yogurt迷的个人专页

因為又有新出優惠嘅關係，今次係第二次來，但無論食物及服務質素都明顯差咗好多，相比第一次來完全係兩回事。D野食勁咸又重黑椒，個龍蝦煮到又老又Over cook 完全係浪費緊食材，同個師傅講，個師傅竟然答我，係咁㗎啦。唔使除口罩都feel到佢全程西面，炒飯全部黐埋一舊 ，我自己屋企炒都好過佢想話飲啖杯茶，見到佢地係度傾計打牙骹，成10幾分鐘都無人行過來望下，未食完又急急腳問甜品 ，好似係到趕住收工催埋單一樣，真係一次好差嘅用餐體驗 好失望🤦‍♀️希望依間舖嘅老闆可以睇到，明明第一次來食，做得幾好，感覺越做越差，無心做就唔好做啦，唔怪得要賣到咁平，中哂伏…查看更多

難得今日放假，即刻約朋友 補祝生日飯， 朋友話想食鐵板燒，已經即刻上網搵哂資料，見到呢間鐵板燒做緊午市五折 晚市八折，心諗 五折？ 有冇咁大隻蛤乸隨街跳，不過朋友就唔到時間 唯有食晚市。朋友初次食鐵板燒，但入到店舖烏煙瘴氣，地方很細又狹窄，坐得好唔舒服轉身 都冇位，明明book卡位 想同朋友傾下計，點知侍應話無哂位，安排咗我地坐鐵板位，朋友同侍應話我地係book咗卡位，但侍應好似聽唔到咁 走咗去，仲要面黑黑，咩態度？咁算啦 諗住睇住師傅煮都好嘅。叫咗個兩個餐加個海膽杯，都唔知邊個餐打邊個餐了，第一道就有 刺身 蕃茄，不過不失 正常，係個蝦有少少霉 見到已經變黑曬，之後再來個海膽杯，賣相 唔錯，點知一入口，第一啖 d海膽 腥臭無比， 同平時食嗰d係兩回事， 諗住第一層 算啦食埋之後嗰d，點知又係有陣臭味， 唔知係唔新鮮定處理得唔好嘅關係點解可以 腥臭成咁， 朋友食咗幾啖都皺曬眉頭， 即刻擺低唔想食，咁嘅下欄魚生 塞哂係個杯到 收幾百蚊，真係完全唔值。算啦， 諗住呢度係鐵板燒，都係食番鐵板嘢最穩陣，點知又係令人失望， 鵝肝本身係好濃味 口感好豐富 外層焦脆內層內暖，點知我食嘅係外層焦黑 內層入面係凍嘅生鵝肝， 咬開一半 仲見到入面仲有d血水流出來， 真係令人好嘔心，即刻 lur都lur都唔切， 龍蝦又唔知係咪死嘅，又細 見到d肉霉霉地，同埋勁多沙律醬 勁咸，完全食唔到龍蝦味  對廚師本身烹調嘅手法真係好失望， 頭幾樣菜已經咁  真係好想快啲走，但朋友話 畀咗咁多錢點都要食埋先走， 但好笑嘅係朋友自己一路食 一路喺度數d嘢 好難食😂，跟住明明同咗侍應講 炒飯走蔥，點知又係成碗飯都係勁多蔥。唉！都唔知係侍應唔記得講，定係師傅喺度遊魂，見到呢到嘅員工 個個都黑口黑面  都唔明做飲食 服務性行業，食餐飯好似欠咗佢咁，其實無心 咪唔好做囉， 唔怪得知做五折八折啦， 其實嘢食同埋服務唔好， 真係幾平都冇用，絕對冇下。…查看更多