rubygoodgood的个人专页

今日朋友生日，約咗去淘園打邊爐，我哋叫咗隻四斤幾重嘅龍蝦2食🦞，先刺身之後做泡飯😋，龍蝦刺身真係非常鮮甜😚，連個泡飯都煮得好出色，叫咗兩隻象拔蚌，超抵食，一隻包一個湯底🥘，細細隻殼竟然有咁多肉，再叫咗一打生蠔，其實呢個頭盤已經非常滿意🥰，跟住叫咗個花膠雞湯底🐔，我自己都飲咗三碗湯😀，之後先再加水打邊爐，至於邊爐嘅餸，點解要揀淘園，就係因為我鍾意佢啲嘢食夠新鮮，每次食親佢價錢又合理，又食到我想食嘅嘢，正😄…查看更多

今日個lunch同朋友去咗灣仔度食，我哋揀咗魚眾不同，今日我個朋友比較鍾意食辣，但係我對辣酒一般，所以就揀咗呢間，我朋友揀咗個酸辣水煮魚配米線，而我就揀咗個花膠雞湯配飯，雖然我唔食辣但係我都有試過佢嗰碗嘅味，都真係好香口，而我碗雞湯就覺得好鮮甜，亦好滑，正😍…查看更多

今個星期六約咗個朋友去咗號站到食蠔，呢間好慘我都去過好多次，每次叫嘅嘢都keep 到水準，我哋兩個人去食叫咗兩打蠔，蠔真係次次唔走得甩係必食嘅😍，實在太超值$10.1隻，今次我哋仲叫咗兩隻赤背，赤背真係好鮮甜😋，又叫咗個鵝肝，炭燒牛柳，最後再食埋個心太軟甜品☺️，有一次食到美味飽飽🤣…查看更多

佐敦新開湘菜館店鋪😁，湘菜平時小食，亦唔太多地方有，有又唔係好正宗，食湘菜必點當然辣椒炒肉、花菜、酸菜魚等等湘味臘魚真係極小地方有得食，之前食佢都係返大陸先有🥹，居然呢度都有仲好正宗，回甘風味👍🏻酸菜魚大大盤勁多爐魚、酸菜、薯粉，魚好滑又無骨，岩哂我😁大盤花菜必點花菜，獨家秘製炒法，有孜然味道，非常香口👍🏻野山椒炒牛勁大碟，咸香順口餸飯一流🍚尖椒黃金皮蛋 前菜必點既黃金皮蛋白飯$12 必定要食飯，樣樣都好送飯👍🏻…查看更多

依家太古城菜菜鍋我已經嚟咗好多次，點解叫你咁多次？就係因為佢keep得到佢嘅質素，我今日揀咗食上等牛放題，佢食嘅時間總共70分鐘，我不停叫叫叫叫叫，我自己一個人食咗六碟呀，仲出去攞埋啲菜金菇同埋出邊嘅魚食，食到要抱住個肚走，最後仲飲埋佢杯朱古力咖啡同雪糕…查看更多

今日喺公司做嘢做到好晏，都唔知去邊度食嘢好囉，諗咗一陣去王家沙花樣年華食啦，呢度個下午茶又飽肚又抵食，我叫咗個嫩雞煨麵，倍兩隻鍋貼，加埋一杯豆漿，買單都係$77，喺太古城來講呢個價錢真係差唔多啦…查看更多

今日一家人去咗觀塘隱世扒房度食飯，我同我老公+3個細路都係食肉獸，呢間扒房就啱晒我哋啦，佢嘅主菜有牛扒羊扒雞扒豬扒，我哋款款都覺要咗一個，試吓邊樣好食先，除咗食呢個佢喺出邊仲可以攞沙律湯同埋前菜，有蝦青口同埋翡翠螺，甜品當然唔少得啦，店員推介左我哋食咗個冬陰功炒飯，又真係另一番口味…查看更多

板長壽司平時都經常幫襯，因為我真係好鍾意食日本菜，今日約左朋友食飯，佢話要食日本野，我第一時間就諗起呢度😛。原條海鰻壽司盛合 共有12件壽司加州卷 2件 蔥粒吞拿魚腩＆芥辣八爪魚軍艦 鹽燒三文魚頭餃 食完飽飽，正正正…查看更多

抓緊颱風的尾巴🤭，知道要打風啦，當然食定餐好先，北海丼係太古城開業咗一段時間，以優質海產刺身見稱，今日飽嘗口福先😋。海膽三文魚角切魚生丼 有海膽，三文魚籽，兩款角切魚生。非常鮮甜,正再叫咗個深海池魚簿切 ，簿切池魚新鮮，魚味濃郁。…查看更多

今日落咗鰂魚涌，呢邊好多選擇，最終都揀咗韓國菜，雖然天氣好熱，行到去都出晒汗，但係我都鍾情食佢嘅人蔘雞湯飯，而我同事就食咗個石頭鍋飯，呢一間叫人蔘雞湯飯我已經食咗好多次了，熱辣辣嘅雞湯，入邊有半隻雞加埋啲糯米真係正…查看更多

今日唔知食乜好，喺太古城中心行行吓就行咗嚟食漢堡包🍔，我加咗個辣味薯條🍟同凍檸茶🥤，我食咗個芝士牛肉煙肉漢堡，個包一嚟到嘅時候真係非常吸引，又大又香，個辣味薯條真係冇得頂，我都成日飲凍檸茶但係呢間嘅凍檸茶真係好好味😋…查看更多

今日同同事去咗筲箕灣東大街都食呢間日本餐，呢間餐廳係住喺筲箕灣嘅朋友介紹嘅，東大街好多嘢食但係呢一間我往往忽略了，因為佢比較喺街尾，幫我去到嘅時候見到餐牌價錢又唔太貴，決定入去試一試，我哋兩個人帶咗4隻加拿大蠔，一個三文魚親子丼飯，一個雜錦海鮮丼飯，買單都係三百幾蚊，仲有碗麵豉湯，佢個丼飯刺身同埋飯都一啲都唔少，食完真係非常之飽，店長送餐嘅時候亦都會介紹俾我哋聽呢款係什麼什麼，好有親切感，刺身真係新鮮，真係可以再去多次…查看更多

今日約咗個舊同事去蠔屋度食，以前我哋喺中環返工成日都去蘭桂坊嗰間，今次改咗去銅鑼灣，首先嗌咗一打蠔@$10😍，真係好鮮味，接着再嚟多兩打😋，侍應推介我哋食是日嘅即開海膽，我哋有叫咗一客$168🤩，食完晒刺身，我哋就上咗款炭燒牛柳，炭燒牛柳肉質鮮嫩，真係好美味，都要讚下個侍應生非常殷勤👍🏻，另外有下次快啲再去多次嘅衝動…查看更多

今日食lunch行少少去咗鰂魚涌泰屋餐廳食泰國菜，呢間係我啲同事介紹，哇又平又抵食又好食，佢有午市套餐，我哋兩個嗌咗豬手飯，香葉肉碎炒意粉，炸雞卷，蝦醬炒通菜，佢個午餐真係好抵食，$60-70，我初時諗住午餐應該唔係好多，所以嗌咗個小食炸雞卷，又嗌咗個通菜，點知原來個飯都好大碟，我食咗咁多泰國菜，香港嘅泰國菜好多時都係適合香港人嘅口味，真係好正宗嘅泰國菜，下次可以再嚟幫襯😊…查看更多

平時最鍾意去私房菜食，呢度亦成為我半個飯堂，喜歡佢有私人空間，最適合一大班朋友一齊敘吓，飲吓酒食吓飯，今次仲有大有細，點會唔揀嚟呢😁大蜆雜菌豆腐湯大大隻蜆又無沙，魚湯底鮮甜芝士花龍蝦芝士愛好者必定喜歡，芝士味濃厚，龍蝦彈牙爽口，個個都讚不絕口菌皇伴大鵝掌大大隻鵝掌炆得好入味又淋，連埋菌皇一齊食一流香芒沙律大蝦球芒果沙律非常清新，大蝦球好有口感，大小朋友都喜愛金華玉樹雞金華火腿配雞好夾，鹹香十足，雞滑又入味富費金龍每件魚都炸得酥脆可口，仲好Juice，呢個真係好考廚師技巧👍🏻…查看更多