tummy piggy的个人专页

有一日朋友約piggy入元朗食飯， 梗係早啲去埋bookmarked咗好耐嘅元朗名物🤭 一見到佢有champion irish coffee即刻想嗌，但啱啱食飽又想試下pancake，所以就叫左spicy coffee，即rum, ginger 同coffee，嚟到piggy嚇咗一跳超大杯仲好重酒味，但落到喉嚨薑味開始滲出嚟暖暖地好舒服😋個pancake好啱piggy口味，比較實淨食到嘢落肚🤣 跟嘅朱古力雪糕濃郁唔甜，啱曬鍾意食甜品但唔鍾意咁甜嘅女仔😬😬😬 另外哥哥仔店員十分nice服務好貼心🥰…查看更多

灣仔燒雞嚟講piggy淨係識玫瑰花，但上次去覺得有啲太鹹🤪今次朋友帶我去食呢間無介紹錯，皮脆肉嫩，雖然比玫瑰花細細隻小小但味道比較啱piggy，跟餐有四款餐湯畀你揀超有誠意(羅宋、忌廉、牛尾同周打魚)，蒜蓉包都有兩件而且超脆，最尾仲包埋花奶啫哩真係兒時回憶🤭 piggy上ig睇嘅係跟櫻花蝦炒飯，但原來夜晚係跟白飯，一定要再去食櫻花蝦炒飯…查看更多

原本諗住食厚豬扒，點知已經執左😢附近日嚐同小島料理又落場😫😫近近地記得之前食過麥金麥金個芽菜雞都幾滑可以encore，但黃薑飯就無乜味同唔夠乾身爭🤏🤏…查看更多

越華會原班底，但piggy今次無食蔥油雞主攻海鮮🤭 piggy一早就睇中咗雞油花雕蒸蟹，雖然嗰日得肉蟹但piggy都堅持🤣🤣 雞油超香，可能香得滯變相花雕味唔算突出😅但個蟹好滑😋豉油王炒麵都係咁好食，可能係最好食嘅豉油王炒麵😏 魚湯浸菜仔，魚湯超甜，下次應該叫佢畀多啲湯少啲菜🤪…查看更多

bookmarked 左n年，左右兩間都已經食過😅終於有緣，好彩無失望，同想像一樣好食😋豬腩肉夠多夠肥，加埋大蔥紫蘇葉一啲都唔漏，個味仲好夾👍👍5個💛為滿分食物💛💛💛💛💜 環境💛💛💛💛💛服務💛💛💛💛💛 打咭指數💛💛💛💜💜 回頭指數💛💛💛💛💜…查看更多

呢個厚切牛舌lunch set piggy 食第二次，荃灣舖比係中環鋪闊落啲，坐得更加舒服，海膽魚餅有驚喜，估唔到咁多海膽😋😋😋5個💛為滿分食物💛💛💛💛💜 環境💛💛💛💛💛服務💛💛💛💛💛 打咭指數💛💛💛💜💜回頭指數💛💛💛💛💜…查看更多

如果話食越南嘢piggy第一時間諗起生牛肉河，但呢啲天氣又熱又焗，再整碗湯河粉真係有啲搞唔掂🤪食番啲冷盤就最啱，好似呢個四色檬紙卷，有齊手撕雞、煙三文魚、牛炸醬同海膽，簡直係皮薄餡靚😋 手撕雞微辣，煙三文魚有油香，牛炸醬piggy第一次食都幾鍾意，海膽好大份量俾得算大方，piggy仲叫左個海膽牛他他充滿牛味，海膽鮮甜👍👍 加埋個越南乳酪滴漏咖啡，超refresh 😬 下次piggy嚟要試埋個黃薑飯🤗…查看更多

要喺旺角搵食真係一啲都唔難，除咗地舖仲有好多樓上cafe，但好多cafe都比較細同窄，棟大廈又比較舊，仲可能喺 滴緊水橫街窄巷入面🙈 呢間就唔同，喺金雞廣場入面，對正大街門口闊落， 上到25樓轉個彎就到，一去到見到全白裝修即刻心心眼😍 著咩衫都襯到真係最好打卡🤣 呢度嘅雞翼好多款式，piggy就叫咗蜜糖芥末單骨雞翼同墨西哥雞翼， 蜜糖芥末教得好好，個味親到之餘又唔會搶咗對方個味，單骨雞翼外面鬆脆入面juicy😋 而家墨西哥雞翼個醬濃厚得嚟唔漏， 可能因為佢加埋三色椒同蘑菇一齊煮，簡直可以撈個飯🤣🤣🤣 食埋個燒牛肉田園沙律啱啱好，燒牛肉比想像中多，啲菜係一口size方便食piggy最鍾意，個芒果沙冰超清甜正…查看更多

已經差唔多停飛咗三年，對香港人同piggy嚟講真係一件不可思議嘅事🤪 無得去旅行嘅時候食下外國菜，都可以解到少少相思之苦，如果個裝修有外國風情就更加好啦，就好似呢間泰國菜咁， 佢就整咗兩架泰國的士篤篤嘅卡位，真係一坐上去就所有回憶返曬嚟🤣 再整埋個明爐青檸汁烏頭，烏頭新鮮無泥味，個青檸汁真係要一讚，piggy叫咗小辣 ，個酸辣度剛剛好，粉絲喺底索曬啲汁超好味，差啲想叫佢加粉絲添🤣🤣另外仲有黃咖哩菠蘿炒花甲超大碟，一上枱piggy俾佢嚇親，花甲好大隻， 黃咖哩汁覺得好好椰汁香濃，可惜piggy太飽喇唔係可以叫多個薄餅點哂啲汁佢🤪，最尾食埋個芒果糯米飯，芒果清甜，為呢個短暫嘅泰國之旅畫上完美嘅句號🤗…查看更多

如果你鍾意食嘢，應該對呢個碟牛肉唔陌生，就係呢個相傳神級燒牛肉伊麵🤣 無第二樣嘢㗎啦，成間鋪就係賣呢個伊麵，但有三款湯底畀你揀，piggy就揀咗胡椒豬骨，好夠胡椒味但又唔太辣，個燒牛肉呢， 一面微燶一面粉紅色，一食落口piggy忍唔住叫咗出嚟🙈 對面個靚女都忍唔住話係呀好好食㗎🤣🤣🤣 就係咁又多個朋友🤪原來靚女成日嚟食仲推介金華火腿湯底俾piggy，睇嚟都要搵個好日子再嚟😬…查看更多

作為中女嘅piggy梗係時不時都要補下🤪花膠就係其中一樣好啱女仔食嘅嘢，如果加埋雞去煲湯真係正到暈，但自己屋企煲實在太花精神，所以piggy就去呢間試下個花膠雞煲邊爐，果然花膠夠大塊亦厚肉，半隻雞都好大隻亦好嫩滑好有雞味，個湯濃厚鮮甜，感覺好滋潤，飲完即刻覺得靚咗🤣🤣 飲完兩碗湯其實piggy 都已經飽咗一半，另外piggy再叫咗個美國極上A級手切牛肉，滿滿嘅雪花相當吸引，手切牛肉味特別香濃piggy最鐘意，另外蘇格蘭聖子王係真正嘅聖子王超大隻，但唔好見佢咁大隻就淥好耐 ，淥到一嚟殼就食得，厚肉鮮甜，另外仲食左南非鮑魚仔，唔好以為佢叫鮑魚仔就好細隻，其實都成個湯殼咁大隻🤣🤣 雖然叫嘅嘢食唔多，但piggy同朋友兩個都食得好飽👍👍👍…查看更多

piggy自從十幾廿年前戒咗m記之後就好少食到熱香餅，所以見到呢間出名食熱香餅即刻bookmark，果然就算唔加糖漿都好夠味好香蛋味，piggy真係食到落尾一滴糖漿都無加到🤗 另一個名物粒粒炒通粉一上枱香噴噴熱辣辣勁香，但如果論特色都係觀塘海記有記憶點多🤏🤏 豬扒就正常偏鹹啱重口味人士🤪…查看更多

成日見日本人將啲餃子煎得好靚 ，今次piggy終於都食到啦🥰個餡仲有係地道香港餡，即係香港人好鍾意嘅黑松露乜乜乜🤣同醉雞，黑松露真係好香，醉雞亦有酒味😋 加上個關東煮超大碗，樣樣都好清甜，連個湯底都係，piggy飲哂都無口渴👍…查看更多

呢間傳統酒樓，好多菜出面已經無得食，好似盤龍鱔、荔芋香酥鴨、魚腸蒸蛋、錦鹵雲吞等，樣樣都係水準之上而且好平，piggy一行8人食左10個餸，都係位位$240，仲要送 陳皮紅豆沙😋去之前記得訂位訂餸😬…查看更多

呢間都好多人話好食，但有啲鋪用紙杯紙碟piggy有啲卻步，旺角鋪用返玻璃碗碟感覺好好多🤪 濃香牛肉咖哩飯仲以為佢係日本咖哩甜甜地啲friend，佢微辣得嚟幾香濃，牛肉亦淋份量亦足😋 另外加嘅油揚豆腐黑豚薑汁燒夠入味好食，反而個粟米湯有啲失望👻…查看更多