏🏼首先佢餐牌好廣泛，由串燒到鍋物、刺身到丼飯都有齊✅價錢唔係超平但真心對得住質素有餘❗️大部份壽司都係一客兩件，出面好多餐廳呢個價錢只係食到一件🫣💛蟹籽沙律 $48😋😋😋😋😋大大份，蟹籽比得好豪氣！而且青瓜絲切得好幼細，絕對唔馬虎！💛三文魚子手卷 $45😋😋😋😋😋一粒粒鮮甜魚子口中爆裂，真係好正😮‍💨💛芒果花之戀 $28😋😋😋呢個組合有少少怪🤔而且三文魚有少少筋🫢💛柚子胡椒油甘魚壽司😋😋😋有子胡椒味都有少少artificial魚本身就好新鮮👍🏻💛海膽壽司 $48😋😋😋😋呢個價錢有兩件，鮮甜度中等，無腥苦味，性價比高👌🏻💛活赤貝壽司 $48😋😋😋😋爽口新鮮👍🏻💛三文魚子手卷 $45😋😋😋😋😋一粒粒鮮甜魚子口中爆裂，真係好正😮‍💨💛鵝肝壽司 $52😋😋😋😋😋第一次食呢個組合，香煎鵝肝入口即溶，配少少燒汁同京葱碎，好滿足☺️💛燒明太子雞翼 $58😋😋😋😋香辣惹味👍🏻💛芝士年糕 $45😋😋😋😋軟糯、芝士味夠濃👍🏻如果表面油膩感可以減低少少就更好💛鹽燒牛舌心串 $90😋😋😋😋😋超嫩超juicy✨💛野菜烏冬 $68😋😋😋😋湯底有鰹魚香，烏冬彈牙👍🏻服務好好，我呢個水怪真係好滿意會自動不停斟茶的service，而且食完沙律仲會主動幫我地換碟再上壽司🙀…查看更多

前菜除左有一般菠菜、豆芽、泡菜、薯仔粒，仲有一碟熱辣辣的鐵板拉絲芝士粟米😈食左一啖好食到停唔到…卡路里都係擺埋一邊先🤣黎呢度重重重點就係個醬油蟹! 鮮甜多膏，醬油味甜甜地，撈紫菜飯食真係好正🤤呢間醬油蟹我已經食過2次，玻璃肚的我認證左100%新鮮✅好耐冇去韓國🇰🇷 最掛住就係佢地個解酒湯，呢度個解酒湯雖然冇韓國白菜乾而係用左普通娃娃菜，但個湯又熱又辣配埋D煮到離晒骨的豬肉，食完個人暖晒，唔係用黎解酒都覺得好滿足😌…查看更多

🤎金網窩貼窩貼入面好多肉汁，底層金網脆脆地，沾醋食👍🏻🤎重慶酸菜魚酸、麻、辣都足夠，如果有埋蒜味就更出色！魚片完全無骨仲超滑溜😋湯底比較清，一啲都唔油膩，就咁飲都唔過份😁🤎香辣牛筋麵牛筋炆得好夠火喉而且入味，可惜湯底太淡、陽春麵太腍🥺🤎雪菜胡椒鮮肉包生煎包入面有雪菜真係第一次食！胡椒味好濃郁，雪菜有咬口👍🏻但個包完全係淋的🫠 說好的煎🫣整體黎講呢個價錢真係無得投訴😂返工或住附近的話糧尾必選😃…查看更多

食日本嘢三心兩意唔知食刺身飯好定食茶漬飯好🤔 又或者想食刺身但又想食返啲熱嘢🫣 估唔到呢間餐廳有驚喜🇯🇵特上海宝丼 $220😋😋😋😋刺身丼飯底係室温冇調味🍚 另上一個壽司醋啫喱比你自己配黎食🥢食到咁上下剩低一半飯，倒入鯛魚湯變成日式魚湯飯🐟奶白色的魚湯好香濃，仲細心地用暖壺裝住，倒出黎時仲熱辣辣♨️ 認真細心👍🏻刺身新鮮、份量足👍🏻餐牌上最貴的丼飯都只係呢個價錢，相當抵食😃🇯🇵炸油甘魚鮫 $190😋😋😋😋呢個價錢有咁大份，上菜時真係嚇一嚇😂炸粉唔會太厚、調味適中，魚肉鮮嫩，油脂香味四溢👍🏻 🇯🇵雜錦天婦羅 $80😋😋😋如果個醬汁可以俾多啲蘿蔔蓉就perfect😆🇯🇵日式凍辣蕃茄 $40😋😋😋🇯🇵京蔥味噌燒雞丼 $130😋😋😋…查看更多

♨️花膠湯底有大大塊花膠同嫩滑雞件☺️ 啖湯飲落好鮮甜👍🏻♨️麻辣湯底夠麻夠辣得來唔會有苦的藥材味🌶🥢象拔蚌刺身爽口到不得了，食到停唔到😁🥢蝦滑油炸鬼本身已經熟咗，就咁浸一陣等個油炸鬼吸左湯汁，半淋半脆真係好正🤤水餃、牛肉、豬肉、丸類全部都好出色👍🏻…查看更多

今次係第3次幫襯，個芝士辣雞太出色，間中就會想食下😝🇰🇷辣炒雞本身已經好夠正😙 仲要加海量芝士😍 減肥都係聽日先啦🤤連埋個爐上枱，一邊熱住一邊食，芝士keep住流動性高可以完全包裹每件雞同年糕🥹🥹 旁邊仲有解膩的菠蘿🍍 泡菜，同埋配芝士無敵的蛋同紫菜飯🍙配埋個用碗飲的米酒🥣 真係好似去左韓國咁😊 而且入面加左碎冰，飲到最後都仲凍，好爽😚泡菜煎餅外皮好脆口，厚度適中，而且每啖都好多泡菜，絶對唔係入口成口粉漿淋Pat Pat😄…查看更多

本身麻麻地腐皮壽司，覺得食壽司一定要有刺身先好食，今次經朋友推薦黎試，腐皮包住各式各樣唔同餡的壽司，驚喜地好味😋🍤牛油蒜香赤蝦 輕輕灸燒過，牛油蒜蓉本身已經係好朋友😇再加上蟹子同沙律醬💓🐟柚子胡椒油甘魚蓉吞拿魚蓉食得多油甘魚蓉真係比較少食，配埋柚子胡椒，味道好有層次😋🦀蟹膏甜蝦鮮😌 甜😗🍋柚子左口魚左口魚本身油脂較多，配酸酸的柚子，好balance😊雖然價錢都唔平，每件平均$35，但真係幾大件而且新鮮👍🏻串燒拼盤👎🏼好失望🙍🏻 $160 得4串都可以叫拼盤🫠除左個燒雞皮沾生蛋幾正之外其他都不過不失 但性價比太低！🐔避風塘雞翼正常發揮🍜辣辣柚子凍蜆稻庭冷烏冬 烏冬好彈牙👍🏻 超多蜆肉👍🏻但湯底個味少怪 辣的柚子🤔環境幾舒服，裝修好有心思有特色，同朋友小聚好選擇😊…查看更多