Chowzoie的个人专页

泰式炒肉碎青檸檬味恰到好處，九層塔香味突出，辣味亦都剛剛好，泰式羊架帶有微微椰汁香氣，香料味亦都足夠，可惜只是出了一次，麥皮蝦香脆可口味道適宜，帶有微微鹹香，連殼都可以食，如果能配上啤酒就一絕，椰子燉雞湯，去過那麼多自助餐，算得上比較出色的燉湯，早兩星期前轉了另一款紅棗的湯水，味道太濃，感覺一般，這次轉返這個椰子燉雞湯，我也飲上了三碗，凍蟹腳今次就比較淡，鹹味不足，但質素比之前的新鮮，煎石斑魚味唔夠突出，而且魚皮沒有香脆的感覺，最重要的就是未能保存到溫度，食材温度不夠，慢煮牛肉要看運氣，有時比較生質地會比較軟滑，有時會比較熟就很硬，而且有根，羊架會比較好，一般都是大約六成熟的程度，甜品加咗榴槤軟雪糕，加上本身的榴槤雪糕和榴槤蓉，厚實的，軟糯的，和香滑的三種不同的口感榴槤，非常好味，如果是榴槤愛好者必定可以飽腹而歸，但甜品裏面其中一款的焦糖燉蛋，雖然用咗雲呢拿籽去製造，帶有雲呢拿香氣，可惜表面的焦糖比較苦，令到整個甜品帶出了苦味，甜品的其餘方面，可以略為增加新款式，因為現在的甜品已經供應了一段很長的時間，可建議增加一款拿破崙的餅款最後想稱讚一下今天的員工，服務態度大致上都十分之好，不論是在廚房裏面工作的師傅，都會面帶笑容，會和客人有互動，餐廳內的服務員也十分之殷勤，特別是其中一位男服務員Jimmy，隔著口罩也能看到他的笑容，他的眼睛也可以讓你感覺到他的服務真誠，值得表揚。…查看更多

我宜家先知原來放題係有限食數量，每人只得六隻大閘蟹，仲要鬼鬼鼠鼠咁，細細隻寫喺傳單最底，D蟹又唔熱，微温，膏唔油唔香，垃圾，最最最諷刺係未食野就已經埋單，又話$328，吊起佢老媽子，要原價加一，原價$520，即係加一$52，仲要茶位$18，即係埋單$398，個原價你話幾多都得啦，咁不如話免費任食，只收加一服務費，原價$3980，加一就係$398。嗰碟什麼大廚炒飯，仲衰過大X樂嗰D$35福建炒飯，叫個廚師去學多十年八年廚先出嚟撈啦，影衰晒大廚兩個字。頂級鮮蟹肉燕窩羹，如果你喺隻碗度畫隻燕子吐口水，我都當你有燕窩吖，我舐埋個碗底都唔見有燕窩，我D口水應該多過你D燕窩，改做 雪藏碎蟹肉生粉羹可能好D。…查看更多

100分鐘實在時間不夠，今次中午時間去，唔洗點等位，入座後就開始一直不斷燒，不斷食，不斷燒，不斷食😩😩😩，連傾計都無時間，既然都100分鐘，點解唔直接120分鐘，真係好趕。環境尚可，如果坐位再闊少少就更好，現在限制坐位數量就可以話隔離無人坐，如果正常情況就真係會幾窄，燈光有D陰暗，光少少洗最好，場地整體乾淨整齊，有提供消毒搓手液，但就是缺少了供應濕紙巾😌😌😌。職員服務很好，由門口帶位，出菜，收盤的服務員都很有禮貌，會主動更換燒烤網，食物方面就正常，上次食過Lv3，今次選擇了Lv2，因為兩者其實分別真係不大，Lv2沒有要求可言，就是能吃得飽😂😂😂不是最差，也不是最好，就是“““肉的溶雪時間可能要留意一下”””太冰的情況下出菜，立即放上網燒，是不能燒到D肉好食，如果$283同一個價錢，其實有其他燒肉放題可以選擇，同一條街都有，服務是好的，希望在食物上有所改善。…查看更多

吉列豬扒太瘦，無彈性，也切得太薄，完全影響口感，而且因為太瘦，冇油脂香味。炸雞太大嚿，外皮炸得不夠脆， 吉列炸蝦麵粉太厚，麵包糠太多，基本上是食唔到隻蝦，連蝦味都無。白飯完全無米飯香味，麵豉湯尚算可以，全餐飯最好食係用來墊底的椰菜絲，但都切得太粗，而且好碎，最可借就係，無好像其他食日本吉列料理的餐館一樣，可以無限添加椰菜絲和白飯，服務還算可以，但員工手腳太慢，現在疫情期間，食客不多都“招呼唔到”，疫情過後會怎樣？…查看更多

之前$99元加一$109的還可以接受，10月1開始變加一後$142，但食D好普通既牛肉，又硬，而且一加就$30，真心貴，而且大家香港人應該一齊加油既時候來加價，真係唔明咩玩法…查看更多