dou2le的个人专页

✨泰式涼拌三文魚泰式辣汁配以三文魚刺身 生蒜片同生蝦刺身食法相似鮮甜三文油刺身配上滋味醬汁層次豐富又夠開胃✨芒果蟹肉沙律清甜可口沙律菜 每一啖都係滿滿芒果醬及蟹肉另外仲有青瓜、紫洋蔥等配搭 爽口解膩✨泰式虎蝦金邊粉兩隻大大隻燒虎蝦 肉質彈牙配上炒得夠乾身 無油膩感嘅柔軟金邊粉味道甜中帶酸辣 連同花生碎等配菜一齊食香口又口感十足✨雞皮卷外皮香脆包裹住Juicy 雞肉其實幾似台灣小食雞腿卷肉質滑嫩 加上少量油脂 伴以泰式辣醬 比平時食會滋味更不膩…查看更多

見餐廳環境幾好 幾適合shopping中途坐低食少少野take個break✨果酸三文魚 • 帶子刺身薄切以熱情果加芒果汁為底開花一樣擺盤 美感滿滿 會有啲唔捨得落手而且三文魚和同帶子刺身雖然話係薄切但係都厚身 油脂豐富 滑嫩鮮甜酸甜清新 充滿質感✨柚子牛油煎帝王蟹腳蟹肉吸收晒牛油嘅香味 充滿鹹香加上柚子中和下 香甜又爽口底層係蟹肉汁 伴以沙律菜食用 滋味滿滿仲滿分儀式嘅新鮮水果汁同甜橙酒朱古力真係都好適合坐低慢慢嘆返順條氣再行過😌…查看更多

近排見好多人食 就去試下 每台都有餐前麵包提供配搭精選餐湯都唔錯✨柚子三文魚薄切•香橙葡萄柚應該係以紅菜頭汁混合蘿蔔絲、柚子碎同三文魚薄切酸味為主 開胃又爽口✨鹹蛋黃蘆筍蟹肉特菲麵特菲麵本身口感較普通麵條更加柔軟有彈性加上少少扭紋形狀 每一啖都可以掛上更多醬汁而醬汁係鹹蛋黃加忌廉特制有超濃郁鹹香creamy充滿口腔加上切粒蘆筍同大件蟹肉碎 滿滿煙韌滋味 ✨鮑魚蟹膏醬燉飯 燉飯表面伴上昆布脆片以及紫薑碎而燉飯內加入白蘿蔔粒 枝豆 洋蔥 提升口感所以帶有蟹膏醬味嘅燉飯 鮮濃又帶清爽唔好話好膩 恰到好處 加上軟腍入哂嘅鮑魚 細膩中充滿豐富飲品都幾有特色要留意就係想坐窗邊位一定要預早book位…查看更多

Harvest Beachside地點係青馬大橋隔離嘅挪亞方舟度假酒店，葵芳青衣有巴士到，沙灘站落車行過去唔洗十分鐘，都幾方便又唔太遠環境清幽 過程舒適又享受除咗本身有套餐包左一系列食材基本上仲有餐廳職員協助 關於燒烤爐嘅事宜如果俾成班女仔去 真係完全減輕好多煩惱環境整體乾淨企理，現場唔係set左好多枱，所以爐與爐之間好鬆動，燒得好舒服，不過海邊海風會比較大，好在每枱仲有額外暖爐提供食物方面，4人餐Deluxe Surf & Turf BBQ Menu包嘅食物望落都好豐富，份量充足，食材亦都好新鮮醃製得唔錯燒烤套餐我地預先訂購左Harvest Beachside的✨Deluxe Surf & Turf BBQ Menu有齊海陸空新鮮食材 當中包括🫴🏻🍖日式大蒜醃鹿兒島無激素雞肉串🍖越式香茅醃澳洲保濕豬鞍🥩美國穀飼安格斯肉眼牛扒🥩有機露絲瑪莉醃紐西蘭羊扒🐟香料蕉葉烤紐西蘭海鱸魚柳🦐蜜糖茄醬燒原隻緬甸野生海虎蝦🦐手造蝦丸🥓手造迷你澳洲和牛漢堡🌽墨西哥香料芝士烤新鮮原條粟米🥕新鮮美國露筍及甘筍苗🍄松露醬牛油大啡菇🥓德國紐倫堡腸🍞意式蕃茄香草包例如豬鞍羊架完全無醃過頭，保持到肉質口感同肉汁，燒完出到嚟連佢跟嘅醬都唔洗點都夠滋味，另外手造迷你牛漢堡嘅油脂比例好好，食落口感豐厚到以為加左芝士咁，其他都好好食每樣野都好新鮮 質素好 當中我最鍾意食嘅就係豬鞍同羊扒整體嚟講 再加埋青馬大橋靚景性價比唔錯…查看更多

環境坐落都幾舒服，我食既係壽司十二貫Lunch Omakase，首先前菜有水雲草，有輕微酸味又夠爽口，簡單得黎亦都開胃，然後就係茶碗蒸，蛋面有芡汁，食落口感好軟綿嫩滑 到主角12款時令壽司，上菜次序係按返刺身味道由淺至濃，所以一開始就係鮫鰈魚、牡丹蝦同平政，鮫鰈魚同平政都係白身刺身，而且魚身脂肪含量相對少，所以肉質比較清爽，餐廳以白豉油作為點綴，細嫩得黎又充滿鮮味，牡丹蝦就本身係肥美又鮮甜既蝦身，再配上特製蝦膏豉油，入口係滿滿既蝦味帆立貝係間場，肉質扎實，頂頂加左點生紫草，少少既點綴令到海鮮味更加突出，之後就係開始有更多油脂既魚身，有壽司中間加左啲清新柚子碎既伊佐木同有餐廳特製既醬料——木魚花茗荷同薑既深海池魚，特別既口感同味道，都唔錯然後有灑左竹炭鹽係清新白蝦，作為更濃既金目鯛既前奏，都係唔錯既順序，而且肉質飽滿既金目鯛係皮脂位置輕輕炙燒過，所以帶少少油香味，口感都幾豐厚，所以我選擇食塊薑片，再食口感結實又鮮甜既赤身 尾聲三件係有七星醬既赤鯥、炙燒拖羅同海膽，炙燒拖羅係野生拖羅黎，雖然油脂少啲、肉質會結實啲，但同樣炙燒後所以油香味更濃，加左啲柚子胡椒，層次感非常豐滿，最後既海膽係黎自北海道，用紫菜夾住，配少少竹炭鹽，作為結束最後既最後係熱湯同噴左威士忌有淡淡酒香既蜜瓜作為甜品，整體上CP 值都幾高…查看更多

最先上菜的是墨西哥粟米脆片拼醬汁拼盤和每人一客既烤豬頸肉墨西哥夾餅。墨西哥粟米脆片配有墨西哥莎莎酸辣番茄醬和酸忌廉牛油果醬，味道方面我更喜歡番茄醬那款，微微辣味又酸酸甜甜，比較開胃，酸忌廉牛油果醬也很清新，但跟層次比較豐的莎莎醬比較，就有點平凡，但也很美味。烤豬頸肉墨西哥夾餅，夾餅比較薄身，餡料很多，所以想將整份弄成卷或夾餅進食比較困難，醬汁方面也是酸酸甜甜帶點辣，十分惹味。然後是刺身蝦配香辣紫蘇青檸汁，刺身蝦都新鮮爽口，醬汁方面因為以青檸汁為主，所以整體口味偏酸，如若本身不太喜酸的就不建議選這款。店家自家製免治雞肉棒 ，肉感嫩口，有秘制醬汁配搭蛋黃，雞肉串和醬味互相平衡，不會遮蓋雞肉肉味，又能令人感受到層次分口。串燒拼盤，拼盤中有雞翼、雞軟骨、雞肉及豬肉各２串，外表美味，可惜口感有點硬，選這道需要有牙力。主菜就是黑松露意粉及西班牙乳豬，黑松露意粉表面有蟹肉及少量魚子醬，意粉醬汁足夠不乾身，質地彈牙，黑松露味道亦濃厚。西班牙乳豬肉質嫩口易咬開，本身肉味充足，有他他醬作伴，沾後有更JUICE。甜品就有士多啤梨蘋果金寶伴雪糕，雪糕是完整甜筒倒插在金寶上，拍照後店員會幫忙弄碎甜筒，再等雪糕溶化了點，拌金寶一同進食，整個甜品甜度剛好，完全不膩，即使已經食了很多還能把煋個清空。最後就是飲品方面，店家主推梅酒及GIN，圖中的是以嘉善街命名的COCKTAIL – KA SHIN STREET，入面有GIN、梳打水、檸檬汁以及青瓜，味道十分清新，與這晚的多肉晚餐十分相襯。 …查看更多

之前一直有留意 DK Aromatherapy 嘅精油咁見佢有支無酒精消毒液 經過開就諗住入去買支啦不過完全佢除左係DK Aromatherapy門市仲係叫DK Cuppa Tea嘅cafe店員都有介紹佢地受不少客人歡迎「飄雪樂園」下午茶有外送套裝所以 我都買左套試下 (因為藍色好靚💙💙💙-「飄雪樂園」下午茶 2人份量 包下面嘅野🔹伯爵茶杯子蛋糕 2件🔹伯爵茶馬卡龍 2件🔹伯爵茶木馬曲奇 2件🔹脆米蛋糕 2件🔹英式鬆餅 2件🔹素菜撻 2件🔹朱古力 2件🔹玫瑰果醬 1罐🔹精美下午茶紙架 1份仲有30g 有機花茶一罐-個人覺得整體上味道不錯 我特別鐘意 個cupcake 🧁🧁 肥仔就鍾意件鬆餅 夠鬆軟而且就算唔點果醬都好好食所以我就忍痛 分半件俾佢換左一件cupcake返黎🤤🤤而且個紙架仲可以重複用自己係屋企不停扮食tea🤣🤣🤣🤣…查看更多

因為疫情嘅關係宜家啲餐廳都會在座位之間整塊膠板隔住感觀都幾麻麻仲坐得不太舒服不過都無計 由於非常想食敏華嘅蛋撻雖然蛋撻係可以就咁外賣嘅但係冇理由出門只係為左食一件蛋撻咁唯有坐低另外都嗌其他嘢食-咁當然其實重點係講吓件蛋撻個人更喜歡白色那一個鮮奶撻的因為很嫩滑而且有一點甜甜的不過無乜奶香味 另外黃色應該用左蛋黃為主比較挺身 無白色咁滑 不過就唔甜不喜歡甜的可以選這一個而且蛋撻外觀都好靚 好賞心悅目食都食得開心啲…查看更多

話說今次終於食到黑糖厚鮮奶味我成日行過都賣晒 🥺(太好生意不過值得一提係 佢地換左包裝盒以前係長條形 宜家係正方形仲有蓋如果唔想喺條街食 拎返屋企食都得啦以後不過梳乎厘班cake梗係趁熱食最好啦-咁黑糖厚鮮奶味 個cream好滑但又唔會稀黑糖味係連埋珍珠加落去嘅 雖然甜但又唔膩珍珠都軟硬適中 食鬆軟班戟又有啲咬口 幾過癮-另外一個係奶黃流心味面頭有一層焦糖 又有布丁圈然後多醬到令人雙眼發光 佢個奶黃醬入面仲有好多鹹蛋黃顆粒食落去咸咸地 如果唔太好甜真心要試男朋友一路食一路讚不絕口 …查看更多

店舖環境不大 但乾淨企理可能係平日下午 人流不多餐點亦都好快上枱可供選擇的款式也算多更有些特色款 例如 冬蔭公 青咖哩最後就選擇了青咖哩雞肉意粉本身意粉和雞肉都很足分量可惜青咖哩味略嫌不足 而且意粉汁亦不太夠雞肉亦沒有青咖哩味另外還有煙三文魚煙肉忌廉白汁意粉同樣 三文魚跟煙肉分量都很多這款意粉汁很充足 啖啖都很濃厚味道又juice整體其實也算很好吃 而且價格都比較相宜 60多元一個意粉另外也可以跟餐轉特色咖啡或果茶會再有光顧的想法 …查看更多

除左火龍果味之外其餘個3隻味都會定期轉今次嘅仲有 榴槤 楊枝甘露 同 橘子mix白桃咁多隻味之中 我最後揀左就食火龍果同榴槤火龍果味食落好fresh 好似真係食緊火龍果咁而另外榴槤味嘅情況都係一樣 又香又濃仲要唔膩佢個榴槤軟雪糕係我食過最好食嘅榴槤雪糕不過都食到雪糕本身無用牛奶 係雪芭咁所以好似真係食緊生果咁食素或者乳糖不耐症嘅人都食得不過飲品就 無咩特別 另外見雪糕有得配心太軟蛋糕 雞蛋仔個啲但之後要食飯 最後都係淨雪糕…查看更多

入面本身裝修 都係偏英式風格 帶點宮廷感亦都有啲打卡位可以影下相 ✨✨而且仲即場有唔同頭飾 飾物可以借黎影相用-不過重點都係食物 個Tea Set有以下食物 ➡️藜麥煙三文魚➡️菠菜芝士焗蘑菇➡️蟹肉餅洛神花漢堡➡️芝士蟹子三文治➡️焗忌廉千層薯➡️法式焦糖燉蛋➡️皇牌戚風蛋糕配麻糬➡️玫瑰紅桑子馬卡龍➡️野莓奶凍➡️英式鬆餅 配鮮奶油及紅桑子果醬-個人覺得鹹點比甜點好食好似焗蘑菇咁 只係用左芝士同菠菜 但唔會話太淡無味 反而食落同平時加左煙肉粒嘅一樣咁juice不過甜點嘅鬆餅其實都好抵讚 熱烘烘又鬆軟鍾意淡口嘅配鮮奶油食唔膩又fresh如果加埋果醬又另一種感覺另外我都叫左玫瑰花茶同玫瑰咖啡每一壺花茶下面都有迷你蠟燭令到每一啖嘅花茶都係暖立立又好飲…查看更多

去食糖水其實來來去去都係果幾樣但係要喺嗰幾款糖水之中脫穎而出有點小特別其實唔簡單不過就好似呢間咁 其實佢都只係喺平時嗰幾盆糖水一邊加少少佢特別嘅地方 令成件事有啲新鮮感有啲新穎嘅感覺就好似一款我食嘅龍珠星球 紅火龍果款咁佢其實就係芒果汁底 配西米露同西瓜哈密瓜等雜果之後就有幾粒有紅火龍果或者提子嘅啫喱成件事又出奇地覺得過癮 味道亦都唔差 咁如果有陣時想食糖水但又有啲咬口其實呢個亦都係好嘅選擇只不過其實店內嘅環境坐得比較迫基本上都差唔多背貼背咁濟坐咗人嘅時候基本上係行唔到出去㗎啦一定要起身樣一樣先會行到出去咁囉所以如果可能情侶兩個人去食都仲OK如果一大班朋友一齊去有機會要等好耐同埋就會坐得唔舒服傾唔到偈…查看更多

可能因為佢地點喺鵝頸橋再向海邊行遠少少嘅咁喺銅鑼灣來講佢相對嘅就冇咁多人比較寧靜放工之後想去飲番杯野食個晚餐摸下杯底其實佢嘅環境係唔錯㗎📌脆皮雞肉芝士卷芝士雞肉嘅比例都好足份量 不過就要嚟咗即刻食凍左之後就有啲麻麻啦📌 羊架 (set dinner)羊架嘅肉質煮得啱啱好 而且醬汁有另外上咁醬汁唔會太少 唔夠點 同埋食唔到芥末嘅朋友亦都可以選擇skip咗佢咁因為成個環境實在太舒服啦我成個過程其實都掛住同朋友傾計都唔係好記得當時食物嘅味道不過我諗應該其實係會好好食嘅如果唔係一個難食嘅情況下應該坐唔到咁耐傾偈…查看更多

咁當晚呢就同屋企人一齊食啦 就六個人咁佢一開始就會首先上咗一盤刺身先嘅咁刺身都好新鮮 尤其魚刺身本身平時我都淨係會食蝦帶子佢係咁嘅啫但係呢個魚刺身就好食到我都密密食可惜嘅係佢個餐淨係包一次刺身咁如果再食呢就好似我冇記錯姐另外再加錢嘅食完刺身之後呢就係上雞煲唔該幫我就唔記得咗影相啦其實都係普通雞煲樣囉你話會唔會有咩好驚喜嘅 都冇嘅之後呢食完雞煲佢就會叫你揀返一個湯底成個煲幫你換過啦今次出邊食雞煲食完雞就加湯就咁重返嚟打邊爐咁佢湯底嗰幾日都有麻辣湯底啊酸菜湯底啊咁最後我哋就揀咗個花膠雞嘅美人湯底咁佢入邊呢其實都有六至八舊花膠嘅如果鍾意食花膠嘅呢其實揀呢個就好抵食嘅咁另外佢個餐亦都會有配牛小排 手打丸同精選海鮮 有鮑魚 蠔 蝦 貝類 每人一件咁佢亦都有張紙可以另外額外嗌啲普通嘅火鍋配料咁飲品方便除咗汽水之外 值得一提嘅係佢仲會有唔同嘅茶類飲品有綠茶 烏龍茶 羅漢果五花茶果等等 咁竹蔗茅根同豆漿都有咁佢呢就冇雪糕呀甜品嗰啲拎嘅但最後就會有返一個幾有特色嘅甜品送佢係一個用火鍋煲入邊放啲西瓜汁同蒟蒻之後中間會放乾冰營造一個好似真係火鍋咁嘅效果幾清新幾特別嘅咁成餐埋單每人$400有找 我覺得其實還可以嘅整體…查看更多