為食小mimi的个人专页

今日男朋友話去屯門行街，行完夜晚帶我去試新野，落住雨既晚上，男朋友話其實係帶我食(佢最愛的)章魚小丸子對於我地都唔熟識屯門既關係，又西鐵又輕鐵，又過橋再搵路，我真係非常懷疑地問男朋友: 你肯定呢度有得食小丸子?兜左兩個圈，原來一直miss左個入口，終於到喇!!平時好多人排隊，但呢日竟然得兩個人等緊，我地揀左明太子小丸子大約等左五分鐘，新鮮熱辣放入盒，另一位店員加我最愛既明太子同醬料，嘩，好多明太子，超熱，超多醬呀!!!!!!!食一口，我真心覺得大阪既感覺番曬黎呀!!!好足料，好軟淋，入面既章魚好大粒，好爽既，雖然好中意明太子，不過多得濟有點咸~~章魚小丸子迷既男朋友，話難得入到黎，忍唔住買多八粒食，滿足到佢既樣子呀!!…查看更多

之前見到報紙介紹呢個車輪餅小姐，戴住黑超黎整餅(雖然當時望唔到黑超小姐^^")，今日同同事黎到美孚食LUNCH，其實食完個LUNCH大家都抱住個肚行，但我極力游說大家一齊行去望望先，可能要排隊呢~好好彩，去到竟然無人呀，唔需要排隊，我揀左抹茶流心味，等了兩三分鐘就到我手喇!好熱，熱到辣手呀!!!岩曬我，我終於食熱辣辣的~好軟熟，好香既蛋味，流心既抹茶唔會好甜，佢既外皮係好鬆軟的，唔會覺得好濟。咬左一啖之後，我完全忘記左自己本身係好飽架身邊既同事買一個食左一口之後，再買多四個番公司俾其他人試!推介呀!…查看更多

新界人既我終於出城，去中環試試呢間mark左好耐既麵舖。我的菜肉雲吞鯪魚球米粉~嘩~粒粒都好大粒，有三大粒既菜肉雲吞，菜同肉都平均，中意個皮夠薄，不過味道係好普通。而鯪魚球，好多小骨，有D人會覺得係真材實料，但我一路食一路吉住吉住咁最大問題係.....超重的果皮味，食落有點苦味.....不喜歡。隔離飯香之~~鵝腸鮮蝦雲吞麵，次次男朋友揀既都好味D既鵝腸係讚既，好乾淨，有少少甜味，沾佢俾既辣椒豉油好味!!而鮮蝦雲吞又係好大粒，入面有好多蝦，好爽甜。食完半小時持續地好口渴...............…查看更多

今日男朋友有好消息，話請我食飯，大鴻輝任揀一間其實作為荃灣友又為食的我，基本上全部試過曬，我地企左一陣，有個派傳單姐姐遞來傳單，寫住樓下冰室集團??(無記錯的話)感覺上有點保證，就試下佢!上到去好清靜，可以WALK-IN直入，店員提醒只收現金‥原來新開無耐，好彩夠錢俾XD"首先揀左小辣雞煲，有好多紫洋蔥同莞茜‥正呀!店員幫忙搞拌後就吃得!! 好濃味，足夠既麻味，下次可叫中辣雞肉好滑，味道同"一X"有點相似之後就點配料~選擇都幾多，上菜好快，唔洗一次點咁多~基本上所有既配料都新鮮，賣相都乾淨，我同男朋友最中意海蝦，好大隻，蝦肉爽，食左幾ROUND肥牛叫左幾round都唔會太肥，岩我!! 唔會慳住切薄到透光。必吃響鈴，似係自家制，吸住湯汁一流!******************************呢個即吃的麻辣雞粒就一般，可能做飯前小食會好D，吃落涼的，炸物唔夠熱就失色D，同埋濃味湯底令我食唔出呢個雞粒既味道 :(******************************好似好普通既醬汁，但呢個係特別影低，因為好SURPRISE個豉油係甜甜地，唔係死咸的，唔會愈食愈咸。******************************入座時店員說有推廣，LIKE FB就可以免費大檸茶/水，可refill，我地點左一杯，正常野，無再refill lu，打邊爐都係配可樂正D!!******************************菜都好新鮮&整齊，******************************服務係好好既，店員好主動換碟，有問必答，新開既店，始終服務一定好D，令你食得舒服D，希望可以KEEP住呢份passion & 價錢啦!!!…查看更多

是日同男朋友在兆萬揀左呢間放題，walk-in竟然有位+仲有好多吉枱，但男朋友話黎到又有位就儘管試下吧!睇完點菜紙，決定每人加$50，因有男朋友最愛的生蠔及我愛的珍寶帶子&赤蝦，心想赤蝦一隻都要$8-$10，我食多幾隻都回本。先黎刺身，第一ROUND幾好樣，三文魚幾新鮮又厚切，甜蝦算大隻但無嘜味。呢隻甜蝦霉霉地....上碟既蝦肉"meet"到好肉酸。******************************之後就黎加$50既升級版，帶子好大隻厚肉，合格幾甜，赤蝦就...睇落好大隻但雪味重，同埋感覺好污糟，生蠔由男朋友評分係麻麻，好多蠔殼平時自助餐佢可以食二十隻，呢度食左三隻佢已經，仲話我好叫咁多隻。******************************驚喜地有海膽軍艦，係我地至愛，但海膽臭臭地唔新鮮，青瓜好大塊好拮口=.="芥辣八爪魚好吃，上面的龍蝦軍艦都係有陣味******************************焗生蠔合格既~羊架同燒雞泡魚干都好味，幾香口。升級菜單內的椒鹽蟹仔‥無嘜肉食軟殼蟹手卷，用咁大塊青瓜來"zip"位。******************************其實每人都要$300落樓唔平架，希望食物質素可以改善下。…查看更多

出左少少BONUS，請爸媽來吃個痛快，選擇了全包任食邊爐，侍應就送來一碟燒鵝，啖啖肉，唔會好肥，好耐無食真正燒鵝，幾好味的!******************************之後再來一碟送既安格斯肥牛，睇落幾得，唔太厚，淥熟之後食落唔會好UN。******************************我地揀左太公魚頭湯底，有好大陣既中藥材味，第一次食藥材湯底唔太習慣，愈煲愈濃，媽媽幫忙夾起藥材，魚頭就爸爸至愛，不過滾多兩滾就散曬。送既三人份量海鮮盤，全部都係三大隻，大蜆，蟶子王，蝦都新鮮，蝦好爽，呢碟野都幾滿意，除了生蠔可能浸得太耐水係無味的。******************************開始點野食，父親大人讚魚皮，話大大塊而唔係碎既係靚野，不過...........超咸，浸湯都好咸否則可再encore 架..響鈴係正常野，無COMMENT.******************************海鮮盤既蝦新鮮又爽甜，所以要再叫，不過每次得三隻，寫左幾次單囉.........花膠就一般。******************************牛得一種揀，好似係叫做牛肩肉，其實就係瘦既肥牛??岩我地唔可以食咁肥啦******************************出奇地豪爽既帶子，好細粒，淥好耐都唔會UN曬。廚師腸，好咸................點解既呢? 唔同牌子?******************************另外無影相既鮮滑牛，係好滑好厚好大塊，爸爸讚好吃的。現實是殘酷的，幾好食都要講價錢，入座前無睇清楚，原來唔係$248全包，首先假期加$10(接受的)、醬汁$13(每位計! 一入座就放上枱，咁就中伏)、桌上小食$12(每枱都一早放左一碟，吹到唔凍唔熱，硬食囉)最後三位埋單$908，食物唔差，但無心理準備之下既全包價就.......有點貴。…查看更多

同好朋友食完飯，本想去食甜品，但不如買杯果汁好似健康D，見到呢一排既生果星，感覺新奇有趣，將沉悶既事變得有趣。每人可以揀三款生果放入火箭，我揀了木瓜+蘋果+香蕉，($28)當時店舖得我和朋友兩個人，所以我可以企定定睇店員切生果同榨汁，睇到店員每款生果都放三四件，好足料啵!飲落係好香既香蕉木瓜味，蘋果令果汁甜味足夠!朋友就揀左梨+百香果+芒果($31)好香芒果味，中和左百香果既酸味!雖然$28一杯果汁唔算係好平，但見到咁足料就覺得值的，新鮮生果又健康D!…查看更多

我要了酸辣粉+雲吞+牛肚; 雲吞都大粒，牛肚用金錢肚幾爽湯底唔夠麻，麻啲會吃得過癮。男朋友要酸辣粉+大腸+腩肉; 大腸好乾淨爽口，腩肉無特別。酸辣粉幾煙UN。******************************雞翼燒得香脆，但肉保留JUICY。吃串燒必叫多春魚，好吃，得兩條唔夠喉。******************************燒玉子，外面香口，但好似唔係好岩味道。******************************燒雞腎，幾爽口。******************************燒雞皮，呢個好驚喜，未吃過咁大咁薄的燒雞皮，口感似吃豬肉紙，好味，但空氣感強。******************************吃串燒一串一串其實都唔平，吃得唔太飽，下次半餓狀態可再光顧。…查看更多

星期日早上，同男朋友來試試紅茶的早餐。10:30門外已有四組人等位，不過等5分鐘就到我地喇，入面坐滿人，要搭枱。沙嗲牛肉麵，湯底好濃既沙嗲味，牛肉有好多塊好淋，多士烘得有誠意，兩面都金黃色好多牛油!奄列係男朋友至愛，有蛋汁，夾住好多火腿。男朋友淨係叫個原味西多士，入面係粒粒花生醬，正!!兩個搶食茶餐杯奶茶好滑，一點都不"鞋"口。******************************當我地食完撩緊牙之際，焗包師傅拎住一大盤野經過: 新鮮出爐芝士撻!!..............我同男朋友對望一下: 食一個囉!!撻皮好鬆化，好濃芝士味，但我地實在太飽，吃兩啖已很膩，放棄左。總括呢間係有HEART既茶餐廳，價錢正常，會再光顧。…查看更多

今日好掛住個冷麵，來歎個下午茶，呢間咖啡室，我愛的不是咖啡，係愛這裡的吉列雞扒冷麵，食過兩次都係咁好食喎，吉列雞扒超大塊，炸得好香口好鬆脆，而雞肉保持嫩滑!冷麵似爽口版的天使麵，混合咗獨特的醬汁，酸甜都有，好開胃，次次都食唔停口，覺得唔夠喉好似講得太誇張，可能咁岩好合我口味啦******************************ROSE LATTE就麻麻喇，呢間既咖啡試左兩次都覺得一般，淡淡的，唔香口。呢間始終是咖啡室，希望咖啡類可以改善啦。…查看更多

有時求其行入一間，無人介紹、無睇過食評而食到好野既餐廳，係會好滿足好開心架!今日星期六十二點放工後，本想食車仔麵，點知太早未開門，唯有喊住肚餓一邊搵有咩食啦!呢間舖在十字路口旁，我被牆上紅紅的辣椒菜色相吸引，但始終係街邊舖，猶豫咗一陣，太肚餓唔理喇，食左先講。一人一碗酸辣粉 (兩碗都走花生唔該):好大碗，小辣同酸味都岩岩好，好濃，有好多芫茜&肉碎，正!!男朋友加大腸，啲大腸好乾淨，爽口但唔靭，一路食流曬汗，但真係好好味! 叫左兩個小食:涼伴皮蛋($17)，嘩，街邊檔都有個咁靚既碟，溏心皮蛋，個汁甜甜地，辣辣地，非常開胃，不過太多芝麻少少影響左口感。******************************麻辣白肉($30)，都係辣既肥瘦岩岩好，白肉好爽好入味!! 呢碟既汁同墊底的青瓜好夾，同男朋友搶住吃******************************食到我地兩個攬住個肚走，埋單$99，好抵!!如果唔介意坐街邊兩個位，真係值得試試!…查看更多

見OPENRICE呢期排第一，今次黎試一試啦，星期六五點半，門口排左三PAIR人，店好細，坐位二十個以內，最後排了三十分鐘有位喇!落單後竟然等左十五分鐘以上，我地好奇怪刺身都要等咁耐既??不明白。我選了自選丼，厚切三文魚($36兩片)+加拿大海膽($58)+帶子($48)=$142上枱見到個份量及顏色有點失望，飯很少;最愛的加拿大海膽得兩片，有苦澀味，失望。帶子鮮甜、有厚度、好味 ; 三文魚普通，沒有鮮味。******************************男朋友選的 赤蝦($48兩隻)+蔥碎吞拿魚腩($48)+馬刀貝($38三片)=$134赤蝦新鮮好大隻，蝦頭的膏有點臭味;蔥碎吞拿魚腩$48得四分一個碗都無平時呢個送飯一流，但呢個無嘜味;馬刀貝鮮甜味都欠俸。******************************吃完後兩個都唔飽兩個都覺係伏既。看到有好多食評都有讚無彈，我地唔好彩??…查看更多

終於等到重開，可以一試老闆娘的手勢，同男朋友星期日晚八點過來，嘩大排長龍，前面最少有三十個人排緊，本想放棄但今次離奇地有肯心，傾下講下玩下唔覺唔覺就等左足足一個鐘，我地排隊時已揀好食咩，所以就快快落單喇。入到去眼見同枱排我們前好多的食客都未有野食，有人碗麵已吃光(看得到油都浮曬面)但仲等緊招牌炸雞球，心感不妙最後我地係等左二十分鐘先有野食，有位買外賣既人兄都照等咁耐，俾著我會放棄，他真厲害!入正題，男朋友的水煮雞肉麻辣米線，當大家都等到呆呆地，見到佢呢碗野，全枱人都嘩左一聲，好多辣椒，好辣咁，嚇死人個女喇小辣麻辣湯，好濃好麻 ，忍不住係咁飲湯 ; 雞肉係一百分咁滑，同埋好大舊呀!!(平時米線店的雞肉都係好"鞋"既雞胸肉，又係勁讚!男朋友建議: 希望水煮既野可以分開上啦，太油太油喇，蓋過左D麻辣湯味道。終於等到我的 麻酸辣腩肉雞球米線(小辣)小小麻小小酸剛剛好，好濃，最中意滾到起泡的湯，不過我個人覺得酸得黎有點苦味，唔知點解，但都忍唔住係咁飲湯另外腩肉都好Surprise的，有三大塊，好入味，唔係只得肥的腩肉，平時我會咬走肥的，呢到我偷偷食曬OH MY GOD...招牌雞球，新鮮熱辣呀!!! 好香好香，雞皮超脆，雞肉好嫩滑，真係招牌菜$38 一款都有三大舊，抵食!! ******************************雖然$38有點少貴，但俾足咁多餸，咁大碗米線，又係即叫即整，係值既;雖說好味，但唔會再排一個鐘黎食，實在太費時，我會等過左呢一陣氣先再黎食喇…查看更多

今日有好鍾意食雞脾既男朋友黎試下，我食蕃茄濃湯通粉+牛乳炒蛋配瑞士雞脾($48)，雞脾先上枱，超大隻呀! 男朋友見到好開心好入味，連雞肉都有足夠瑞士汁，甜甜地，唔會過咸，雞肉仲係滑既，好厚肉，依家真係好難得食到咁有heart既雞脾呀!蕃茄通粉個湯帶酸味，唔係溝好多糖落去減酸味，i like it，本身驚食完隻雞脾會好膩食唔落通粉，但帶酸味既蕃茄湯令我好開胃，不知不覺食曬喇!而牛乳炒蛋放入個通粉度就扣分喇，完全遮蓋左牛乳既香味，亦都俾熱湯浸到蛋"嚡"左******************************男朋友叫瑞士雞脾配薯角($37) ，掛住食無影相雞脾都係咁大隻，加一小籃既連皮薯角，新鮮炸，好味道!…查看更多

預早BOOK位黎呢度試下，順便同好朋友慶祝生日，呢度既signature就係海鮮籃，好細心地預備左圍裙俾客人，枱布&圍裙都好靚呀，但如果係一次性就好浪費喇。當我地考慮緊點什麼既時候，侍應好殷勤地來講解給我們，我們四個人最後選了五款的海鮮籃($498)，上枱後侍應深明相機食先的道理，問我地要唔要影相先之後佢就"表演"，將籃內的海鮮與醬汁混合，我地揀左小龍蝦、蝦、蜆、扇貝&長腳蟹，醬汁: 卡彊蒜蓉汁一剪開，好香呀，好濃既蒜蓉味，不過食落有點油!! 吃蝦先，幾大隻，蝦肉爽不過略過火;長腳蟹有甜味，但好瘦;小龍蝦，無蝦膏，但都新鮮;蜆肉好有海水味;扇貝最滿意，好厚肉新鮮。另外附有粟米(好甜)，肉腸(好味!)，薯仔，吸收曬啲汁好好味!個汁好好味唔捨得浪費，叫左兩個蒜蓉包，包好軟綿，好多蒜蓉，用黎'索'海鮮籃既汁係一流呢個價錢有點貴。食海鮮令人好飽肚，加上餐廳冷氣唔足夠，令我地食到身水身汗，無嘜食慾之後叫多左個墨西哥芝士肉醬烤粟米片，好中意佢中間的牛油果醬，如果有多啲就好喇!有好多蕃茄粒，肉醬，忌廉&好多芝士，有得拉下，味道普通如果啲醬混合&平均分佈就好喇，粟米片俾芝士痴住，但又要點牛油果，令我地食得勁狼狽:)******************************我準備左蛋糕俾我好朋友，好SURPRISE 安排所有侍應一齊黎唱生日歌俾我朋友，睇得出佢地係開心願意既，之後等我地影完相就會幫我地拎去分蛋糕，令我覺得$100切餅費係值得俾既^^" (曾經試過有餐廳收$150，只係原盒蛋糕拎上枱=.=")…查看更多