終於試到雞蛋仔解裏面嘅細一，就係位於旺角中心同新之城中間一樓個接駁位既ice puff。我之前睇過雞蛋仔關注組嘅介紹，亦都聽過朋友多次推薦（朋友建議買一底雞蛋仔嘅時候叫老闆娘分兩個紙袋入，半份即場食，另外美份返屋企用氣炸鍋焗返熱佢再食，別有一番風味)但係身為食物殺手嘅我，當然覺得一次過食最開心啦。今次我試咗原味雞蛋仔加流心蜂蜜$26，仲有阿華田脆脆雞蛋仔$29。好先講一講雞蛋仔嘅外型，粒粒飽滿，唔會有凹左或者爛咗嘅形狀。全部雞蛋仔即叫即做，絕對唔會做定之後你要就即刻攞俾你。原味雞蛋仔加流心蜂蜜，完全做到外脆內濕潤嘅感覺，每一粒雞蛋仔裏便都最少有三份一係填滿左蜂蜜。咬落去嘅時候外面蛋香濃郁裏便蜜糖味豐富左成個口腔。推薦指數⭐️⭐️⭐️⭐️滿分為5阿華田脆脆雞蛋仔，可能本身細細個早餐嘅時候飲阿華田，飲美祿已成習慣，所以對依兩個味道都有情意結。阿華田味十分濃郁，絕對唔會有溝咗水淡左嘅感覺，果然冇令我失望，兩者相比之下的確冇加餡料嘅可以食到每一粒都脆到咯咯聲。推薦指數⭐️⭐️⭐️⭐️滿分為5…查看更多
聽朋友講佢成日好快就會賣晒，所以聰明嘅佢一早落咗單，我哋之後先再去攞。
我哋今日叫咗三款，招牌滷肉便當，酥炸排骨便當配蜂蜜芥末，仲有紅燒虎掌便當，即係紅燒豬腳筋（呢個係間唔時先有）
每一個便當都會配有五款配菜，佢每個星期唔同嘅配菜都可以喺佢哋嘅社交平台度睇到，今個星期有蒜泥雜菜，沙茶粉絲，辣炒雞丁，滷蛋半隻，同埋醃漬青瓜。
講返個便當先，分量大得驚人，基本上餸菜同埋飯嘅比例係一比一，我晏晝2點食咗嗰個便當，到晚上七八點都未肚餓。
至於紅燒虎掌便當，豬腳筋紅燒後肥瘦各半，而且好入味，而且黏性好高，感覺膠質好重，有滿滿嘅骨膠原，所以食咗呢個係絕對可以飽足成日。
最後想講埋每個便當都可以免費配阿薩姆紅茶，茉莉綠茶或蕎麥茶，或者以套餐價加配其他台式飲品。
