ChristyL83的个人专页

如果你問我推介米線，我可以話：雲川係我top one之選既米線！！ 係1000000分❣️1. 環境佢哋嘅店舖其實好大，不過入面就坐得有啲擠迫，但係都有正常郁動空間嘅，都叫接受到！2. 食物同飲品佢哋嘅豬頸肉金湯米線世一啊！！豬頸肉嘅份量係超級多，唔會係敷衍你嗰一種。佢哋米線嘅煙靭程度都係啱啱好，再配埋佢哋嘅金湯加少少辣咁樣，簡直係十級好食！推推推！另外仲叫咗佢哋鮮魚湯米線！飲得出佢哋湯底係好鮮味，同埋配料都比好多，而我地加咗蘿蔔，蘿蔔好多汁同埋軟硬程度都係啱啱好嘅。同埋佢地米線絕對係對得住個價錢！之後仲追加咗一個炸豬大腸，呢一個都係必食㗎，每次同朋友或者屋企人嚟到都係必點！外脆內軟脆卜卜！食得出佢好新鮮，唔會有啲咩臭味。鍾意食豬大腸嘅朋友都可以試一試，包你食過返尋味😋…查看更多

佢哋嘅生煎包真係做得好出色！所以不斷不斷回頭食🥹👍🏻1. 食物同飲品套餐： 今次都係一樣叫個套餐，有小籠包，同埋再加多咗生煎包！喺我心目中一直都好好食，每次食佢哋嘅生煎包都好期待！又香又脆又煎得啱啱好又好鮮！佢個生煎包都係一樣仲會爆汁，唔單止餡料好足，仲要係真材實料！而佢個小籠包又係好正，皮薄，餡料又好新鮮，好好食！而今日同屋企人去食下午茶，價錢稍為平少少。 酸梅湯： 呢次係第一次飲佢嘅酸梅湯覺得好清甜又帶點酸酸咁樣好適合夏天咁熱嘅時候飲！啱晒行完街，之後一路食住下午茶咁樣飲👍🏻消暑又解渴！…查看更多

真係好多年冇食啦！仲記得讀書嗰陣同朋友經常放學一齊食，個個都係食得辣之人🤣👍🏻1. 環境座位都好寬敞，可能因為差唔多下午茶冇乜人，所以坐得好舒服同埋冷氣都好夠！2. 服務店舖入面嘅姨姨都好熱情同埋好有耐性同你解釋依家有啲咩嘢食選擇，又會主動問我食唔食得辣咁。3. 食物同飲品今次叫左肥腸酸辣薯粉，因為我唔係好食到太辣，所以叫咗BB辣。啱晒又想食辣，但係好似我唔太食得辣嘅人！叫咗大約10分鐘左右就已經上咗嘢食啦！同埋，仲要叫咗呢個餐係送飲品㗎！呢個價錢有咁嘅質素食物覺得已經好抵啦😱👍🏻…查看更多

深水埗文青地帶其中一間Cafe❤️呢間Cafe係我同朋友第一次去，覺得入面嘅環境好寧靜十分之適合坐低同朋友傾吓偈或者chill下🙌🏻1. 環境裏面嘅裝修充滿着工業風格，而且佢入面嘅調色都做得好好，主要用咗木枱同埋黃光打造一個比較柔和嘅氛圍同感覺。亦都俾人感覺好放鬆。2. 飲品我哋分別叫咗一杯三溝同Affogato（雪糕加焙茶）!兩杯都係我同朋友第一次飲，好驚喜呀！三溝： 外表唔使講已經贏咗啦，飲落仲驚喜，佢係用咗抹茶+牛奶+咖啡。飲落去你會飲到淡淡茶香而同時間又會飲到咖啡嘅少少苦澀！真係好特別，而且佢仲加咗牛奶令到更加飲落去好絲滑嘅口感！飲落好順，唔會覺得唔夾。Affogato： 平時我哋飲開嘅通常都係雪糕加咖啡，但呢次唔同啦！佢係用咗雪糕加焙茶去造成呢一個Affogato。將啱啱做好嘅焙茶淋落去雪糕度形成一種冰火交加嘅口感，同埋你會食得到好濃郁嘅焙茶味！成個感覺又幾特別喎😝適合個日唔想飲咖啡，但又想去Cafe叫啲特別嘢嘅朋友仔啊！3. 食物：巴斯克蛋糕： 食落去口感好綿密，你會食得出佢係有打到個蛋糕將冇晒粉粒先去焗！好順滑！軟硬比例啱啱好啊😍…查看更多

相信大家都有食過譚仔三哥，但呢間係我去得最多次嘅一間🙌🏻啲服務最佳！佢哋米線嘅煙靭程度同埋湯底覺得係食過最好，所以每次想食都會去呢一度食！1. 湯底今次我哋分別揀咗（5小）同（中辣），覺得佢哋嘅麻辣比例係做得啱啱好，你係食到佢哋唔係敷衍你！2. 配料5小嗰個我揀咗炸醬同埋腩肉，中辣揀咗雞肉同炸醬。3.服務記得譚仔姨姨比炸醬我嗰陣，佢發現啲炸醬唔係好夠，因為唔啱佢哋公司Standard，所以再補多一碗俾我！OMG！之前我都試過炸醬好似好少咁，但係有啲譚仔姨姨都唔會理係呢一間嘅嗰啲姨姨個個都係咁，又nice，服務又好好👍🏻整體嚟講，呢間譚仔無論係環境服務同埋嘢食都係100分㗎❤️…查看更多

牛大人台灣火鍋吃到飽係我超級推介比同朋友或者屋企人聚餐食飯地點選擇！個人已經食過好多次，每次話要打邊爐都會嚟牛大人！以下係我對佢哋分店嘅食評😝一入去就感受到輕鬆嘅氣氛，裝潢簡約又時尚，仲有啲台灣風格嘅小裝飾，每樣嘢都做得好仔細令到你好似置身於喺台灣嘅火鍋店入面！令人心情愉快。服務員都好友善，幫你介紹菜單既時候都好有耐性。我覺得佢哋嘅牛肉肉質鮮嫩，切得啱啱好，唔會太薄，放落鍋入面煮10秒左右就可以了，簡直就係入口即溶！另外佢哋嘅牛丸都係超級出色（需要另加錢$$）但我覺得係值得食㗎，你係食得出佢嘅牛丸有分別，非常彈牙同埋超級有牛味！仲有仲有！佢哋湯底選擇都好多我試咗佢哋嘅養生鍋，味道夠勁，好適中，唔會太咸，十分開胃。除了牛肉，佢哋嘅海鮮選擇都唔錯，新鮮得來仲有多樣化，蝦、魚片都值得一試。而且，配菜方面亦有好多選擇，青菜、豆腐、和各種麵類應有盡有，真係可以滿足唔同口味嘅人。其次，除咗佢哋火鍋配料，仲有一啲熟食。唔係講笑，佢哋嘅熟食係好驚喜，做得好出色！個人特別推介佢哋嘅甜不辣、鴨血同埋台灣香腸，食完覺得自己好似食緊台灣夜市入面嗰啲嘅咁，味道係十分之相似！仲有佢哋嘅鹽酥雞都好值得一試！上菜嘅時候都仲係脆㗎！佢哋甜品方面都係好堅😍係有Movenpick嘅雪糕！基本上佢大部份嘅味都會有，呢次我見到有雲呢拿、朱古力、士多啤梨、薄荷朱古力味。個人幾推介薄荷朱古力味😆最重要係，吃到飽真係好划算！如果你鍾意火鍋，牛大人真係一個唔錯嘅選擇，食完之後可以話係心滿意足，性價比又高，我同朋友加埋三個人都係食咗$1000左右咋，！絕對係抵食…查看更多

今次同朋友一齊出街，食飽哂行過見到細個成日會食既阿菠蘿乳酪就去左買個甜品食1. 士多啤梨麥提沙乳酪士多啤梨麥提沙乳酪真係我兒時必食嘅甜品，呢個味道令我回憶起好多美好嘅瞬間。乳酪嘅質地滑順，口感非常細膩，配上新鮮嘅士多啤梨果粒，果香濃郁。麥提沙嘅脆口感為呢個甜品增添咗層次，令人每一口都感到驚喜。食呢個乳酪，無論係熱天定係寒天，都令人感到好開心。真心推介比大家，特別係對於有懷舊情懷嘅朋友，呢個甜品一定會帶比你滿滿嘅溫暖回憶！…查看更多

下午茶揀咗去堅信號食，佢哋嘅生煎包係好出名，好多人都話好好食！今次我哋去試過果然冇錯，真係好好食啊！估唔到呢個價錢可以食到咁高質既生煎包同小籠包！1. 堅信號生煎包我最近試咗堅信號生煎包，真係好好味！包皮薄薄嘅，外脆內嫩，咬開之後第一下係啲湯汁瞬間喺個口爆開！唔係誇張，係真係超級多汁！而肉餡嘅鮮汁，味道非常豐富。底部嘅焦香味加上香葱嘅點綴同脆卜卜，令整體更加出色。呢款生煎包係佢地招牌，亦非常受歡迎，值得一試！2. 灌湯小籠包至於灌湯小籠包，無論從外觀定係味道都令人驚喜。包皮薄透，內裡嘅湯汁鮮美，咬落去瞬間湯汁喺口中爆開，帶來一種極致嘅享受。肉餡鮮嫩，配合少少薑絲，令味道更加清新。不過食嘅時候小心啲，唔好燙著嘴！總括來講，呢款小籠包真係值得推介，非常適合鍾意食熱湯包嘅你！希望大家都可以試下呢兩款美食，我覺得係必食！…查看更多

想搵個地方坐下，而又鍾意抹茶嘅你，呢個係一個好好嘅地方！今次我叫咗兩款產品！1. 抹茶鮮奶黑糖啫喱我試咗抹茶鮮奶黑糖啫喱，真係令人讚不絕口。啫喱嘅質地非常滑溜，入口即化，搭配濃郁嘅抹茶香氣，令人感到非常滿足。黑糖嘅甜味亦適中，唔會過於膩口，令整體帶來一種完美嘅平衡。非常建議抹茶愛好者試一試！2. 黑糖啫喱抹茶芭菲講講黑糖啫喱抹茶芭菲，呢個甜品層次分明，視覺效果已經好吸引。本來以為會好細杯同埋份量會好少！但令人驚喜嘅係比我想像中好好多！上層係香滑嘅抹茶冰淇淋，中間有黑糖啫喱，底部則係脆脆嘅餅乾屑，口感非常豐富。每一口都有唔同嘅味道交織，令人回味無窮。整體來講，呢個芭菲絕對係一個唔錯嘅選擇，適合分享或者自己享用。希望呢兩款甜品可以帶俾你一個愉快嘅味覺體驗！…查看更多

元朗燒賣皇后嘅招牌香菇豬肉燒賣，真係一絕！佢哋嘅燒賣配埋辣椒油，真係一流！外層燒賣皮薄而韌，咬落去香氣撲鼻，包裹住豬肉同香菇嘅豐富餡料，肉汁多而唔油膩。香菇嘅鮮味同豬肉嘅滑嫩完美融合，每一口都滿足味蕾，絕對係燒賣嘅精品之選。值得一試！另外，佢哋其他小食，例如：脆炸雞皮餃我都係超推介！唔好以為食雞皮就會覺得好油膩，佢哋炸得好脆，同埋咬落去唔會一啖油咁。呢個食法好新奇！仲要咬落去入面係會爆汁！好食得滯，一下子就冇哂。想食小食，又或者同朋友行街口痕，呢度嘅燒賣絕對係唔錯嘅選擇！…查看更多

青青泰國料理～入到去就感受到濃濃嘅泰國風情，裝修得好華麗座位距離適中，唔會好迫。1. 青咖喱雞配白飯：呢個青咖喱雞真係唔可以錯過，醬汁香濃又唔會過於辣，帶有淡淡嘅椰奶香味，雞肉嫩滑入味，配上白飯一齊食，完美融合咗泰國嘅味道，令人食完仲想再多叫一碗！2. 無骨海南雞飯：呢個海南雞飯既雞肉滑嫩無骨，肉質細膩多汁，配上特製嘅薑蔥醬油，味道鮮甜又唔會過鹹，飯粒粒都吸滿咗雞肉嘅精華，佢係油返嚟㗎！食落口感豐富，絕對係冇得輸嘅經典菜式。3. 馬拉盞炒通菜：呢個炒通菜係我最鍾意嘅蔬菜炒法之一，馬拉盞嘅微辣同埋少少酸味，令到通菜炒得又香又有層次，唔單止健康，仲非常開胃，係配飯嘅好伴侶。整體嚟講，味道地道，環境舒適，服務都幾親切。無論係想嚐嚐正宗泰國菜，定係想搵個地方聚聚都幾合適，推薦大家有機會一定要試下！…查看更多

香港Nuttea嘅「伯爵朱古力堅果奶蓋茶」真係一款令人回味無窮嘅飲品。每次去都係叫呢一款！係經典中嘅經典！P.S. 佢哋係用純植物性既堅果奶同堅果奶蓋！！首先，呢款奶茶以濃郁嘅伯爵茶作為底蘊，帶出淡淡嘅柑橘香氣同優雅嘅茶韻，令人一飲難忘。佢仲加入左朱古力元素，令整體口感更加豐富濃郁，甜而不膩，巧克力嘅絲滑同茶香完美融合。我最鍾意嘅特別係奶蓋部分！用左豐厚嘅奶油打製，帶嚟絲滑細膩嘅口感，輕輕一啖即化。最後，加入堅果碎粒，增添脆口同層次感，喺味蕾上形成多重享受。呢款飲品唔單止係味道層次豐富，更係一個視覺同感官嘅雙重享受，適合追求獨特口感同文化品味嘅你。喺繁忙嘅都市生活中，品嚐一杯呢啲融合中西元素嘅奶茶，真係一種享受生活嘅藝術。真係超級超級超級推介啊！…查看更多

呢度嘅刨冰真係令人一試難忘！我試咗兩款口味，都幾特別同埋滋味十足！1. 伯爵奶茶朱古力味：（另外再加左餅碎入面）呢個口味真係濃郁得嚟又唔膩。奶茶嘅香味配合朱古力味，仲有啲爆炸糖喺入面，好新奇！以為會好奇怪，但係又唔會，反而好夾！食落去有啲微微嘅爆炸感，好有趣。我額外加左餅碎係入面，令整個刨冰多咗層次感，口感豐富，唔單止甘香，仲帶點脆口，真係一款既特別又滿足嘅甜品。2. 抹茶加黃豆粉味：呢個就係我嘅最愛啦！入面有丸子同紅豆，食落去又有啲彈牙，又有紅豆嘅甜味，抹茶味好濃郁但又唔會太苦澀，仲有黃豆粉加埋丸子嘅Q彈，層層堆疊出嚟嘅味道真係令人陶醉。呢個口味唔單止清新健康，仲有一種日式糕點嘅感覺，真係唔會令你失望。總括嚟講，我係好推介呢間刨冰🍧唔單止外觀吸引，味道都幾乎完美。無論你係鐘意濃郁定係清新，都可以喺呢度搵到心水之選。下次我一定會再嚟試其他口味！…查看更多

提拉米蘇波波：我勁鍾意佢地既提拉米蘇！口感細膩、表面撒既可可粉唔會太厚重，反而增添左啲苦甜層次感。整體來講，係一個非常經典又不失創意既甜品，甜而不膩，值得一試！！ 開心果奶昔： 開心果奶昔我覺得超級好飲！顏色、香氣都好吸引人。奶昔入面既開心果味道好濃郁，搭配牛奶飲起來非常順滑，唔會太甜，反而令人感受到堅果既香味係嘴裡面慢慢散開咁。超級朱古力：呢款朱古力飲起來真係好香濃，味道好醇厚，飲一啖就覺得好暖身，非常舒服。口感亦好滑順，唔會太稠，都唔會太甜，啱啱好啊！有時候在天冷的時候喝上一杯，真的會讓人心情變得特別好，推薦比鍾意朱古力既你！…查看更多