sisley47的个人专页

小女5歲生日，一家人食餐好慶祝下。睇過之前D食評幾好，所以試下佢過brunch.去到先知由semi buffet轉咗做buffet, 食物選擇不多，生豪同青囗要等超耐，幸好質素都ok.裝修都唔錯，風景幾好，可惜个窗超污糟，大殺風景.最後比錢先知有買3送1，但平均都要4百蚊1個人.總結: 呢个價錢有大把選擇，可以一試但不會回頭.p.s. D厨師有D好young, 煮野無乜心機. 另外其中有个厨師負責切燒牛肉，切得超hea，整crepe又整到一pat pat, 个總厨鬧到無野氣.…查看更多

睇完東張西望, 見佢講到咁正, 即刻去試。我book咗七点, 當晚都幾爆場, 一入坐就自動上碟生蝦刺身&黄奄蟹, 其它寫紙入單, 食物新鮮, 但任食種類少, 食兩轉已試晒所有野.任食2小時, 蒸蟹最少12分鐘, 每次每人一隻, 食完先可再叫, 所以食得好趕, 唔係慢慢慢嘆果隻.我當晚食咗三轉蟹, 兩三轉牛/豚, 些少餃/丸&菜, 最後食粥. 個人認為D蟹唔係隻隻都靚, 肉就ok, D餃/丸就可以skip...本來我對碗粥十分期待, 但原來我地蒸得蟹多, 成煲粥只有蟹味, 無我想像果種鮮甜.服務就好一般, 未算唔理你, 但講野無尾音, 問多兩句都黑面果隻.簡單總結為“可一不可再”.…查看更多