kwonglaihk的个人专页

拍拖行開啟德，女友話Airside啲野食都好唔抵，拖住我手就話帶我食好西，係咁易過咗條橋五分鐘就到左Mikiki呢間Cafe，望望門面心諗果然又係女仔最鍾意既打咭店，野食賣相靚靚，裝飾佈置舒服，坐落都認真唔錯，適逢佢仲做緊Lolly Talk阿妹既既打氣宣傳，我早左黎坐入去，到我走果時竟然平日都Full House，冇介紹錯ｗｏ女友！我地嗌左個二人套餐四百零蚊都幾多野食脆炸蕃薯條濃濃既蕃薯味飄左出黎，薯身偏腍身易入口，熱辣辣上枱更具吸引力精選二人套餐餐湯係甘荀湯個甘荀Bled到好蓉，飲得出每啖都係甘荀肉，勁岩我呢啲扮健康既人士田園沙律佢係用左柚子醋作base，我係鍾意呢個味多過黑白醋，感覺更Fresh同開胃，細細杯既沙律足夠作為前菜之用蒜片白酒煮蜆三色椒+菇+酒+重蒜同露筍做醬汁拌蜆，隻蜆仲要幾大隻下又鮮甜，填滿哂白酒既味道，係好想食多幾隻囉波士頓龍蝦龍蝦汁意大利飯擺盤漂亮，龍蝦肉質彈牙，Risotto飯底份量足，粒粒粒分明，汁底菜配有蕃茄露荀，諗住幫女友獻恩勤摵殼既我點知一起就出左黎個龍蝦肉，easy剝呀！炭燒澳洲肉眼牛扒嗌左五成熟既肉眼扒，易切同時入口一咬即開，冇韌身既感覺，伴碟配上焗薯蛋黃醬，飽肚幸福感黎哂牛角窩夫伴雪糕食用乾花+粟米脆脆舖面，冰凍既Milk ice cream配上暖笠笠既窩夫，一冰一火，入口融化了我同女友的心自家製開心果麻糬Tiramisu絕對推介>>>>上枱時見到女友隻眼發左光咁，瘋狂拎電話係咁影相，作為兼職攝影師既我受命要影返三五七百張，甜品上層滿佈開心果粒粒，配上間條朱古力條條同Lotus餅，切開下面見到厚麻糬連同酒香既Tiramisu，入口第一啖覺得個每樣野都互相襯托得好好，餅底吸哂tiramisu ge coffee味同酒味，仲要唔係死甜，食得我好爽凍檸茶嗌走甜，茶味唔澀，整體正常…查看更多

同女友經開呢頭，搵野食果時見到佢門口大大隻字寫住免費續麵，望下價錢見性價比係高既，咁吸引就入去幫襯下啦，舖頭好近將軍澳Ｄｏｎｋｉ，店內裝修樸實舒適，有啲小菜18蚊以為佢好細份啦，黎到先發現比想像中大份好多，無論麵底定小菜都一樣大大碟上比你，唔只份量，味道一樣好，我幾欣賞呢間野！蕃茄牛肉麵$68蕃茄味湯底夠鮮甜夠開胃引誘到我大大啖咁食啲麵，濃茄湯永遠都係開胃必選，而麵底我特登嗌左二細較為粗身既麵，依然保持到彈性，牛腱入口即化好細膩，讚！佢仲可以揀細麵或刀削麵，岩哂唔同人唔同口味，喜牛涼麵$60同牛肉麵一樣好大份，正！菜同花生比例岩岩好，女友讚不絕口，份燉牛既味道出色充滿牛味，感覺上比湯麵更厚身，喜歡涼麵既朋友仲可以嗌佢加辣入去涼拌木耳$18如果喜歡清淡鮮味既就要嗌呢個喇，清清地小菜爽口惹味檸檬無骨鳳爪$28極之開胃，如果只可以揀一個前菜，我首選呢款，淡淡檸檬清香融入成隻擺到入口既雞腳，筋腱補下腳都好脆爽魚皮$38微辣既魚皮，比外邊食開既魚皮更厚身但保持到彈牙，好味紅棗枸杞蜜$18杞子明目，紅棘岩女士飲，熱飲竟然係用凍飲杯裝，比較少見，話梅金橘蜜$18超級潤喉，有嫲嫲既味道，如果唔鍾意太甜，可以嗌店家減甜tim…查看更多

呢間野係由曾任職酒店五星級既主廚主理，食後感係佢的確令人喜出望外，餐廳位於食街厚福街既尾，屬於樓上舖，店員好Nice，招呼入座後友善講解食品，呢度既裝修係舊牌酒店扒房feel，我會話廚師好有心思同創意，將唐餐融入西餐，而個味道係別樹一格兼出色！無論情侶黎定係一班朋友黎我覺得呢度都岩哂！餐包 墨魚汁麵包+合桃杏甫麵包合桃包實淨外脆既，切開佢搽上牛油同果Jam，邪惡又美味既餐包就成形喇，但我想推介既係佢個墨魚汁餐包，外層脆身保留熱度，入面係一層層既鬆脆+軟，但又唔係牛角包果種脆化，已經唔知用咩去形容果種好特別既口感，淨係知好好味前菜三文魚沙律三文魚圍邊都經過廚師火烘，熟既邊邊面頭淋上葱油既味道，最犀利係舊三文魚香經過火炙魚油出哂黎入口即融果種口感，配上新鮮黑醋沙律菜，本來以為麵包已覺特別，估唔到個沙律都震撼埋我西冷牛扒拌碟用左茄子，煎香既秋葵唔會有滑嘟嘟普通人唔鍾意果種口感，比佢變到容易入口，南瓜釀冬菇係又一特別既地方，唐廚師將原本唐餐既冬菇，釀入南瓜作為西冷既拌碟，味道一流，配搭出色，塊扒嗌左五成熟，仍然唔會鞋口牛肝菌芝士意大利飯佢用批薄既芝士拌上牛肝菌，牛肝菌富有濃濃既酒味，完美地佈滿每一啖中，芝士好惹味，喜歡芝士既朋友要試下呢個了，而佢成個醬汁滲哂入個飯裡面tim，最緊要係佢唔同平時啲Risotto可能會硬硬地，但呢個似返香港人口味！正400次美碌波波面層係滿滿既美脆脆，內裡係新鮮香滑既奶溝上美碌，攪拌之後仍然保留香滑同芳甜既味道柚子芝士蛋糕賣相繼續唔駛講係出色既，細細件但有好濃厚既柚子味在其中，每啖都會食到啲柚子粒粒…查看更多

有日女友話帶我食好野，係地鐵站一出行唔駛3分鐘就到左，佢個門口係大廈住宅咁既入口比較特別，但女友再三強調係好靚架，撳一字上到去，果然係Cafe，個vibe好舒服，地方闊落得黎佢既擺設燈光音樂樣樣野都好夾，有藝術品，漂書閣，高燈工作一人獨座，庸懶梳化，全部都令人有種想坐好耐既感覺。講返食物，種類唔算十分多，但係賣相確係幾精緻，望見隔離枱成壺花茶上枱，女仔打咭真係一流麻辣口水汁雞肉意粉係Cafe食口水雞都算一大嘗試，而佢既味道亦唔錯，係坊間食開既味道，雞塊滑身唔會鞋口，而唔係食得辣既人都入到口，仲好開胃tim，令你好快就Finished碗野慢煮手撕豬漢堡可以揀薯條或者沙律菜，我地揀左薯條，因為見到係粗薯條，咬落脆身同有薯味，係我鍾意既野，至於個撕豬，遠睇係豬肉鬆咁，但入口就係咸咸地夾埋個包同沙律菜一齊食會有味蕾大開既感覺，沙律菜好新鮮，醬汁亦配合得好好Mint Chocolate偏少甜，keep fit既人有福了，杯上面放左塊薄荷茶點綴，即使係咁邪惡既薄荷朱古力一樣好好味Lemon Soda(Passion Fruit/Lychee/Peach)佢有三隻味可以揀，女友揀左Passion Fruit，攪云之後，好多熱情果籽，入口喉嚨感到清甜，女友話好解渴巴斯克Cheese Cake(竹炭黑芝麻)一上枱就聞到濃郁既黑芝麻味陣陣飄埋黎，賣相主要黑灰+佢流心既效果，食落甜度適中，岩哂我呢款扮健康既人…查看更多

收工過開黎灣仔，自己最鍾意遊走小巷，路過大王東街女友話想食麵就走左入黎，地舖面距離地鐵站十分之近，五分鐘內必到，坐位係舒適版卡位，分隔都幾寛落坐得舒服，內部裝修就行返現代茶記風，望個餐牌見佢主打係腩粗，但好得意地麵店又竟然有西多，仲有個奶油多同紅豆冰tim！四寶撈粗 (腩、牛丸、雲吞、魚片魚蛋)粗麵充滿彈性同咬口，沾少少湯入口夠爽，最開心既係佢唔同其他港式麵食完會有(霞)氣留係口腔，我就真心鍾意個麵底一寶係佢既牛腩同牛丸都有重牛味，鍾意食牛既人有福了，肥瘦均勻，牛丸彈牙又濃味，唔似坊間啲唔知咩肉打出黎既牛丸，呢度值得一推二寶乃雲吞，因為我係食撈麵，個人口味我會將佢浸一浸隨麵附送既湯先入口，皮薄而入面既蝦都頗鮮，肉質甜美，好味！三四寶就係魚片魚蛋，比起其他兩寶佢排第三唔代表佢唔得，新鮮炸起都必然係水準以上，彈牙同魚味都有Feel切腩四寶撈粗同女友都一樣想食四寶粗，咁我唯有嗌切腩啦，成碗野唯一唔同就係滷過既牛腩同有埋牛筋，如果鍾意濃味啲同食牛筋既話就推介呢碗，牛味一樣香濃，其他就一樣紫菜湯冇諗過係咁大碗同咁大塊紫菜，唔知點解我飲到甜味，海帶既鮮甜令人有開胃湯既感覺，好味酥炸魚皮佢係用紙袋成份上，撕開袋仔，份量都算幾好，夾一舊沾下湯再食會更爽消脂青檸梳打本來想嗌紅豆冰架，但又怕肥，於是呢杯梳打就岩哂了，飯後用黎沖淡口腔既油膩感一流西多士冇諗過上枱既西多士係咁厚既，明顯比其他舖頭升級厚左，佢雖然冇花生醬係中層，但我食到淡淡既檸檬青香，唔知佢係點樣融入去既呢油菜可以揀生菜或者菜芯，大大匙蠔油車落去配合新鮮菜，唔夠仲可以再加，正另外我頗喜歡店家個辣椒油，佢地話係祖傳DIY用十幾款材料整出黎，我用黎配合撈粗牛腩簡直無得頂，辣度出色但唔會停留好耐，大家一定要試!!…查看更多

細細個開始阿媽唔想煮飯時都會落街買碗車仔麵上黎質飽我，由一開始獨孤一味食油麵紅腸魚蛋到大個左乜都食，車仔麵算係一份情懷同時係值得推介比人既特色，呢次有日本既朋友黎香港，咁岩行開旺角逛下逛下就帶左佢黎食，舖仔細細有啲香港舊時既畫做裝飾好配合返個vibe！食物方面係我想像中既味道，應該有既餸都一應俱全，仲有自助醬料區，而我為左比朋友食到唔同既野就有咁多餸嗌咁多餸啦！嗌左好多餸就講啲我必推架啦蘿蔔 - 車仔麵入面菜係好可以索到啲湯汁入口，呢個蘿蔔抆得好腍身又入味，首推呀！豬耳 - 雖然佢冇麻辣字眼，但其實佢係麻辣味架，勁開胃又好咬，正溏心蛋 - 好少舖頭溏心同滷水都有，呢度就有，食得出係日本蛋，幾溏心一咬就漏哂出黎豬紅 - 去親車仔麵檔我係必食豬紅既，呢度都冇令我失望，係傳統既味道，特別在佢仲有鴨血可以嗌，不過呢次我冇食，唯有留返下次啦牛肚牛筋 - 基本出色既牛，筋位煙靭補骨膠原，肚位質感美妙鳳爪台灣腸麻辣雞墨魚丸牛腩都有唔錯既水準，而菜底係計一個餸架，不過無論麵底定菜底都好大份，岩哂我呢啲大食既人小食我整係嗌左個必食辣魷魚 - 感覺係玻璃水魷，口感係爽口同彈牙唔錯，醬汁我覺得幾開胃…查看更多

係九龍灣睇完戲就係最多野食果條街搵下野食，咁岩女友話想食泰國菜，網上一搵就推介呢間，佢要轉出美食街行前少少轉角位，入到去發覺好寬敞，坐得好舒適，門口就會見到佢地既貓店長，好可愛呀打開餐牌食物種類好多，本身想試下個咖喱包但又怕太飽食唔到其他野先放棄，女友話個包打咭無得輸，我地又住得近，咁唯有下次先試啦！泰式炸蝦餅上枱先發現佢幾大份下，薄薄既炸粉，厚實既蝦肉搓埋一齊，當然唔少得一定要點既泰式辣醬無骨鳳爪沙律作為開胃既前菜一定要嗌返個沙律，無骨鳳爪岩哂，佢冇平時食開既咁辣，岩哂唔食得太辣既人士沙嗲串燒佢可以豬牛雞各兩串咁嗌，泰國野點可以唔食串燒WO，油份咇哂出黎，點點個醬，正！冬蔭海鮮炒飯入口係厚厚既冬蔭功味，不過唔辣既，所以適合任何人食，用料都足，大蝦為數唔少係個飯入面，飽肚首選馬拉盞炒通菜菜底新鮮，炒埋一齊唔會太油膩同水汪汪，我覺得呢個認真唔錯，推介芒果糯米飯我女友係食到好飽之後，再叫左佢，然後佢話係甜品黎架，但食落冇後悔，芒果鮮甜，梛汁糯米飯你鍾意既仲可以叫佢多梛汁，諗起我都想Encore一個!!!!*好特別地舖頭佢有個送菜機械人…查看更多

登打士廣場位處家樂坊斜對面，非常容易搵，上到黎會係一間小小既舖仔，但有180度景觀，無論日頭定夜晚應該都會感到開揚舒服，場內有好多Board game比人拎黎玩，呢度明顯係懷舊Cafe果種gimmick，野食亦認真唔錯，無論幾個老Best定係一家大細我覺得都岩！Combo For Two二人套餐$398, 野飲視乎嗌咩而加少量錢千島夏威夷手拉🍕 比想像中出色，薄薄既手拉餅底入口有煙韌感，唔係即脆或者淋patpat既感覺，呢個會有啲芝士拉絲既feel, 口感豐富，I like it，而焗過後既菠蘿仍然有juicy feel，整體我比好高分香辣虎蝦海鮮意粉微辣既辣度，唔食辣既人都岩食，意粉首先夠爽唔會淋唔會硬,軟熟度岩岩口掛到啲汁係上面，青口乾淨潔身，鮮味重，元貝粒都彈牙，隻虎蝦一樣係值得一讚既新鮮挺身又彈牙越式炸蟹餅首先夠熱辣辣同夠爆，粒粒蟹肉係炸物入面配合洋葱粒粒，夠實浄感滿分雪糕伴朱古力香蕉厚多士黎到Cafe不得不提既係甜品同飲品，甜品款式唔多就揀左個最吸引既，厚身又脆既多士係必須既，配合朱古力醬淋面變得惹味，個雪糕都好重奶味，入口滑嘟嘟咁，好爽！！熱柚子茶淡淡柚子清香適合食完濃味食物同甜品之後品嚐，佢個自家製既杯都好得意Latte鮮奶咖啡有gf ge記得佢有心心拉花，示下愛攪下啲儀式感要啦，入口滑溜又順，奶味濃郁，唔錯二人餐我額外嗌左個蜜糖雞翼外觀已經夠吸引，炸到金黃色而蜜糖點點滴滴係翼身，香口脆身，咬落去好Juicy，入面唔乾身又鞋口，好容易就骨肉分離…查看更多

坦白講，我係比朋友拉黎飲既，而友人係比佢個Yogurt字眼＋外面可愛既牛油果公仔＋櫥窗櫃既新鮮生果吸引，不過食完之後我係改觀左既，本身我係抗拒飯後甜品飲品既人，咁與其啲人次次要揸住杯肥仔水，我建議不如揸住呢個YOGURT lu，健康得黎原來仲幾飽肚Tim，不過見到佢好幾多人排隊係度等，想食既話要比啲耐性，我就等左五分鐘啫巴旦木牛油果乳酪奶昔$54呢杯野我係有啲期待既，面頭一塊塊牛油果肉舖係上面，將攪碎既杏仁融係乳酪入面，乳酪係一個發酵品，令到成杯野既奶味昇華左，味道亦Upgrade左，小知識分享，巴旦木即係杏仁，堅果既脆同質配合乳酪加上牛油果細緻既生果清新，我自己覺得冇化學香精味，抵佢多人買既藍霉牛油果乳酪奶昔$49將藍霉取代左巴旦木又係另一種口味，全杯都係新鮮Creamy既氣息，甜度同酸度夾得幾岩，幾十蚊杯當食生果都好似幾抵，仲有人幫手打埋，本身見到Super Bowl好想要架，但點知全部售罄…查看更多

係台灣食過好出名既無老鍋，我自己覺得馬馬，但係今日有Fd出糧請食飯，佢竟然話Lunch想打邊爐就帶左我黎食築間，佢話係台灣年銷售過萬既靚字號，我既食後感係真係唔錯wo，舖頭係正朗豪坊對面，E出口一上轉右就到，一啲都唔難搵，同台灣一樣，佢係方形枱兼一人一鍋，比起港式邊爐Chill同享受性高好多，佢有四個唔同價錢，我地食Lunch又想食和牛就嗌左$279既餐！*佢呢度係人頭收費，一個價錢就包左湯底(十幾種選擇)+任食既主食同蔬菜吧100mins＋仲有飲品同甜品，包滿足！太多好多食，我就略略揀最鍾意同少少分類去講啦澳洲黑毛和牛霜降 — 刀功非常好，切薄到紙咁，簡單落湯一浸就已經可以拎上黎食冷藏手切溫體牛 — 牛味好重，細細一塊但比其他厚身牛板腱 — 將原本厚厚既牛板腱薄切到可以烚下烚下，一樣咁好味，口感一流美國熟成霜降牛 — 我個人覺得佢係牛味最 濃厚，口感鞋身得黎有咬口伊比利黑豬梅花 — 油脂比較分佈平均，有豬味澳洲嫩羊肩— 膻味淡淡，就算怕膻既人都唔需要擔心，入口實淨好味鱸魚 — 兩個魚我都鍾意，如果你鍾意食蟹既我建議鱸魚，因為佢既肉一疏一疏，口質好似蟹肉石班片 — 石班片就實淨彈牙，骨都係粗骨易吐，魚味重嗌左個台式麻辣湯(幾辣下，台灣豆腐一如想像咁好味，鴨血都不過不失)；另一個係老佛爺雞白湯，雞肉嫩滑又入味，淡淡既藥材味令湯頭好正蔬菜吧 — 種類款式都唔錯，菜係好新鮮有揀過先放出黎既明顯，台式豆腐一如以往係必食既甜品係任食架，焦糖布蕾面層脆身，底下係燉蛋咁既Feel，唔係死甜又唔滯；另外嗌左個黑糖白玉奶酪一樣咁好味，白玉既質感沾上黑糖係好吸引，奶酪味道似布蕾但又多種滑溜既感覺！…查看更多

舖頭係利舞臺18樓，咁岩黎開呢頭做野，問問朋友有咩食，佢話午餐一定要上黎食，我既食後感係完全認同朋友所講，裝修舒適，近窗邊採光亦令人有活動，岩哂做到攰既打工仔，偷聽到老闆係講韓文既，估計餐廳係由韓國人主理，呢度既Lunch Set價錢非常抵，多種選擇任你配搭，如果係同同事一班人上黎，絕對一人嗌啲就可以互相分享試哂！我自己就得一個人，咁岩今日又想食雞，所以只係嗌左佢個韓式烤雞咋韓式辣焗烤雞我先問左店員要等幾耐，因為係烤怕佢攪好耐，後來15mins內就上菜了，全場仲要係爆滿架WＯ呢個午餐時段，保守估計有超過十件雞，可以選擇兩個辣度，小辣我個人覺得一啲都唔辣，鍾意食辣既朋友上一個Level會較好，雞肉係嫩滑兼實淨既，唔會太老亦唔會生，烤得恰到好處，配服配菜每食一件雞想清一清口腔既話，呢碟野真係好做到野，可以清新個口腔令每一啖都唔會太油膩…查看更多

間舖位於新蒲崗，鄰近Mikiki，啟德同鑽石山過黎都好近！入內裝修唔錯，打咭都幾靚，佢唔只主打Pizza，意粉薯蓉同啲小食一樣好出色，我個人覺得無論一班人黎定兩三個人黎都岩！怪獸多寶配料有洋葱, 青椒,辣肉腸, 火腿, 磨菇, 菠蘿, 牛肉, 豬肉，佢主打係每日新鮮即製餅底，係厚厚既心形批底，批係煙韌唔同於其他一般連鎖pizza舖已經值得我大推，加埋佢好足料既餅面，每樣都襯托得宜，蕃茄醬底更加剌激住我既胃口，令人一啖又一啖咁咬落去！芝士焗西蘭花本來以為呢味餸應該平平無奇啦，但我欣賞佢既係佢將芝士融入每一層西蘭花之中，其他舖頭通常都只會象徵式係咁面到就算，但佢竟然每一粒西蘭花都沾滿芝士，芝士愛好者一定要嗌！芝士白汁磨菇焗薯蓉如果芝士西蘭花係行新鮮+芝士濃度，呢個薯蓉又行另一種風味了，薯蓉滑溜溜但又唔會太Liquid，本身以為薯+芝士一定好Heavy，但佢到呢個小食入口好輕盈，唔會覺得滯，無論薯蓉抑或芝士都冇搶過對方既味道香蒜大蝦炒意粉無汁既炒意粉令佢意粉好有咬口之餅果浸蒜味飄住走出黎，之後我嘗試加少少tabasco同碎黑椒上面，又係另一種味道，鍾意食芝士既朋友仲可以瘋狂咁自己加芝士落去，正！麻辣惹味烤雞佢有幾種唔同味道揀，我鍾意食辣就揀左麻辣味，入口之時原來係口水雞既味道，濃濃既麻辣味充斥味蕾，但又唔會太辣，雞肉亦烤得恰到好處鮮嫩多汁，又係一個剌激食慾既菜式輕盈油脂沙律佢既醋汁應該幾靚，冇咁種死酸既味道下同沙律菜夾得好好，唔駛特登去撈已經每一夾都有味道出現，作為前菜佢係要加分既，因為無諗過咁簡單都比佢加到啲好野落去！熱蜂蜜薄荷茶+熱檸茶個人推介薄荷茶，個茶香同甜度入喉好舒服，好似滋潤緊我既喉嚨咁，薄荷既清香又好，好適合慢慢嘆住飲；至於檸茶我冇飲到朋友既，佢只係話我知幾好，唔錯。。。攪到我都唔知點寫…查看更多

中環諗食咩永遠都係好頭痛，因為好既可能好貴，要搵價錢相宜又好味既就要大海撈針，朋友推介話呢間位於小巷既素食店好味，於是就走左黎試下，砵甸笮街一路行上黎，睇返充滿歷史既牌檔，然後轉入小巷，會望到自然綠光既招牌，見大大既落地玻璃，入到去，感覺係簡潔乾淨，坐低望下餐牌，見佢呢度主打係沙律Bowl同酸種麵包，就必定會嗌呢兩樣，餐牌上仲有Burger同Pizza，初時淨係叫左兩個普通Size主食又係齋以為唔夠飽啦，點知份量同味道都認真唔錯，同朋友兩個人一個沙律Bowl+Combo同一個酸種麵包就飽哂！唯有下次黎先試埋啲Burger同Pizza laMUSELLA Salad Bowl入面雖然有微辣既豆腐，但唔食辣既人都食得到，豆啦，冬菇，黃瓜、沙律菜同雜穀米飯係入面，配合好特別有花生味既Miso醬，每一樣既口感同清新配合得當，食完第一啖就想食第二啖Sweet Potato Fried & Mixed Greens個Combo既呢款餸好似食多左碗沙律咁，菜依然好味新鮮，個甜薯仲要係我鍾意既厚實薯仔切出，點埋個酸白醬好味到停唔到口Lemonade清新既檸檬汁又係健康開胃，同沙律碗配搭得好好Banyan榕樹烤餅大熱既酸種麵包自然吸引又好味，配合天貝，茄子，蘿蔔絲，蕃茄片等係入面，就算冇肉都一樣咁開心同惹味Macadamia Chocolate Chip Cookie充滿梛子味既腍身朱古力曲奇，唔算太甜，作為甜品黎計一定滿足到女生既口味！薑黃奶啡佢採用左好健康既薑黃做主色同味，轉用燕麥奶去沖調，奶味重而滑，鍾意熱飲既朋友會愈搭愈好味呢杯野…查看更多

每次黎到旺角都係唔知食咩好，因為太多選擇而又往往唔知會唔會中伏，四圍中之下見到呢間舖頭入面坐滿哂，斷估幾好啦，望下餐牌係食一鍋鍋既熱辣辣湯粉，適逢天氣涼涼地就即刻決定入去了，地方細細但唔會焗促，係正鐵站出口同T.O.P附近胡椒豬肚雞鍋除左應該係既胡椒同豬肚之外，佢配料都好充足，紅棗雲耳西芹蘿蔔每樣都唔少，成鍋上枱然後用爐烘住保証左個熱度，最高興係佢個份量好鬼出色，男仔連湯飲埋都會飽，雞夠滑而又唔太肥，胡椒味入哂落腍身既蘿蔔，淡湯係暖胃首選tim濃湯魚三寶鍋三寶分別係魚腐魚片魚旦，配料就有雜菌+蛙蛙菜，湯底係鮮味取勝既湯頭，個人口味齋飲湯我會鍾意呢個多過胡椒湯，不得不提既係佢無論魚旦魚腐抑或魚片，大舊到應該叫魚片頭就岩，三個寶都係彈牙十足，口感一流，魚味又濃，配合到個招牌冇令我失望，呢鍋配左薯粉食，韭菜夾薯粉同佢自家製既辣辣油，一絕！腐皮釀蝦滑有趣，外面係唐式脆腐皮，入面係靚蝦滑， 扎實有蝦味之餘點埋泰式辣醬就係正…查看更多

收工閒逛下，行行下發現新蒲崗原來都幾多野食，仲要唔同特色既都有，有貴有平，我自己其實鍾意行香港碩果僅存既舊區多過啲毫無特別既大商場，舖頭係正新蒲崗地標Mikiki隔離，一啲都唔難搵，門口光猛，入到去座位都好寬敞，唔錯！食物方面佢竟然西式港式日式甚至鋸返個靚扒都有，款式非常之多泡椒魚皮佢叫神秘小食，好剌激胃口同食慾，如果你見到呢個，我絕對推介，辣度岩岩好而面合酸酸甜甜既配菜即刻勁想食野酥炸奶卷一定要襯熱食，奶香溶溶滑滑的在酥脆既外皮入面，滿足哂成個口腔羅宋湯本來對茶記既餐湯冇咩期望，上到枱黎，嘩！啲料勁多，每一啖菜同肉都充滿湯匙之中，好吃既男士有福了餐沙律簡簡單單的新鮮蔬菜，配以誘人邪惡的胡麻醬,OMG生炸雞脾配薯菜恰到好處既炸脾，切開係滿滿既肉，滑溜溜之餘脾入面既脂肪唔會太多，啖啖都係肉同炸粉既脆三層芝士鮮茄牛脷飯熱辣辣上枱既芝士焗飯富有拉絲效果，牛脷初時諗係薄切果種啦，點知埋到黎見到再拎起，原來係厚切，咬落去果種入口見溶既質感好惹味，成個焗飯有好多既蛋同茄，層次分明又突出，太好味了吧熱華田呢度可以揀多奶少奶，個人口味傾向多奶，會令成極野口感更突出和滑動…查看更多