蛇頭的个人专页

今晚一行6人係度開餐，4大2細，都係$198，份量ok，味道都可以喎：竹笙Spanish太極羹：足料夠味人參浸雜菇：稀d，無乜參味，清清地，有幾多菇類翠肉瓜淡水魚：本來話未必有魚，後尾都有，味道可以杞子雞(一只)：好夠味，原煲上，肉多西芹牛柳粒：牛柳ok，不太"un"全場無味精但好夠味。仲送紫米露糖水，熱辣辣!Waiter 有禮貌，service 唔錯。…查看更多

賣相：用小鍋上，另送白飯及汽水，盛惠$50。湯底幾濃，有些韓國feel。粉絲就唔得喇，好粗，原先已是"粗"的品種，再用湯浸住，"發發"佢，立即開始黏連在一起，入口好"立"。牛肉尚可，都有2兩，肥瘦適中。再加埋d 菜頭狀物體....咁就$50 !! o系，上賊船!…查看更多

連鎖店本來就無乜好寫，我要highlight梗有原因。$6 一隻蕉唔平o家,係超市買到4隻!另外，＄６一個青蘋果都唔係話低檔次啦，難度高就高在同一籃生果入面，以上兩種都係唔新鮮O既. 點搞呀？難道只是咖啡賣倒就得？!　…查看更多

曾幾何時，係度買過$68 的楊枝甘露糕，楊枝甘露又點變做糕呢？這就是我最好奇的地方。黃黃的一個大圓糕，口感像有好多魚膠粉的楊枝甘露，幾淡口，亦有碌柚粒，無需任何步驟，一開即食。糕的質感像"馬豆糕"，重覆，只係質感。好地地一碗楊枝甘露，弄得怪怪的，有少許暴殄天物。無可否認，裝潢(個布袋)好有特色。…查看更多

$380 四人餐，份量足，裝修有20年代上海FEEL, 盛器有特色，我在內廳，每張臺上有一盞小小彷水晶燈，配觀塘民居夜景。這方面看得出有下過功夫。4寶茶：夠料(紅棗，杞子...)，茶味弱，整體幾特別，$4/位，無限添飲。3味頭盤：皮蛋豆腐：似日式做法，連D豉油都係日本豉油味。鎮江肴肉：偏鹹梅子豆角：好酸，華梅味好勁(無碗白飯食到這裡都有點un-頂) 湯：酸辣湯：足料，每人有碗半，係咪覺得挑戰緊味覺極限呢？小籠飽：皮太厚，湯不夠熱，失敗! 3熱醺：醋溜魚：一般，無乜魚味雜菇炒菜：不太鹹，不太油，幾健康竹筍扣雞件：可以，幾野味(調味，並非雞味)甜品：紅豆腰豆糕：自家製，上半層全是豆，有嚼勁!下半層是年糕味，但是好像是年糕已蒸好(但已變硬)的質感。幾特別，不太甜。注：一定要訂臺，否則有牌等。內有洗手間，不需要出商場。…查看更多

論環境，如果你打正Tea House的旗號，仲要加Relaxing這個形容詞，點都有d期望。除了白色沙發，薰衣草牆紙之外，其高密度的擺臺方法，你會同場聽到隔離臺聽晚食乜野，同男朋友的感情發展等。試問我可以點Relax? (我已是星期五晚8時半後才入席的)論茶香，欠奉。我飲的是熱馬鞭草加檸檬葉，照理就幾寧神，但全場唯一的"調飲品師"似乎好懂得節約用料，個茶壺雖然有蠟燭熱住，但內裡無料的，只有已"輕輕"泡過的茶，原來只是加熱的，並非再出味。一壺有兩小杯半。新舖口碑好緊要，雖然你在Palace戲院隔離，都應該唔優做，但都要留意下水準! …查看更多

上星期五在怡東上seminar，包餐晏。整體感覺：食物新鮮，水準平均地幾好，款多(以午餐尺度)，景不錯。可謂款多？肥美生蠔，2款湯，沙律，湯麵區，印度食品，即切魚生區，熱葷8款，甜品包括：疏乎厘，雪糕4款，烤餅，豆腐花等等。不能盡錄。賣相骨子，食得出好新鮮，味道很不錯，比美麗華好味，但又未到Cafe Koo的水平。星期五，心情較輕鬆，再加上是出來上seminar, 不用屈在office, 食乜都零舍入味，天大的工事留待星期六再算罷! 在適當的時間留白，給自己空間思想是很重要的，做人做工之道莫過於此。…查看更多

今日一行7人去食LUNCH, 上菜，收碟一味快，D野食好似工廠o卑出黎一樣，好粗糙! 好噪，又會比出面的路人望到你食野，d臺不斷係敢"搭"，無路行，食完無位出! 一味快，一味碟頭大! …查看更多

成30人游完船河10級肚餓，"金九記" - 個名似大牌檔，真係有大牌檔的鑊氣，鮮味同埋"街坊生意"feel! 我係數日前訂位既，每圍11人，都係800+/圍-3圍共7斤半章紅魚兩食(深海獵奇超大深水魚) $7/兩：(1) 刺身：雖然刀功麻麻，但肉質好脆，又線又有口感(2) 炸魚骨：一樣有料到! 好香口! 送酒一流灼蝦：$5/兩，好鮮豉油皇吊筒：好爽口! 夠入味，有口感椒絲腐乳通菜：碟頭大，鑊氣夠避風塘豆腐：鮮炸，好香口! 蒜粒送飯直情magic炒蜆：肉多，都無乜死蜆，算係咁鹽焗雞：都好夠味碟頭大，鑊氣夠! 樓上樓底低d，高人一等要小心。環境不是大酒樓feel, 當佢係一個有冷氣的大牌檔就比較適合。事頭石小姐(應是水上人)，好識做生意。因為我人多，數日前落單已和我商量菜式分量，就住我D人數同BUDGET,有商有量。仲話船河飲淨的汽水可以帶上去飲，勁識DO ! …查看更多

8月頭，又係搞家族船河的好時候! 貪和記近碼頭，就order 了30人的套餐到會，乾手淨腳。我往年order了大x樂，有得比較。9:30 送上船下午先食，凍就預料之內，比過food list大家睇睇($900，35人食)：雜果沙律- ok芝腿治- 好鮮，麵包夠厚豉油皇炒麵- 凍了都咁好味炸雞翼- 同上炸魚塊- 偏腥，太乾身楊洲炒飯- ok乾燒依麵- 幾夠味講真，鬼咁肚餓就乜都擠落口! 對船河午餐亦無太大要求，但整體來說都不錯，比大x樂的份量仲足d。由於我係搞手，對佢地的service (入數，cfm menu, 自動送多10幾份餐具及送貨時間都好滿意) ! …查看更多

8月中，一個未開始落大雨的星期日Lunch Buffet, 一行二十人，Farewell就去英國讀書的表妹, 蛇頭真係無野多，親戚最多...Jet-So首先，用恒生卡有85折，折了$138/位(大人)，$100/位(12歲以下小童)。特色- 人多等入席，門口會派飛- 一開始好多食客擁出黎"搶"，典型香港buffet- 由12點食到2點半，無人趕- 食物Re-fill 快- 魚生用冷櫃雪，溫度顯示在外，感覺衛生回本菜- 意大利雪糕(出面路口成$30細細杯，幾杯都回本)!味道似雪葩，有4種味，桃味幾香。- 賴尿蝦：源源不絕供應- 魚生：好鮮!整體評語- 地方都幾寬敞- 食物轉款快，多種類：湯2款，意大利麵包，沙律，orange / grapefruit juice, cold cut, 蟹鉗，蒸魚，百花釀雞翼，燒味，日式冷麵，特式炒飯，點心，西班牙式海鮮，豆腐布甸......等。水準平均，都幾ok. - 百零蚊早午餐一齊食，低! …查看更多

上兩星期一個無乜特別的晚上，家人由松記買外賣糖水，經大半個小時到達慈雲山寒舍，水準依然係度! 我order既係芝麻湯圓，價錢比滿記便宜，湯水比滿記濃d，湯圓的糖水要有d未先吊倒d湯圓味，唔通"水煮"咩! 主角湯圓都唔錯，仍然"煙煙韌"，又無話"發"到超大粒。麵粉同餡料比例剛好。雖然d湯已無咁熱，但都好好味。外賣盛器仲好"試正"添! 已在洗乾淨在廚房翻用緊喇! …查看更多

Hyatt 就拆喇，點都要寫寫。大大話話幫陳了10年8年，空間夠大，座位夠闊，同d酒bar仔無得fight. Live Band 好有水準，唔可以話有小鳳姐咁出色，但真係高音甜中音準低音勁，仲有舞池添。個場煙味好重，要留意。前牌同個friend去吹水敘舊，叫了小食送酒。鮮三文魚多士幾好，多士做法特別，表面乾得黎有小小油在內，加埋三文魚，三重口感。雞翼偏細。好舒服的吹水地。…查看更多

論就腳，它十二萬份之不方便，的士佬都會行錯路。離開時還要打電話上台叫車。論環境，細細長長的餐廳，最多容納40人(酒店客食早餐怎算?)論景色，欠奉。前貨櫃碼頭後住宅。論食物，可能我來的時候仲新，未做過10幾人lunch的生意，上菜很慢，海南雞飯很差，雞"鞋"飯無味，意粉亦很差，太"張"口喇。個湯唔得。隨餐附送體毛乙條。好彩這餐萬歲老闆。…查看更多

已來過多次，早前更與家人試了某信用卡6 人套餐，水準不錯，沒有將貨就價：前菜兩款，要求牛展的酸辣汁另上也可以。填鴨一般，味較淡口。蝦球亦可以，少辣幾醒胃。楊枝金露作謝幕，共六個菜，整體來說都不錯，裝修企理有特色，唯獨是洗手間在商場出面不太方便。…查看更多