renee828的个人专页

與兩位朋友共三人吃晚飯。 訂位後，餐廳會whatsapp menu 比你，有些海鮮要預訂。 但訊息太長，無理。 感覺上，餐廳老闆們不是飲食業出身，所以問了很多無關問題。 希望可以改善啦❤️❤️❤️當晚weekend 沒有太多人。 食物質量ok， 只是偏重味。 眼見大部分人也是點海鮮煱，如你有時間，最好之前預留食物。 推薦海鮮煱，有鮑魚、蜆、龍蝦。 之後可以火煱， 款式ok 多。 最後可以送雪糕。 我哋大約每人 $ 400 吃得飽，會再幫襯😃 …查看更多

這已是第二次的光顧，第一次是它剛開張。再光顧原因有三：1）地點方便，就在佐敦地鐵站旁；2）價錢ok, 我們點了普通set,又沒有時間限制。 每人只是300多元；3）湯底款式多，嘢食多，最喜歡他有羽衣甘藍，雞好味，有不同款丸；蝦非常新鮮我們只是兩人去吃，每款試一次，未吃完，已吃得飽飽。我們選了藥饍雞煲。 這是一間高質任吃火鍋店。必吃： 鹹蛋魚皮（送的）山楂茶；雞件；羽衣甘藍；丸；蝦；如果可以轉C類，可以坐到12點就更好了。 …查看更多

越做越差初開張時，見係小店。 一定要試下，在砲台山，難得有小店打邊爐。 我幫襯超過10次，但越做越差。 1 待應好似第一次出來工作咁，乜都唔知。 叫攞多隻碗，叫了三次。 上菜慢又常失單！2 食物越來越細碟，50元餃子，得5粒。3 碗碟不乾淨，果個用來放蝦滑嘅竹筒超污糟，不如改用普通器皿啦！ 懶特別但又保持唔到。其實唔係放兩隻青蛙🐸，唔睇CCTVB, 睇RTHK, 叫黃色經濟圈，人家就會支持你！ 自己都要比心機㗎🤬總之就係失望啦！ …查看更多

一家每次老遠由港島渣車來吃，貪可坐外面，小巷很乾淨，附近可泊車。 晚上非常熱鬧，見好多人等位。新江記係住大埔朋友介紹的，以客家菜為主，我也是客家人，反而個客家豆腐就無乜客家風味，可能係食材問題。 他們就是一間像做街坊生意的小飯店。今次來睇到有個在電視講飲講吃男人，但就講唔出佢叫咩名。 每次必吃： 豬油撈飯，蘿白糕、蒸魚同雞。我地通常一家6大口，有魚有菜有雞，吃到飽都係唔使一千元，呢個質素算扺吃。 希望呢類唔收加一，無收茶錢嘅小店經營下去啦！…查看更多

支持小店是我的堅持，這間味多多是位於城市花園附近。 我是街坊，終有機會來吃晚餐。 簡單點了三個套餐，有田園腰果牛柳粒、西蘭花炒帶子蝦仁和奇味雞煲，才$250。 份量如圖，比同區餐廳大碟。有鑊氣！ 當然不是頂級食材，始終一分錢 一分貨，味道尚可，也好過很多連鎖餐廳。砵仔焗魚腸售罄，下次要來試下。 看到有奇味雞煲+火鍋，逢周一至周四，每位$128。 未試過，有這個區已沒有咁抵吃餐廳。員工有禮，也很友善，抵讚！ 地方寬闊、有很多卡位，而且卡位不窄，足夠四個成人坐，舒服！…查看更多

食物唔新鮮，叫了鴨血鍋，太甜。 肉類不太新鮮，而且只可叫一份，出面其他舖頭都可以無限叫。 種類少，食物質素不佳，百零元一位。豆腐係「叔」的，唯一可取是服務生姐姐很和善，不過無下次。…查看更多

新年到九龍城搵食，找來一間普通茶記，叫澳門樂記茶餐廳。晚上6點多其他食店水靜河飛，它卻差不多滿座。看到每枱以吃小菜為主，種類很多，價錢都ok。叫了魚腸煲仔飯，豉汁蒸白鱔，油菜。焗魚腸就吃得多，魚腸煲仔飯就真係第一次吃，份量足又唔鯹，超好美，一定要再來吃。再來蒸白鱔，很肥美，很有豆豉香，也很大碟。原本沒有太大期望，抱著一是無妨的心態，估唔到咁有驚喜。特別係夥計相當有人情味，有笑容，不像其他連鎖茶餐廳未吃飽已想把你趕走。雖然環境普通，沒有華麗裝修，但卻很喜歡但類充滿香港情懷的平實隱世茶餐廳。 …查看更多

開Tesla有85%，好有驚喜。 另有兩小時免費泊車。坐位有點迫，有點吵，有點像放題場，一點不像酒店氣氛。 食物選擇不多，青口不新鮮，湯有點涷。 但沙律吧不錯。5百多元一位brunch ，吃放題好過。 …查看更多

食物質素可以， 但份量少， 選擇不多。 當日叫了沙律，飯。 等待食物時間也合適。 但晚上9點多就要關門，我們一班朋友晚上吃飯，吃完想坐多一會傾下計也不能，要轉場，頗掃慶。有點失望。…查看更多