自認食家的个人专页

訂了12人貴賓房，問阿姐點解點唔到歌，佢話要掃碼。我地話掃左，佢話咁唔知喎！起菜又成日唔同位，唱左兩首歌居然叫我朋友細聲啲（真心唔大聲，仲唱得幾好聽），好無奈。問佢罐可樂係枝裝定罐裝，就串77咁答「一罐倒一杯囉，個罐仲喺出面，駛唔駛拎入黎俾你睇？！」換碟就將隻碟放喺個客部電話上面！食物方面，頭盤係帶子，帶子好薄身，仲要「拿」過，一放入口就俾陣味嚇親。個鹵水拼盤唔入味，表面有一層「死咸味」，但裡面冇味。嗰炸蠔入面勁韌，外面唔鬆唔脆，漿糊咁既炸粉。個龍蝦錯晒！出面有陣咸味，入面就炸到乜野鮮味都冇晒，失敗至極！一致認為最好食係前菜咸酸菜。唔識煮就唔好煮，要煮就要對得住啲食物囉。…查看更多

訂了12人貴賓房，一開頭問阿姐點解點唔到歌，佢話掃碼。我地話掃左，佢話咁唔知喎。起菜又成日唔同位。唱左兩首佢居然叫我朋友細聲啲，好無奈。問佢罐可樂係枝裝定罐裝，就串77 咁答「一罐倒一杯囉，個罐仲係出邊，使唔使拎入黎比你睇」。換碟就將隻新碟放係客人部手機上面。食物方面，頭盤係帶子，帶子好薄身，仲要「拿」過，一入口就嚇親。個鹵水拼盤要入味既唔入味，有味嗰啲都係得出面死咸，裡面冇味。個炸蠔入面勁韌，外面唔鬆唔脆，漿糊咁既炸粉。個龍蝦又係錯晒味，出面有陣咸，入面炸到冇晒鮮味，失敗中既失敗。一致認為最好食係個前菜咸酸菜！…查看更多

8:10左右去到等位，見到條人龍大概有10個人都知要等。等到9:05入去坐低，佢話魚生飯要等15分鐘，我話冇問題。但坐到9:40都未有，問佢佢就話切緊魚。9:45終於尼左個海膽飯。9:55分再問其他魚生飯點解仲未到，佢話有啲材料要開....等到10點終於有得食。魚生算正常，飯就一般啦（還可以）......我成日都覺得魚生著重材料，但飯就係材料質素加技術。呢個飯對我尼講有少少失望，因為唔夠粘、又少少乾硬既感覺。…查看更多

見咁多人排隊, 即管試下. 叫左5樣野食:1. 四喜烤夫 - 嘩, 簡直經典, 色水已經唔夠, 有啲仲有半隻手掌咁大, 我要自己用筷子將佢撕開成10多舊放得入口既size. 一入口, 再嘩多一聲, 呢啲係烤夫?! 似係濕左糖水既毛巾多啲...仲要唔入味....我當時即刻諗起杭州酒家既味道, 跟住覺得好傻, 呢碟野點可以同人地比, 好似侮辱左人地!....食左兩舊都費事食, 叫個waiter攞走左. 阻住啲位!2. 鱔糊兩面黃 - 鱔糊都仲可以入得口, 係唔夠香啫. 嗰碟兩面黃, 見到個樣都嚇死, 係用左美白o既兩塊白雪雪既面. 點兩面黃呀??!....放入口, 一如所料, 唔好話要香脆可口, 係直頭好似半脆唔軟, 想炸又炸唔起, 但又明明睇得出放過落油鑊俾油浸過下既面一樣....Sorry, 又係食唔落.3. 水煮魚 - 個樣點解會咁架?! 我大大話話係國內香港都食過幾十次, 乜原來水煮魚可以咁煮...有啲杰杰地既汁液浸住架咩?! 好似平時我地炒餸落多少少水, 打個茨咁. 我當你叫上海婆婆, 淨係識煮上海野, 唔識煮水煮魚. 係我衰, 唔識叫. 但做食肆切記: 唔識就咪煮, 唔好放喺餐牌! 但都講番句好話, 啲魚都總算幾滑.4. 京怱手切牛肉包 - 呢樣算係幾似樣, 我俾60分. 兩面都煎得幾香口, 但牛肉就少得可憐.5. 咸肉津白 - 呢樣係最好, 但咸肉太大塊, 可以切細塊啲, 因為啲肉都幾咸, 應該要夾埋啲菜一齊入口中和番, 但啲肉切到大大塊, 又得4塊, 菜就有幾十棵....究竟佢係諗住我地要自己撕開 (Consistent with 烤夫), 定係想我地大大塊放入口, 覺得咸就放番幾棵菜入口呢, 莫明其妙!!…查看更多