Heicm的个人专页

綜合三次食ZAZA既感想，呢間野門口既陣係會嚇窒唔少人，包括我自己。如果唔係當初成條街都係人，又唔想周圍行都唔會但求近近地衝入一間酒吧食晚餐。第一次食果陣兩條友叫左一個pizza，一個意粉，最後係食唔曬...同日係另外有對情侶兩個人淨係叫左一隻pizza，佢哋咁食應該岩岩好。個drink menu唔多岩我哋既選擇，最後兩個唔好咖啡既人叫左杯mocha 試，點知竟然覺得好好飲，飲落係順口，唔似平時出去星巴克飲果啲咁過苦或者帶酸。第二次再食就轉行叫左兩款意粉，不過我哋都係覺得菇扁意粉係好食啲，但今次水準略下降？第三次就淨係叫個芝士pizza，可能淨係得芝士味太單調，感覺無第一次食果陣咁香口惹味。今次同上兩次一樣都有叫mocha...但驚人發現，杯野份量大減！原先係用開大大隻啤酒杯，突然轉左用隻去飲會見到果種紅酒杯...仲有，杯野啲泡係會散！？之前從來無見過呢個情況...結果杯細左，泡散左，杯mocha由原本既一杯差唔多減左3/5吧...可能只係咁岩失手...？好食既野真係越來越少...希望下次行過女人街佢仲係度啦…查看更多

上次係外賣返屋企食，今次終於可以再次堂食佢個招牌火山排骨唔駛講個排骨一如既往水準咁正，特製酸汁配上靚靚排骨山真係無得輸另外叫左個飛天通菜，泰國香料炒菜不嬲夠惹味，啲通菜好嫩，成件事真係感覺非常良好…查看更多

第一次幫襯，我唔知係唔好彩定事實係咁差...真係試過一次就算啦，可能只係唔岩我口味啦燒肉同火鍋兩款和牛都試過燒肉牛可能咁岩係筋位，真係好難咬。另外，牛係好有牛油，但無牛肉味牛舌更加差，完全係食唔到咁制，可以完整食到得一舊半件...火鍋牛好明顯係急凍冰鮮，上檯果陣仲係一片片既冰塊肉，好延身。等水滾再放左陣啲肉都仲未完全解雪...咁無計架再等會水都煲乾，照放落去但唔敢由佢滾咁耐，驚韌嘛！正常兩邊轉色就拎上嚟食，肉係熟既但就係無左滾起熱辣辣既溫度，佢未至於凍，但就係有啲放涼左果隻感覺...話雖如此，眼見都有唔少人幫襯，仲有一兩檯似係熟客。口味呢家野真係好個人，唔岩我食都無謂勉強，留返啲位俾鍾意既人食啦…查看更多

諗住試一試個set lunch睇下啲肉質素，點知食完真係驚返唔到轉頭！😱我試個火鍋應該用普通質素既牛肉片，真係唔讚唔得！全部咁多片都完全無渣！仲要好霖！越食越開心，差啲成碗飯都食曬！🙈決定下次會試下啲燒肉，應該會更驚艷！🥰另外出面個自助吧都唔輸蝕，有齊飲料、沙津、甜品（小蛋糕）、雪條，仲有軟雪櫃。溫提一下，點餐之後唔會即刻上餐，可以先去自助吧攞啲輕食頂一頂肚先，不過細食既朋友要有節制，唔係就蝕左個正餐quota.😏非常建議大家係開飯網上面訂位，咁就唔怕要等幾耐/無位。小小題外話，火鍋的豆腐其中一舊有啲霉...🙈呢個應該係無心之失，希望店方出餐前多留意食物外貌。好彩我一早食飽飽，少一舊豆腐無礙。😅…查看更多

成餐飯最好味係個湯，係蘑菇忌廉湯黎，每一啖都有蘑菇粒，忌廉又唔會傑撻撻，入口岩岩好。飲品冷熱都係大大杯。主菜無特別，印象唔深，豬鞍太瘦，切開已經見到一絲絲肉纖維...…查看更多

鹵肉有肥膏，隻味又似台灣食開果隻味，淨係呢樣我已經要畀心心佢。炸豬扒同其他配菜就不過不失。杯綠茶幾好飲，叫左少甜就岩岩好岩味。商場舖黎講佢唔算難搵位，我哋差唔多去到門口已經有職員安排入座。餐點係用QRcode落單，等餐大概15分鐘左右，時間合理無投訴。…查看更多

鬧市中寧靜的一間食肆唔係無原因...車仔麵食物選擇無特別，全部係凍肉櫃會搵到既凍貨，無咩話自家秘制食品。至於佢既小食有無驚喜我會保留意見，話曬無點就唔會亂評。埋單百零蚊，唔會話佢貴，但都唔係太抵食咁。唔講食物既話呢間舖係幾好坐，因為唔多吸引，無乜客，位任你揀任你坐，又唔嘈。…查看更多

火山排骨無令我失望！真係好好食！個汁帶微酸好開胃，排骨份量好足，我地兩個人點一份細既已經夠食。生牛粉正常，牛肉質素係好既，無渣，湯底濃厚。泰式檸茶味度好濃，應該加左檸汁，泰茶味香濃。…查看更多

通菜魷魚好辣辣到嘴仔都紅曬，唔食得辣真係要留意。豬腳彎肉骨茶，呢間野肉骨茶係我食過咁耐以黎最濃既一間！鍾唔鍾意應該好睇個人重唔重口味我覺得咸左啲…拉茶好香好滑，甜度又岩岩好，賣相好岩打卡呃like 咖咉多個醬好好味，多士好脆，必食。…查看更多

飲品掛著古怪的名但其實係一般果茶，無乜特別生牛肉烏冬石頭窩加乘，湯可以keep 住熱全程，石頭窩配麵食會加分。溫泉蛋生熟得宜，糖心口感唔錯。牛肉質素OK ，唔係超市肥牛，但又未去到入口軟糯。豚肉片石窩飯，呢個係我地每次必點…但今次上檯時見到有啲失望…整體成個飯份量減少左，肉的質量都無之前咁好，柴口左…食完呢個飯仲未有七成飽，之後要轉場食多個糖水先夠飽足感。…查看更多

餐廳外觀吸引，座位比較逼，檯既size 偏細，二人檯擺唔到兩碟以上。Walkin 客應該只會安排門口附近既位，建議openrice book 檯。前菜沙津係足料，菜都新鮮，醬汁可以另上，細心之處可以加分。主菜冬陰公味係有，偏辣，不過無乜香味，普普通通。蝴碟粉偏硬，唔係太岩我胃口。飲品龍眼冰正常，泰式奶茶茶味偏淡，甜度岩岩好，有改善空間。結論，商場舖，食裝修。服務態度唔錯，不過好勤收碟，似趕翻檯，明明唔爆場…商場舖，預左價錢貴，CP 值唔高，想影相上網呃like 可以一試……查看更多

行街前食返少少野補充體力，自從係日本食過幸福pancake 之後，就對呢類型既甜品特別有好感，不過之前係香港試過兩三間既質素都麻麻，難得今日心思思想食pancake ，就去左商場出面有大大個pancake 廣告牌既甜品舖試試。一上到去都有少少人龍，大概等左15分鐘到就安排入座。舖面細細，一眼已經睇曬有幾多位，不過檯與檯之間唔算貼，坐落都舒服既。因為之後仲會食晚餐，就叫一份pancake 兩個人share 。Pancake 質地都係輕飄飄，食落無負擔，個糖漿唔會好杰，又唔會死甜，就算原味都食得好開心。杯桃茶甜店岩岩好，份量都OK ，食完曬份餅唔會無曬野飲。備註：真金白銀自己掏荷包畀錢百幾蚊食個下午茶…查看更多

成日路過都未幫襯過，今日終於決心要試下。簡簡單單叫左兩個細魯肉飯，兩個小食，一杯菠蘿綠茶。菠蘿綠茶叫左少甜，飲落好舒服，菠蘿汁唔會太搶，入面仲有少少菠蘿碎碎，可以咬下無咁單調。魯肉飯有驚喜，同台灣原味道勁接近，係我哋鍾意果種有油香，食落唔會好膩既半肥瘦豬肉。雖然無加香菇，但淨肉一樣唔失禮。炸魷魚切件大細岩岩好，方便食又唔會沾到嘴或者塊臉。層炸粉香酥，唔會厚，調味唔會死咸。醉雞卷雞肉唔會死實實，不過係瘦既，無乜雞油，鍾意食彈牙有雞油香既人可能唔太鍾意。不過我呢啲瘦肉精就岩岩好。酒香唔太濃，淡淡地，岩唔好酒味既人。…查看更多

睇過其他食評都知旺角呢間分店係比其他分店水準差，可能係旺區啦，我都係因為就腳先揀旺角分店。今日6點幾就去等位，前面有兩檯客，等左3個字到入到去。唔知咩原因叫便當要等半個鐘，唔怪得成場有9成都叫麵…事實上個豬扒便當黎到果陣個賣相真心唔掂，死死實實咁款，好似擺左好耐唔出餐一樣…食落個味道同佢外表一樣…個魯肉飯就最安全…一落單無耐就出餐，好似仲快過杯紅茶，味道都正常，份量係夠既，我係雀仔胃，食完已經夠飽。…查看更多

好耐無食金滿象，對上一次黎仲係有兩個舖位，有平民版粉麵餐牌同正價版兩款餐牌…今晚再次幫襯已經得返本舖一間同埋得返正價餐牌。酸辣鳳爪係泰國菜必叫，份量好足，非常入味，唔記得叫少辣食到個嘴有啲麻。青咖喱炒米，上面蟹肉唔少，不過唔係同個米粉一齊炒，所以啲蟹肉係原味黎，即係好清淡。但個米粉一樣好入味，而且係條條米粉都掛到汁，乾爽，好好食，食得好舒服。牛油大虎蝦係呢餐既亮點！真係好正好香好爽口！雖然百幾蚊只係得兩隻蝦，但係食完之後真係覺得值呢個價！蝦身有一隻女士手掌咁長既，蝦頭同蝦身差不多係1：1。唔係好大隻但都有啖啖肉既口感，加埋上面果層牛油麵包碎，食落好豐富，不過我唔食蝦頭，評唔到個頭有幾正…。雖然當下有少少唔夠喉，但一人一隻係幾fit ，我估食多隻會有啲膩，重牛油嘛。食完呢餐之後對金滿象有重新既印象，打算再試下餐牌上面其他食品，期待有更多驚喜。當晚星期六都好爆，見唔少人walkin 要係門外乾等，大家可以多善用open rice 訂位功能。…查看更多