mibbykay的个人专页

前排疫情未咁嚴重既時候，同朋友去食左餐好既！呢間都bookmark左好耐，終於有機會去食😆我地叫左個二人餐$1830(當時有88折)，雖然好似好貴咁，但啲野食又真係幾好好高質喎！首先有啲前菜沙律同啲一碟碟小吃，之後就黎我最期待既海膽生牛肉😍塊生牛肉都幾厚切，卷住一堆海膽，海膽好新鮮好鮮甜，整個配搭都好正，而且成件比我想像中更加大舊，好巨型下！之後就係火炙生牛肉，夾埋啲葱同洋蔥再點埋啲汁，都幾正，加上火炙過，逼左啲油份出黎，好好味！主菜就係特選和牛5部位燒肉拼盤，店員會介紹食既先後次序，我最深刻係和牛小排，話就話比較瘦，但其實都好重油脂，食落好滿足🤤不過佢每部位都油份好重，會比較膩。最後就係和牛尾湯麵，個牛尾湯未食已經知好正，因為超香超濃烈牛羶味。麵好滑好彈牙，入面啲牛塊份量都好多下，所以超飽呀！最最後係甜品，個甜品真係嚇親我咁大碗(一人一碗)，我食唔晒真係太飽啦🙈…查看更多

轉左工，離開左中環之後，好耐無返黎呢邊食晚餐。呢日放工約左舊同事食飯，就搵左呢間餐廳。兩個人食左$500幾蚊，都唔算好貴👍🏻溫泉蛋豚肉生姜燒飯($95)一上枱見到有點驚訝，比我想像中大碗好多！豚肉份量好多，洋蔥煮到淋哂好甜，葱超多。味道幾好，唔會太過濃味，汁夠送飯，不過唔夠薑味，薑味重啲就好😛原條鰻魚飯($210)同事鍾意食鰻魚，呢碗超岩佢！原條鰻魚剪開分成6大塊，每塊都又大又厚，仲燒得好香好惹味。我食左佢一塊，肉都幾棉，有少許幼骨🤔餐廳仲有刺身、壽司、串燒，我地揀左啲串燒Share一齊食，佢每款都有兩串✌🏻雞皮($58)食親串燒都必叫雞皮，燒到脆卜卜，好正😋雞翼4隻($78)燒到雞皮脆脆地，肉又仲有汁，切開哂，唔怕食得狼狽。軟骨雞棒($80)呢個正！一份有兩條，不過都算幾貴，平均一條$40🤔不過十分推介！點生蛋黃，加上每一啖都有軟骨，好有口感，好食👍🏻枱上面供應既係玄米茶🍵…查看更多

[ 新開壽司店 | 午餐$300就有啦🍣]呢餐已經係12月食架啦🙈打緊呢個post既時候，諗諗吓好耐無食過正既壽司，就叫男朋友聽晚同我去食😛佢好有效率即刻就book左枱啦✌🏻⋆ ⋆ ⋆ ⋆ ⋆🔹季節會席($380)⭐️6/10🔹壽司10貫($300)⭐️5.5/10季節會席好似感覺抵食啲，除左壽司之外，仲有其他熟食🍱壽司唔小得拖羅同海膽，仲有天婦羅同燒魚我覺得都唔錯👍🏻燒魚幾滑，天婦羅又幾正，炸皮好薄又好脆🍤我鍾意😆另外叫左壽司10貫，魚生感覺有啲乾身，食落有少少腥，尤其海膽😞同之前睇人地啲lunch相睇落好正咁，不過Omakase好睇彩數🙈拖羅蓉軍艦色澤有啲暗啞，不過食落去ok👌🏻-▫️餐前有個茶碗蒸，好味好滑😍👍🏻餐後就係抹茶雪糕做結尾🍵-🔺店入面裝修好靚，好光猛，好岩影相😆…查看更多

晚餐時間行過太子，見到呢間店好多人坐滿哂。我地兩個人剛好搭枱有位，近門口位置，唔太好坐，不過快餐無所謂啦😆我地一人一碗餃子，大概$34左右。我貪心啲，揀左雙拼，好抵呀！只係需要+$2就可以揀雙拼。男朋友揀椰菜鮮肉餃，餃子算大隻，菜比肉多岩我心水👍🏻椰菜偏生，非常爽口，都唔錯。我自己就揀左芫茜鮮肉mix香菇鮮肉。重點佢地湯底係椰子海帶雞湯，一擺底已經聞到個湯好香，飲落好清甜好好飲！我食到最後係飲哂碗湯😋芫茜餃啲芫茜係超級足料，好正啊！我係芫茜控，完全係好滿足我。香菇鮮肉反而我自己無咁鍾意，冬菇味太搶🤣另外點左個涼拌雲耳，仲有菊花茶。推薦個菊花茶，好香又唔會甜，好有媽媽煲既味道👍🏻臨尾店員突然話新出左南瓜餃話送隻比我試下，一試我好鍾意，有啲後悔早知揀一碗南瓜😩甜甜地，我覺得係咁多款之中最好食，不過餐牌無，唔知幾錢？…查看更多

沙田新城市一向好多連鎖餐廳，但呢間拉麵店聽講係過江龍又唔係連鎖，即刻覺得非常吸引！而且新開張新裝修，望落好光猛，空間大坐位多。餐牌好簡單，拉麵沾麵小食都有，款式拉麵店黎講算好多選擇。連啲餐具都好靚呀我同男朋友都放工勁肚餓，所以等唔切，要叫兩個小食食住先燒餃子($45)煎得好靚，食落係脆卜卜架，內餡就係普通平時食開個啲餡。揚出汁豆腐($50)呢個好好味，裡面豆腐勁滑，配合埋醬汁有啲薑味，好醒胃！生薑醬油拉麵($95)呢款我見最多人食，生薑醬油湯，我都係第一次試呢個配搭。雖然唔太食得出有生薑味，但雞湯飲落去係唔錯的。有兩片雞肉，算係好嫩滑。麵條偏淋身。有條切得好有心思既筍，食落好爽脆，最鍾意食拉麵既筍😍仲有隻溏心蛋都係必食呀！好正，勁溏心！+$15好似有啲貴，但都值呀！淺蜊潮拉麵($120)男朋友叫呢個，我都偷飲左啖湯，都係雞湯但好似鮮味啲，而我個碗感覺濃味啲。蜆既份量都幾多，都唔細隻。食到最後，男朋友直頭飲哂啲湯，佢個碗湯底的確係正好多！菠蘿梳打($35)我地一齊SHARE一杯飲野，估唔到又幾好飲喎！仲有果肉添呀…查看更多

Lunchtime同男朋友一齊食，fashion walk個頭多餐廳。之前食過呢間串燒店唔錯，諗住食返，原來中午有lunch set。我揀左牛肉壽喜燒咖哩烏冬，男朋友就揀左散叫既紅赤啤酒燘牛脷加白飯我份咖哩烏冬比我想像中大碗好多，咖哩湯好濃，烏冬應該係讚岐烏冬，比較粗身而且好彈牙。牛肉都好多，入哂咖哩味，好食！男朋友個燘牛脷超正！平時食開紅酒煮，呢個係啤酒煮，難怪覺得食落係同平時既味好唔同，好特別好食呀👍🏻燘到牛脷好淋，好厚好大舊都好淋，無牙都食到呀~佢仲配埋薯蓉，啲薯蓉壓到超滑好幼細好棉，好正好好撈飯😜我跟餐叫左杯Latte，估唔到日本餐廳既咖啡又幾好飲喎，仲有拉花添呀男朋友就飲啤酒，叫Seika，我飲左啖甜甜地有啲果香。整體成餐都幾高質…查看更多

[ 半自助餐 | $98食生蠔😋]前排因為開舖超忙，好多野都零概念乜都唔識🧠所有野都要自己一手一腳搞，男朋友又佛系乜都唔理🙏🏻我表弟幫我好多好多，所以正式開業前，請佢食餐飯🍴食飯前我仲處理緊舖頭野，所以都係揀返葵芳既餐廳💁🏻‍♀️⋆ ⋆ ⋆ ⋆ ⋆🔹法式香草烤羊鞍扒($248)⭐️7/10🔹澳洲穀飼肉眼x鵝肝($318)我食羊，佢食肉眼🥩睇見餐牌話+$98有生蠔(每客4隻)，見好抵，所以即刻加左。質素OK，係海水味偏重，鹹左啲🤔羊鞍扒有四件，我要七成熟，有兩件熟左少少，但都可接受，要改善🤣味道同肉質都唔錯，配埋薄荷啫喱岩哂👍🏻表弟食澳洲150穀飼肉眼扒拼香煎鵝肝，我切左佢少少鵝肝食，又真係幾香👅見佢塊扒都好大份量下，佢飲左兩杯酒先食哂😂-▫️前菜、沙律、甜品都可以係出面自助形式任食🍰跟餐會配一杯餐前果汁同一杯餐後飲品🍹…查看更多

[ 長沙灣隱世拉麵店🍜]就係呢日，放工食完個拉麵之後，返屋企途中跌左落樓梯😢隻腳痛到依家都仲痛緊🤦🏻‍♀️講返碗麵，男朋友好鍾意食拉麵，但我地好耐都無食過啦！⋆ ⋆ ⋆ ⋆ ⋆🔹豚醬油叉燒拉麵($102)⭐️7.5/10好多塊叉燒搭住碗邊，都成7-8塊🐷叉燒雖然薄薄地，但都幾大片，塊肉仲好嫩👍🏻湯底偏濃味，都OK！啲筍爽脆無渣，隻溏心蛋熟度岩岩好，個黃正呀🤤麵線粗身，我自己就嫌佢煮得淋左啲，我鍾意硬啲🍜-🔹匠豚骨濃湯沾麵($123)⭐️7/10男朋友叫左沾麵，配料排哂出黎幾有睇頭😆有兩塊叉燒、筍、溏心蛋，叉燒有兩款，一塊係燒叉燒同一塊係嫩叉燒🐽我試左一啖，麵條好掛湯，湯以沾麵黎講都唔算濃，不過味道幾好~-🔹羽根餃子($58)⭐️6/10$58係8粒餃子，煎得幾脆口，內餡係菜肉🥟-🔺呢間餐廳都幾full，臨收工都坐滿😮…查看更多

呢間餐廳之前已經食過兩次，雖然對我黎講都幾遙遠，但係覺得好食既小店，可以重複幫襯😚-🔹鐵板金菇肥牛($44)呢份係男朋友既，本身仲諗住咁普通🐮點知味道好好喎！調味好好，用黎送飯好正，肥牛燒得岩岩好唔會太過韌👍🏻卷住金菇爽口，仲碌碌都大大碌，口感超好🤤🔹山賊豚肉燒($52)平時都食得豚肉生薑燒多，配山賊都係第一次食😳醬汁就同平時差不多，係少左薑味，但燒得又幾好，唔會太多汁太濕👍🏻山賊以為會好韌，點知熟度剛剛好好彈牙，同豚肉好夾😋個味道好岩送飯👅▫️全部日本料理類別可以+$20轉定食🍚定食有味噌湯、珍珠飯、茶，我自己個碗飯就再+$10轉貓飯🐱鍾意啲飯素+牛油撈飯😝-🔹串燒($18)見串燒都唔貴，叫左三串(豚肉/雞肉/和牛)🍢我地揀左汁燒，串燒都好驚喜！我發現佢地掌握肉類既熟度做得好好，尤其豚肉！爽口😋…查看更多

雖然生日過左好耐，但仲有朋友同我慶祝生日😚呢間立食見好多人，就去試下，睇落裝修同日本個度既立食店差唔多。-自選10件($138)我揀左火炙三文魚腩壽司、真鯛壽司、深海池魚、火炙金線鯛、火炙左口魚邊、赤蝦壽司辣味呑拿魚軍艦、牛油果沙律軍艦🍣火炙左口魚邊我叫左兩件，本身鍾意食，燒完個份油味好正🤤我自己比較鍾情火炙類，金線鯛就還好，另外叫左火炙三文魚腩，腩位油脂勁啲，食落好軟熟👍🏻最估唔到係辣味呑拿魚軍艦同牛油果沙律軍艦又幾好味喎！雖然有啲辣，但調味好😋牛油果熟度又岩岩好，好creamy !!-我地另外散嗌左幾款海膽手卷，海膽好鮮甜，份量都好多，店員話有半板😮紫菜好脆，咬落好脆口👍🏻大拖羅紫菜，配左啲粗粒海鹽，仲有片紫蘇葉，夾埋哂又出奇地夾，尤其海鹽更加突出拖羅既鮮😋赤貝刺身呢個ok啦，幾爽口和牛蒜片壽司🍣呢個好正！一定要試！和牛啲油出哂黎-🔺但立食真係會有啲攰😂…查看更多

其實bookmark左呢間餐廳好耐，因為見過佢地Lunch既壽司盛太吸引！但係一直都抽唔到時間中午過去，最後把心一橫，直頭夜晚去食一餐好既😋-一坐低已經好鍾意佢地張餐紙墊同茶杯，好靚呀！-楓 Momiji ($850)前菜、刺身、燒物、壽司、湯、甜品-前菜: 熊本蕃茄配和風汁🍅我好鍾意呀，個汁酸酸的，十分開胃，仲更突出蕃茄既鮮甜👍🏻刺身: 拼盤內有薄切鱆魚，白魚配酸汁簡直係絕配！仲有海膽赤身，師傅建議一啖食哂，海膽味道濃郁超級甜，真係好正😋燒物: 燒太刀魚，原本我一向對熟魚有點抗拒，但呢份魚又好滑，燒得幾香。壽司: 總共有六款首先係牡丹蝦，一如既往厚肉，好鮮！然後係我喜歡既赤貝❤️師傅將赤貝壽司握係手心上，用力一拍，再放上碟上，然後就會見到赤貝郁動彭脹😮師傅話新鮮既赤貝先會有呢個現象。炙燒左口魚邊，燒過既左口魚邊，個份油味實在無可挑剔👍🏻下一款係秋刀魚，係季節限定。男朋友至愛，可惜唔係同佢食🤣秋刀必配薑茸同葱，癖一癖秋刀濃濃既魚味。呢個時候既秋刀肥美啲，食落軟熟啲👍🏻熟成拖羅，同平時既拖羅食落感覺唔同。無咁油膩，咬落肉質實啲，一種新口感😳最後係最正既紫菜海膽，我發現呢度既海膽都幾高質！勁鮮甜，完全唔會有腥味，好正呀！湯: 會先上酒，再上湯係蜆湯呀，啲蜆仔好細粒，好可愛😍甜品: 香印+蜜瓜🍈-重點一提: 餐廳自家醃製既柚子蘿蔔非常好食！我添食好多好多次🙈-餐廳洗手間設備齊全，仲非常衛生💁🏻‍♀️…查看更多

去食別天神既時候，先發現門口位置有個小連儂牆😳貼左好多memo叫香港人加油啊！❤️-同男朋友一樣都係叫豬骨湯，先來一客小小的小龍蝦蟹子沙律，我非常喜歡呀！估唔到小龍蝦份量好多🦞拉麵到~拉麵係幼麵偏淋身，而且麵底好多，我食唔哂🙊大兩大片叉燒，叉燒肥瘦適中，但厚薄不一。最吸引我係溏心蛋，醃得好好味，而熟度正正就係我最喜歡既熟度，蛋黃半熟得好正👍🏻另外湯底好足料，因為掛住影相，吹涼左一陣，湯面頭凝固左一層膠😮我地叫左個煎餃子share，係比較細隻既菜肉餃子🥟…查看更多

[ 下午茶必食 | 邪惡菠蘿油🍍]最近好努力搵個合眼緣既小茶几，原來搵一件岩心水既傢私係咁難架🙈好在近近地荃灣都好多傢私店又有IKEA，仲有勁方便既影印島，仲有好多野食😋⋆ ⋆ ⋆ ⋆ ⋆🔹炒滑蛋菠蘿油($33)⭐️8.5/10好耐無食過菠蘿油，呢個仲要夾住炒滑蛋😻唔知係因為好耐無食過定點，覺得超級好食！個菠蘿皮超級脆👍🏻個皮好脆，炒蛋又好滑，加上超邪惡既厚切牛油，口感好豐富🤤-🔹堅素肉醬煎蛋飯($52)⭐️7/10點解茶餐廳冰室既擺盤都咁有心思，因為隻煎蛋太吸引我🍳個肉醬係用素肉，但個調味係同平時食開既窩蛋肉醬飯係一樣味😳完全係好岩撈飯食🍚-▫️叫左個奶茶凍($28)，係樽仔奶茶升級版🤣係絲襪奶茶+奶凍，估唔到又幾夾喎☕️…查看更多

[ 與別不同的創意Omakase🍣]同好耐無見既朋友一齊去左食Omakase，平時食Omakase都至少食兩小時以上，但我地今次食左4個鐘😂太多野講，一見面傾到走，連師傅都忍唔住問我地係咪好耐無見🙈⋆ ⋆ ⋆ ⋆ ⋆🔹Omakase($980)⭐️8/10➷ 前菜 / 刺身 / 湯 / 和食 / 壽司 / 甜品. . .▫️前菜: 煙薰蛋鴨胸，用雀巢做容器好靚好有心思🐣味道唔錯，鴨胸吸哂煙薰味，好香~▫️刺身: 有牛油果他他刺身、刺身拼盤。牛油果他他刺身芥末味比較搶，入面載住三文魚呑拿魚粒🥑刺身拼盤上既醬油原來係用蠔黎調製😮▫️湯: 係羊肉湯，帶有少少羶味，仲有木魚香好好飲呀👍🏻佢煲湯個容器，竟然上星期係Do姐有問題度出現體🤣▫️和食: 有炸蝦膠丸、報紙紙🐔一定要講呢個報紙雞，我第一下見到都猶豫左下究竟食唔食得🤨整得勁似報紙，食落都幾似紙📰其實食真啲好似好大塊橙色個隻炸蝦片👍🏻▫️壽司: 有5款壽司，全部都好有創意，完全係一種新體驗😳荳子牡丹蝦壽司、生菜包三文魚腩壽司、蟹膏蟹肉壽司、低溫鵝肝壽司窩巴、辣呑拿魚卷🍣我自己最鍾意係生菜包，生菜好棉好軟好清新，配埋油份較重既三文魚腩，好夾🥬另外低溫鵝肝壽司構思都好新穎，因為鵝肝普遍都要配硬脆既多士先配合，所以師傅將壽司飯用硬既形態呈現👅▫️甜品: 係膠原蛋白✗香蕉蓉🍌呢個勁勁勁好味！我差啲lam埋隻杯🤤啲香蕉蓉好好味，師傅先話原來係佢屋企自己種既香蕉黎，好勁😱-🔺Welcome drink係蘋果汁清酒，好好飲！🍎…查看更多

我好鍾意食海南雞飯，但男朋友係完全唔食。所以天天係香港開左咁耐，我一直都無機會去試😭直到依家有新分店，我先哄到男朋友陪我去食，我諗最大原因，係因為天天同其他米芝連餐廳合作，有海南雞以外既菜式選擇。-🔹天天海南雞($158/例牌)⭐️9/10一上枱已經流口水，佢面頭淋左啲醬汁勁吸引🤤佢啲雞全部都無多餘肥膏，所以啲雞皮食左都唔會罪惡，岩哂我雞皮控🐔雖然啲雞唔肥，但又唔會瘦到好鞋，反而係勁滑，肉質非常嫩👅連平時勁抗拒海南雞既男朋友都讚口不絕，食唔停口😆▫️因為飯係要另外叫，石鍋雞飯($48)都幾大桶🍚本身諗住會食唔哂，但啲雞太正極速清哂😋-🔹香茜蟶王($128)⭐️8/10前菜黎講，係超合我口味！酸酸地既汁，再加最愛既芫茜，真係正到☘️蟶子岩岩好，好彈牙，一啲都唔韌，真係幾分鐘就食哂🤤-🔹海膽豆腐($148)⭐️7.5/10用鍋上，仲有個小爐仔keep住熱住佢🔥海膽汁濃到係呈深橙色，仲有一堆未溶既海膽。雖然個人覺得熱左既海膽味會無咁出，但豆腐好正！裡面勁滑，又係餸飯一流呀👍🏻-▫️我叫左百香茉莉($38)，但飲左男朋友個南陽咖啡($28)就覺得好好飲☕️有浸烤香，想逼佢同我交換🙊▫️店內裝潢好摩登…查看更多