cocc_foodlover的个人专页

係荃灣廣場行完街買左衫👗, 就同朋友過對面呢間日式料理餐廳晚飯, 裝潢很有日式居酒屋格調, 設有吧枱和二至買四人枱, 除左餐牌, 店內牆上黑板都有寫左一啲時令和特別推介，晚上6點至9點半日本直送刺身都有八折👏🏻*深海池魚王刺身🐠(半份)店員話池魚而家係事令食物, 我地叫了半份, 池魚薄切上枱, 已切好一片片，點小小醬油, 食落爽脆, 食其鮮味*鱈魚白子🐟鱈魚白子經過燒炙, 味道濃郁和鮮甜，小小咸咸地, 口感滑順而帶有奶油般的豐厚感, 尤其係冬季最為肥美, 另外亦都可以加蔥和辣蘿蔔蓉伴酸汁, 口感更豐富*鮨一沙律 🥗好大碗, 材料豐富, 滿滿的魚生和蔬菜, 色彩鮮艷! 配搭了幾款各切魚生粒，如三文魚子, 三文魚, 好喜歡蕃茄, 真係好甜, 混合所有材料一齊食連酸酸地既醬汁, 十分開胃*鰻魚炒飯🐠🍙炒飯炒至粒粒分明, 結合了蛋香和米飯的嚼勁，加埋經過調味烤製的鰻魚, 其香甜和醬汁的鹹甜增加了炒飯的層次*串燒類:煙肉蘆筍串 🍢~ 蘆筍係粗個種, 所以有咬口, 煙肉燒到脆脆, 兩者一齊食結合了鹹香與清爽, 絕配鹽燒大虎蝦 🦐~ 爽口彈牙燒菠蘿 🍍~ 好甜又juicy…查看更多

放工搵舊同事食飯, 佢帶左我去呢間係商場入面既西餐廳, 話馮星期二呢間餐廳做緊TBone牛扒🥩半價, 叫我一定要試下, 呢間都幾特別, 入到去係零售超市, 好多野買, 連蔬果🍇都有, 跟住又有一間好似品酒🍷室, 擺滿好多不同酒類, 再入就係用餐地方, 燈光昏暗有格調, 我地就坐室外, 環境好chill, 仲可以帶寵物🐶一齊用餐, 太開心了朋友係零售位置既凍肉櫃自選好了TBone牛扒🧡，店員會即時磅出價錢，之後可以揀配菜,我地就揀左菠菜. 另設有牛扒可以係屋企或者店內享用都得, 好方便👏🏻*澳洲哥芬灣生蠔🦪~ 有濃郁的海水鹹味和鮮味，口感爽脆, 檸檬以布包住, 唔驚整到手濕哂又乾淨, 好細心*法式洋蔥湯 🫕~ 味道濃郁香甜，帶有洋蔥的甘甜和焦糖化後的香氣, 配搭芝士酸種多士, 點小小湯, 更加美味, 喜歡洋蔥湯的必試*法式雞肝凍🐔 ~ 配以烤法式蛋麵包, 糖漬核桃和照燒洋蔥, 麵包微熱軟熟, 夾埋洋蔥和香濃雞肝醬, 好夾*GrassFed TBone🥩真係好大塊, 同埋厚肉, 我要左medium, 煎到剛好, 呈鮮紅色同埋香噴噴, 結合了兩種口感，一邊係軟嫩、脂肪少、風味溫和；另一邊就係結實, 帶有嚼勁、油花較豐富的口感😋下次要買牛扒返屋企試下自己煎先💪🏻💪🏻…查看更多

食完飯上朋友屋企坐下傾計, 大家都想食甜品, 佢介紹呢間甜品店的芋圓好食👍🏻, 係港鐵顯徑站A出口, 步行約幾分鐘就到, 甜品店除咗甜品和飲品之外，仲賣埋蔬果🍓🥦，附近住的街坊可以幫襯埋好方便, 店員好親切，話轉左秋冬，佢地最近開始有芋泥波提供, 我地都試下☺️餐牌除咗主打芋圓都有其他款式既甜品，想試椰皇不過賣哂，下次食🤩💜招牌甜品: 紫薯・芋圓屋大雜燴紫薯系：自家製三色芋圓、紫薯波、仙草凍、西米、寒天晶球、珍珠， 材料多到呢， 真係好豐富！三色芋圓煙煙韌韌，好QQ， 配搭椰汁花奶底，味道夠哂層次，勁滿足，紫薯波好香， 加埋芋泥波好綿滑，各有千秋💛爆脆芒果西米撈有驚喜，金黃色芒果大大件，超鮮甜多汁，西米脆脆好大粒， 咬落去脆卜卜，芒果爆爆珠一咬即爆， 好刺激， 加埋芒果汁一齊食，口感豐富得黎即刻感覺好冰涼，推介🧡百香果爆珠百香果爆爆珠、珍珠、黑糖水晶、愛玉凍、西米，呢款第一次食，味道酸酸甜甜， 加埋爆爆珠和其他材料一齊食，好REFRESH！店員服務好又很貼心🥰，有主動問是否需要調整甜度，總括甜品味道不會過甜，很適中，份量多，食甜品必選…查看更多

朋友好種意食雞煲🥘和燒烤🍢, 我就帶佢黎左呢間位於大圍的親民小店晚飯, 佢主要食雞煲、烤魚、燒烤, 有室內和室外坐位, 好岩朋友吹吹水或一班人聚會🥳*秘制雞煲🐔🔥（半隻）有原味或者麻辣, 我地叫左麻辣小辣, 店家先擺好爐, 熱辣辣雞煲隨即放上爐頭, 繼續滾滾, 真係越滾越入味, 特製湯底滲入雞肉入面, 雞肉鮮嫩多汁，配埋洋蔥、芹菜一齊燜更加香, 麻辣越食越辣越過隱, 真係好刺激, 哈哈, 喜歡麻辣雞煲必叫!*炭燒大頭蝦🦐 ~ 燒到蝦味香噴噴, 蝦肉好彈牙, 好味*烤五花肉3串 🐷~ 燒到外皮香脆, 味道小小辣辣地和鹹香, 肉質結實*燒金針菇肥牛🥩 ~ 金針菇肥牛配埋辣粉一齊燒, 好香口和多肉汁*法式烤菠蘿🍍 ~ 推介, 面頭有焦糖肉桂一齊燒, 口感豐富, 超多汁, 大愛*烤日本厚切牛舌 🍢~ 真係厚切架, 好有咬口又惹味*招牌鴨屎香檸檬茶🍋即叫即制, 見到店員好落力去整, 讚, 仲好大杯, 飲落好香青檸檬味, 鴨屎香茶底濃, 甜度適中, 好清新味道*蜜桃益力多🍑又係好大杯, 顏色好靚, 不會好甜, 仲有粒粒椰果食, 好Q彈, 食燒烤飲佢好清爽 …查看更多

食完飯想食下甜品小食, 就黎左呢度food court既石磨樂豆, 佢係來自新加坡既豆乳店, 每日石磨鮮製👍🏻, 提供好多不同款的健康豆乳、甜品、飲品和輕食! 仲有季節限定款或期間限定, 唔會悶, 成日可以試新味道, 正😋🧡招牌咖央面煎糕 (加茶記菠蘿🍍脆) $42 (轉左跟餐有野飲)呢款小食都係第一次食, 原來係新加坡人氣小食, 食落好似雞蛋仔, 外脆內軟, 入面餡料係小小咖央醬 (可自選花生醬／麻糬／咖央餡), 外層特別加左港式嘅菠蘿脆皮, 令口感更香口有層次, 小小煙韌, 仲係微暖, 好味💛香芒小宇宙 (芒果🥭,小丸子, 西米露) $49芒果甜而不酸，小丸子煙煙韌韌, 西米露通透, 煮得剛好, 三樣加埋好夾, 很濃郁香滑的風味, 喜歡💜三色芋圓豆腐花$34芋圓Q彈口感, 豆腐花香滑, 好大碗, 好抵食🌟樽裝木瓜雪耳雪梨豆乳$36木瓜好腍而香, 雪梨清甜，雪耳爽，好多材料, 混合埋豆乳, 滋補之選 🌟樽裝桂圓桃膠豆乳$42桂圓桃膠養顏又滋潤，養血安神, 好岩女士, 勁多桃膠, 份量十足 🌟9°微甜濃豆乳500ML (跟餐) ~ 豆味幾濃, 不會好甜, 含有豐富的植物性蛋白質、鈣、鐵、大豆異黃酮等營養素，對人體健康大有裨益…查看更多

又有手信🎁, 約左朋友黎呢間旺角人氣嘅手工啤酒🍺酒吧吹吓水, 聽下佢既行山之旅! 店員好nice介紹了不同啤酒🍺的味道和特色, 我地都叫左兩款黎啤啤佢*吐司雞🍗之前食過一次, 真係覺得好好味😋, 上次叫半份, 今次叫了全份, 可以食多啲, 吐司係厚切西多配搭介央牛油，難怪甜甜地特別香, 仲係微暖, 令牛油慢慢熔化吸收, 全份炸雞好大塊, 炸至外脆內軟, 冧上大麥麥芽糖漿, 更提味, 雞肉嫩滑, 好juicy，推介👍🏻!*脆邊漢堡🍔最上面芝麻漢堡麵包好脆, 免治牛肉質軟腍，加埋雙層車打芝士, 酸瓜, 蕃茄🍅和黑椒蛋黃醬汁, 食落好有口感*黃金薯條🍟面層加了咸蛋黃一齊炸, 咸咸地, 薯條熱辣辣，好脆口🍺Classic Pale Ale(0.4L) 經典淡愛爾 :5%酒精濃度, 帶有麥芽的甜味和啤酒花的苦味, 但兩者達至平衡，口感溫和且易入口🍺Gose with Salted Lime(0.4L) 鹹檸高剎酸啤：4%酒精濃度, 加入了香港茶餐廳的元素, 鹹鹹地, 有酸爽嘅口感酒吧成晚都好熱鬧🥳, 越夜越多人, 氣氛真係十分好，大家都開心暢飲食野!…查看更多

放假黎到馬灣1868打卡, 打完卡食個早飯, 見到呢間餐廳好有外國風情feel, 又有可愛貓店主坐陣, 就入去休息和享用晚餐, 入到去感覺充滿巴黎的浪漫氛圍, 裝潢佈置富有異國特色, 好chill~ 店主介紹仲可以有名信片油畫和畫碟創作, 自己試下做吓藝術家, 小朋友和大人都岩, 哈哈! 由於食物即叫即整, 所以都需時, 要耐心等候喔~*秘製雞胸肉配煙三文魚沙律 $138叫左呢款健康餐,  慢煮雞胸肉都係自家製, 配以小小黑椒粉作調味, 食落有咬口, 煙三文魚美味, 配搭沙律醬雞絲和鷹嘴豆醬, 好豐富又有益, 沙律菜新鮮*蜜糖香草鹹豬手切片配沙律 $238豬手都係自家製, 外皮燒到金香比較煙韌, 肉質結實, 味道濃郁, 配以酸瓜, 橄欖, 鷹嘴豆蓉和雜菜作為主食, 份量都幾多*蜂巢蜜糖水果脆脆配雪糕 店主介紹呢度既signature dessert, 蜂巢就咁食小小硬敢地但又幾脆, 幾特別, 混合埋士多啤利、香蕉、nuts和雪糕, 口感相當豐富, 好味*粉藍色雙子星由藍柑橘、香蕉、乳酪製作而成的飲料, 打卡靚, 飲落帶點清新, 小小柑橘和香蕉香味*粉紅色的一生以士多啤梨為主調, 加上香蕉和乳酪, 好cremy, 都係靚靚, 好適合打卡整體用餐愉快, 會再黎光顧~…查看更多

今次黎到呢間西餐廳探店, 係由本地米芝蓮廚師主理的創意中法fusion菜，裝潢富現代感，仲有水晶大吊燈裝飾, 燈光柔和, 感覺很輕鬆，可以慢慢食和傾下偈。*工人鮮炸薯條( 可自選兩款醬汁)㨂咗黑松露醬和黑蒜醬, 薯條即叫即炸, 熱辣辣上枱, 食落脆卜卜，點埋醬更惹味和香口*咖啡煙燻西班牙豬鞍呢款豬鞍肉真係幾好, 帶點煙燻後濃郁的味道，肉質又嫩滑不會乾，配搭芥辣汁，蘋果紅棗泥黑醋汁, 更加提味和沒有油膩感，口感真豐富*燒白味噌日本黑鱈魚鱈魚燒得外脆內嫩, 十分嫩滑, , 食落口魚油香滿滿的, 好味*懷舊糖蔥餅配雪糕第一次食呢款創意甜品, 糖蔥餅多數係街邊見到有賣, 估唔到呢度會有, 食落脆脆的，配埋黑芝麻雪糕，又幾特別, 甜而不膩, 唔錯唔錯*Strawberry Smoothie & Mango passion fruit smoothie兩款smoothie都好大杯又冰凍, 不過我自己就喜歡Passion fruit個杯多小小, 小小酸酸地又唔會過甜, 好refresh! 門口有展示做緊大熱Labubu優惠, 喜愛Labubu的朋友都快啲黎試下!…查看更多

又黎灣仔覓食，今晚揀咗呢間泰國餐廳, 好有外國feel😎, 一入去即刻感受到好輕鬆既氛圍！餐廳有室內和室外, 不過多數係戶外座位，我地坐室外chill下🥳, 室外佈滿小燈飾💡和熱帶植物🏝️, 好有泰式格調, 夜晚都多人開心聚餐和飲野, 輕鬆一下, 感受到係快樂既氣氛入面🤗*豬肉碎春卷 🌮~ 外皮好薄, 香脆可口, 入面包住炒香左豬肉碎點埋辣醬汁, 好惹味*柚子蝦沙律🥗柚子沙律混合了蝦乾, 花生和特製鹹香酸醬汁, 十分開胃, 越食越想食, 蝦肉爽口彈牙*馬莎文咖喱羊膝🐑不會太辣, 小小甜甜地和微辣, 喜歡呢種特別的咖哩味道, 羊膝好大隻, 炆到好腍，肉質結實易拆肉，沒有羶味, 入口美味, 額外叫了咖哩的好拍檔酥皮薄餅, 點埋咖喱汁，絕配*香蕉烤餅配椰子雪糕🍌呢款甜品好有泰式風味，以香蕉切件配烤餅和朱古力醬, 加埋好香椰子雪糕, 口感豐富有層次, 烤餅食落煙煙靭靭*Mango Slushy 🍹~ 好香芒果味，甜甜地沙冰感, 清新冰涼*PHUKET COLADA🍸 (Cocktail) ~ 泰式雞尾酒, 飲落酒味不會太濃, 岩女士飲, 味道比較creamy, 小小酸酸地…查看更多

放假行下大圍圍方商場, 約埋朋友仔一齊飲下茶, 呢間酒家係由酒店級大廚主理, 主要提供中菜, 中午可以食點心飲茶, 呢度坐得幾舒服, 如果安排到坐靠窗邊位, 仲可望到室外園林景色, 好光猛, 裝潢都好優雅有貴氣!*彩虹鮮蝦餃 🍤~ 皮薄餡靚，外皮主色係橙綠色, 仲有金色點綴, 好精緻, 裡面蝦肉好彈牙, 外皮做得唔錯, 唔會話好厚, 食落煙靭*雪山叉燒餐包🍞 (三個) ~ 有驚喜, 熱辣辣上枱, 麵包好軟熟, 叉燒好夠味, 多汁, 口感豐富, 推介, 記得襯熱食*奶黃煎堆仔🥚~ 呢款入面有流心奶黃煎堆仔, 第一次食, 同樣都係熱騰騰, 外面有好多白芝麻, 外脆內軟, 咬開中間的流心奶黃餡浸出, 香口得黎甜甜地, 喜歡*黑松露紅菜頭 ❤️~ 黑松露勁香, 配搭埋香菇, 好有咬口, 用了紅菜頭製造成外皮, 特別, 兩者都好夾*龍蝦湯鮮竹卷🦞~ 鮮竹卷多數都係蒸, 呢度就炸左腐皮, 食落脆口, 加埋龍蝦湯一齊食, 多了層海鮮味道*紫米脆網鮮蝦腸粉 🦐~ 用左紫米嘅米漿做左腸粉較特別, 蝦肉經炸過, 入面食落酥脆, 點埋辣油, 更提味, 種意食炸物, 要試下*煎釀尖椒 🌶️~ 煎得幾香, 小小辣辣地, 好惹味茶位: $20/位, 餐前小食: $28, 醬料辣椒醬幾好👍🏻…查看更多

好耐無打邊爐🥘, 聽同事講呢間而家做緊優惠, 火鍋材料又新鮮, 座位寬敞, 即刻約左好友黎開餐!湯底我地就揀咗招牌椰子🥥雞煲，已包左半隻雞🐔, 雞塊大件, 仲會送埋兩個新鮮椰青, 加落湯到，超讚👍🏻! 所以店員提議我地先飲湯才打邊爐🥘, 咁鮮甜, 又點可以唔飲呢, 我都好種意飲椰子雞湯, 真係好香甜濃郁, 之後再放埋成碟雞落去煮熟就食得啦🥳*安格斯牛頸脊(例)🥩牛頸脊比想像中大碟, 份量都幾多, 油花分佈都好均勻，拾幾秒就可以食得, 不用太耐，牛味濃, 肉質嫩滑，點小小醬料更提味*招牌黑松露肉蟹餃🥟食落真係滿滿的黑松露香味，餡料也十分飽滿，仲食到到蟹肉, 喜歡*美國桶蠔🦪好大隻生蠔，拾完唔會點樣縮水，保持到香濃蠔味*蟹籽墨魚滑🐙呢個真係必叫，好香墨魚味之餘，勁爽口彈牙*繡球菇🍄‍🟫份量也不少, 吸收了椰子雞湯的精華，食落特別香濃*手打檸檬茶🍋一黎到, 嘩一聲, 好大杯, 真係超抵飲, 好濃茶味, 多鮮青檸檬, 味道清香小小微酸，好岩配火鍋, 一定要叫BECK 啤酒🍺~ 我就叫左杯先，夠哂冰凍, 好爽! 餐廳而家做緊優惠: 身份證有 1，5，7，9 四個字其中一個已經有優惠！…查看更多

我都好喜歡食串燒, 今次朋友去完旅行, 約我俾手信, 上網介紹呢間串燒店好有人氣, 仲做緊飲品酒類任飲2小時, 可以開懷暢談飲幾杯先~ 呢度裝潢係行日式居酒風, 感覺Relax~店員先送上開胃餐前菜，點埋芝麻醬, 唔錯!*鵝肝多士 ~ 鵝肝煎得外脆內軟, 香味濃郁, 加左小小黑醋, 配埋脆脆多士一齊食, 好得, 推介*甲羅燒 ~好濃郁又鮮美, 仲有小小味噌風味, 配搭脆多士, 絕配串燒:*明太子雞腿肉 ~ 小小微辣, 雞腿肉好嫩滑*牛舌芯(京蔥) ~ 牛舌香味濃, 好爽口*明太子雞翼 ~ 個人都幾喜歡明太子, 雞翼必叫, 燒到外皮脆金黃色, 而且肉質多汁小竦, 好惹味 *七味雞皮餃子 ~ 呢款幾特別, 雞皮入面包住餃子, 燒到好香口, 好味*豚肉蘆筍卷 ~ 蘆筍解油膩, 同豚肉一齊食好夾*宮崎A5和牛粒 ~ 燒得剛好唔會韌又濃味, 推介*燒日本生蠔 ~ 新鮮juicy*白鱔 ~ 燒到香脆, 一串好快食哂, 哈哈*焦糖菠蘿 ~ 加埋焦糖一齊燒，甜甜地又多汁*芝士玉子燒 ~ 味道帶甜和有蛋香*梅酒 ~ 都幾香梅味*巨峰提子梳打 – 好清新…查看更多

呢間啤啤熊靚靚粉藍色cafe已經被我bookmark左, 今日跳完舞, 就同友人黎探店和打卡, 一見到大大隻可愛的啤啤熊, 已經即刻想打卡, 哈哈~ 入面裝潢十分雅致, 滿滿的少女心, 採用了粉藍和白色做主調, 感覺很舒服, 仲有室內樓梯位置, 可以係度寫意嘆咖啡~*港式菠蘿酸種包配鵝肝牛油個脆皮港式菠蘿包勁大個軟熟,麵包面鬆脆, 中間夾左件厚切鵝肝牛油, 食落好香鵝肝味又有口感, 唔怪得之係呢度既signature~*港式奶茶焦糖燉蛋 用上了懷舊茶杯裝住焦糖燉蛋, 配搭滑溜雪糕, 面層焦糖燒到薄脆, 增加口感, 入面就好綿滑, 不會很甜, 食落口有股香醇的奶茶味道, 一定要試下*手工日本山藥雞肉丸焗意粉 長通粉掛滿香濃蕃茄醬, 配埋自家製肉丸, 係由新鮮雞肉和山藥調製, 食落比較鬆化*巧克力咖啡 店家用左法國Valrhona70%黑巧克力，黑朱古力產生非凡的苦味，帶出獨特的芳香味道, 配埋咖啡，十分香濃, 拉花都好靚, 即時心心眼…查看更多

呢間韓式燒肉餐廳之前已經bookmark左🩶, 咁岩朋友係外國返黎, 所以同佢一齊黎食, 佢同我一樣都好喜歡韓式燒肉, 呢度裝潢十分型格😎, 座位舒適, 仲有K-pop聽, 好有韓國feel氛圍👏🏻!烤盤又好特別, 第一次見, 原來係特製同專登擺放斜斜地, 多出既油可以漏落下面, 不會好油👍🏻店家提供了幾款秘製醬料和開胃菜小食, 包括醃蘿蔔🥕和魷魚🐙, 仲有笑哈哈調味料, 好得意, 岩哂打卡! 我就最喜歡有店員會幫手燒埋, 因驚自己唔識燒會燒燶, 浪費了食材, 而家幫燒埋, 好開心😆*罈子五花肉🐷 + 炒飯🍚厚切五花肉份量都好多, 店員幫手烤到剛剛好不會老, 再剪成細細件, 有驚喜, 食落外脆內軟, 很香口和juicy, 肉味濃郁, 推介🧡!伴隨有泡菜, 蒜頭, 另外雞脾菇會煮熟埋, 夾埋一起食, 好有口感~呢個餐跟埋韓式炒飯🍛, 炒飯粒粒分明, 帶點微辣, 餸肉都好惹味~*韓式芝士蒸蛋🥚 ~ 芝士放上蒸蛋上面, 蒸得蓬鬆, 入面加了高湯, 蛋香味非常濃, 份量都十足, 建議趁熱食, 會較香濃*蕎麥拌冷麵🍜冷麵配埋牛展, 雞蛋和白蘿蔔, 比一般冷麵豐富, 冷麵食落爽口，配埋特製醬汁, 更加開胃*士多啤梨米酒🥃 ~ 士多啤梨味的韓式米酒，飲落清甜, 有米酒香氣，容易入口, 都好岩女士飲*芒果奇異果沙冰🍹 ~ 芒果和奇異果酸甜適中, 沙冰幼細, 好岩夏天飲又解膩…查看更多

朋友係外國回港慶祝生日🎂, 佢又好喜愛韓燒，所以我就約埋幾位朋友黎呢度食韓燒放題, 晚市120分鐘韓燒任食$298/人, 上網睇已經係超級豐富, 黎到都要嘩一聲, 勁🥳! 真係好多野食和多款式揀! 我地叫左好多野食, 超開心🤩, 成張枱都係食物和飲品, 哈哈!我地都好喜歡食牛🥩, 揀左美國安格斯下肩胛肉和肩胛翼, 澳洲草飼黑安格斯封門柳、澳洲草飼黑安格斯牛頸脊和牛板睷, 各款各有特色, 燒完幾香, 再加小小鹽調味, 我就比較喜歡澳洲草飼黑安格斯牛頸脊，肉味較濃~ 熟食都有十幾款，有韓式柚子單骨雞翼和炸雞、小食韓式魚片串都要試下，體驗下韓國當地小食🦋晚市訂枱優惠 (3選1):✨每4人會送原塊安格斯西冷牛扒，好大塊, 食落肉質剛好!✨如喜歡食生野, 餐廳可以追加不同種類:*每四人加$88任食刺身和海鮮，如帆立貝、赤背、扇貝、廣島蠔、海虎蝦等，刺身相當厚身新鮮*加$1韓國直送慶州韓牛西冷一塊*加$1韓國直送醬油蟹併盤一份, 包埋醬油蝦✨每2人起訂枱加$88食海鮮刺身, 免費升級換購時令生蠔1隻或松葉蟹, 好抵食除此之外, 自助區有雪糕🍦、窩夫、爆谷、生果🍎等等，一定滿足卜朋友生日🎂，每4人可以免費送蛋糕一份，擺設都好靚, 好有儀式感, 慶祝生日岩哂啦!仲有其他優惠, 5點入座 (7點前離座) 或 9點後入座每位即減$40, 又可以平啲詳情請查詢餐廳~…查看更多