wenyau的个人专页

又黎到Yoho搵野食 最近就試左呢間日式Fushion菜裝修都幾有格調 而且食物方面有好多選擇！🍝 焗芝士卡邦尼意粉 $128唔想左諗右諗食咩好又想豐富啲可以試個Dinner Set最平$128就食到 每份都包左麵豉湯、沙律、茶碗蒸同埋生果🍓卡邦尼加左焗芝士令忌廉汁變得更加濃郁香口野飲叫左凍朱古力🍫好搞笑係用Hoegaarden杯 上面勁多cream🍝 手撕牛小排蘑菇燉飯 $148另外亦單點左個risotto飯的質感比起平時食開的較軟身奶油味好重好creamy 熱辣辣食好正🙌🏻🍨 四川花椒熱情果芒果新地 跟餐加 $38呢度好多甜品都好吸引 我地就揀左款比較特別少見既主要都係偏甜 只係食到微微既辣味 但都幾過癮而且都幾大杯 加上冷氣夠凍夏天食真係透心涼…查看更多

呢間日式烏冬小店主打全自家製 不論係裝修定係食物同飲品既配搭都係花左好多心思🎌🥢燒魷魚烏冬 $95湯底方面有不同濃度選擇 底湯都係用左自家烹調既鰹魚昆布湯而呢個係用左一夜干魷魚同生薑熬製而成烏冬偏滑身都幾煙韌 跟店員建議先飲啖咖啡再飲湯 真係有放大到湯底的鮮味 係幾特別的體驗😛🥢 腐皮燒帆立貝烏冬 $110而干貝湯就會相對比較清甜 加埋有竹輪食落都幾似關東煮湯如果想食清淡啲呢個湯底就岩晒啲配菜都好足料 有超大塊腐皮同四大粒干貝😍🍋 Lemonade $50比起咖啡 我更鍾意佢地既自家製Lemondade用左新鮮的檸檬、檸檬皮同豆寇調製 果然檸檬味好香好清新😍🍮 雞蛋布丁 $35比起平時食既布丁 呢個既焦糖係偏苦澀 布丁個口感都係比較實淨 算係日本比較傳統的做法最後不得不讚既佢個前菜明太子沙律好好食！佢係整成方形一粒粒 好少見 加埋wasabi同沙律醬咬落脆卜卜😋…查看更多

呢間Outdark其實係公司已經食過幾次外賣炸雞今次係第一次堂食 環境同野食都好有身處於韓國既感覺！🍗 香蒜蜜糖炸雞 $178黎到果陣見到個份量真係呆左 完全無預計到咁大份仲要有齊薯條薯格薯角做配菜 兩個人 點食得晒？(°_°)炸雞味道同係韓國食既一模一樣 炸得好脆加埋啲蜜糖更加juicy 甜甜地適合啲唔食得辣既朋友仔食得太膩可以試下佢個韓式酸甜醃蘿蔔解下膩🍕海鮮煎餅 $118每次食韓國野都會叫個海鮮煎餅 呢個餅底煎得好香脆又唔會太厚 仲配左好多野菜 呢類煎餅餡料既調味通常都會偏淡 因為個精粹係要點埋個醋醬油食 咁個調味先會岩岩好😋🍤 炸蝦Kimbap $88本來係想試下個Egg Kimbap但原來晚市先有(T-T)呢個炸蝦其實就係我地平時食開既吉列炸蝦但咁岩有好幾個Kimbap比較鬆散 要小心啲夾🥤 Outdark Ade - Yuzu $34咁多鹹食唔太適合再飲太甜既飲品 所以我地都叫左呢個帶汽的柚子蜜！酸酸甜甜比較解渴 夠晒清涼🧊…查看更多

近年深水埗多左好多特色cafe小店如果你搵緊一間有主食、空間感大、打卡able又好食既信我 非呢間莫屬啦☕️🧇 炸雞煎蛋窩夫 $95第一次食鹹既窩夫 好有驚喜！隻蛋黃仲好吸晴老實講對於cafe既炸雞係完全無抱有期望但佢係炸得好香脆 出色過好多快餐店脆到你明知肥都唔捨得唔擺入口 舊肉仲要滑捋捋嘅😌個窩夫都係偏脆 同糖漿係絕配🍯好奇大家究竟可唔可以連炸雞同窩夫一齊食？因為我係失敗既🤣🧇 香煎帶子黑魚籽龍蝦汁闊條麵 $138其實我覺得cafe有主食真係好緊要 咁先食得飽🙊呢個組合又係不敗 全部配料都係我鍾意食既野❤️龍蝦汁好濃稠 影完相好快啲食 如果唔係啲意粉就會漿住闊條麵係比較挺身偏硬 帶子豐厚夠彈性！🧇 焙茶燕麥朱古力（熱）$45對於唔飲啡又唔好甜飲既我非常友好🍵首先佢個拉花已經好靚 呢個配搭係第一次見好特別焙茶味係相當較濃 但都係好溫和既澀味加上燕麥味其實杯野都唔會太甜 夠香醇 推薦推薦✨So far 全部試左既都幾滿意 而且環境闊落坐得好舒服下次回頭要試埋好多人介紹既Tiramisu😋…查看更多

呢間cafe其實都去左一段時間 無論環境定食物都幾高水準位置係隱世左少少 但咁先有旅行既感覺🖤記得去之前要先網上預約 因為佢地唔接受Walk-in嫁！🍝 墨西哥辣椒魷魚鬚蜆意大利粉 $148去cafe其實最怕啲野食係得個樣 味道唔得但呢度既意粉真係賣相靚之餘都好食！鍾意食辣既人一定要試下呢個 辣得好惹味魷魚鬚煎得好香有咬口 意粉偏乾身但唔會太油膩🍝 溫泉蛋肉醬意大利粉 $168其實我本身就好鍾意食肉醬意粉呢個肉醬份量好多好濃郁 每條意粉都食到好滿足切開個溫泉蛋有蛋漿流出 食落更加有層次感🍳🍝 煙三文魚配奶油芝士法式可麗餅 $138份量算係好足料 除左煙三文魚 仲有隻半熟蛋、芝士同椰菜絲食落個皮都幾淋 個人都係鍾意甜既可麗餅多過鹹既 所以真係好睇個人口味用餐時間有1.5小時 食完野就可以到室外繼續無限時打卡📸記得唔好錯過門口既古董傢俬showroom🕰…查看更多

呢間段純貞牛肉麵聽講係台灣新竹好出名最近係旺角開左新店 咁近我當然要去朝聖下啦✨牛肉麵湯底真係幾出色 應該會回頭再食🤙🏻🍜 三寶麵（手工麵）$92一上枱已經聞到有藥膳香 好似平時食麻辣鴨血果個味道原來個湯底係用左成23種中藥材同多種香料 加上牛骨慢火細燉超過8小時而成湯頭濃厚帶點微辣麻香 平衡到香料既辛辣味之餘又唔會太油膩 三寶麵係已經有齊腱心、牛肚、牛筋 肉質都好軟腍 膠質好豐富麵條就揀左手工麵 應該係我食過最粗既麵🤭個口感都幾似食緊刀削麵不過係再闊身啲！🍜 蒜香手撕雞乾拌麵（含花生）$78除左湯麵我地都揀左另一款乾拌麵試下聽左店員建議揀左細麵 比較索汁同份量都大啲咁呢個食落又係有少少微辣既 手撕雞好似未夠嫩滑🥲溏心蛋就幾好食 不過成個感覺就日式晒～另外佢跟餐既酸菜都幾好食 酸甜度掌握得幾好🥟 新鮮豚肉鍋貼（5件）$48呢個又係好有日式鍋貼既感覺 個外皮煎得好香脆 咬落去亦都有肉汁流出 幾有驚喜😋🍹太極厚奶 大杯 $36想講佢啲包裝好似泰式奶茶🤣本身唔太好珍珠 但佢啲珍珠都幾滑捋捋幾好食飲之前記得先搞勻 啲糖水全部去晒底 🍹 夏日水果茶 中杯 $25唔太鍾意飲甜野既我叫左半糖都係覺得偏甜飲落橙味好重 有果香同埋好fresh！…查看更多

自從無左晚市堂食之後 放假都要出去食個brunch今日就去左尖沙咀一間黑白格調既cafe 位置好方便店內座位唔算好多 岩晒想靜靜地嘆啡既你☕️☕️ 帶子·車厘茄·蒜片·墨汁意粉 $98食物方面唔算太多選擇 試左呢款意粉都幾好食🍝帶子煎香仲食到彈牙既感覺 墨汁好濃郁但唔會太鹹 意粉算係結實帶嚼勁既質地 每條都做到掛汁效果偏甜既車厘茄可以中和返膩既感覺🍅☕️ All Day Breakfast $98賣相不算特別精緻 配料包括法式多士、紐偏堡腸、煙肉漢堡扒、蕃茄、蘑菇炒蛋加牛油粟米味道就中規中矩啦 無咩驚喜☕️ 芝麻Latte $42係比較少見既味道 個人覺得奶味比芝麻味重 如果芝麻味可以濃啲就更好喇🥺…查看更多

之前食過馬祖台灣養生湯麵館 都試過佢地既一人火鍋原來佢地係旺角開左間任食台式火鍋 食物飲品都好高質❤️環境闊落 坐得舒適 仲要無限時 值得回頭再食呀😍✨🫕 【台灣養生涮涮鍋吃到飽套餐】 一共有4款套餐選擇 價錢由$238至$479不等所有前菜、炸物同超過60款火鍋配料同埋飲品都係無限追加！今次午市我地就試左$319呢款套餐 任食以下肉類👇🏻🥩Prime Grade安格斯牛頸脊🥩Prime Grade 美國安格斯牛肉🥩西班牙伊比利亞黑毛豬🥩西班牙無激素雞豬肉片比較推介既係牛頸脊 油脂分布平均 牛味比較濃郁🐮黑毛豬色澤粉嫩 肉質夠滑油潤甘香 好有驚喜！湯底就揀左台灣養生醉雞涮涮鍋同麻辣鴨血凍豆腐鍋湯底本身已經好足料 好似出面單點火鍋既質素麻辣鴨血鍋真係必點 個湯好香好濃郁 完全唔洗再點豉油鴨血盡收湯底精華好正 但本身鴨血唔算好多 記得再另外單點😋個人覺得長豆卜比凍豆腐更出色更吸湯🌶另外再講下值得一點既火鍋配料🍲手工丸類同墨魚滑都好好食 細細粒但係口感好鬆軟彈牙炸魚皮新鮮炸起好香脆 仲有足八吋長蟹棒😍飲品我會推介黑糖冬瓜檸檬茶 好有層次感 有啲似益力多味🤣最後再食埋Movenpick雪糕 好飽好滿足😝…查看更多

其實大角咀真係有好多美食 價錢親民又多選擇最近就去左麥金.麥金食左個好豐富既午餐🇲🇾Lunch set 都可以用優惠價加配飲品一杯同小食一份 好抵食！🧈 南洋鮮油燒麵包（半份）第一個就要先介紹呢個小食 必點之選‼️一上枱店員已經提左我地要食左呢個先麵包烘得十分鬆脆 夾住一層又凍又厚既鮮牛油仲要係半溶狀態 加埋個咖央醬 食落認真邪惡！🧈 怡保芽菜雞 黃薑飯 賣相都幾靚又大份 除左雞鎚其他部分都係無骨🙌🏻肉質唔算太滑 同埋味道都偏淡 建議大家點辣椒豉油食🧈 古仔路肉骨茶 珍珠飯 基本上每次食馬拉菜都會叫肉骨茶呢間肉骨茶藥材味道唔算太濃 好易入口有齊一字骨、豬手、雞腳、豬肚、腩肉、三層肉同豆卜都幾足料同雞一樣再加點辣椒豉油即刻更惹味！🧈 我知你啦薄餅個人覺得咖喱汁比辣汁更好食 不過醬汁就稀左少少🧈 美祿恐龍鋪滿大量美祿粉 夠晒甜😙🧈 桔仔話梅水呢個好清涼都幾好飲 甜酸度一流！…查看更多

🦐 海龍皇湯 $130藍蟹肉／海蝦尾／廣島蠔肉／墨魚滑／蝦頭油／皇湯／陽春麵其實就咁睇一碗中式湯麵要成$130都真係幾貴但睇返佢用既食材就知道一分錢一分貨 而且中西合璧都幾特別呢款湯底其實係先用左魚、蝦、蜆同龍蝦熬成 再淋上蝦頭油所以飲落個蝦味會比較突出 好鮮既感覺配料方面 蟹肉甜 蝦肉質好實 帶子半熟夠彈牙而陽春麵係比較幼身 吸湯能力就正正常常啦🐂 好頭好尾 $104川味和牛面頰肉／法式燴牛尾／牛骨湯／扁陽春麵比起海龍皇湯 我就比較鍾意呢個湯底牛骨湯加上牛尾濃汁好濃郁 真係飲完都唔會口渴啲牛燜得好軟腍 份量又多 好似食左好多骨膠原咁另外扁陽春面粗身啲 口感都更加好😋…查看更多

🐟 必食冷鍋酸菜魚 $208其實冷鍋魚意思就係已經煮好 唔洗再加熱食魚肉好嫩滑 食落都無咩骨 食得出好新鮮鍾意佢切得較厚身 啖啖肉食落先滿足架嘛☺️酸菜係用左自家醃製既老壇酸菜 湯底偏酸 而且幾重泡椒味配菜就有大豆芽、金菇、萵筍同埋水晶寬粉份量都有啲偏少 尤其係寬粉真係唔夠喉 大家記得再加一份🥺寬粉夾左好耐先成功影到相 因為滑到不停跣落黎😂食完仲可以加點其他火鍋配料 用埋酸菜魚湯既精華打邊爐🍲🐟 夫妻肺片 $65 就係牛展、牛脷加金錢肚 重口味人士必點🌶調味偏咸 建議大家好似我咁叫個白飯 餸飯食就岩岩好辣度唔算好辣 加埋啲花生青瓜幾開胃 😆🐟 炸墨魚餅 $58呢個就比較普通 外皮有啲硬唔係好脆 可能一時失手🥲…查看更多

🍜 炸豬扒豬紅小鍋米線 小辣 $49見比較多人介紹豬頸肉 其實佢地既炸豬扒都好好食架✨豬扒已經切好咁上 醃得好入味好軟腍 即炸即食好惹味另外豬紅都好滑 仲有配返芽菜、酸菜、韮菜、肉碎講返湯底 佢既小辣係比出面一般小辣更辣整體好香濃 酸辣之中都會有啲花椒麻香味米線既軟硬度適中 值得一試🥳…查看更多

講到深水埗懷舊冰室真係不得不提呢間雪山冰廳長期都有好多人排隊 因為大份又抵食🙌🏻 下晝食完呢餐 晚餐都可以慳返呀🤣🍗 蔥油煎雙蛋雞扒撈公仔麵 $42雖然成日覺得撈公仔麵自己都整到 但都係會忍唔住叫😂一上枱已經聞到啲蔥油好香 本身對雞扒無咩期望但都幾嫩公仔麵炒得夠乾身 份量都算多 所以要多啲汁先夠🍗 經典芝蛋牛肉漢堡 加海苔薯條 $46首先覺得佢既size非常友好 可以一手拎住黎食個包底係烘過 有牛油香 個蛋咬落去係流心架手打牛肉都幾juicy有口感 加埋半溶既芝士好正🍗 避風塘生炸髀 $40呢個都係佢地其中一個招牌 炸髀超大隻啲炸蒜真心多 好惹味 其實食落有啲似媽咪麵味雞皮炸到好脆 食落啲肉都係好滑 啖啖肉好有罪惡感😂🍗茶走紅豆冰 茶餐+$9第一次試都幾特別 因為未係其他茶記見過可能係因為加左煉奶所以飲落更甜不過個人都係鍾意最原始既紅豆冰！🍗 樽仔奶茶 茶餐+$9好香滑 鍾意佢唔太甜 同埋可以拎走慢慢…查看更多

今日介紹下係觀塘既親民小店 服務態度好好的💛感覺佢地係落左心思令到啲野食更加迎合港人口味🍳 熔岩蛋之戀 （拉絲芝士火腿蛋餅）$39蛋餅好似係佢地近期先出 好開心因為唔係間間台式料理都有🥳佢地有兩款蛋餅 另外有款芋泥肉鬆麻糬都好吸引蛋餅係即叫即整 真係有好多芝士🧀想講個千島醬真係精粹 仲加左啲乾蒜幾特別🍳 特盛辣椒大蔥牛肉便當（有櫻花蝦）$75呢度便當既選擇實在有太多 所以就揀左款咩都有啲試下😎特盛真係好足料好大份 男仔食都唔係好食得晒除左肥牛之外仲有好多配料 西蘭花、翠肉瓜、酸菜同台灣腸等等係個營養平均又飽肚既便當🍱🍳 蜜汁紫菜排骨（酥炸）$60初頭以為佢係蜜汁排骨 原來佢係炸排骨面頭再加左蜜糖排骨既外皮炸得好香脆 肉質都唔會太乾配紫菜係比較新奇既配搭 如果可以多返啲汁應該會更好味！🍳 台北夜市小食拼盤（台灣腸，花枝丸，鹽酥雞）$36台灣腸一般出面都切得好薄身 但呢個係好大舊 食落滿足好多😝花枝丸好飽滿 食落真係有一粒粒章魚 真材實料🐙唯獨是係鹽酥雞有幾粒太少肉 好似淨係食到炸粉既感覺🙈🍳 雙檸冬瓜茶 $17無錯 我又係飲冬瓜茶 加左檸檬更有層次🍋比起其他台式餐廳 我覺得佢地都幾有家常便飯既感覺因為試過其他餐廳都加左好多調味粉 但呢間完全唔會！…查看更多

最近試左佐敦呢間新開既魚生飯 門面裝修已經好有去左日本既感覺🎌魚生飯方面餐廳已經提供左多款系列同組合選擇就算揀唔岩都可以自己自選配料 包保食到自己心水逢星期一至四12:30-17:30堂食自選魚生飯既話仲有8折優惠🥳🍣 火炙鰈魚邊、帶子、北寄貝、蟹籽、玉子燒 $118本身我就比較好蝦蟹貝類 呢款就好岩我如果同我差唔多喜好既朋友仔 推薦叫火炙鰈魚邊系列🔥鰈魚邊經過炙燒之後逼晒啲油脂出黎 口感非常邪惡蟹籽份量有好多 +$15就可以追加埋定食 有沙律🥗 麵豉湯同前菜🍣 三文魚、油甘魚、帶子、北寄貝、赤蝦、蟹籽、玉子燒 $158想貪心試多幾款又大食既就可以試下呢款三文魚同油甘魚都係厚切 赤蝦亦都好大隻原本以為佢係刺身帶子 不過都幾大粒 玉子燒甜度適中 🍣 汁燒牛柳粒 $68係惹味既一口牛 上面仲有啲芝麻 幾好食不過如果可以再熱啲就好🥲除左堂食之外，佢地依家仲做緊壽司外賣優惠🥡壽司買滿$150-$20，滿$300-$70，滿$500-$150 咁抵食唔好錯過喇🙌🏻…查看更多