manmans38的個人專頁

個個都話北上消費, 我就留返響香港支持小店, 葵芳新都會廣場多數都係連鎖店餐廳, 所以我就行左去小區果邊搵野食.行來行去見呢間泰國菜都幾多人, 而且openrice都多食評, 一於試下先.睇餐牌好多選擇, 諗來諗去唔知食咩, 店員就推介呢度既招牌菜芒果絲脆炸鱸魚, 佢話係將D魚肉起左再炸, 起左肉又幾好, 起碼唔驚太多骨.外皮炸得好脆口, 唔油膩, 魚肉仍然保持嫩滑肉質, 上面有D酸酸甜甜既汁, 仲加埋芒果絲, 夠晒開胃, 果然係招牌菜, 無介紹錯.食泰國菜又點少得碳燒豬頸肉, 外皮燒得剛剛好, 帶少少微焦, 特別香口.  但係肉質仲係保持到軟嫩, 仲好Juicy. 而且每片豬頸肉都唔會切到好薄, 咬落有口感.另外仲有特飲, 我見呢度好多款沙冰同泰色飲品選擇, 要左個鮮芒果沙冰.好大杯真材實料, 芒果味夠濃, 唔係溝水既, 沙冰打得剛剛好, 唔會有好多大大粒既冰.…查看更多

香港食肆最近執左好多, 眼見好味既餐廳越黎越小, 為左支持下佢地, 假日都唔北上, 留返香港同朋友聚舊打邊爐.因為呢帶好濕, 所以湯底要左個胡椒豬骨煲, 飲左幾啖湯, 胡椒味濃帶微微胡椒既辣, 好開胃, 啱晒潮濕天氣, 驅下濕, 連個胃都舒服左.另外湯底既豬骨好足料, 豬骨每舊都好大, 可以食埋豬骨入面既精髓.黑牛柏葉, 唔係好多地方有, 份量足, 入口新鮮爽口.手打墨魚滑, 打得好膠身, 食落特別彈牙, 好鮮墨魚味.雙拼雲吞韭菜餃, 好大隻, 餡料豐富, 食到新鮮既韭菜香味.仲有白魚蛋同蟹柳, 都係份量足, 蟹柳吸收晒胡椒豬骨既味道, 更加好味.…查看更多

無得旅行就留港消費吧, 去黃竹坑呢個新商場閒逛, 開既鋪頭唔算好多, 食肆有幾間, 呢間皇后最多人, 等左一陣先入得.餐廳環境夠寬敞, 坐位舒適, 感覺好relax. 燒羊肉骨扒配青豆蓉烤薯仔蘑菇, 羊肉骨扒脂肪平均, 肉質唔會太乾, 夠軟腍. 青豆蓉夠特別, 入口又唔覺淡味, 感覺好健康, 夠清新, 解左肉既飽濟感.西冷牛扒配薯條, 七成熟恰到好處, 雖然牛扒都比較厚, 但係肉質一樣保持到軟腍, 而且肉汁豐富好juicy.薯條即炸夠香脆, 雖然熱氣但令人越食越想食.加埋周打魚湯夠creamy, 湯夠濃郁, 材料豐富, 飲完好暖胃.…查看更多

放假出市中心行街, 多數人都會響市廣場果邊搵食, 不過其實北翼呢邊都有好多餐廳, 各式各樣平貴都有, 而且仲唔洗等咁耐位.我地揀左呢間日式拉麵, 價錢唔貴, 除左麵仲有飯可以選擇.朋友要左糖心蛋鰻魚飯, 鰻魚份量適中, 無骨可以好放心咁食, 日式珍珠米配上鰻魚汁甜甜地最啱送飯. 個糖心蛋亦夠晒流心.我就要左白武士櫻花蝦豚骨拉麵, 先飲一下個拉麵湯底, 好濃郁既豬骨味, 夠清唔油膩. 加埋D櫻花蝦一齊飲, 仲帶有蝦既咸鮮香味.拉麵係粗身既拉麵, 口感特別彈牙爽口, 唔會煮得太腍. 日式义燒唔肥, 入口即溶, 唔會太乾, 而且厚薄適中.…查看更多

年底時間要盤點, 又要趕報告, 所以每餐都係快手食外賣.呢間係我近期至愛既外賣熱點, 一來有奶茶咖啡, 二來幾餸飯款式多, 每日揀唔同既餸都有排揀.因為佢既份量算多, 所以我一個人要兩餸就夠晒飽.要個魚香茄子, 茄子煮得夠腍, 但又唔係一夾就散, 夠入味. 肉碎都幾多, 而且個汁唔辣.仲有叔叔至愛咸蛋蒸肉餅, 肉質唔乾, 肥瘦各半所以食落夠軟腍. 味道唔太咸, 感覺健康D.整體呢度既味道唔會好濃, 食完無口乾.…查看更多

跟同事午餐, 附近既韓國餐, 西餐真係食到好悶, 大家正在苦惱既時候, 其中一位提議去飲茶, 點心可以share食, 呢個建議唔錯, 所以未夠鐘已經叫定同事去攞位開茶.飲茶點心黎不開蝦餃燒賣, 但呢度都有D特式點心, 一於叫黎試下.黃金天鵝賣相好靚, 天鵝身炸得好似, 有D唔捨得食, 不過都係忍心一啖咬開佢.外皮炸得夠脆, 好鬆化, 唔覺油膩, 里面係芋角餡料, 份量適中, 食完唔會太濟.另外仲有豬籠入水, 係豬仔做型既奶黃包, 賣相夠得意.個包好鬆軟, 皮唔會好厚, 奶黃帶點流沙, 唔算好甜, 食一個剛剛好.因為呢間餐廳晚市係做蒸氣鍋, 所以其他點心都係即叫即蒸, 樣樣都熱辣辣, 新鮮出爐特別好食.…查看更多

平時好少黎科學園, 因為想視察下隔離既新樓, 所以特別過黎行下. 星期六日好多踏單車或散步既途人, 不過地方好多, 唔會覺得擠迫. 餐廳都幾多種類, 口味, 唔錯.入左呢間日本野, 都好多人, 不過坐位好多, 唔洗等.午餐主要係定食之類, 我要左火炙三式丼, 可以食到魚生之餘, 又唔怕太生肚痛.三式有帶子, 油甘魚, 左口魚, 三樣我都鍾意.左口魚唔係度度有, 食落好爽口, 味道夠鮮. 帶子大大粒, 夠肥夠厚, 入口特別滿足, 好鮮甜. 油甘魚腩, 夠晒肥美, 油脂特別豐富, 但唔覺油膩, 個魚皮燒到燶燶地脆脆地, 特別香口.飯底係珍珠米, 一粒一粒, 不經不覺已經扒晒入口.…查看更多

陰天落雨既天氣真係令人懶惰, 好唔想煮住家飯既一晚, 黎左靚煲皇食小菜, 夏天食小菜開胃D無咁膩.要左款新野, 黑松露墨魚餅, 墨魚膠打得夠均勻, 一塊塊厚薄大細適中, 咬落特別彈牙, 外表煎至金黃色, 黑松露味好香, 仲有D一粒粒既墨魚, 有咬口. 覺得唔夠味仲可以點沙律醬,所以呢款小菜好開胃.家鄉腐皮卷, 外表又係香口野, 唔好諗住個腐皮吸晒D油好肥膩, 但實際係好乾身脆口, 入面包左D肉碎, 厚實飽滿, 食落個皮仲索索聲, 好好味.…查看更多

為了對自己好一點, 約了好友到銅鑼灣這家專門的日本菜, 這裡可以選廚師發板的日本料理, 或鐵板燒, 今次我們選了後者.揀選了伊勢海老鐵板燒餐, 前菜, 主菜, 甜品等合共八樣食品.最吸引的主菜是海膽汁煮龍蝦, 龍蝦肉厚且有質感, 很飽滿, 入口爽彈, 非常新鮮, 海膽汁濃且入味, 兩種都很鮮, 一點腥的感覺也沒有.還有熊本和牛配啡蘑茄子, 和牛入口即溶, 油花充足, 但不覺膩, 肉味濃香, 再配搭蒜片, 胡椒海鹽等, 又是另一番味道.汁煮白鱈魚肉質嫩滑細膩, 一溜入口, 廚師處理至沒有骨, 而甜甜的洋蔥汁配搭, 帶上鱈魚的鮮甜.奶油白露荀是當天的特別料理, 下次再來未必一樣了, 所以要細意品嚐. 白露荀很爽口的, 奶油濃稠度很好, 剛剛掛在每條露荀上, 味道不算很奶味, 易入口.其他還有和牛炒飯, 米是日本產的米, 一粒一粒炒得不油膩. 甜品是日本來的士多啤梨, 大大粒很飽滿, 色澤紅潤, 士多啤梨味濃郁, 食落清甜.特別一提是這次為我們主理的是位女鐵板廚師, 她很用心, 每個菜式也放置得如藝術品般, 而且味道也十分配合我們的口味.…查看更多

新年提早收爐, 放假出街辨年貨, 四處都係人人人, 大家都忙著過年, 所以午餐都係隨便食碗麵算吧.車仔麵選擇性較多, 就算揀2餸都唔會比人黑面. 不過黎到又覺得樣樣餸都想食, 所以要左豬手+豬紅+魚皮餃蕃茄湯米線.魚皮餃有好多粒, 個皮幾薄, 餡料足豐滿, 就算係咪自家包, 我都覺得呢個餃好味. 豬紅好滑, 咬落爽爽地, QQ地, 有口感.主菜仲有豬手, 大大舊呢啱晒口味, 個肉煮得好腍, 但又唔係一食就散, 味道夠唔會太咸.D米線好爽口, 唔會太腍過左火, 整體D餸都幾多, 唔會唔夠飽.…查看更多

冬天最啱對住個火爐, 所以今晚約埋個朋友一齊食雞煲.想刺激一下要左麻辣雞煲, 個煲一黎到已經聞到好香既麻香味,滾熱之後炒下佢, D花椒八角既香味更加溢出, 令人食指大動.雞肉件件都夠晒豐滿肥美, 咬落肉質滑溜, 鮮嫩. 麻味夠香, 食完會留住響口腔, 但感覺又唔算好辣, 好易入口, 呢個辣度令人好開胃.食到咁上下加左胡椒豬肚, 豬肚唔係度度都有. 呢度既豬肚洗我夠乾淨, 無怪味. 豬肚好爽口, 唔會太腍, 滾耐D入晒D麻辣味仲好味.…查看更多

朋友歐遊完比手信, 近近地去左佢屋企附近既餐廳食晚飯, 見呢間評價唔錯, 一定試下.主菜要左西班牙黑毛豬扒, 份量非常十足. 黑毛豬扒微微煎香, 配上簡單調味, 已夠惹味, 而且肉味夠濃, 帶少少油香, 口感豐富. 雖然係豬扒, 但肉質一D都唔韌, 夠軟腍, 烹調用心, 唔會求其煎熟佢就算數.朋友雖然去完歐洲, 但仍對法式甜品念念不忘, 所以要多個法式梳乎厘, 即整所以時間會耐少少. 梳乎厘焗到好漲卜卜, 唔會太濃, 質感夠Q. 一食入口好滑溜, 夠蛋白香, 唔算太甜, 感覺無咁易漏.整體每種食物都唔錯, 下次會再黎.…查看更多

新一年加左人工, 一於帶爸媽食好野, 老人家都係鍾意食中菜, 網上睇到呢間中菜新潮D, 一於帶佢地黎. 地點好方便, 西鐵一上行5分鐘就到. 環境大, 坐得夠舒服, 唔會枱貼枱.芝士龍蝦伏麵, 龍蝦好大隻, 肉質彈牙, 夠晒肥美啖啖肉, 濃濃既龍蝦鮮甜味.伊麵底份量都幾多, 3個人都夠食, 麵質夠彈牙. 芝士多但味唔算太濃, 唔會搶左龍蝦既味道.雀巢帶子西蘭花賣相靚, 平時D雀巢多數響底, 呢個放旁邊唔會整到腍晒, 食落仲夠脆口. 帶子彈牙, 粒粒都幾大粒, 西蘭花翠綠新鮮, 整體味道唔會太濃.豆腐羹, 足料唔會太稀, 味道剛剛好, 滑溜既豆腐加D蝦粒, 魚肚粒, 食完無口乾.服務同環境一流, 唔算太貴, 下次做節會再黎.…查看更多

好耐無黎九龍城, 仲係咁多泰國餐廳, 是但搵間食午餐.呢間午市套餐有河粉或金邊粉, 飯類就有海南雞飯, 咖哩飯之類, 選擇都多, 而且套餐可配特飲.要個冬蔭功雞翼河粉, 份量不算少, 有3隻雞翼, 雞翼外表炸過, 個皮就算浸過湯, 仍然帶少少脆, 內里肉質軟滑.冬蔭功湯頭唔算太辣, 少少酸, 唔油膩, 好易入口, 好開胃. 而且里面仲有好多菇, 蕃茄仔, 香茅等配菜, 更加好味.至於個河粉好滑溜, 好爽口, 唔會太重麵粉味, 唔易浸淋.跟餐要左龍眼冰, 好多粒龍冰, 食落好清甜, 而飲品亦好濃香龍眼味.一路食都幾多人, 除左本地人, 仲見外國人同日本人黎幫趁.…查看更多

跟老人家食飯無咩可以選擇, 問佢地實話食飯得架喇, 飯係一樣, 不過配搭就有好多, 係西式定中式.為左安心放心一點, 都係選擇中菜. 呢間中菜館晚市都唔洗加一, 變相慳左茶錢.菜式都幾新鮮, 有涼伴小食, 有廣東小菜, 又有燒味, 海鮮等等, 種類幾多.海鮮優惠套餐有3-4款海鮮配搭而且冬天有羊腩煲, 糯米飯, 炒臘味, 仲有好多款小菜推介 食得簡單D要個味苑小炒王, 好多配料炒埋一齊, 有西芹, 魷魚, 大蝦, 菜鋪, 腰果等等.蝦同魷魚都夠爽口, 味道適中, 加左菜鋪都唔會太咸, 有鑊氣但唔油膩.諗唔到其他所以要燒味雙併, 义燒夠嫩, 唔會燒到又硬又乾, 肉汁保持, 味道亦唔會太淡.燒腩仔唔肥偏瘦, 不過咬落又唔會好乾, D肉好嫩, 而個皮亦夠晒脆卜卜, 好香口.下個月做節可以再黎試下圍餐, 唔洗成日去酒樓食咁悶.…查看更多