Cindy Kam的个人专页

天氣轉冷，食辣嘢暖身就最好，於是和友人嚟呢間試吓。諗唔到呢度的2人套裝都唔貴，一於唔駛煩，就試吓二人餐。前菜揀咗肴肉及口水雞，肴肉好食，值得推薦。口水雞味道都好好，不過就多油咗少少。跟住係主菜水煮牛肉，如果您唔係好食得辣，呢個啱晒您，少少辣，恰到好處。若果您嗜辣，您會覺得呢個冇料到...浸時蔬係預期之內好，反而西洋菜餃，係我覺得要推薦的，又香又多料，皮夠薄，好好！👍🏻甜品酒釀丸子都非常唔錯㗎！…查看更多

難得準時收工，遷就在九龍工作的朋友，往荔枝角附近dinner。因為我倆也未試過這間，所以在openrice網上book枱試吓，好彩有book位，否則walk in係冇位坐，高朋滿座。我們點了2個set dinner + 1個dessert，試吓好唔好食。先嚟bread & soup，麵包又軟又香，蘑菇湯比我想像中好飲，足料！跟住試牛扒及豬鞍，牛扒跟預期中好味，沒甚驚喜，反而係塊豬鞍make us surprise。煎得剛剛好，配蜜糖汁非常好食。讚！Dessert叫咗心太軟，雖然係流心，不過因為佢用杯上，所以做唔到啲汁流出來，好彩味道都叫做OK。不過埋單唔算平，所以令我冇咁快諗住encore。…查看更多

有一段時間冇食泰菜，就去呢間試吓，因為見到有半價蟹做推廣。招呼其實唔錯，有笑容有禮，只係有D蝦碌，例如唔記得比menu。😛因為得2個人食，只係試咗咖哩蟹、Roti及蔗蝦。叫咗呢2樣嘢，就可以加$3飲beer🍻，呢個推廣好吸引！👍🏻第一樣上枱竟然係蟹先，汁好味，因為一早講咗係唔辣，所以唔辣但可保留辣的香味。蟹真係足料，好大隻。汁配埋Roti食，一流！👍🏻不過Roti略嫌不夠香脆及不夠熱。蔗蝦則是預料水準之內，冇咩特別驚喜。埋單時再送一張$50 coupon，吸引客人下次再幫襯。我諗我會因為隻蟹仲有半價推廣，都會再encore。因為講咗，下次可以用coupon食半價蟹。😜…查看更多

因有新同事加入，所以透過在openrice網上book位。一行3人，自然會order 3款不同的主菜試吓。Daily soup有少許surprise，因在麵包上有mushroom & cheese，之不過麵包係”林”，不是新鮮烘出來。湯🥣幾香濃㗎！Main course份量唔會太少。首次講吓Ribeye🥩，我哋要medium rare，chef處理得宜，賣相及味道不錯。Seafood linguine煮得剛剛好。Curry Vegetables係素菜，不過咖哩煮得好香加少少辣，好好味，只是飯略嫌煮得唔夠好，有少少失色。Coffee☕️都幾OK，夠温度。…查看更多

有朋友推薦這間的3D Coffee☕️好得意，所以特登在openrice訂定位嚟試吓。店不是很大，但以飲吓嘢傾吓計的地方來說，都OK舒適的。今次頭盤試三文治及炒雜菜，味道真係幾OK。個雜菜真係咩都有，夠晒營養均衡。三文治🥪係有輕微烘底，所以有温度但不是脆的。跟住試daily chef👨🏻‍🍳special 香辣茄汁煙鴨胸意粉，味道OK㗎！意粉煮得啱啱好，唔會太焾，汁有辣的香味而不太辣，同茄汁好夾，不過略嫌重味咗少少。因為order飲品可加$40有daily dessert，所以試埋甜品Double Dark Chocolate Cake。甜度適中，挺好。最後當然試3D Coffee，今次叫cafe latte，賣相的確幾吸引，一定係相機先食。不過，因為可能拉3D花需時，導致本身的咖啡☕️温度略為唔夠熱，但可體諒的。…查看更多

Sunday係family day，因爸爸病倒在家吃粥，所以帶媽媽外出抖啖氣、食吓嘢！其實呢間一直有經過，但未幫襯過，於是在openrice訂呢間試吓。首先食Walnut Mozzarella Cheese Tomato salad，比我想像中好食，份量亦好足夠，佢係用sweet walnut去整，又香又脆口。值得推薦！👍🏻👍🏻👏🏻👏🏻跟住食半份胡椒蜜糖ribs配fries，又係比想像中好食，唔採用一般餐廳的BBQ sauce，用胡椒蜜糖sauce，變成店舖獨有的口味，good idea！side salad用日式芝麻醬，幾fresh！之不過厚薯條🍟要改進，唔夠香脆。之後每人+$58享用甜品及飲品。熱檸蜜又係比想像中好，檸檬🍋及蜜糖選料不錯，飲落幾舒服，不過大家記得徹底攪勻先好食。甜品有焙茶心太軟、抹茶cheese cake、法式梳乎厘多士及紫薯waffle。焙茶心太軟也是十分值得推薦！👍🏻👍🏻👏🏻👏🏻好味！且能做到與朱古力心太軟甚有區別而不失色，夠温度、很香及甜度適中。不過上枱的豆腐雪糕雪得太凍，太實，所以等咗一陣等佢軟一點才可品嚐。抹茶Cheese cake👌🏻，之不過抹茶over咗少少，有點蓋過cheese的香味。法式梳乎厘多士👌🏻，冇失望但也沒甚驚喜。紫薯waffle，有點難評價，味道是很好，可惜waffle不夠熱、不夠香脆，好可惜。希望此店能再研究如何弄夠熱度，外脆內軟又香的waffle。…查看更多

好耐都冇喺葵芳食嘢，因朋友在葵涌區收工，於是事前在openrice網上訂呢間試吓。我睇set dinner menu，唔貴。不過因是happy friday，所以試佢嘅周五六日先有嘅Combo for 2。由於8pm前屬happy hour，所以beer特價，$45/glass，於是朋友叫咗杯。🍺環境比較噪，建議餐廳在牆加少少吸音棉，相信會好一點。因為太肚餓，唔記得映starter的salad，其實OK幾好味㗎！之後好快就有豬手、腸、及薯條上枱。👏🏻👏🏻賣相好吸引！德國腸有4條不同口味，很美味！豬手肉唔鹹，幾好味！可惜皮靭，唔好話𡁻，連切也有困難⋯⋯薯條🍟凍，唔脆，且好短。好可惜...雖然大集團旗下餐廳，價錢合理，可惜烹調技巧仍有待改進。…查看更多

因朋友在中上環放工，所以我在openrice找一間我倆都未試過的餐館，於是在網上訂位。入內人流不多，打開餐牌，發現很多餸名是十分特別，像是看一本文青小說。因怕餸名好睇唔好食，所以叫了一道「青春若是條不老的魚」，另外叫番啲正常的餸名：三杯雞煲及小龍蝦福建炒飯。此店出名是小龍蝦，炒飯的確很美味，小龍蝦數量也不少。三杯雞煲，辣辣地，非常適合氣温只得8度的晚上品嚐。「青春若是條不老的魚」，食落去就明白點解係呢個餸名，因為魚肉非常滑，好味，只是比較油一點，不過川菜一向是比較油少少，冇所謂啦！…查看更多

媽媽睇韓劇睇得多，但未食過韓式西餐，今次特登在openrice book位，帶媽媽嚟試吓。其實我都未幫襯過，純粹膽博膽。😂😂2個女士食量唔多，所以只叫招牌菜「雲下的泡菜炒飯」，因被menu幅相吸引咗。成日睇韓劇的媽媽，為讓她投入「角色」，當然要叫韓式炸雞🍗加韓國啤酒🍺比佢嘆吓。炸雞3個口味都試勻晒，最好味係甜辣，跟住係芝士，之後先至係甜醬油味。由於幾重味（但不是鹹），所以一定要配啤酒🍺。而家媽媽絕對明白，點解全智賢在劇中食得咁滋味。🤣🤣雲下的泡菜炒飯，內裡炒飯好好味，但與表面的蛋白唔match。所以，下次只需食炒飯，嚿雲只能作「相機先食」的用途。…查看更多

除夕外出dinner係唔平，例如太平x，每位$410+10%，我唔捨得食，所以今次揀咗呢間健康素食，因為係會員，免咗加一，每位約$290，感覺好好多。環境雖然細，比較迫，但員工有heart搭夠。地方夠乾淨，服務都OK。今次除有免費即影即有相留念外，亦每位送曲奇2塊🍪。雖然好似份量好少，但食落去唔覺肥膩，而且好香好好味。湯、前菜、手卷一如以往的好味，今次新嘗試的冬蔭公扁意粉，好掂！👍🏻我只係嫌，點解香脆蒟蒻得2小塊咁少？其他的食物，飲品都合格。如果大時大節，又想好食得嚟又健康，呢間都係唔錯的選擇。…查看更多

為怕元旦假期多人，於是透過openrice網上book位。點知去到係冇人，我都有啲意外！心諗：莫非好差?! 不過食完之後，我覺得唔貴，服務OK，地方乾淨，嘢食都OK好食，諗唔明點解會一個客都冇！😳今次叫咗2個餐：煙三文魚沙律，及招牌德國豬手。餐包括：湯、主菜、飲品，冇加一。食物質素係幾OK，我鍾意麵包條，好食！豬手的皮整到又香又脆，正！其他都合格，不過不失。地方坐得都幾舒服，慢食2小時都冇問題，假期嚟呢度都幾relax。…查看更多

第一次光顧此店，在openrice網上book位時寫明，周四至日要分兩輪食。因為咁，我寧願book第二輪，唔鍾意趕住時間食。去到發覺頗多人，但未至於full house。可惜座位編排較迫，當大家傾談時，變成頗為嘈吵，各人也要稍為提高音量。見到很多人叫seafood platter食，我和朋友一反傳統，叫Taco及burger食，咁先試到此店廚藝是否OK。坦白說，味道雖不錯，但略嫌普通，欠缺特色，未能成為此店的推介食物。服務方面，合格的，不過不失。總括而言，沒大驚喜，不能讓顧客太有encore再光顧的慾望，有點可惜。…查看更多

與友人一起慶祝聖誕，又想食與平日不同的菜式，所以今次選擇了俄羅斯菜。雖然已透過openrice網上訂位，但去到發覺不是太多人，基本上冇book位也不大問題。環境挺舒適，在不太強的黃燈下與友人邊食邊傾。服務很好，有禮有笑容。今次我和友人叫一個X’mas set share ($368+10%)，另外再散叫羅宋湯、基輔雞扒及飲品，務求試不同菜式。友人飲酸魚湯，我飲羅宋湯，不過我覺得酸魚湯較好味。基輔雞扒和我想像有點不同，因為我以往食是以雞扒卷狀製成，和這店做法稍有不同，不過也味道不錯的。…查看更多

與3位友人臨時約出來慶祝，因時間急趕，在openrice看到可book這間，即時網上預約。到場時環境不錯，不嘈吵，大家可以輕鬆傾談。不過原來X’mas Eve要每人至少order 1 dinner set，不可散叫，我們4人唯有聽命，食set而放棄餐牌內的小食及甜品。希望下次openrice在網上預約時能清楚列明。食物質素尚可，畢竟一分錢 一分貨，最緊要是能與朋友們分享歡樂時光，這才是重點！不過旺角實在有太多樓上cafe店，這店未必吸引到我短期內encore。…查看更多