ClemWan的个人专页

疫情嚴重，叫外賣最着數，韓味屋價錢合理，味道又好，食咗幾次，覺得要寫個好評俾佢。雖然叫外賣，運到黎仲熱辣辣，值得嘉許。講返味道，石鍋飯一定要試，雖然外賣，但老闆有將飯焦 but 埋落個外賣兜度，我哋個個都食得好開心，外賣有飯焦，真係非常之細心。之前食過辣炒年糕，今次試吓宮廷炒年糕，味道一般，強烈建議大家食返傳統辣年糕，好好味。炒粉絲是必食首選，加埋D海鮮，啲蝦大大隻，賣相已經好吸引，外賣送到理仲熱辣辣，唔會黐埋一劈，值得再贊。盒炸雞好大好多，減價後都係百幾蚊，大家記住要試。叫餐每一樣野都會送韓式前菜三樣，見到老闆好有心思，樣樣都好好食，大家可以全部嘢都試吓。…查看更多

食咗幾廿次，終於忍唔住要寫「正評」比佢！優質餐廳👍🏻👍🏻👍🏻一般都係食午飯套餐，大件夾抵食，二人餐可以三人食；四人餐夠五人享用，優！👍🏻冷盤必食海哲頭，好大碟，海哲爽，麻油味濃，未試過失準。雞絲粉皮有一堆青瓜絲係面，100%視覺衝激，加埋香濃花生漿，粉皮滑入口，嘩！雞絲就少咗DD，但唔椱口，肴肉果D啫喱無得頂，推介！小籠包就一般少少。主菜好多選擇，會成日叫酸甜魚柳，魚柳一般，但貪佢有菠蘿，賣飛佛，宮保雞丁屋企唔會整，怕洗鑊，所以都要叫；豆腐有兩、三款，但紅燒豆腐最正，豆腐內裡香滑。個餐可以配菜飯，必選，另外兩款湯或豆漿三選一，三樣嘢都唔差，酸辣湯足料；粟米魚肚湯有少少「🐟肚」；最正係豆漿，有豆香而且唔太甜。好戲在後頭，必送甜品：桂花洒釀小丸子，酒味煮過之後好香甜，加埋桂花，perfect match，小丸子好有咬口！正。…查看更多

朋友生日，大家知道這間舖頭啲青口好正，結果冇揀錯。1:30就坐，首先會問你要sparkling Water定Stillwater👍🏻👍🏻😀good.四個人，叫咗四個餐，第一個是blue 芝士青口，第二個係柚子青口，另外叫咗個三文魚pasta，再加多咗個steak 👏🏻👏🏻👏🏻。兩個青口都好好食，雖然細細粒，但係好鮮味，而且青口質感好煙靭，好有咬口👍🏻👍🏻意粉同埋個牛扒都中上水平，牛肉都好嫩，非常容易入口。四個餐我哋都加咗餐湯，南瓜湯煮得好龍傑，味道濃郁，沙律菜一般，反而綠茶雪糕都幾好，咖啡就有啲失望，唔係好熱，只不過輕微溫暖，希望可以這方面加以改善。:)…查看更多

本來想去素年，但係太多人，改去這裏食扒餐，個感覺都唔錯。侍應招呼都好周到，卡位闊落，最後揀咗三個鐵板餐， A項：雞扒、豬扒、牛扒或者B項：魚、蝦、司話力腸，可以各揀一樣嘢，我哋嗌左兩個豬扒、一個雞扒然後再加司華力腸、蝦🦐同埋魚。鐵板餐可以改酥皮湯，我哋要咗兩個。豬扒唔錯，而且份量好足，雞扒就鹹咗少少，另外，雖然隻蝦好細，但都好新鮮，魚就差咗少少，好明顯係急凍鯰魚。反而酥皮湯有驚喜，可能好耐冇飲過，覺得味道好，足料。三個餐都送甜品，可以選擇雪糕和啫喱，我會建議大家揀啫喱，味道好好，雪糕感覺好似雪咗一千年咁，食咗兩啖就放棄。百零蚊食個鐵板餐，唔係連鎖快餐店，喺現今香港，已經唔算貴，當支持下本地西餐廳，買少見少了🙏🏻🙂…查看更多

四個人都打晒兩針，有人話這間餐廳食飯可以打針有七折，當然要試吓，果然有驚喜。朋友兩年半前試過，嗰陣時好難訂位，但近期疫情，比較容易搵位👍🏻😃餐牌有個四人餐，$1200，我哋覺得好吸引，決定叫咗佢。頭盤有四款揀兩個，揀咗蔬菜沙律，醬汁係熱情果加芒果汁，好開胃，值得推介，主菜可以三揀一，有海鮮、腸仔、雜扒，我哋揀咗雜扒，果然冇失望，雖然都知道係雪藏肉，但整得唔錯。之後可以揀多兩樣飯或意粉，我哋選咗素菜意大利飯，和素玉蕃茄意粉，當中知意大利飯做得最好，大家可以試吓，雖然冇肉，但反而食落去冇咁膩。最後就係重點⋯⋯甜品拼盤，食得出有少少雪味，我哋估係下午茶做完之後放落雪櫃，然之後晚餐再送上，個人覺得冇問題，但可以考慮搵方法令雪味冇咁重，否則浪費咗咁靚嘅甜品埋上，咁就100分了。最後仲要讚下員工態度，充滿熱誠，非常落力，如果間間食肆都有呢啲員工，香港飲食業肯定大放異彩。…查看更多

朋友準備移民英國，佢哋都喜歡食日本嘢，而且未試過一齊試居酒屋，見到這店評語唔錯，揀咗尖沙咀棉登徑黑門水產。最好味係鰻魚雞蛋卷，食咗兩客，個蛋整得好軟滑，鰻魚都好juicy，另外亦都試咗加州反卷，都係非常一般。雖然好多嘢都比較一般，但反幾款燒烤有驚喜，$388一個海鮮拼盤唔算貴，有兩隻鮮鮑魚，兩隻好大的生蠔，兩兜顯蜆，兩隻帆立貝，值得推介。最後加多左一隻魷魚，店員非常專業，燒得好好，服務周到。甜品叫咗兩個焦糖哈密瓜，我覺得係亮點，大家如果到訪不妨試吓。😙…查看更多

見到網上都有啲好評，就諗住試吓，結果好失望。食中午自助餐，由於返工放晏晝遲咗，去到已經1:00pm, 食物counter好散，走來走去都唔見咗10分鐘。食物完全冇驚喜，都係啲雞、鴨、鵝，然之後炒菜、熱葷10個八個，有少少日本嘢同刺身，好唔掂，完全冇味，之後又有天婦羅，但係炸得好難食，好硬，都有海鮮、生蠔等等，雖然衛生唔錯，不過啲都唔好食，好似雪咗一千年咁樣。加埋一，三百幾，我覺得比多一、二百$20，去第二間會食得開心好多。…查看更多

冇得去日本旅行，就係香港試吓omakase，我唔到有意外驚喜。一定要講吓間餐廳個景，上個維港見晒，冇得頂，嗌咗個千幾蚊嘅餐，廚師話個沙律汁由佢哋自己整，沙律蔬菜新鮮，我沙律汁好味到不得了。然之後就係生蠔同鮑魚，我北海道鮑魚手掌咁大，鮑魚用汁煮凍食，又淋又好味。之後就係不同裏面嘅刺身，全部日本運送，好味到不得了，最厲害係件手掌咁大嘅拖羅，加上魚子醬再用紫蘇葉包住，食落口唔會太過油膩，好味到想再食多一件。之後就係有五款壽司，廚師細心講解每件嘅特色同埋點樣去食，好專業，值得嘉許。甜品係生果雪葩，我哋試唒菠蘿、椰子、同埋柚子，估唔到有意外驚喜，同啲壽司和刺身一樣咁好味，值得推介的日本店…查看更多

同朋友好耐冇見，佢哋又食素，揀咗呢間餐廳。首先點咗幾杯特色果汁，材料非常新鮮，冇任何添加，非常好。之後嗌左幾張車，當中包括有兩個土耳其卷：一個係精選，另外一個係雜菜，我哋揀咗veggie cheese，所以味道係淡咗少少，但味道好清新。另外叫一個Pizza，好多材料，味道好好👍🏻再加上一個松露意粉，一上菜已經好香，食落去發覺佢嘅意粉軟硬都好適中。仲試咗一個餡餅，一個黃薑飯，全部都好好味，係一間好值得試嘅素食餐廳，高度推介。睇返評論，我覺得好多人誤解左老闆，佢係有心做餐廳的，而且都好有心做素食，不過大家好奇怪咁希望佢係一個公關高手！大家可能放錯重點了😉…查看更多

終於完咗二人限聚，立即搵間餐廳四個人食下飯，朋友住大埔，所以揀咗呢一間。點餐要出去部機器度選擇，好彩有職員幫手，首先叫一個A5和牛二人餐，五百幾蚊，再嗌左一個海蝦餐， $400左右。兩個餐啲肉好快送上，再加埋兩發熱辣辣嘅石板，視覺上非常吸引，餐廳最入邊有自助沙律、白飯、麵豉湯和醬汁。雖然知道啲和牛係一般貨色，但咁嘅價錢已經非常超值，黑毛豬啲肉都幾林，兩隻海蝦就普通咗少少，但最好味嘅竟然係自助沙律，尤其是係薯仔沙律，我食咗三碗。值得再試一次嘅餐廳，我會推介。…查看更多

其實之前經過幾次，都好多人排隊，估計應該好食，由於今天放晏咗， 1:30先到餐廳，難得午市唔使排隊，一定要試吓。有四至五個天婦羅定食，大約都係$100 ，都中上價錢，不過外貌好靚，應該都好食。除此之外，可以自行組合，素菜天婦羅一件大概$14，肉食天婦羅一件$18，至少要嗌四件，價錢合理。我決定食素菜天婦羅定食， $88 ，未計+1 ，所有素菜天婦羅都炸得啱啱好，唔會好厚粉，溫度不會過熱，試得出係優質食油炸物，揀咗配烏冬，啲烏冬都好有咬口，湯底唔錯，另外加上漬物：蘿蔔加秋葵，味道都好清新，成個午餐都好好，唯一要改善係男經理態度，其實我嚟食嘢，你唔使下下都喝我嘅，咁勞氣做乜？…查看更多

朋友建議到海運大廈dinner，之前試過一次塚田，食完後唔記得寫食評，所以再食一次。 得三個人，唔可以叫太多野，但點都要食美人鍋，個骨膠原湯底唔錯，配料有雞件同埋四粒豬肉丸，另加一大盤新鮮蔬菜，侍應叫我哋首先試吓湯底，之後先至好用嚟淥嘢，最後證明，未淥過嘢嘅湯底最好，因為最後個湯會變得好鹹🤪另外仲叫咗個牛油果蟹肉沙律，比較一般，仲加咗個炸蝦反卷，都係好一般，叫咗個酥炸魷魚，亦都係好一般。我估應該係叫錯咗野。…查看更多

舊同學約食晚飯，話試過這間海鮮酒家好味，就試吓。門面好細，位置又唔起眼，咁樣最實際。言歸正傳，講食物，第一樣試咗鹽水鳳爪，已經覺得好好味，跟住叫咗好多種海鮮，當中包括：椒鹽癩尿蝦、豉油王蝦碌、粉絲蒸扇貝、果皮蒸鮑魚仔、清蒸紅杉班、椒鹽鮮魷、雜錦海鮮湯、豆腐粒，但樣樣都唔及冰鎮酸甜骨咁正，如果大家利是，一定要叫。其實唔使一定要去布袋澳或者長洲，九龍城都有好海鮮食。…查看更多

和朋友在又一城行街，行到攰攰地，入咗模印，雖然見到好多人等Wai食下午茶，但大家都想試吓，就攞飛等。等左差不多25分鐘，終於入座。其實有好多空位，可能疫情關係，好多張枱都唔俾人坐。叫咗兩個下午茶蛋糕套餐，香橙朱古力蛋糕好味過綠茶芝士蛋糕，跟餐琉球紅茶唔錯。仲有一個三文治跟薯條下午茶套餐，薯條由原隻薯仔切條炸成，係成個下午茶最好味嘅食物，值得一讚。如果行開不妨試吓無印餐廳，但特登要等成半個鐘就唔係好值。…查看更多

本來想去佐敦 Eaton 逸東軒，預早一個禮拜訂都冇位，朋友推介灣仔明閣。好！就試吓。叫咗個頭盤，四款唔同味嘅海蜇同埋一個鮑魚，幾好味😋。主菜試咗佢最出名嘅黑豚肉，仲有杏汁莧菜，仲試咗個蝦，同埋蝦子油皮......樣樣都做得唔錯，非常精美，這樣的價錢，做出恰如其分的味道，可以一試。甜品係桃膠薑汁奶凍，這個是全晚最精彩部份，薑味同奶味夾得啱啱好，Good! …查看更多