Big Eye Boy的个人专页

一大班人幫親個$3888母親節餐, 大部份都唔錯, 可惜乳豬肥膏太多, 皮唔夠脆, 但肉質同味道好好, 提議可代客人去肥膏後先再舖上脆皮會更為美味.套餐包咗壽飽, 令我好開心既唔係一般蓮蓉函, 而係紫心蕃薯蓉連小許蛋黃, 不太甜, 亦不油膩. 美中不足竟然係附加咗$100既杏仁茶湯丸, 杏仁茶好香, 加入蛋白, 不太甜, 最衰係D湯丸, 好鬼大粒, 仲要個皮有D怪味, 芝蔴函係益咗, 個個咬咗一啖都知有問題, 但基於老人家唔想"攪事", 我哋只係食晒杏仁茶, 湯丸全部掉晒. …查看更多

當晚既青紅蘿蔔湯實在令人回味, 又香又濃, 而且無肥油, 大人細佬仔都鐘意.…查看更多

新嗰款蜆肉壽司 - 又腥又un, chew到咀都攰, 好難食, 千祈咪試. 題外話: 唔知係咪下午茶時間去, D伙計好得閒, 於是每2分鐘就嚟斟一次茶, 斟到煩! 想靜靜地歎個tea同電視都唔得, 請盡快改善!…查看更多

論款式, 賣相, 味道都唔錯! 新派中菜, 有驚喜! 略嫌份量過少, 而且卡位設計奇怪, 極難出入之餘仲要無私人空間既感覺.…查看更多

第一次幫襯, 食咗個二人餐($150) 包兩個湯, 一個拼盤, 兩個小菜(但無飯跟).味道唔錯, 但較多油同細份量, 套餐無飯跟, 散叫都細碗. 職員態度和藹可親, 笑容可嘉.…查看更多

早餐款式小, 份量一般, 價錢相對貴咗D. 叫咗份早餐, 脆脆飽真係有水準, 其他嗰D就唔係好得.…查看更多

曾幾可時同家人投訴發記既芒果糯米糍賣$32只得4粒實在太過份, 但日後我會繼續去食, 因我未食到一間好得過佢.坦白講, 明記既芒果糯米糍味道唔算差, 但皮實在太厚, 仲要我哋走上閣樓, 嗰度"烏槽辣tat", 已扣咗一半分啦! …查看更多

食buffet, 我一向都唔食熱盤, 所以無留意亦無comment比熱盤.但冷盤, 刺身同甜品就超正! 新鮮, 款多, 樣靚, 仲要有驚喜! 你唸到既幾乎都有得食, 連唸唔到既都有得食咪就係驚喜囉! 全晚至愛- 凍蟹, 凍蟹萬歲!!!大酒店果然係大酒店- 貴但好食! …查看更多

點心款式全無驚喜! 食過一次沙薑雞腳, 咬到牙痛都咬唔開, 要退貨, 攪咗好耐, 部長先肯嚟簽個名. 有時坐得入, 完全無人理, 要自己行出去搵伙計.…查看更多

味道同服務都OK. 但我心愛既片皮鴨就唔係好掂, 第1, 佢哋無係客人面前片. 第2, 佢用咗大量蝦片墊底. 所以我覺得佢嗰度跟本唔係一隻完整既鴨, 加上無青瓜作伴碟, 只有鴨皮, 薄餅同醬料, 食咗2件已好濟! 補充一句, 真係好平, 唔知係咪同佢個隔涉地點有關呢?…查看更多

舊年去過一次打邊爐, 覺得幾抵食因任點任食, 而且款式多, 亦幾新鮮. 今次再去, 好失望, 食物尚算新鮮, 但份量勁細, 仲要樣樣都係薄切, 尤其碟鵝腸, 碎濕濕以為係雞絲, 放落水滾兩滾, 迷你到嚇死人. 雖然係任叫啫, 但都唔想等咁耐架嘛!…查看更多

參加婚宴, 每枱一個伙計, 我嗰枱個伙計相當出眾, 不斷問人"要唔要", 隻乳豬未食到一滿, 佢就急不及待過嚟分, 問兩句有無人要就成碟搬走.上鮑魚時, 佢表演雜耍, 成隻碟飛上枱, 之後頭也不回咁行咗去. 都隻雞仲攪笑, 當時新人玩緊遊戲, 個個只集中係枱上或電視機, 無人知隻雞嚟咗, 佢"呢呢臨臨"問係咪無人要, 使唔使包起佢. 佢咁既表現, 另我覺得佢係(1) 趕收工, (2) 博D人唔得閒食, 佢可以"原風不動"成隻雞攞返佢自己歎.其實佢都傻既, 婚宴嚟架, 預咗最快都要10:45pm先散架啦, 咁心急, 不如叫廚房一次過上晒所有菜連埋甜品比我哋呀! …查看更多

一行8人去食晏, 佢話無位住, 叫我哋分枱坐, 4個先坐低, 另4個等隔嚟枱. 跟佢照做, 頭4個想點菜, 佢唔比, 話我哋未坐齊人, 叫第2個落單, 又係話我哋未坐齊, 唔肯落單. 結果我哋要同佢講, 我哋係分單既, 佢先肯寫菜. 仲要每次叫D亞姐, 佢哋都扮聽唔到, 一係話轉頭先, 轉轉吓又唔見咗, 成功叫到個亞姐落單, 又黑口黑面. 我哋幫襯咗佢十幾年, 雖然唔係成日嚟, 但到三,四個月食一次呀, 點解越做越衰架?…查看更多

當晚食咗個匯豐4人特價餐($880), 份量唔算多, 但味道唔錯, 尤其個南瓜帶子羮, 好香, 可惜個竹筒飯同甜品都唔夠熱! 雖為特價餐, 但加一, 茶芥全部計足, 埋單要千幾蚊!另外, 座位設計奇怪, 無咩私隱度, 訂位時切記要求出面D枱, 入面嗰D L型梳化位, 夾餸不便, 講話不便...…查看更多

朋友叫咗個湯丸好好味, 皮薄函靚, 糖水夠薑, 秋冬食一流. 但我叫既西米露就淡過水, 稀"lung lung, 食咗兩啖就無再食啦.…查看更多