為食豬BB的个人专页

😐如果想食真韓國味道，呢間會令你失望😮雖然泡菜、湯、飯任食😑但味道係唔會想食完再食😬對於餐廳嚟講係成功的🫠對於客人嚟講試過便算餐具洗得唔乾淨🍴柸、碗都好油🤯整體來說 一試無妨😶…查看更多

困得太耐諗住出嚟消費刺激經濟，點知咁就出事喇！定律一：當你好疲倦及肚餓時食乜嘢都係好食嘅❌定律二：老字號餐廳一定保持到水準❌定律三：多人排隊差極都有限❌好後悔無睇食評就入咗去食，見入面坐滿哂人，門口有條隊，應該唔差啦！😒等咗一陣終於有位，好期待地叫咗份牛柳扒五成熟，先上餐湯餐包，湯已經無乜味都算，心諗主菜先係牛扒，終於都嚟喇⋯⋯😑好易切，入口好林，林到唔知自己食緊乜？成塊扒，一路食一路諗，好地地一塊牛扒點樣可以那到d肉林到無哂口感，無哂肉味，乜味都無🤢🤮令我開始懷疑自己是否感染到肺炎失去味覺👽💀平時睇飲食節目嘅主持人成日講好有口感，牛有牛味，雞有雞味，聽完都覺得係廢話。但食完呢間金鳳之後，令我明白到食牛可以無牛味，無口感，究竟我食咗乜what’s the food🤬🤬🤬仲差過大X活大X樂嘅牛扒餐，快餐店都已經無乜要求，無諗過呢間歷史悠久嘅餐廳仍能生存到今時今日真係一個奇蹟🤨🙄其實我好懷疑係自己已經失去味覺，因為見餐廳入面嘅人無人覺得有問題，所以我好鼓勵大家一定要試試，究竟係牛就係咁，還是我唔係食緊牛，真係搞到我好亂🤯🤮☠️總之食完呢一餐令我多一個不愉快的用餐經驗，一出門口成個腦都係粗口，已經好耐無出尖沙咀食嘢，點解唔睇食評就揀咗呢間？！已經好耐無寫食評，點解又要迫我出手，除咗打手，消費者係最公道，好就好，差就差，成日話疫情令到飲食業步入寒冬，但又有幾多飲食業會檢討自己嘅食物質素有幾差😠😡🤬…查看更多

對第一次試嘅台式火鍋好失望。其實食之前都有睇過食評有成一百二十幾個笑都有d期待，睇個價錢都已經知唔算平，心諗應該係一分錢一分貨啦。點知試過之後就知唔會有下次😑最失望嘅原來就係湯底，主打個湯幾真材實料都無用，飲嘅時候幾好味都無用，飲完之後口乾到第二朝就知瀨嘢😵又係呢樣嘢——味精☠️第二，食火鍋又點少得牛肉，價錢由$200-$300幾，只要叫過牛肉就知品質唔差但唔值呢個價錢😑另外叫咗份帶子$108，份量少得難以置信，應該由3粒正常size片到有八塊薄薄的帶子片，只可以用搵笨嚟形容😑就算餃子同肉丸都係不外如是，但每樣差不多要$100得8-10粒，菜類更加唔底，$50-$60，都係份量少😑總括嚟講，兩個人食咗成仟幾蚊都唔飽，所以唔會再有下次❌‼️…查看更多

已經有一段好長嘅時間無寫過食評，終於有間嘢要迫我出手啦見天氣轉涼就同兩個朋友打吓邊爐食吓雞煲啦見呢間橋底雞煲新開張就梗係要嚟試吓新嘢啦見其他食評寫個雞煲咁好就梗係要叫煲試吓啦點知就中伏了😡。我哋三個人叫咗一隻$238雞煲諗住夠食啦，呢個價錢都唔算平，點知煲嘢得雞頭、雞頸、雞尾、雞翼尖、雞腳，其他部分唔超過十舊，無雞腿同雞胸，究竟d雞肉去哂邊😤？隻雞細都算，叫一隻起碼都比番一隻嘅份量呀，有食評仲話唔係冰鮮雞、無味精，根本就係冰鮮雞，又咸，個口乾到第二日仲乾緊，食完都唔知食過d乜😒😒食完個雞煲唔飽就梗係要食火鍋料啦，點知第二個伏又嚟啦😣。叫咗個特級肥牛$98，應該唔會係任食肥牛嘅垃圾質素啦，原來沒有最差，只有更差，三份二係肥，三份一係廋，我唔係要特肥肥牛囉，個侍應話要叫貴d嘅牛先唔肥架，完全明白了，$98嘅特級肥牛都係屬於垃圾級別。仲有其他配料都已經係叫全份，份量真係少得很，好想知叫半份係咪即係一人份量？真係越食越慶😡😡:(我明白新店開張有打手唔出奇，但係唔好吹到咁大囉😒，你要人哋中伏一次以後唔再去還是長做長有，真係要名乎其實囉，如果想試吓有幾伏都可以試一次，試完之後記住叫親朋戚友唔好再浪費金錢去試新嘢啦😤😤仲有個洗手間又細，地下又濕，唔知係水還是其他嘢，唔想深究，唯有唔去😞😞…查看更多

名不符實的海鮮酒家本來以為鴻星的食物應該有保證，一試就知完全錯哂，以為只有大陸先有假嘢，竟然比我發現呢間都係用假嘢。今次食嘅係原隻鮑魚﹑魚翅﹑帶子宴8:30後有8折$31801 鮮果大蝦沙律.............嘩! D沙律漿多到睇唔到裹面係乜嘢，好似食緊忌廉蛋糕咁:(2:( 原盅雞燉翅.................比佢扼咗，佢只係煲完一大煲雞湯，然後畢落個盅度，咁就叫原盅雞燉翅3 珊瑚帶子卷.................帶子可能係素帶子，D味扮到好似，但一食就知係留嘢，所謂珊瑚卷只是蛋皮唔知包住乜4 蟹腿扒翡翠苗.............蟹腿無味，扮哂蟹，但又扮得唔似5 蠔皇鮑魚玉掌.............鮑魚也是白色的，個形似，但我唔肯定哥隻是什麼，我諗係素鮑魚哥D6 脆皮黃油雞.................皮唔脆，D肉仲鞋過D煲完湯嘅瘦肉7 清蒸大海斑.................又話大海斑，條魚細到根本唔夠分，一人食挾咗一次已經得番條骨8:( 土樓海皇飯.................最正常，因為對佢無乜期望:(嘅然要扮海鮮，點解唔叫素菜館，起碼大家都知唔係真嘅，我唔駛每碟嘢都要研究佢真定假，三仟幾蚊食D咁嘅嘢，大家諗吓值唔值，本來諗住擺酒都會揀呢間，經過今次咁嘅經驗，我和我身邊認識嘅所有人，永遠也不會再選擇這個集團食嘢，為了減低成本而欺騙客人，因小失大，就算宜家話飲食業幾難做都好，好心佢哋自我檢討吓點解會無人幫襯啦。若大家有興趣知佢嘅A貨海鲜有幾差，不彷比幾仟蚊去試吓，包你食到成肚火火火。如果可以的話，我想比負分，因為0分都不唔配有。…查看更多

無乜特別的茶餐廳，點解可以開咁耐，比想像中差，真有點失望，仲要無冷氣，熱到傻，梳乎得個大字，而且比較甜，所以真的有點名不乎實，我認為$200 for dinner, 應該可以更好，佢最多可以比茶餐廳貴少少，真的不值得一試。…查看更多

每次去Outback都係食哥幾樣嘢，真係無乜特別。估唔到佢最好味的唔係Ribs﹑Steak or Snack，而係焗薯。服務就真係麻麻，可能多客，所以每次都話個半要交檯，不過都無乜所謂，因為d食物都算上得快，一坐低就比條飽你食住先，"焗薯"真係正到不得了，自己係焗唔到呢個味道，所以想食就要嚟呢度啦!!(呢個笑係比"焗薯"嘅)…查看更多

除咗用垃圾來形容都唔知再有什麼形容詞雖然我唔知乜嘢係正中星馬菜的味道不過去過星馬食嘢都未食過呢種味但可以肯定呢間嘢係又貴又難食$70~$80 的價錢無諗過係食d咁嘅嘢一堆垃圾似的無咖哩汁的咖哩魚加水我諗未煮過咖哩的人都會煮得好食過佢我可以肯定呢間嘢今年內定必結業…查看更多

食市有小強唔出奇....人人都知，特別係茶餐廳，但都唔好比我見到呀離哂泡，不知所謂，d嘢又唔係好食過人又唔係平過人，服務又差，懶快咁....同個侍應講就用兩隻手指捉住佢，雖然唔係大隻但見佢用條檯布抺一抺隻手，轉個頭又攞嘢比人嘩! 點食呀，小強係我最怕的昆蟲我以為茶餐廳比快餐店好點知...點解去旅行食嘢都唔會有小強行來行去唔通香港d嘢真係好食d，不如叫"小強天堂"啦...…查看更多

有乜咁特別呀，又排哂隊咁....食lunch 度度都要排隊啦....坐得辛苦，人肉背對背，筷子可以叉到人哋好似一個擠迫的飯堂，個個係咁食清湯即係清湯，只不過好過水而已份量小，食完一碗當然要叫多碗淨麵，因為唔飽蘿蔔只係車仔麵貨色，駛唔駛吹到咁大味道真係好一般過一般不過我未試過個粥，希望唔會令人失望三十幾蚊碗又有幾好味呀???究竟值唔值呀(only 味道)?我就覺得好貴啦，真係食唔起!三十幾蚊可以食到個set有湯有嘢飲啦!!…查看更多

好讚成所有的劣評，好日都唔過吓九龍，一過就出事.....其實只係想去Mega Box行吓，不過又要搭多一程車所以食咗先入去，見呢間餐廳差不多一佰蚊個lunch應該唔差掛，點知.....我食咗個"梅肉"大蝦仔半邊，怪味牛仔骨兩塊還有個比大家樂更差的焗豬扒飯垃圾羅宋湯好似紅色嘅水大家唔好再受騙啦!自己個胃係最公道!食到難食嘅嘢就要嘔番出嚟!…查看更多

由細到大都好鍾意食叉燒嘅我一直以為街市個燒味檔同太興已經係最好食每次有叉燒食我碗飯都食得特別慢直至有一日BB豬帶我去"再興"買咗20蚊叉燒番屋企之後我先發現乜嘢先至係真正好好味嘅叉燒點解d叉燒肉同汁可以咁好味???其實我未試過食其他嘢，又無試過堂食，因為BB豬對環境衛生的要求特別高，所以每次都係買外賣，理所當然一定係買叉燒啦.....…查看更多

呢間除了個維景之外，都沒有什麼特別之處，生蠔唔係特別新鮮同肥美，服務唔係特別好，牛扒,羊扒,三文魚扒,curry,pizza,sushi,salad,desert 出面都食到，而味道更加好，要再幫襯的原因︰1) 其他餐廳無位2) Asia Miles 有分3) 想對住個維境食飯4) 有朋友嚟香港，帶佢睇夜景順便食埋其實山頂應該有間代表山項嘅餐廳，呢間佔盡地利，不過就比較嘈，好似西式酒樓咁嘈，雖然有live band，但我完全聽唔到佢唱乜，你埋單走，唔會有人多謝你的，感覺就好似個有兩層嘅food court咁，當然價錢就貴四五倍啦，都係唔好要求咁多啦，好好哋望住個夜景，望住自己心愛嘅BB自我陶醉吧......…查看更多

特別的平安夜,因為今次食中國菜~~第一次同BB豬嚟食,叫咗四樣嘢,個經理竟然叫我哋唔好叫咁多,因為會食唔哂,驚我哋浪費食物,都係第一次食嘢比人叫我唔好叫咁多.....因為我係眼闊肚也闊的BB.....今次食佢哋嘅招牌菜,蟹粉翅,鱔糊,菜肉飽,醉雞,海折頭.....樣樣都好好味,食得好開心,食上海菜別無他選,呢間必定係首選,雖然真係比較貴,但食幾多次都唔會厭,也是BB豬最鍾意的餐廳之一。其實食嘢除了食味道,食環境,也要食服務,最緊要有親切感,就好似食茶餐廳一樣,唔需要做到好Grand咁都會有人幫親......…查看更多

很美滿的一餐~o~人生最開心的是食到好好味嘅食物.....<<最緊要係同心愛嘅BB一齊食>>唔知點解有兩個劣評,如果呢間都話差,出面咁多垃圾餐廳算係乜嘢?最滿意係食物嘅新鮮,第二係個chef對食物嘅尊重,第三係服務態度.....呢間有齊哂地方係比較隱閉,也是一個好處,旺中帶靜,唔駛咁多人肥美生蠔,一試難忘,心太軟比得上酒店的水準主菜都係無得彈,我諗隨便叫一款都唔會令你失望我諗試過第一次,一定會有第二次....(除非個老闆話已經賺夠,想比人賺吓,又或者個chef突然對煮嘢無哂興趣)....但我也會擔心一樣嘢,就係品質會唔會因為客人越多而食物水準會下降??…查看更多