拖頭女司機的个人专页

今日難得放假，去咗啟德SOGO thankful week🌸，行到😋肚餓，去咗14樓間西餐廳食飯，環境一流，仲有outdoor area，如果天氣好，坐喺出面食飯都幾chill下㗎❤️😍我同朋友2點左右入到去，叫咗2 個lunch set， 餐牌上有好多選擇，搞到我哋心大心細，最後我哋每人揀咗個set（每人可以揀1前菜+1小食+1主食+1甜品）。前菜我哋揀左雞肉凱撒沙律及蕃茄酸種麵包、小食揀咗火腿可樂餅及大阪燒炸豆腐，主菜揀咗壽喜燒牛肉烏冬及明太子忌廉菠菜意粉，甜品我哋兩個都揀咗開心果❤️，分別係開心果巴斯克蛋糕及開心果焦糖燉蛋。 雞肉凱撒沙律🥗啲菜好新鮮，配搭埋雞肉同個醬，非常清新。 蕃茄酸種麵包🥖酸酸地嘅麵包配新鮮蕃茄，非常開胃，配搭一流。小食我哋揀咗大阪燒炸豆腐同火腿可樂餅，雖然兩樣都係炸物，好脆口，但又不覺熱氣。主菜揀左壽喜燒牛肉烏冬及明太子忌廉菠菜意粉。壽喜燒牛肉烏冬😋，上面個蛋黃醬，撈埋食，非常惹味，烏冬亦好彈牙。明太子忌廉菠菜大蝦🦐🦐意粉，裏面有勁多隻蝦，用料十足，非常抵食。作為開心果控嘅我哋，甜品揀咗開心果蛋糕同開心果cream Brulee🥰🥰開心果味十足，10分特別，食完10分滿足。最後埋單每人$300，呢個價錢都好抵食，聽講呢間餐廳午市喺Cafe，晚市喺bar and restaurant ，等我下次再約埋三五知己再食過先。…查看更多

今日同好耐冇見嘅朋友約咗喺銅鑼灣食飯，朋友特別推介去銅鑼灣牛站食火鍋放題。晚上七點去到已經大排長龍好多人等緊位，餐廳有三款唔同嘅肉類套餐可選擇。我同朋友就選擇左美國極黑和牛片🐄任食2小時套餐，有超過12款肉類海鮮可以任點任食。湯底可以自選，有金湯花膠雞，椰子雞，龍蝦頭🦞湯，台式麻辣..餐廳近黎新推出左有大頭蝦任食，隻隻大頭蝦都有半隻手掌咁大，肉質結實🦐，鮮味十足❤️。極黑和牛，肉味濃郁，質感又幼嫩，打邊爐一流👍。封門柳同牛肩胛，完全值💯分。海鮮類仲有帆立貝，海螺片，仲有我最鍾意嘅沙白蜆，全部都好新鮮😋，而且又冇沙。仲有貴價材料-海參可以任叫任食，真係完全抵到爛。出面仲有唔同凍櫃提供各款蔬菜丸類麵食可以自助取，真係多到眼花撩亂。餐廳仲有提供好多唔同款嘅飲品任飲，包括自製茶類，罐裝飲品，仲有唔同款嘅啤酒，梅酒，清酒，甚至乎韓國真露都有提供。重點係就算飲酒都唔需要另外收費，完全適合三五知己一齊圍爐飲酒打邊爐。另外，餐廳仲好貼心，有提供唔同款嘅熱食，例如乳鴿，糍粑，雞翼，肉燥飯..就算一家大細黎食都唔使怕小朋友唔啱食。糍粑餡係黑糖，外表脆脆，糖度逳中。佢哋個甜品櫃🧁好似便利店一樣咁多花款, 唔止有haagen-dazs雪糕🍦 ，居然仲有movenpick雪糕同Bulla雪條提供，見到都😍😍眼。埋單2人先$708，又有和牛，又有大頭蝦同movenpick雪糕任食，完全抵食過自助餐，值得再幫襯。…查看更多

今日下午同老公去咗旺角行街，忽然想食下日本嘢，walk in 去咗黑布街呢間日本餐廳，門口睇落幾高檔，一打開餐牌，見到有生、亦有熟嘅食物選擇，lunch仲有六折，於是就吸引咗我哋去試新嘢。我老公點咗個「刺身定食」，有好多款刺身，包括有三文魚、蝦、海膽、帶子等，刺身厚度剛剛好，食落非常有口感又新鮮，入口即溶，配埋個烏冬、同埋其他配菜、仲有個湯，份量剛剛好。而我因為唔太喜歡食生冷嘢，所以就點咗個「西冷牛扒定食」，本身都冇乜期望，點知食落非常驚喜，塊牛扒全熟得來，又唔會韌，冇乜筋，仲咬落好juicy，放埋隻蛋落去撈飯，非常惹味。最後我哋仲加咗個小食「蓬鬆玉子」，份量都幾大，個蛋煮得非常滑，上面有多蔥花同醬料，好開胃，配埋個白飯食，更加好味。喺旺角呢個價錢可以食到個咁高質嘅lunch，真心覺得抵，下次會再嚟食過…查看更多

星期五晚上，約咗舊同事食晚餐，由於大家都鍾意食辣，揀咗呢間長沙灣地鐵站近嘅餐廳食酸菜魚，一打開餐牌，個價錢相當吸引。店員阿姐極力推介之下，叫咗個二至四人份量嘅酸菜魚，有三個辣度選擇，我哋揀咗半粒辣椒個湯底，另外我哋揀咗鱸魚，裏面有好多配菜，包括豆腐、娃娃菜等等，另外可以配飯/米線/薯粉，兩個女仔食唔晒太多澱粉質，阿姐話可以轉多份配菜俾我哋。個酸菜魚非常大份，材料份量及種類好多，唔會太辣，味道剛剛好，魚肉好滑又鮮味，呢個價錢$268絕對係超值。另外我哋加咗個鹽焗手撕雞（$42）做配菜，當然唔少得兩杯鹹檸七，$12一杯勁抵。雖然食得好飽，但我哋都決定食埋個甜品，先夠圓滿，於是我哋叫咗個紅糖糍粑（$28），熱辣辣，好好味，令到今日嘅晚餐更加圓滿。…查看更多

星期一Monday blue，小妹約埋朋友想食個豐富嘅晚餐，於是揀咗呢間位於太古城附近工業大廈嘅餐廳。之前喺open rice見到好多好評，bookmark咗，今日啱啱在東區附近工作，決定約埋朋友嚟食個dinner ｡我同朋友一行兩人，叫咗2 個dinner set，dinner set 有湯+ 主菜+ 飲品。 1. 香煎帶子、乾貝、櫻花蝦XO醬寬蛋意粉(套餐價$212） - 帶子數量好多又大粒， 配合XO醬，令個意粉有濃郁嘅香味，好開胃。2. 香煎刺身級油金魚柳、大虎蝦配魚籽醬 （ 套餐價$222） - 魚柳份量好大，虎蝦煎得好靚，薯角十分脆口，配合埋個醬，非常好味。3. 南瓜湯 - 小妹本身好喜歡南瓜，個南瓜湯暖笠笠，質地又唔會太「傑」，作為前菜一流。4. 甜品- 最後發現原來set dinner 係有甜品送㗎，好驚喜。個甜品一啲都唔hea，朱古力tiramisu 加朱古力brownie，仲有生果同棉花糖伴碟，食埋就好滿足。呢個價錢可以食到噤多嘢，CP值極高，店員服務態度好好，等我下次可以約多幾個朋友一齊gathering， 試埋其他食物先…查看更多

喺openrice 搵到呢間多人讚嘅餐廳，就去食個lunch~lunch set 有前菜+主菜+飲品蕃茄牛肉湯🍲新鮮蕃茄加牛肉粒，酸甜開胃有營養，濃郁香口，暖心暖胃，冬天飲最適合了🍲泰式西瓜沙律🥗西瓜+沙律菜+花生+酸酸辣辣嘅汁。呢個汁真係勁開胃，食唔出係咩材料，好清新，好刺激。西瓜勁甜，冬天好耐無食過西瓜啦！爽呀！烤燒阿根廷牛扒（6安士）配薯菜（$168）牛扒外層焦香，内裏柔軟紅嫩，喜歡7成熟烤得剛剛好，肉質新鮮少肥而不膩🥩，不用醬料都好好味，配埋新鮮甜蕃薯同烤蔬菜🥗👍食得出塊肉好高質，烤菜亦都好有誠意呀！香草蜜糖燒法國春雞配薯菜 （$158）睇落細細隻，其實勁多肉！完美嘅火喉，岩岩好熟，滿滿嘅肉汁，連個胸都好多汁。配埋超甜小蕃薯同烤蔬菜。好飽好滿足！布朗尼原來有甜品！睇落好細粒，其實超足料勁實嘅BROWNIE~ 外脆内軟，微甜濃厚朱古力味很好吃🍫餐飲：LATTE （左）熱情果梳打（右）咖啡豆醇香無比入口絲滑，一點兒也不苦☕熱情果味夠哂濃郁，甜甜地好開胃好解渴🍹總括來講，午餐有咁多選擇，位置好方便，坐得舒服、好食又唔算貴。滿足～…查看更多

地方又大又通爽，食品種類超多嘅任飲任食！有我至愛的ASAHI啤酒！視乎揀邊隻牛肉啦，午市假日只係$178起！仲可以食到下晝４點！抵到喊🤣星期日嘅下午，朋友約埋去呢間性價比超高嘅任食邊爐！好在早啲去到，遲少少都要等位呀！湯底、肉類就用手機QR CODE 落單，而其他配料就自己出去拎～好多無諗過嘅配料都有呀！淨係前菜都咁多款～包飲品就係抵！本人超鐘意佢超廣飲品選擇！有酒無酒，甜唔甜，凍定熱、咩口味都有齊哂！更加重本包埋ASAHI 喜力日本酒清酒，啱哂酒鬼！勁多種類嘅丸！打邊爐一定要有丸呀！個雪櫃夠哂凍唔怕食物變壞～平時去打邊爐邊有咁多種類的菜食呀！連貴價雨衣甘藍、香港好少見嘅水蓮都有～😂😂😂😂😂正題係啲肉呀！打邊爐食肉靚唔靚，一食就知。啲牛肉有肉味，夠淋，有油香～落水拖一拖就食得～豬肉絕對比得上牛肉，肉味超香，又淋又滑，食到停唔到口，ALL IN！🤣墨魚滑都好推薦！ 食得出係啖啖墨魚肉~🤣食到飽到傻咗，不過甜品點都要食下！又係樣樣都想食，好煩惱呀！種類好多，樣樣細細件，樣樣都有得食～🤣🤣牛站打邊爐真心好抵食，200蚊有找，地方乾淨舒服，食物質素仲超級高超多種類。一定會再來多次！…查看更多

頭盤會送兩款餐包，一個係香脆嘅蒜蓉多士，一個好鬆軟係芝麻麵包仔，真係唔錯嘅餐包餐湯係南瓜蟹肉湯有好香濃嘅南瓜味，而且配有蟹肉嘅鮮味，加上少量忌廉令個湯更加香滑。另外叫左牛肉千層闊麵，牛肉係佔勁多份量，絕對唔係岀面加一層薄薄嘅牛肉就算，每一淡都係滿滿嘅牛肉。牛肉亦覺得唔會好煙韌，配埋芝士同蕃茄醬就唔會覺得好寡。西班牙黑毛豬嘅豬肉係非常之嫩滑，佢哋煮到豬肉裏面仲有少少粉紅色，咁先係熟得黎又嫩口。而且仲好juice添，配埋黑醋汁令人更加開胃，味道仲幾夾添。而且佢仲有脆口薯角同大大條菜做配菜，感覺有點fusion 菜，整體份量唔少👍🏻估唔到最後杯熱奶茶都唔惹小，奶味又足，茶香夠濃，唔洗加糖已經好好味～…查看更多

外賣叫左2款雞翼，外賣哥哥好快就送到來。摸落個袋熱辣辣，仲好香，點知。。。水牛城同蒜蓉巴馬臣芝士。兩隻個底都一樣，都係炸到好透，但完全冇入味嘅雞翼。雞翼感覺係無醃過就咁拎去炸，口感乾，冇咩肉汁，冇咩肉味。炸完放唔同口味上去，可惜冇融合到雞翼裡面，有汁還汁，肉還肉的感覺，入面仲要無味的。好古怪，水牛城汁太酸，蒜蓉巴馬臣芝士芝士無味，蒜蓉係生蒜，真係奇怪，就咁放生蒜上去，而冇製作無炒無炸無香味，而且生蒜食落去仲好辣好嗆，令到芝士完全發揮唔到。雞翼嚟到除咗仲係熱同熟之外，冇咩嘢可以讚到…查看更多

有時一個人食午餐，無人傾計有啲悶。既想享受屬於自己的時間，又怕悶。去貓貓CAFE就最適合。睇住貓貓走來走去、訓下、玩下、灘下，令生活充滿生氣，好治癒呀。講返正題，我要去食飯醫肚呀。午餐有湯、飲品、主菜，價錢70幾蚊起，仲有咁多貓貓招呼你，非常抵食啦餐湯係南瓜湯，香濃又足料，啖啖奶油味加埋好有誠意的多士條，有糖喺面，焗到脆卜卜，甜甜地。主菜有驚喜！真心好食！我就嗌咗 「香草豬排伴菠蘿莎莎」($93)豬排真心超JUICY！火喉岩岩好！煮豬肉都煮到岩岩熟！豬排常見的老鞋乾柴情況完全無出現！咪以為打卡餐廳就唔好食。真心高質啊。加埋用菠蘿煮的醬汁，酸酸甜甜，好夾好好食！真心推薦！飲品就嗌咗「芒果雲朵沙冰」（原價$59）嗌餐就補差價OK！天氣太熱好想飲凍野！呢杯沙冰真係太邪惡啦！勁大舊CREAM放喺面落足本！味道好清新，唔算甜，舒暢哂！有得玩下貓貓，打下卡，望住佢地走來走去，加上有冷氣，簡直係夏日好去處。消費又唔高，坐得都幾舒適，地方乾淨企理，值得再去呀！…查看更多

一入到餐廳已經聞到好香嘅雞煲味，上枱時會幫手撈勻雞煲，睇見都惹味。砍到一塊塊雞肉好方便食，食完就可以打邊爐了。胡椒豬肚湯底，好足料，濃味嘅胡椒味仲有好幾舊豬肚係湯入面，令到啲餸都可以索曬啲湯味，尤其食響鈴嘅時候，真係入哂味。火鍋套餐有3個揀，揀左個中等，但已經有安格斯牛板腱，安格斯封門牛柳，牛胸腹同鮮滑牛。仲有海鮮食，見到都已經覺得好豐富。安格斯牛板腱切得好薄，所以一滾就食得 唔會好韌。而安格斯封門牛柳就好有牛肉味，肉質都好嫩。仲有少少活海蜆味道都幾鮮甜而且爽口。除咗呢啲牛肉同海鮮之外，有自助餐枱，有好多唔同嘅菜同丸可以選擇。仲有野飲同雪糕可以隨便食，選擇夠哂豐富。…查看更多

有好多點心選擇而且係仼食！小籠包的皮度適中，但再薄啲更好，味道濃沃多汁 。鮮蝦燒賣大粒，咬落彈口，蝦肉豐滿和豬肉的比例恰到好處。鹹水角脆口，餡料多，外皮適中。食落不肥膩， 又再想食嘅感覺。 桂花杞子糕和椰汁糕屬於少甜，適合健康人士，前者嘅杞子大粒，而後者嘅椰汁糕質感嫩滑 ，但椰汁味唔算太濃。食完點心仲有高質火鍋海蝦大隻，食落爽口彈牙 。脆肉鯇魚咬落爽口，而且大細適中易入口 。而且仲有好多唔同嘅火鍋配料，肉丸咬落無氣根，味道正常，唔會有大驚喜。 支竹塊塊都幾大塊，唔係溶溶爛爛。喜愛食菜嘅朋友有好多選擇 ，每款望落都乾淨新鮮。仲有酒樓嘅經典糖水紅豆沙，味道啱啱好唔太甜，紅豆粒粒都好大，係煲到起沙架！…查看更多

叫左2個6餸石鍋麵，其中有啲餸都幾推薦下。。五香辣豬軟骨都幾大舊，軟骨亦煮得夠軟又有少少辣夠野味，所以都幾唔錯。。紅燒牛肚幾入味，唔會比湯底遮哂啲味道。十八怪照通炸醬會另外上一小碟，份量雖然少，但幾滋味。。鹵水腩肉煮到肉身好腍，味道都唔差。。封門牛柳肉質幾嫩口，而且可以自己決定煮幾耐，所以唔會變得太老，值得一試。。北海道帶子鮮味十足，唔會太煙韌。。醃仔蟹係全隻上枱，見到係一隻生蟹攞岀黎即場揭起蟹蓋，再斬開一件件，然後放入湯到煮熟。夠哂鮮味，如果蟹肉可再多啲就更好。湯底方面，一碗係極品蟹皇湯，另一碗係香辣金湯。極品蟹皇湯係可以飲到蟹嘅鮮味。而香辣金湯味道亦好唔錯，小小辣得嚟又唔會太過搶走湯原本嘅味道。另外我哋仲叫咗串燒韭菜同串燒燒豬腩片，味道都幾濃幾夠味，而且帶有少少辣，有街邊大排檔嘅味道。芒果凍頂烏龍茶係好大嘅一杯，夏天黎整返杯真係心身都舒暢。…查看更多

無論去食泰國菜定去泰式按摩，都要食下字加個泰字喺前面。呢間叫THAI HUNGRY嘅小店都一樣~　呢間小店位於黃埔新邨，好多食店嘅位置，好就腳！泰國食物夠重口味，我鐘意呀！同老闆傾咗幾句，佢介紹返泰式燒腩肉同埋鬼汁泰式粿粉。我見到個熊仔韭菜餃咁可愛又嗌一隻試下先~😋泰式燒腩肉 ($18)真係好香，超濃豬肉味，半肥瘦的五花腩煮到好入味，吉到一串串拎去烤，好香口好脆卜卜呀！仲有好多唔同種類串燒，$80有五串，即叫即燒好惹味～😋鬼汁泰國豬肉粿粉($50)本來都唔知咩係鬼汁，以為係杰杰的獻汁。點知原來係無味精豬骨湯底，個湯我真係飲咗好多都無口乾呀。加埋泰國風味潮州粿粉，有啲淺幼啲嘅腸粉，配料有脆肉（喂又係頭先好好食的燒五花腩呀），有幾件豬肚，鵪鶉蛋同肉餅。粿粉好滑又夠多，掛哂啲湯上去。啲配菜幾有趣，真係從來未食過咁樣嘅組合，未試過肉餅會放喺湯粉入面。唔錯唔錯。😋人氣韭菜小熊 ($18一粒，$50三粒）我真係從來未見過韭菜餃係熊仔樣！透明嘅皮入面差唔多全部都係韭菜，好少肉，我鐘意呀！夠哂濃香！雖然佢有咁多菜，食起上來都好飽，個皮好薄，外皮煙煙韌韌，又幾得意啊！…查看更多

入到一間望落細細的Cafe，見到Menu好細心咁分好哂種類，158蚊套餐可以選擇哂前菜正餐同甜品，自己揀就最開心。好快就上左碗牛肝菌湯，熬湯出黎嘅味道好濃厚，比我想像中更加出到牛肝菌嘅味道，而且仲加左少少忌廉係湯面，令口感更加滑。作為一碗前菜嘅湯佢都算係大碗，而且咁好味真係好滿足。另外仲有杯橙汁凍飲，飲完鹹野又可以飲甜野，之後仲有主菜食😁鴨胸肉煮得好唔錯，外皮有少少脆，肉質好嫩，做到有脆又嫩嘅口感。就咁食都唔係好覺得好肥膩，而且本身塊鴨胸就已經加左少許孜然粉，再加上佢哋用心調出黎嘅紅酒藍莓醬，味道就更加豐富，突顯左鴨胸肉嘅味道之餘唔會比孜然同紅酒藍莓醬嘅味道搶咗。不過呢碟係配薯菜，要考慮返自己嘅食量，對於我來講就剛好，如果想食得飽啲可以選擇其他款式。最後佢服務態度真係好好👍🏻，好有禮貌之餘亦都會準備暖水比客人，周不時配合食客嘅情況而去上菜，會好細心咁準備妥當。…查看更多